LUSH 好用推薦產品

Kitty 好用推薦：一擰開個蓋，嘩！一陣超清新嘅薄荷味撲鼻而來，仲有啲淡淡嘅草本味，好似將成個森林同薄荷田擺咗喺面前咁，真係未敷面已經醒神晒！睇真啲，佢嘅質地係灰綠色嘅，裡面有一粒粒好幼細嘅紅豆碎同高嶺土，用嚟幫手温和去角質。 🧖‍♀️ 上臉感覺點？ 🧖‍♀ 挖一啖敷上塊面，第一感覺就係：涼！爽！尤其係而家夏天，成日熱到燶燶哋，敷佢上面真係即時降溫，感覺成個人由頭醒到落腳！個種涼唔係嗱喳嗰種，係好温和、好舒服嘅滲透式清涼。 敷大概10-15分鐘，你會感覺到佢慢慢乾緊，但又唔會扯住塊面乾到裂嗰隻。期間你可以趁機睇下劇或者Hea下，享受下呢陣涼浸浸嘅感覺。 💦 沖洗個刻：驚喜位！ 💦 到沖水個陣，先用少少水濕濕手，然後輕輕打圈按摩塊面。嗰啲紅豆碎就好幫手咁帶走啲老廢角質同黑頭，但又唔會吉肉。沖乾淨之後，我即刻去照鏡——哇！塊面好似會呼吸咁！ 🌟 用後感總結 🌟 1. 乾淨透白感： 鼻翼同下巴啲暗粒同黑頭明顯淡咗，塊面睇落去乾淨咗、白淨咗，毛孔都好似識收歛咁！ 2. 零繃緊： 好多清潔面膜用完都會好乾好繃，但呢隻完全唔會！皮膚依然保持住水潤感，軟熟咗好多。 3. 油光Bye Bye：對我呢個混合肌來

Emily Leung好用推薦：Lush 薄荷清爽面膜｜油痘肌夏日恩物，爽過敷薄荷膏！ 👍 優點： · 勁清爽！ 上臉冰涼，好似開咗冷氣，夏天用一流。 · 控油力強！ 敷完塊面即刻無咁「油立立」，毛孔都感覺乾淨啲。 · 自帶磨砂，敷完沖水時捽下，可以順便去角質同清走黑頭。 · 平靚正，大罐抵用。 👎 缺點： · 保濕唔算強，大乾肌用可能覺得「拮拮地」甚至繃緊。 · 質地有啲「粗糙」，皮膚薄或敏感時用會覺得刮面。 · 清洗時麻煩，啲磨砂粒會飛到周圍都係。 適合邊個？ ➡️ 油性、混合性肌膚 ➡️ 生暗瘡、有黑頭、毛孔粗大嘅人 ➡️ 中意冰涼感覺嘅人 溫馨提示： · 唔好敷太耐，唔係會抽乾水分。 · 磨砂時記住要輕手！

chewyfruit好用推薦：Lush 藍雪公主面膜：塊面食完藍莓飲緊乳酪？ 喂，各位姊妹！今次同大家分享下Lush嘅「藍雪公主」面膜。話說我塊面最近有啲暗啞，見到佢話新鮮、天然，一於買嚟試下水溫！ 第一印象：個樣同氣味，滿分！ 一打開個罐，嘩！真係好似一pat藍莓乳酪咁，質地creamy得嚟又見到一粒粒嘅藍莓籽，撈埋蜂蜜，睇見都想食。個味道呢，唔係假嗰種甜香，係真係聞到天然藍莓同洋甘菊嘅清香，好relaxing，未敷上塊面已經心情大好。 上臉感覺：涼浸浸，軟淋淋 敷上塊面嗰陣，感覺好得意，涼浸浸嘅，但唔係薄荷嗰種「辣」，係好溫和嘅冰涼感，夏天用真係一流，即刻降溫！個質地好易推，唔會「立痴痴」，敷咗10分鐘左右都唔會乾到裂開，keep住濕濕地。 效果：沖完水，塊面「叮」一聲！ 到最緊張嘅環節——沖水！一沖完，我即刻摸下塊面，嘩！真係好似「重生」咁！皮膚即刻滑溜咗好多，唔係假滑，係摸落去好柔軟、好乾淨嘅感覺。重點係！我鼻翼旁邊嘅毛孔同啲暗粒，好似被「淨化」咗咁，冇咁顯眼，個膚色均勻咗同亮白咗少少，成塊面睇落精神晒！ ✅ 優點： · 天然成分，敏感肌都啱用（但建議耳背試先） · 清潔同保濕平衡得好好，用完唔會

Sakura醬好用推薦：LUSH藍莓面膜測評 我之前係因為LUSH嘅沐浴露、身體乳液而鍾意咗呢個品牌。上次去行嗰陣，意外俾佢哋嘅香氛同呢款藍莓面膜吸引住。 呢個系列面膜有好多款，每款功效都唔一樣。 我呢隻藍莓味主要係抗氧化、去暗沉、收細毛孔、鎮靜皮膚，算係比較全能嘅一款。 LUSH呢個系列主打純天然，冇防腐劑、添加劑呢啲嘢。所以店員姐姐提醒我要放喺雪櫃冷藏，同埋要一個月內用完。 使用方法： 洗完面塊面半乾嗰陣，從雪櫃拎出嚟搽（一定要厚敷），等佢乾咗之後沖洗掉就OK。呢款面膜好補水鎖水，但係比較難洗。我用緊一個朋友教嘅方法：用壓縮面膜浸水（純淨水或者化妝水）敷上塊面，按壓一下之後直接拎走，大部分面膜就會跟住塊壓縮面膜走，剩低嘅可以用面膜紙輕輕抹走。最後用清水沖一沖，沖完塊面依然會覺得有啲油，其實係形成咗一層保護膜，唔會影響之後護膚品吸收。 用完之後，覺得塊面白咗一個度，而且皮膚好通透，連毛孔都睇唔到咁滯～呢款面膜可以當作急救面膜嚟用。

劉肥貓好用推薦：佢嗰啲香味非常之好聞 而每次用嘅份量只需要少少就能為雙唇去除死皮 本來lush 嘅職員話磨完唔需要用清水洗 但我都有用清水 過一過水 之後再查潤唇膏 感覺潤唇膏都吸收比較 快 吸收好 

KDing好用推薦：香味好香比較偏甜，磨砂粒子比較粗，用上嘴要輕輕磨擦，去死皮能力普普通通。

Giselle 好用推薦：Lush 玫瑰果醬泡泡浴芭 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前用過呢款浴芭🙈雖然不得不說佢嘅價錢真係有啲貴，但見到佢嗰形狀成朵玫瑰咁就忍唔住要入手😂佢嘅玫瑰+少少柑橘調香味令人臨瞓前用會放鬆到自己快啲入睡❤️不過建議係佢特價嗰陣先入手哦😉

KDing好用推薦：有好香嘅玫瑰味，放喺浴缸產生嘅泡泡量都唔少，浸浴嚟講都幾舒服。

橘子貓好用推薦：No Drought Dry Shampoo Lush這款乾髮粉是有淡淡天然青檸味，要湊很近才聞到，撲上頭髮時沒有太多氣味，我一度以為它是無味的。 粉質雖然不算細緻，比較偏向麵粉的感覺，但撲上頭髮不會明顯粉感，也不會令頭髮有一撻撻的白色。 為什麼我傾向會選擇它，而不是一般的乾髮噴霧？ 首先，它是粉狀的，使用時不會釋出二氧化碳，比噴霧的較為環保。 另外，我喜歡它的用法更為人性化。我每次用約5毫子份量，倒在合併的手指上，然後雙手十指交握，把乾髮粉均勻的抹上手指和手指縫之間，再用裹好粉的手指去抓撥髮根，只需要撥數下就能好好幫助頭髮去油，令髮頂蓬鬆。過程間不需要使用梳子，分裝到小樽子也更方便外出、旅行時使用。 持久度方面也算不錯，我是偏油髮質也可以在香港潮濕的天氣下，保持乾爽大半天。它也可以去掉輕微的頭油味。日常使用已經很足夠。 最後，性價比真的十分之高！100g的可以用到一整年，日版的容量更大，有115g，現在日元匯率低，去日本入手更化算。 所以，我一用完Lush這款就會回購，家中真的要有一枝「看門口」，已經空瓶了最少3樽。

lingbb好用推薦：成份天然，粉粒尚算幼細，香味係有淡淡既青檸味，吸油方面都幾唔錯。 佢幾大支，好似用極都唔完，CP值幾高， 可惜係個樽設計唔好，倒出黎唔夠集中，一時太小一時太多跌到周圍都係。 我會放係一個出街用既盒入面當做refill。 推介想買dry shampoo既補充裝就買呢款！

Hamiii好用推薦：去旅行最正就係訂間有圓形浴缸既房 再帶d泡泡浴去同小朋友一齊玩：） 今次帶左3款出遊 呢款每次用3分1 就好快起泡泡 聞起黎香香甜甜，寶貝話似棉花糖味❤️ 浸完清水沖一沖，全晚都香噴噴！

Giselle 好用推薦：Lush 天鵝絨泡泡浴芭 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前用過呢款浴芭🙈雖然不得不說佢嘅價錢真係有啲貴，但見到佢有特價咁就忍唔住要入手😂呢個產品同天鵝絨係無咩關係😂佢嘅香味係提子糖味，用完成個人都會覺得自己好甜❤️不過建議係佢特價嗰陣先入手哦😉

YY好用推薦：Lush 嘅big 係購自lush專門店🤍 係近期thread嘅熱門產品，油頭必備！ 我頭髮係超級容易出油同扁塌人士，平時返工lunch後，瀏海已經開始塌哂落黎，比較笠。 用完呢款洗頭水之後，收工個頭都仲乾爽緊，超級推介！！！ 而且佢洗頭嘅時候用少少，已經可以起到好多泡泡，feel到頭髮好乾爽。 唯獨頭髮唔係勁油嘅人士，可能要配合番焗油，以免太乾，不過我油到唔用都ok(^_^)v 另外佢用嘅時候可能要注意啲，因為要伸手入去撩啲洗頭磨沙出黎，所以要留意番另一樣野！ 不過對我黎講佢嘅好處已經勝過壞處，會再回購～

cher._.sharing好用推薦：［ʟᴜsʜ ʙɪɢ sᴇᴀ sᴀʟᴛ sʜᴀᴍᴘᴏᴏ 豐盈洗髮露] 🔸今次介紹嘅產品🔸 ▫️產品：ʟᴜsʜ ʙɪɢ sᴇᴀ sᴀʟᴛ sʜᴀᴍᴘᴏᴏ豐盈洗髮露 ▪️產地：日本 ▫️價錢：$𝟸𝟾𝟶 (𝟹𝟷𝟶ɢ) ▪️自購@ʟᴜsʜ 🔸聲稱效果🔸 ▪️增加頭髮豐盈感 ▫️平撫頭髮的角質層 ▪️令頭髮柔軟有光澤 🔹我嘅用法🔹 ▫️大約一星期用一次，用嚟做ᴅᴇᴇᴘ ᴄʟᴇᴀɴ ▫️將洗髮露倒落手心，再拍上頭頂按摩💆，再沖乾淨～ 🔹用後感🔹 用佢嚟做ᴅᴇᴇᴘ ᴄʟᴇᴀɴ感覺都好乾淨，去油效果幾好🤣沖水嗰陣已經ғᴇᴇʟ到頭髮一啲油都冇，因為會咄手同埋好易打結🪢頭髮有水都打結😹 但我覺得用完佢頭髮會勁勁勁乾🥲豐盈嘅感覺應該係因為乾同毛燥而建立出嚟😹我頭髮唔算乾，淨係髮尾電過，所以冇咁順滑～而用佢嚟洗頭就會連上面嘅頭髮都好似電過咁，摸落勁乾燥🥴我諗頭髮都需要少少油先得🥲所以過一兩日個頭出返油就會冇咁乾😹洗完都有光澤感嘅，但睇到依種光澤感嘅同時都會睇到乾到飛起嘅髮絲😹 ▫️總結▪️ 我諗我頭髮會偏油多啲(?)因為洗完一兩日就會出油😹依款我用落真係好乾、好毛燥，所以就不回購了，用完就算😹 - 歡迎c

Giselle 好用推薦：Lush 彩虹泡泡浴芭 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前用過呢款浴芭🙈雖然不得不說佢嘅價錢真係有啲貴，但佢嘅視覺效果真係好療癒😂望住條彩虹係水中出現絕對值回票價😂佢嘅香味就係柑橘調嘅香味，臨瞓前用會放鬆到❤️不過建議係佢特價嗰陣先入手哦😉

KDing好用推薦：外型好靚，一落水會有唔同顏色四散，雖然到最後都會變返同一隻色，但係觀感唔錯

KDing好用推薦：又係一款夏天啱用嘅面膜，敷上面都係覺得涼浸浸，滋潤力唔錯，毛孔有略為感到收縮。

劉肥貓好用推薦：呢款面膜有提亮膚色 效果 但用完塊面會有繃緊感覺 要再敷上水份面膜

Nicole 好用推薦：Dirty是lush出名的代表香味，質地偏稀，有一點點冰冰涼的感覺，不是很刺激。洗澡的時候聞起來像是把牙膏和漱口水塗在身上，但是餘香很好聞，不只是普通的薄荷味，還有點木質香的味道，男女都適合用。

劉肥貓好用推薦：適合夏天天氣熱用 有薄荷涼浸浸清涼呀 沖完個人好精神 價錢還可以接受啦 最細支$100左右