磨砂 推薦好用產品

雪雪好用推薦：夏天容易出汗易分泌油脂，要介紹下Sabon呢個三合一死海磨砂面膜，一罐容量好大，可以用好多次！！！ 打開後見到好深黑灰色嘅死海泥，洗乾淨面後，就敷喺面上，我會敷得比較厚，等10-15分鐘左右就可以清洗，等待期間會有一點點白色野浮出黎，個人覺得係死海鹽？？？或者係佢啲磨砂粒子，洗嘅時候加水再打圈按摩，可以deep clean皮膚同時去角質，洗嘅時候要啲時間，因為個面膜真係好黑，唔係咁容易洗走哂。 洗完感覺到皮膚好乾淨，但會稍為偏乾，要用toner保濕返會比較好，一星期用2次就夠，整體而言，以泥膜黎講，效果係洗得幾乾淨嘅，呢隻有個特點係容易搽上面，因為呢隻死火黑色泥有少少濕度，以前用過有啲泥膜開得耐會乾左，但呢隻唔會，所以呢點都值得稱讚。

Wawa好用推薦：已經開封好幾個月 罐裏面嘅黑泥都冇變乾 配合矽膠棒 很容易平均塗上臉 通常洗的時候都會先濕水 再打圈 利用海鹽做埋磨砂 敷完洗淨後 皮膚會變得柔軟 滑很多 且有光澤 缺點係有點難洗乾淨 整體都係推薦 洗完臉不會繃緊

Kitty 好用推薦：年初入手咗Sabon Green Rose身體磨砂，之後就愛上咗！畢竟唔平嘛，成$4xx一樽，如果唔好用真係會心碎💔好彩——完全冇失望！ ✨香味首先贏咗！ 一打開就係好清新嘅綠意玫瑰香，唔係好俗氣嘅濃烈花香，而係帶少少木質+植物嘅氣息，好溫柔好放鬆～沖完涼之後陣味會淡淡咁留係皮膚上面，成個人好似被玫瑰園包圍咁，好治癒！如果鍾情玫瑰香但又怕太娘嘅，呢隻絕對可以試！ 磨砂粒子夠細緻。 之前用過一啲平價磨砂，粒子真係粗到刮皮膚……但Sabon呢款就完全唔會！佢嘅海鹽粒子幾細，沖涼時靠體溫融左佢之後輕輕打圈按摩個陣好舒服，完全冇刺痛感。尤其係手肘、膝頭哥呢啲容易積舊角質嘅位，磨完即刻滑溜咗，摸落去軟熟哂！ 💦用後唔乾燥，皮膚變得好水潤。 最驚喜係沖完水之後，皮膚唔會拮拮緊或者乾繃！因為磨砂裡面含有精油成分，沖完之後皮膚表面會留低一層好薄嘅保護油，唔黐立立，但就好滋潤。後續即使懶得搽body cream，第二日起身都依然keep到滑溜感！ ☁️整體評價：值得試！ 雖然價錢真係有啲貴，但一樽其實都好耐用（每次唔使用到好多），同埋效果真係明顯！尤其適合而家轉天氣，皮膚開始粗糙或者有啲暗粒嘅朋友

Haha Kim好用推薦：朋友係日本買既手信，第一次用，真係好正好香，會想之後都keep住用❣️

旻珊好用推薦：最近換季，頭皮很容易有皮屑，還容易一到下午就油膩膩，看到鏡子的我就會好煩躁😫 圖下油膩帶夾著點點頭皮屑後來晚上洗澡想說頭皮常常覺得有油臭味，網路搜尋🔍都說頭皮要去角質…我就買了這罐試試看 去角質膏，別擔心，這個洗洗搓搓真的起得了泡泡🫧起泡程度（推薦第一次用去角質膏的朋朋們） 靜置一下會感覺頭皮涼涼的，很舒服！ 第二道我就用卡詩修復洗髮精洗，舒緩我的頭皮（只是純粹怕去完角質太乾，不過我以往都是這樣子搭配）舒緩洗髮精已經是第二罐（極推） 洗完後頭髮蓬鬆輕盈，頭皮好像會呼吸了 隔天下午，我的髮根還是蓬鬆站立的哦！還沒有硬 頭皮臭臭味！推推推 圖下

Desse好用推薦：除咗臉部要定期去角質.. 連頭皮都要定期深層清潔一下💆🏻‍♀️ GROWUS海鹽磨砂洗髮膏 一打開就聞到好清新薄荷味🌿 磨砂顆粒好細.. 唧大約1蚊銀嘅份量就夠💆🏻‍♀️ 捽落頭皮完全唔會感受到頭皮磨得好唔舒服.. 起泡能力唔錯..感覺好溫和💡 洗完沖水.. 明顯感覺到頭皮變得乾淨..💡 後續再用一次正常洗頭水同護髮素就可以.. 大約一星期用一次.. 避免過度清潔🪻 大約用咗3次，髮質明顯變得柔軟咗 成把頭髮都無咁fizzy💡 ⚖️如果同我一樣每星期一次.. 1支大約用到5個月.. 性價比唔錯💡

Kitty 好用推薦：佢嘅质地係白色泥状，入面有幼细嘅磨砂粒，但唔会刺激皮肤。我通常洗完面之后，搽薄薄一层係T区同下巴，等大概5-10分钟，然后轻轻打圈按摩，再用水冲干净。💆‍♀️ 用完之后，块面即刻滑咗好多，黑头粉刺都浮晒出嚟，轻轻一推就清走咗！😱 最紧要係用完唔会绷紧，反而觉得保湿咗，皮肤透亮咗好多。✨ 用咗几次之后，會觉得皮肤整体干净咗，连化妆都贴服啲！👍 如果你都想拥有干净滑溜嘅皮肤，真係要试下呢支IPSA Clay Mask！💖

Yty好用推薦：日本專門店購入，ipsa新版磨砂面膜有效幫助清潔、吸附油脂、去除老廢角質，可以濕用同乾用，濕用敷5分鐘之後皮膚「透明感」立即提升，睇落去白淨咗同埋膚質變得柔軟，而且磨砂粒子幼細，用完之後都唔會有掹緊乾痕嘅情況，感覺都幾保濕，一個禮拜可以做一次兩次 #「透明感」 #磨砂 #「提升肌膚透明感的護膚品」

km好用推薦：用咗一半 用完之後會覺得頭皮乾爽咗好多 冇咁容易出油 加水洗嗰陣會有好多泡泡 同埋佢入邊有啲粒粒 可以按摩頭皮和清潔 但係用完之後會有少少乾澀 之後可以用返佢哋嘅髮膜

Lego好用推薦：洗完頭皮感覺明顯清爽好多 但又唔會令頭髮變得好乾好戟 吹乾頭髮會輕左既感覺

劉肥貓好用推薦：清潔力強 但洗完面部又唔會覺得蹦緊 皮膚乾淨滑溜，適合夏天使用

YYeman好用推薦：講下我賣到斷貨嘅超好用冷門品牌！ Sabon呢個牌子我買咗兩年幾， 真係個個用過都必定比好評！ 係冷門得嚟又賣到爆煲🔥！ 呢支面部磨砂膏而家冇盒特價先百零蚊人仔 原價要300+，用完塊面滑溜到呢～治癒到爆！ 仲要個樽真係靚到不得了！ 磨砂玻璃樽加淡紫色膏體， 完全擊中少女心啊！ 支磨砂膏係二合一面部清潔， 即係磨砂+洗面奶二合一， 裡面乳白色膏體就係洗面奶， 質地似足雪糕咁滑溜。 我嘅用法：整濕塊面後均勻搽上臉， 加少少水輕輕按摩， 唔使似其他清潔面膜要等十分鐘， 按摩得七七八八就可以直接沖水。 海鹽磨砂粒子大部分都好細， 間中會有幾粒大嘅參雜裡面。 洗面奶都好溫和唔起泡， 乾性敏感肌都可以放心用。 官方冇寫一星期用幾多次， 我自己覺得當清潔面膜一星期一次就差唔多。 真心推介俾大家！！

Fng好用推薦：Fresh黃糖磨砂面膜 （春夏・熟齡混合乾肌） 🍋✨ 我係熟齡混合偏乾肌，春夏最怕磨砂「太粗刮到痛」或者「用完塊面乾爭爭」。Fresh呢支黃糖磨砂面膜（約HK$570 / 125g）主打溫和去角質＋提亮，用咗一個月，分享吓感受～ 🧴 質地：軟滑糖粒，遇水即溶 · 軟膏狀帶有細緻黃糖粒，唔會粗鞋刮肉 · 沾濕手指打圈，糖粒會慢慢溶化，越磨越溫柔 ✅ · 洗完唔會乾繃，反而有層薄薄嘅保濕膜 🌸 點樣用先做到透明感？ · 方法❶（我常用）：洗面後印乾水，敷一層薄嘅，等5-10分鐘，加少少水打圈按摩，過水 👉 效果：皮膚即時平滑＋提亮，好似打咗蠟咁反光 ✨ · 方法❷（深層滋養）：敷完等10-15分鐘，唔按摩直接過水 👉 效果：滋潤度高，適合偏乾位置 ✨ 透明感實測 用咗4-5次（每星期1次），最明顯係： · 即時提亮：過完水塊面望落「飲飽水＋反光」，暗沉黃氣減退 · 粒粒平滑：額頭同下巴嘅小粒粒撫平咗，上粉底貼服好多 · 後續吸收加快：用完再搽精華，感覺快吸收咗 透亮感嚟自 黃糖天然果酸 溫和溶解老化角質，加上 保濕油分 鎖住水份，所以磨完唔乾、仲要識發光。

lonia好用推薦：有關提亮膚色，除咗用化妝品之外，打好皮膚底子，定期去角質去除皮膚沉積嘅代謝廢物，幫助護膚品吸收，都有助令膚色回復亮白。 之前search去角質好物，就入手咗fresh呢款黃糖滋潤亮采面膜。一般去角質產品都建議每星期使用一至兩次，而呢款產品官網介紹係每星期可使用三至四次，温和去角質。呢款係膏狀面膜，入面有黃糖同見到有士多啤梨籽。洗完面，濕面狀態搽上面膜，帶有少少香甜嘅果香味，輕輕打圈按摩直到黃糖完全融解，再敷5至10分鐘，用暖水洗淨就可以。暖水洗完面之後，塊面會有一種油份嘅滋潤感，但唔算黏笠。所以秋冬季使用都唔怕因為去角質而導致皮膚乾燥痕癢，甚至引起泛紅。 使用呢款面膜之後，覺得佢可以改善皮膚暗啞，令膚色提亮咗，光澤感都出返晒嚟。特別推薦俾乾性皮膚，揾緊合適去角質產品人士～

Cole Cole 好用推薦：Clarins透滑身體磨砂膏質地細緻，天然植物成分同磨砂粒子，搽上身唔會太粗糙，推開時感覺好舒服。 我本身皮膚好乾，有些部位特別粗糙，用咗磨砂膏之後，膚質明顯改善，之後再搽身體乳液吸收得更好，保濕效果加倍 有去除老舊角質，洗完之後皮膚即刻滑咗好多，摸落去柔軟。香味方面係淡淡花香，聞落清新唔刺鼻。整體來講唔錯👍🏻

Nicole 好用推薦：這支磨砂膏的磨砂顆粒很細，所以在身上搓起來一點都不疼，而且好推開，用一個五元硬幣的量就可以推勻單腿，遇水也特別好沖洗，還有淡淡的自然香。 用完之後皮膚真的變得光滑，而且又不會繃緊，性價比超高，值得回購！

Lindabb好用推薦：呢支Muji溫和磨砂潔面乳，真心抵讚，性價比高到爛！ 首先講個質地，擠出嚟係一撻白色嘅膏狀，入面有啲細細粒嘅磨砂粒子，唔會好粗嚡，捽上面嘅時候感覺好溫柔，唔會刮到面痛。起泡量唔算好多，但係都夠均勻，洗完塊面唔會話好乾爭爭，有種清爽得嚟又保濕嘅感覺。 我本身係混合性偏油，T字位成日出油，鼻翼兩邊有啲黑頭同角質。用咗一個禮拜左右，覺得啲粒粒平滑咗，黑頭冇咁明顯，但唔會話完全消失，始終佢係溫和型，唔係嗰啲強力磨砂。朝早用完，塊面滑溜溜，之後搽護膚品都吸收得快啲。 味道方面，冇乜特別香精味，係好淡好淡嘅原料味，接受到。一支有成120g，我差唔多隔日先用，都用咗成兩個月先見底，真係好襟用。 缺點都有嘅，就係如果你係超級油性皮膚，可能會覺得清潔力唔夠勁；同埋磨砂粒子比較幼細，想深層去角質嘅話，可能要搵返啲顆粒大啲嘅產品。 總括嚟講，呢支嘢適合中性、乾性或者敏感少少嘅皮膚，用嚟日常溫和清潔同去角質一流。幾十蚊貨仔，仲想點？絕對會回購！

Emily Leung好用推薦：MUJI溫和磨砂洗面乳｜臉部清潔+去角質二合一 我願稱之為MUJI最具性價比的洗面奶。磨砂質地，內含小顆粒，沒有香精沒有致敏物，上臉就是揉搓給你去廢置角質。乾皮油皮皆可衝，而且它超便宜，性價比拉滿。 使用感受： 🌿膏體是白色帶細小顆粒的質地，磨砂感幾乎不扎臉，溫和到我這種偏敏感肌也能安心用。它不是那種洗完立刻“皮膚變白”的強去角質型，但它清潔得剛剛好，特別適合每周給臉做個溫柔大掃除。 💧泡沫不多，但洗得乾淨；洗後皮膚不乾，也不假滑，就是那種“乾淨但不空洞”的舒服感。

Kriskirs09好用推薦：Canmake - Plump Lip Care Scrub 修護磨砂唇膏 呢支已經係我買嘅第三支 之前用透明01號覺得好好用就再回購多兩支有色版本我買左03號色🌼 No.03 Mikan Yellow 蜜柑黃： 具提亮效果，遮蓋暗沉唇色（新色） 👄效果圖如下：佢的確有遮蓋暗沉唇色嘅功用 小妹係成日咬嘴唇啲死皮 搞到個嘴係甩曬皮 但搽左之後覺得有修護到啲嘴皮 同埋本身支潤唇膏有少少磨砂粒粒 可以幫嘴唇去角質 真係少啲唇紋✨ （但要留意佢扭出嚟 係扭唔返入去的） 而02號色🌸 No.02 Clear Pink 透亮粉紅：添上粉嫩光澤 我個人覺得無01同03咁潤 但優點係有好淺嘅粉紅色 想打造偽偽偽素顏效果都可以一試嘅🤣 💰價錢方面官網$54 但Canmake成日都有折所以好抵買！ 用嚟做唇膏打底都唔錯👍🏽

ChingLam好用推薦：已經第四次回購！😍 依家市面上都比較少唇部去死皮/磨砂產品，而依支又可以做到以上效果之餘 仲有滋潤成分👍🏻 除咗普通磨砂外，仲有另外三支加入左不同成份，適合唔同需要嘅人 前日專門店大特價買$30一支 即刻入返兩支貨仲平過喺日本買🤭

isabeloclock好用推薦：超愛Canmake呢支lip scrub💖 我平時都好懶做lip mask，所以嘴唇成日會甩皮，搽完有色唇膏後情況會更明顯同嚴重🙈🙈🙈 之前行過藥妝店，見到呢支lip scrub講到好神咁，價錢又唔貴，就買支嚟試吓～ 唔用猶自可，一用真係愛不釋手！ 佢嘅質地係帶顆粒感嘅潤唇膏，上嘴好似搽咗啲砂糖咁，甜甜哋同少少笠，但唔會漿住個嘴。 有時我會當overnight lip mask咁用，第二朝起身已經唔再笠，仲KO埋死皮同唇紋問題，搽有色唇膏都唔再驚有塊皮吊吓吊吓咁尷尬～ 有時唔記得隔晚搽定，我就會喺妝前搽呢支lip scrub當潤唇膏打底，到化晒成個妝，最後再用紙印一印唇上剩餘嘅lip scrub，然後再上唇妝，咁就會上色得嚟又潤滑！ 宜家我出街用嘅化妝袋係必備呢支lip scrub，打算再買多支for夜晚護理用😆😆 如果妳未試過呢支lip scrub，我強烈建議要試～～～CP值超高嘅好物💖💖💖💖

綺羅香好用推薦：一入秋又係時候要買新嘅潤唇膏，以前用過唔知咩牌子嘅磨砂潤唇膏，感覺到麻麻地，驚啲磨砂粒粒長期留喺嘴咀上不停摩擦，磨到嘴唇薄，年紀一大，唇上死皮越嚟越多，特別係搽咗有成膜嘅唇膏，時間一長啲死皮連埋膜一齊出哂嚟，令到唇妝好肉酸，唯有再挑戰磨砂潤唇膏 會買canmake 全因夠平，唔好用都唔會覺得肉赤，咁啱今年出咗新品，就買嚟試試，有3隻色，分別係唇膏所含有嘅成份，我買咗1號含透明質酸鈉，啱哂我呢種容易嘴唇乾嘅人，唇膏唔可以轉返入去，所以每次唔好轉太多出嚟，啱啱搽上去有一陣涼涼地感覺，磨砂粒粒夠幼細，而且係由砂糖組成，磨幾下就會溶化消失，唔會有粒粒長時間留在嘴唇上，透明無色無香味，滋潤度可以keep足成晚，下個月去日本會考慮掃多幾支返香港 #火熱新品

劉肥貓好用推薦：佢嗰啲香味非常之好聞 而每次用嘅份量只需要少少就能為雙唇去除死皮 本來lush 嘅職員話磨完唔需要用清水洗 但我都有用清水 過一過水 之後再查潤唇膏 感覺潤唇膏都吸收比較 快 吸收好 

KDing好用推薦：香味好香比較偏甜，磨砂粒子比較粗，用上嘴要輕輕磨擦，去死皮能力普普通通。

Kura好用推薦：呢款洗臉膏有粉紅色細微磨砂粒子，我通常一個禮拜會用兩次，用完皮膚會變得滑d，但唔會覺得乾，清潔力唔錯，係溫和去角質唔錯嘅選擇，值得一試 @cosme

Giselle 好用推薦：Biore 柔滑磨砂洗面膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列算係Biore入面最出名嘅洗面膏系列˚₊*୧⃛(๑⃙⃘⁼̴̀⁼̴́๑⃙⃘)୨⃛*₊˚我好細個嘅時候有接觸過呢一款產品❤︎(｡☌︎ᴗ☌︎｡)呢款產品只要加少少水就已經好快搓到好綿密嘅泡泡(✿︎´ ꒳ ` )♡︎ 同埋佢入面有一啲磨砂粒粒，洗面嘅過程中可以清除面上多餘嘅角質( •̀∀︎•́ )✧︎不過洗完面之後對我呢個乾肌人士來講會太乾(⌯︎˃̶᷄ᗝ˂̶̥᷅⌯︎)所以同我一樣皮膚偏乾嘅小伙伴一定要做好後續補濕程序⸜( ´ ꒳ ` )⸝我覺得用完之後皮膚有變滑咗( •̀∀︎•́ )✧︎不過因為太乾嘅關係，所以我唔會日日用( ˙༥˙ )

A&R好用推薦：Kiehs 呢支磨砂潔面啫喱好好用，質地好潔嘅啫喱，唔係稀的啫喱，有少少難推開，會令到你洗面嘅時間長咗，洗面嘅時候要捽耐少少，磨砂的感覺越明顯，洗完之後塊面好乾淨，好清爽都仲好滋潤。美白嘅效果見不到，但係清潔效果很好，推介使用。

Kura好用推薦：磨砂粒子嘅質地唔會好大粒，用上臉都好舒服，泡泡清潔得好乾淨，用完皮膚白皙

Milo101好用推薦：🌟有士多啤梨籽的磨砂，磨砂膏是輕柔的軟沙狀 🌟有清香的士多啤梨香氣 🌟以前很喜歡這個產品，因為很香，後來香港好像沒有在售了

agnessstang好用推薦：朋友送的👧🏻 雖然係磨砂面膜但顆粒感不重 唔係會磨到皮膚痛嗰啲 係比較溫和嘅peeling mask 而且真係見到一粒粒草莓籽🍓 附一個匙羹仔用嚟取mask 我習慣夜晚潔面之後用 取適量peeling mask搽喺面上 我喺鼻同鼻兩邊會用得比較多 然後輕輕按摩 多角質嘅位置可以按摩耐少少 之後洗乾淨+平時嘅護膚程序就ok啦 用完之後摸塊面會感覺到滑咗乾淨咗 而且唔會好乾 一個禮拜用2-3次

Julianna好用推薦：最近我試了 KANEBO 的嫩唇融澤護唇膏，真心覺得不錯！每次使用時，我都能感受到入面的磨砂粒，整走唇部的死皮 用了一段時間後，唇紋明顯減少，雙唇看起來更光滑、更飽滿。即使在乾燥的環境下，也不會感到緊繃，這點讓我很滿意。 #火熱新品

Fng好用推薦：買咗 V09號色， 偏土啡色， 適合黃皮膚搽。 質地很滋潤，持久， 鏡面妝效，有豐唇嘅效果， 不顯唇紋， 佢會成膜所以不容易掉色。#火熱新品

lonia好用推薦：試用KANEBO呢款水膜亮澤身體磨砂膏，用後感相當唔錯。首先好喜歡佢嘅香味，有淡淡嘅花香味，令到成個去角質過程有治癒嘅感覺。 去角質最怕做完磨砂之後會令到皮膚好乾，呢款磨砂膏有接近50％嘅美肌油，而且佢嘅磨砂粒子好幼細，唔會有粗糙感，可以温和去角質。用水洗淨之後，皮膚一啲都唔覺得乾燥，仲好似有層水潤膜保護，有種潤而不笠嘅滋潤感，係款唔錯嘅身體去角質產品。

格仔餅公主好用推薦：#火熱新品 佢隻草莓味屬於天然，磨砂質地亦相對溫和，所以容易敏感或者濕疹都可以用，仲有助改善皮膚膚質，用完皮膚會有滋潤感唔會乾爭爭好易痕，AHA有10%唔會太濃啱啱好，加上冇人工香料，我自己用完就冇敏感而且暗粒仲少咗好啱夏天用