日本護唇膏 推薦好用產品

Chloeincosme好用推薦：Curel 保濕潤唇膏 🤍 係日本藥妝店睇到話專為敏感乾燥唇部設計，一試愛上！ #轉季 及 #換季 必備 🤍 保濕修護：5/5 成分簡單溫和，冇香料色素，唇部脫皮時厚敷過夜，第二朝死皮自動脫落，即時回復柔軟～ 🤍 質地吸收：4.5/5 偏乳液狀膏體，推開化水唔油膩，吸收後有層薄薄保護膜，唔會黐頭髮～ 🤍 溫和度：5/5 試過唇炎發作期間用都零刺激，仲有舒緩效果，真正做到「修護型潤唇膏」～ 🤍 妝前打底：4/5 薄搽一層等吸收再上唇膏，有效防止卡紋，但又唔會過潤影響啞光唇膏顯色～ 總結： Curel呢支潤唇膏絕對係敏感唇恩物！修護力強得嚟質地舒服，已經取代咗我常用嘅潤唇產品～會無限回購！推薦比經常唇乾、敏感，甚至受唇炎困擾嘅你！

Viannie好用推薦：敏感肌護膚品老牌子，佢嘅潤唇膏都好唔錯，無色無香料，質地偏厚及黏，我會用黎夜晚瞓覺前厚搽，第二朝個嘴都唔乾，好用！

Kathy Wai好用推薦：DHC橄欖潤唇膏測評💄 有冇姐妹同我一樣，一年四季個嘴唇都乾到爆拆、搽極潤唇膏都無感？最近試咗DHC個支『神級潤唇膏』，網上吹到好大，等我實測同你哋拆解下！ （包裝＆質地） 「首先講下包裝，粉橙色簡約風，細細支啱晒放喺細袋。扭開係斜cut設計，貼住唇形一搽就滑到落尾——質地偏軟糯，冇Vaseline咁油淋淋，但比Burt‘s Bees更易推開！敏感唇一掂就化開，有陣淡淡橄欖油味，唔會香到打乞嚏～」 （實測場景） 「噚日故意唔打底，乾唇直接上： 💄上嘴即時：裂紋即刻『隱形』，好似飲咗成杯水！ ☕飲咖啡後：甩咗少少色，但仲keep到5成滋潤，冇起白皮。 🌙過夜測試：厚敷瞓覺，朝早醒來仲有層薄薄保護膜，用紙巾輕印就甩，冇拉扯唇皮～」 （優缺點總結） 「✅優點：無味無添加，敏感唇救星！妝前打底超貼唇釉，死皮即刻馴晒。 ❌缺點：細支到喊（1.5g成$50），轉多兩下就見底；天氣熱會溶軟，放褲袋易變形…」 評分（滿分5星） · 滋潤度：★★★★☆（即時補水滿分，但持久度略輸蘭芝唇膜） · 清爽度：★★★★★（零油膜感，唔怕黏頭髮！） · 包裝便攜度：★★★☆☆（細支但易溶，夏天扣一分）

FishFish好用推薦：今日同大家分享吓DHC呢支王牌潤唇膏嘅使用心得啦！ 基本介紹 DHC呢支潤唇膏全名叫「DHC橄欖護唇膏」，主要成分係橄欖精華油，無香料無色素，日本製造，好多人都話係「國民潤唇膏」。 質地篇 佢係淡黃色半透明固體，一塗上去即刻融化，好似有一層油包住嘴唇咁。好滑、好順，唔使用力捽。但注意：佢唔係啞光，係有少少油亮感，鍾意玻璃唇效果嘅朋友會好開心。 滋潤度篇 滋潤力真係好強！就算冬天嘴唇乾到裂、流血，臨瞓前厚塗一層，第二朝起身會見到死皮軟化咗，輕輕捽甩，嘴唇變返嫩滑。補塗頻率都低，飲水食嘢之後都仲keep到。 適合邊啲人？ · 極乾燥、成日爆拆嘅嘴唇 · 夜晚當唇膜用 · 搽霧面唇膏前打底（等一陣再印走多餘油份） 唔太適合嘅情況 · 如果你追求清爽、完全唔黏，呢支你會覺得「油」咗啲 · 夏天放喺褲袋好容易融，要小心 · 價錢以開架嚟講偏貴（約$50/1.5g），好快用完一枝 總評分：8/10 滋潤修復滿分，但扣分位係油感重同用得快。建議趁@cosme或log-on套裝入手，或者去日本旅行嗰陣大手入貨，嗰邊平好多！ 小貼士：塗之前輕輕用熱水濕潤嘴唇，再上DHC潤唇膏，鎖水效果會

Ming好用推薦：近江兄弟薄荷潤唇膏，搽上嘴即刻有陣清涼感，好舒服，保濕力好好。 我主要係夜晚瞓覺用，滋潤嘴唇。 薄荷味唔會太重，聞落清新，搽完嘴唇即刻覺得滋潤咗，唔會笠或者油膩。 Made in Thailand 價格超親民👍🏻

yykk88好用推薦：2025都一直要無張回購既當然唔少得呵護靚靚嘴仔既潤唇膏啦！無論春夏秋冬都一定要用佢！隨時隨地袋係身用！少啲唇紋，用唇膏就更加上色啦！

Jjccaa好用推薦：非常之潤，係好乾嘅天氣下用係非常好 夏天就有啲over 除非個嘴成日列

Kcauandy好用推薦：呢枝我真係推爆！想當年我搽咗某牌嘅潤唇膏之後就突然開始變咗敏感肌🥲之後搽任何潤唇膏/唇膏都會好痕又會紅腫，直至我遇到佢🥹真係拯救咗我！平時feel到乾/痕/想發炎就會搽，好快就會有明顯改善🫡平時搽唇膏前都會用佢打底～而家keep住用咗兩年幾，個嘴唇都慢慢冇以前咁易敏感🥹會一直用落去！

Jasmine Yuen好用推薦： 1. 顏色選擇多樣：有多款色號可供選擇，我選擇了08 Mode Pink，用後提亮了唇色 2. 味道怡人：這款唇膏有淡淡的果香味道 3. 質地輕盈：這款唇膏的質地輕盈柔滑，能夠輕易地塗抹在唇部，不會有厚重或黏膩的感覺，讓唇部看起來更加自然。 4. 保濕效果持久：含有保濕成分，能夠為唇部提供長時間的保濕效果，減少唇部乾燥脫皮的問題。 5. 有SPF8, PA+ ，咀唇都要防曬😄

Noel好用推薦：個人很推薦 Kate 這枝 CC Lip Cream，初時會以為是調色唇膏，因為叫CC 嘛！(誤) 由於個人唇色較深，不能選太淡色的色號，只能買這枝 #01 Beat Red ，亦回購了1次❣ 顏色如果單單由膏體判斷，會以為很紅很鮮豔，不過這枝有色護唇產品，係 sheer finish，顏色很淡啊～ 要注意：唇膏帶有2成左右顯色度，沒有唇色遮蓋力❗塗抹很順暢，可以為雙唇即時提升血色感，自然又精神👍 滋潤感不俗，單塗或者作為唇膏打底都很合適👄 顯色 🌟🌟🌟🌟🌟 (有色護唇膏而言，不錯) 光澤 🌟🌟🌟🌟🌟🌟 滋潤 🌟🌟🌟🌟🌟 持久 🌟🌟🌟🌟 價格 🌟🌟🌟🌟🌟🌟🌟

Sakura醬好用推薦：換季好物｜日本FANCL保濕補水潤唇膏 每到換季嘅時候，又係對皮膚同嘴唇嘅一大挑戰！好彩我有FANCL呢支潤唇膏！ 真係好好用！真係乾唇嘅福音～我係嗰種每日都要搽潤唇膏嘅人，一日唔搽嘴唇就會乾到甩皮！之前買過好多款唇膏都唔夠潤，之後經其他姐妹推薦呢支，真係正到爆！滋潤得嚟又唔會甩皮！ 佢質地潤而不油，滋潤不油膩，可以當唇膜/口紅打底。含有維他命E，鎖水保濕，可淡化唇紋，改善唇部粗糙~真的很贊！最重要佢係無色無味天然無添加！孕婦哺乳期兒童都可以用！ 乾唇們嘅救星～需要滋潤款嘅可以揀呢支，保證唔會伏！換季必備好物！ #換季#轉季#潤唇膏💄

Josephine Lau好用推薦：滋潤度不錯，無味無香味。 包裝簡約，方便攜帶。 可以維持幾小時，不錯。

choichoi好用推薦：第一次聽到豐唇霜會感覺很刺激但其實就是一支比較多功能的護唇霜,除了普通修護雙唇防治脫皮乾燥唇裂, 於使用有色唇膏前也能幫助顯色及增加持久度 , 重點讚揚淡化唇紋效果理想, 基本上帶著遠行出門或到極寒地方也準沒錯

R.Mir好用推薦：這是我用過最好效果的潤唇膏，我一直都在回購它。這支潤唇膏塗完不會甩皮，很保濕。雖然是 lip gloss 狀，但一點也不黏。 它是透明，但有神奇調色功效。

Nicole好用推薦：03色號潤唇膏 因為屬於潤唇膏系列，顏色唔會太實色，適合想顯自然好氣息嘅人士。薄塗一兩層已經好夠潤，充滿光澤可遮蓋唇紋。唇部狀況唔理想，有少少甩皮都cover得好好～ 飲水食嘢會掉色都好正常，因為始終唔係持色唇膏。 揸上咀開頭會有少少涼涼哋，專櫃店員稱有微豐唇效果同埋隨pH值每個人顯色效果會略有少許不同。

Wkk好用推薦：去死皮效果非常好，並且很滋潤，我習慣在晚上睡覺之前塗一個晚上，起床時嘴巴就會非常滋潤 #火熱新品

Heychauchau 好用推薦：滋潤度不錯，可以解決嘴唇的乾裂感，而且沒香味，適合喜歡護唇膏沒香味的人。

KDing好用推薦：去日本藥妝店湊單用的潤唇膏 不過用落麻麻地 唔係好覺有滋潤既感覺

橘子貓好用推薦：Camelia Lip Balm 超大愛的一款濶唇產品！喜歡到All in了所有有顏色的色號：#Cherry Blossom，#Magnolia Bloom，#Beautyberry 和 #Plum Blossom。 日常用法是妝前塗上一層，到化完妝後抹走護唇膏，再塗其他唇膏，基本上可以保持嘴唇滋潤一整天，除非後續使用的唇膏太乾。 #Cherry Blossom：最不推薦的顏色，基本上是淡淡粉色帶閃粉，我直接當睡眠唇膜用，所以才快空瓶。#Magnolia Bloom：紅色帶少許棕調，有金細閃片，最喜歡的顏色。#Beautyberry：深葡萄紫色不帶閃片，顯色度最高，最省用量，輕點幾下已足夠畫出好看日常的桃色唇妝。#Plum Blossom：粉紅色帶一點點紫調，不帶閃片，塗上嘴是氣質粉色，適合淺唇。

Tiffany好用推薦：滋養唇霜是透明無色帶金箔的款式，質地有點硬的膏狀，塗一整晚後可以去死皮，回復嫩唇。

Noel好用推薦：在 @cosme 購物時遇上換購優惠，買❗個人很喜歡蜜糖成份的 lip care product，而這小罐 VECUA 沒有令我失望💛 蜜糖味很香濃，而護唇膏又比較厚，很適合用作 overnight 厚敷。用後嘴唇不易爆擦，也變柔軟👍

Tiffany好用推薦：香甜蜂蜜味，質地比較厚，薄搽唔夠潤，厚搽有d笠，適合晚上厚敷做唇膜。

劉肥貓好用推薦：無色素 香料 礦物油 低刺激性 用後冇敏感 保濕滋潤效果還可以

綺羅香好用推薦：同事推介，話拍得住DHC潤唇膏，唔係佢介紹真係唔估肌研都有出潤唇膏，價錢都算平，外形同曼秀雷敦一模一樣，但唇膏質地比曼秀雷敦軟，一上咀都幾滋潤，仲有防曬系數，特登帶埋去旅行，可惜持久力唔及DHC，要經常補搽，整體不過不失

Simona好用推薦：這款唇膏在使用上相當容易塗抹 🎨，無論是初次使用還是日常補妝，都能輕鬆完成 💄。它具備很好的染唇效果 💋，能為嘴唇帶來自然的顏色。 色號選擇中，我選擇了珊瑚色 🌹，但實際上它給我的感覺更偏向紅色 🔥。這可能是因為個人皮膚底色或是唇膏的色調設定，但總體來說，效果還是很不錯的 😊。 與普通的潤唇膏相比，這款唇膏的保濕效果稍微欠缺 💧，使用後嘴唇會感到稍微乾燥 ❄️。因此，如果你需要長時間的保濕效果，可能需要搭配其他潤唇產品 💄。 不過，這款唇膏非常適合素顏或淡妝的日常使用 🌸。它能為整體造型增添一抹色彩，讓妝容看起來更有活力和自然 🌟。總的來說，這是一款適合日常輕鬆使用的唇膏 👍。

Grania好用推薦：幾好，但係如果你嘅唇色比較深就唔係那麼推薦，當唇油係ok嘅。都要睇下你買邊只色

Julianna好用推薦：最近我試了 KANEBO 的嫩唇融澤護唇膏，真心覺得不錯！每次使用時，我都能感受到入面的磨砂粒，整走唇部的死皮 用了一段時間後，唇紋明顯減少，雙唇看起來更光滑、更飽滿。即使在乾燥的環境下，也不會感到緊繃，這點讓我很滿意。 #火熱新品

Fng好用推薦：買咗 V09號色， 偏土啡色， 適合黃皮膚搽。 質地很滋潤，持久， 鏡面妝效，有豐唇嘅效果， 不顯唇紋， 佢會成膜所以不容易掉色。#火熱新品

Lumi Kwan好用推薦：會變色嘅潤唇膏真係好得意，以前一定會查唇部打底，但因為佢有潤唇膏後日會變色，有時查完之後都會再搽油顏色嘅唇膏。不過如果單用驅動將唇膏的話，就略嫌唔夠水份

choichoi好用推薦：帶有潤色效果及適當的滋潤度，平常開會之前使用也不會令到嘴唇有明顯的妝感又不會太搶眼，塗抹之後嘴唇不乾燥又氣息好很多，得體多了！

Fish Tse好用推薦：本身DHC有多款護唇膏可以選擇，但我最私心都係熱愛哩一款，因為我嘴唇係會勁甩皮既，所以一般滋潤道唔夠既唇膏係滿足唔到我 當中有多種植物花萃、蘆薈精華同朝鮮人參等成分具保濕、舒緩、預防肌膚粗糙等功效，通常我會順住唇既紋搽即係打直搽，瞬間會覺得個嘴唇變得滋潤 由其係哩排天氣真係非常之乾燥，所以嘴唇變得更易甩皮，但搽左之後明顯改善左哩個狀況

橘子貓好用推薦：無香料無色素無酒精，成份安全，敏感嘴唇可安心使用。質地不油膩，有滋潤感，比較適合保持唇況，令嘴唇不會變乾。滋潤感不持久，需經常補塗。如唇紋死皮較多，塗它應該沒有太大幫助。

mavis好用推薦：普通潤唇膏 無色無味 滋潤度一般 同其他潤唇膏冇咩太大嘅分別 有更平嘅選擇

choichoi好用推薦：夏天看見藍色就感覺清爽，不是第一次推出藍色唇膏產品的RMK，這次的質素也不令人失望，可以塑造水潤光澤的雙唇

wingbks好用推薦：天氣突然轉涼，一轉季就返工嘅時候已經覺得咀仔有啲乾，咁啱放工又約咗朋友食飯，lunch time 忍唔住買支潤唇膏。 諗起要同朋友食飯影相，即刻揀支有顏色嘅潤唇膏💄！ 見到DHC 就覺得點都唔會差，又唔貴即買，搽完唔會好黏住，夠潤，顏色唔浮誇，想顯色啲搽多幾下，係換季時幾抵買嘅潤唇膏。

iliya 好用推薦：一支平平無奇、普普通通嘅潤唇膏，無其他嘅特別功能，而滋潤度一般

Tiffany好用推薦：So far so good，一枝正常的無色滋潤潤唇膏。無特別好用或不好用。