韓國胭脂 推薦好用產品

Emma好用推薦：【唇彩部門】 Fwee 嘅 Lip & Cheek Blurry Pudding Pot喺推出之後真係紅極一時，無論喺韓國 Olive Young 定係香港嘅美妝店都極具話題性。 質地：質地介乎膏狀與慕斯之間，摸落去軟綿綿、像布丁般帶有彈性。輕輕一抹就會化成細緻嘅絲絨霧面，延展性極高，少少份量就可以推開用哂喺兩邊面頰。不過乾性肌膚要做好保濕，如果唔係就會容易一噠噠。 ✨一物多用：既可以當作霧面唇膏，又可以當作胭脂使用，甚至可以做眼影，輕鬆打造同色系嘅協調妝容。帶去旅行都好方便，不過佢個玻璃樽身略嫌重咗啲。我買既呢隻色CR01 DEAR係偏向啡紅色，我會用喺顴骨位做個收斂色，顯得塊面細啲。 ✨強大色系可以選擇，淨係去donki睇顏色已經多到眼花撩亂。 ✨ 柔焦霧面妝效：內含Blurring Powder, 塗上嘴或臉頰時可以好好修飾唇紋同毛孔，營造出無邊界感嘅柔霧朦朧美。 🥲嘴唇同皮膚比較乾嘅人要做好保濕，因為呢一隻布丁膏比較乾身

mandy好用推薦：fwee Blurry Pudding Pot 唇頰兩用布丁膏 #ND03 WITHOUT #PK00 BUNNY 一套兩件、半價折實$138 from fwee HK 最近fwee做緊優惠，皇牌產品唇頰兩用布丁膏一套兩件、半價折實只需$138，而#PK00 BUNNY更是限定色號。此外，即場follow IG，再送隔離霜sample。購物另送匙扣造型Jelly pot 閃令果凍唇頰霜。 fwee Blurry Pudding Pot 布丁糕的色調選擇非常豐富，令人選擇困難，當然由於價位不太高，也可一次入手2至3色，依然不傷荷包。 布丁糕是唇頰兩用的化妝品，質地柔滑QQ的十分易推，每次使用時只需輕點在面頰及唇上，每次上少少份量輕輕均勻推開，直至顯色足夠為止。 布丁糕輕點時顯色不算很強烈，這樣可以防止妝容過於重手及誇張。 fwee Blurry Pudding Pot #ND03 WITHOUT 個人建議大家使用色號#ND03 WITHOUT 作為胭脂，但不太適合作為唇色使用，因為裸調的色系在唇部用會顯得唇色太淡不好看，頂多用作唇部打底使用，之後再補上較鮮明的唇色。

jhope0725好用推薦：我自己一向都係Innisfree嘅胭脂 fans，一來好顯色，二來好貼服，唔會點飛粉。今次呢個山茶花胭脂仍然不例外，顏色好鮮艷，而且花蕊同花瓣用咗唔同顏色，溝埋又會有另外一種效果。 佢做立體浮雕實在太靚，不過可惜我唔小心，一返到屋企就跌崩左個角🙁🙁不過唔緊要，同大家分享佢嘅鮮艷顏色 佢顏色好顯白，我係偏黃肌，喜歡用鮮色令到皮膚望落去白淨啲，佢正正做到呢個效果。圖中左邊係來回搽3下，右邊就來回大約5下，睇到深淺色分別！大家上面就要blend開d 我上面用左佢3個鐘先開始慢慢淡色，大家唔洗擔心要成日補妝，溶入皮膚之後就會變左皮膚透紅嘅感覺，有d似天然俾太陽曬完嘅感覺。來緊夏天，想要個summer look用佢做眼影嘅highlight都得，夠實色。呢個胭脂推介！

JL好用推薦：第一眼見到這款山茶花浮雕胭脂已急不及待入手一個，我買的是1號山茶正紅色，別看它紅得像唇膏，其實上臉效果可濃可淡，因為它含有水份的彈性質地可隨意用手指塗抹，塑造清爽透亮的妝效。另外它的不脫粉功效很適合戴口罩時使用，我試過用小眼影掃把這胭脂輕輕掃在眼尾位置，即時化出潮流韓國妝容！

格仔餅公主好用推薦：佢個粉質唔係太細，所以如果你本身毛孔好大嘅話一搽就會好顯嗰個毛孔㗎喇，顏色唔好太重手，唔係嘅話會有少少俗氣

Hamiii好用推薦：顯色度好足 用掃上用穩陣d 用粉撲會難d拍開 容易顏色不均，搞到成個妝好怪😵‍💫

Akassoo好用推薦：自己平時化眼妝係用WAKEMAKE 嘅皇牌百變眼妝16色眼影盤，用嘅係 05 Mute Coral Blurring，佢係粉棕色組合，適合溫暖嘅柔和秋季同深秋膚色。本身都擔心粉棕色會顯眼腫，但只要識配搭嘅話效果都幾好同自然。 一盤16色眼影盤除咗有唔同層次嘅顏色之外，仲有唔同質地，例如霧面、閃爍同閃粉，可以創造出各種妝容效果。而且佢仲包含底色、突出色、閃爍色，甚至係眼線色。 最特別嘅係，我用呢盤眼影盤嘅粉紅色（左邊打直向下數第三格）做埋胭脂色，都幾自然。 唯一唔好處就係一盤有16隻色，唔係隻隻顏色都會用得着。

Yty好用推薦：Wakemake Mood Styler 眼影胭脂修容盤 (01號色) 呢盤真係懶人同新手嘅救星！一盤就搞掂眼影、胭脂同埋修容，出門或者帶去旅行唔洗帶成袋化妝品啦～ 用後感： 01 號色嘅調色超級實用！入面嘅大地色系眼影好顯日常氣質，加上配埋消腫效果極好嘅修容色，同埋溫柔自然嘅胭脂色，成個妝容嘅色調一致感超強，完全唔洗傷腦筋諗點配搭 佢嘅粉質好綿密滑順，飛粉情況比想像中少好多。用掃輕輕一掃就好易暈染開，修容同眼影都唔會化到一塊塊或者顯髒，新手就算層層疊加都唔怕重手！ 顯色度啱啱好，係韓系嗰種可以慢慢堆疊嘅自然感。低飽和度嘅色調幫眼皮消腫效果真係唔錯，輕鬆一盒畫出日韓妝 #開架彩妝 #眼妝部門

Giselle 好用推薦：Etude 順滑顯色胭脂PK001 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前又係買滿特定金額送嘅贈品( ´ㅈ` )♩︎嗰包裝超級可愛，完全激發我嘅少女心( ⸝⸝•ᴗ•⸝⸝ )੭⁾⁾佢隻色就好似佢嗰名咁，超級似草莓牛奶✧︎*｡( ´∩︎•͈ω•͈∩︎` )✧︎*｡但我自己覺得呢隻色太粉嫩唔太適合我（ ; _ ; ）另外因為佢附贈嘅粉撲雖然有絨毛但上妝嗰陣好難推開做好暈染，搞到好似畫到紙紮公仔咁(⌯︎˃̶᷄ᗝ˂̶̥᷅⌯︎)但如果用自己嘅化妝掃去沾取又會超級飛粉成個沙塵暴咁，啲粉會飛到臉上佢唔應該出現嘅地方(꒦ິ⌑︎꒦ີ)因為佢太難用所以我真係好少用佢( ･᷄-･᷅ )不過聽講呢款好似已經停咗產( ˙༥˙ ）

chasiutung好用推薦：我十幾歲嘅時候好鐘意用依款胭脂 顏色甜美 自帶粉撲 就咁印幾下上臉就可以 非常方便 缺點係不持久同粉感重

Angie好用推薦：第一次接觸到胭脂水，用落比一般粉狀嘅胭脂更加透薄自然，日常淡妝啱用

choichoi好用推薦：神仙商品，有種相逢恨晚的感覺，能夠打造如同原生好氣息的雙頰，質感水潤、不會顯乾

Sophia好用推薦：03號的be beige是非常自然的胭脂色號，粉質十分細緻，上面貼服易blend開，有微微珠光能自然地增添光澤感，好啱化日常的偽素顏妝。呢隻色過鏡唔太覺，但實睇色澤柔和得好似一種自然好氣色咁，令整體妝感望落更加健康年輕💖✨️持妝力也相當高，淡淡的色仍能維持一整日，真係想再入手VDL其他胭脂顏色❣️❣️ 粉質細緻度 ⭐️⭐️⭐️⭐️ 顏色顯色度 ⭐️⭐️⭐️ 妝感自然度 ⭐️⭐️⭐️⭐️⭐️ 整日持妝度 ⭐️⭐️⭐️⭐️

Angie好用推薦：入手左咗最自然嘅淡粉紅色，表現不過不失，幾鍾意簡約嘅設計，睇落有種高級感🤭

iliya 好用推薦：細細一盒，帶出街用嚟補妝就好方便，但係無配備掃等工具就有少少唔方便，要用手指搽

Blueblueblue好用推薦：一盒就有3隻色，推開就可以用。 無附送掃，我用手指上，衛生程度😂

maylam好用推薦：平時好少用韓系嘅胭脂 成日覺得好啞光/好螢光 見到d人話呢隻系列嘅胭脂唔係啞光款 所以買咗 我買嘅色號係Berry crush 係淡粉紅色 上臉有好靚嘅藍紫粉色珠光 相比起胭脂更加似highlighter 我都幾鐘意呢個妝感 顯得個妝有光澤感

Noel好用推薦：購買主因，當然因為有 Brown 🧡 Blush cushion 相對平時的 Foundation cushion 細盒，顯得非常可愛❣ 連氣墊粉撲也縮小了，超可愛~ 由於使用氣墊粉型式，胭脂能夠拍到很薄，如果想加強血色感，亦可以透過堆疊增加 pigmentation。 色號：PK 01 🍊 珊瑚橘色 顯色 🌟🌟🌟🌟🌟🌟 持久 🌟🌟🌟🌟🌟 包裝 🌟🌟🌟🌟🌟🌟🌟 價格 🌟🌟🌟🌟

yntynt好用推薦：包裝做得精緻，個人皮膚比較黑所以要用多幾次先顯色

Fng好用推薦：Hince 半月唇颊兩用霜 #03 Lilac Moon用後感 🌙✨ 我本身係熟齡混合偏乾肌，喺又濕又熱嘅香港最怕膏狀腮紅「漿住塊面」，但粉狀腮紅又會顯乾紋。Hince呢款全新「霜轉粉」質地，直接KO咗我呢個煩惱——手指輕拍上臉瞬間，由絲滑霜狀化成清爽粉末，柔焦修毛孔又唔會破壞底妝，喺街補妝連鏡都唔使照都唔失手！ --- 🎨 #03 Lilac Moon 顏色分析 唔係誇張嘅偏紫調粉紅，而係帶淡淡透明感，上臉後似喺肌膚入面微微暈開，幫蠟黃肌開咗一盞「透明感補光燈」✨最推薦畀橄欖皮、黃皮用，有效提亮膚色唔顯髒。用手指疊擦2-3層顏色會更明顯，但依然輕薄唔厚粉。 ✨ 透明感實測 · 即時柔焦：霜轉粉嘅質地一拍開就變乾爽粉末，毛孔同肌膚紋理即刻模糊咗，望落平滑細緻。 · 乾淨好氣色：低飽和嘅紫色調唔會顯黃，反而幫整體膚色「調亮一階」，望落乾淨通透。 · 持久唔暗沉：唔會因為時間耐咗而氧化變灰，到下半日妝感依然乾淨有透明感。 🌞 春夏天潮濕天氣用 · 霜狀質地極易延展，唔拉扯皮膚，少量已經夠搽晒兩邊面頰 · 化成粉末後清爽唔黏，頭髮唔會黐面 · 用手指上妝就搞掂，唔使工具，懶人出

楊一二好用推薦：呢款顏胭脂膏我當初係直接係韓國Daiso買，性價比好高！我購買既色號係01 Sunset，因為呢隻色係網上面係被稱為chanel平替色🤭 佢係溫柔淺蜜桃珊瑚橘，帶一啲淡淡的暖杏調。質地係綿密奶油膏體，靠體溫就會融開，所以我好鍾意用手指上妝。指腹嘅溫度可以將膏體搓成細緻粉霧，上臉拍出嚟係高級霧面磨皮妝效，氣色好似由皮膚底透出嚟咁，所以我都幾鍾意用。

Fng好用推薦：Jung Saem Mool 氣墊胭脂 ，我揀咗 韓國熱門色號#Carol Hola， 係珊瑚暖色調適合黃皮膚。質地水潤，我會底妝之前用它，如果唔係會印走底妝，上面係淡淡水光感嘅 效果，夠清透，多次疊加，適合偽素顏妝容。 #火熱新品

choichoi好用推薦：價格便宜, 顯色度高而且很貼服肌膚 , 帶有淡淡香氣 , 缺點就是飛粉蠻嚴重 , 但整體也是一顆好胭脂來

MaikoAoki好用推薦：買了很久才開箱試用。 不知道是不是快到期的關係，質地有點乾。塗抹的時候有點小碎屑。效果顯色，持久度一般，性價比高。

lucrezianoin好用推薦：買左02 peach, 上面mint green同下面peach都係好靚既顏色. 個brush好好用, 但係放唔落個盒要另外存放(?!!!) 而且mint green根本冇機會用, 而唔用佢做base隻peach又上得唔靚, -_- 結果成盒都冇用...

Emptiesgoodies好用推薦：當初都係貪得意買黎玩下 上色度都ok 持久度一般般 不過真係太大支 用極都用唔完 同埋佢個掃頭設計 有d唔衛生 寧願好似普通支裝潤唇膏咁就算