Lucido-L

輕柔亮澤美髮油 Hair Treatment Oil

LUCIDO-L系列，幾乎全部都用過。當中以淺粉紅嘅精華油最清爽最易買到。五款官方都有建議適合使用人士，而呢款就係適合細軟髪質。因本人頭髮比較粗厚乾燥，所以一開始係試藍色修護型同埋橙色滋潤型，係因為冇貨所以先轉淺粉紅清爽型，但意想唔到雖然係好薄身嘅油（唧5-6次喺手心有時唔為意就已經流咗去手指縫)，但滋潤度完全足夠並唔黏笠，唔會令頭髮變成一束束。比其他款更易吸收同埋個花香係有驚喜。#不斷回購同埋囤貨。 另外提一提，唔好買錯深粉紅嘅抗燥型，因為抗燥型係gel狀精華油，喺掌心推開先搽都唔係咁容易完全吸收，吹頭嗰時感覺唔夠潤髪尾會打結，唔能夠由頭頂梳到髪尾，係系列當中唯一一款因為效果同用後感而唔能夠空瓶嘅精華。 最後，附上全系列五款精華油嘅官方圖俾大家參考。

已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平

剪咗頭髮之後，夏天嘅時候少咗用髮尾油，而家換季，吹頭後髮尾容易翹起毛燥，要每次洗頭後用返髮尾油。 呢款髮尾油，只要用返適當嘅份量，同埋只係用佢髮尾，就唔算超笠，可以接受。記得千祈唔好用喺頭髮根部。唧出嚟嘅時候，有甜甜地嘅香味，頭髮吸收之後香味就會消失。 Lucido-L輕柔補修精華護髮油含有蠶絲油同摩洛哥堅果油，以佢嘅售價，雖然摩洛哥份量未必太多，但以成份睇都算合格。裡面有矽靈同二甲矽油，能夠平滑髮尾，減少毛燥情況，效果合格。 雖然用完唔會話頭髮變得好靚，但性價比高，一支可以用到一年，值得💜

【質感】 先講質地，呢個可以話係佢最大嘅優點。佢係好輕盈嘅流質油狀，唔會太厚身或者油膩。搽上頭髮之後好快就被吸收，唔會好似其他平價護髮油咁，用完之後成手都係油淋淋。佢仲有淡淡嘅花果香味，清新唔濃烈，對於唔鍾意太濃香味嘅人嚟講係幾舒服。質感上面，佢做到聲稱嘅「輕爽不黏膩」，呢點係值得加分嘅。 【使用感】 呢個位就開始出現分歧。官方主打摩洛哥堅果油修護，對於普通毛躁同飛翹嘅頭髮，佢確實有即時嘅撫平效果。用完之後頭髮會順滑啲，打結情況有改善，望落都有光澤咗。 但係，呢個效果好表面。有好多用家都反映，如果本身頭髮係極度受損、乾旱或者粗硬髮質，呢枝嘅 「保濕力同修復力會明顯唔夠」 。佢做到嘅只係表面嘅順滑，而唔係由內到外嘅修復。而且用量要控制得好好，如果貪心唧多咗，或者搽嘅位置太近頭皮，頭髮會即刻變得好 「笠」同「重」 ，好似成日都洗唔乾淨頭咁。 【持久度】 持久度方面，可以話係 「曇花一現」 。用完當下頭髮係順滑嘅，但呢個效果通常維持唔到半日。瞓醒一覺，或者出咗街一陣，頭髮嘅毛躁感就會返晒嚟，好似琴晚冇搵過嘢一樣。佢好似只係喺頭髮表面形成一層好薄嘅保護膜，但呢層膜好快就會消失，並冇真

Lucido 護髮精油性價比好高，非常抵用，推薦上唔到用咩髮尾油嘅時候就揀佢入手。好大程度撫平乾燥髮尾，不過就持久度一般。而且就覺得夏天用嘅時候就係比較潤，摩洛哥油比較有高度既保濕力，小小油膩。用嘅時候建議擺喺手心，揮發少少髮尾精油先，然後慢慢由髮尾、髮底，內部抓鬆頭髮，這樣頭髮唔會過油。 淡淡甜果香味，甜甜地，每次用少少就夠，髮尾都會keep住呢個香。香味耐持，朝早出門口之前搽到髮尾、放工返嚟都仲有香味。夏天流汗都唔會影響💕

#MADEINJAPAN #HAIRTREATMENT 喜愛指數：✨✨✨✨✨/7 順滑指數：🫧🫧🫧🫧🫧🫧/7 香味指數：🌸🌸🌸🌸🌸🌸/7 性價比：👍🏾👍🏾👍🏾👍🏾👍🏾👍🏾/7 ☑️蘊含摩洛哥堅果油，成份天然。 ☑️可以於髮絲表面形成極薄保護膜，令髮絲柔順亮澤、輕爽不黏膩。 ☑️ 防禦紫外線配方 ☑️ 抗熱力配方：抵擋風筒吹頭嘅熱力傷害頭髮 🟢用後感： 因為keep住有染髮嘅習慣，髮尾髮質比較毛燥，雖然程度未去到開叉，但係都想保護好啲頭髮。所以今次髮型師講，入手咗支髮尾油去用。係我第一次用呢類型product，一試就愛上咗😍 單單係搽完之後嘅嗰陣芳香，都已經好吸引，而呢款產品嘅順滑程度亦都令我好滿意💓 摸上手係超級順滑之餘，仲又好有光澤，望落去把頭髮真係靚咗好多🥰 而且支髮尾油性價比好高，喺連鎖嘅藥妝店都有賣，好容易就入手到。用完呢枝，我會想試吓佢其他系列嘅髮尾油😙 推！

lucido護髮油係我表姐推薦比我嫁 我買個陣咁岩有Melody包裝特別版💗 呢個髮尾油質地偏水，所以好適合油性髮質既人用，用完唔會油膩膩，而且用完頭髮係會變絲滑🈶光澤！最重要係我zip落手再搽上頭髮，對手完全唔會油，唔會搞到個風筒都油埋🤣🤣

無論濕髮乾髮都可以使用，只需少量就足夠塗抹所有髮中至髮尾，香味宜人，十分推薦。 使用燙髮器後塗抹少量更可稍微固定造型又可增加光澤感。

使用心得 洗完頭濕髮嘅時候用嘅 泵一下在髮尾吹頭嘅時候就會好柔順 出門口之前再多泵一下 頭髮就好順滑出咗街 蘊含摩洛哥堅果油，以如深海10,000米的高壓處理 ，令髮油更易推開、均勻滲透每根髮絲，令秀髮重現柔順亮澤，彷如羽毛般輕盈，於指間飛舞。 閃亮柔順觸感配方：於髮絲表面形成極薄保護膜，令髮絲柔順亮澤、輕爽不黏膩。 防禦紫外線配方：高效保護秀髮免受日光侵害。 抗熱力配方：保護秀髮免因吹髮而變得乾燥。 淡淡花香味，清新怡人。 價錢非常經濟cp值高 我係做sales嘅有時候出去見客 推介每個女生都需要一支在office 隨時 出街前泵一下喺全個頭薄薄咁樣查一次 閃令令嘅angel ring 見客嘅時候令人印象良好起碼個頭髮唔會亂七八糟 我強烈推介長頭髮嘅女仔真係要試下用佢

🩷粉紅色盒Lucido美髮油繼續係我2025年回購清單上嘅美髮產品，佢質地輕薄，不黏笠，清爽好快吸收💯，淡淡香味，用後頭髮更有光澤， 大幅減低毛躁感，🤩最驚喜係斷髮大量減少💞， 我通常每次用電髮棒夾頭髮之前，都會搽一層先 ，保護髮絲。 🧡金色盒比粉紅色更滋潤些，粉紅色盒嘅油質比較流動性強啲，清爽啲，適合細軟嘅髮質使用， 所以我通常買粉紅色盒用👍🏻。💙藍色盒係比較厚身，近乎啫哩狀態，適合粗硬髮質使用。

Lucidol L這款美髮油使用起來相當清爽，不會讓頭髮感到黏膩厚重。洗髮後，取適量塗抹於濕髮或乾髮髮尾，能有效撫平毛躁，讓頭髮柔順好梳理，並散發健康光澤。淡淡的花果香氣，聞起來很舒服。對於經常染燙受損的髮質，能提供一定的修護效果，讓頭髮恢復彈性與活力。價格親民，CP值高，是一款值得推薦的護髮油。 今次Pochacco版本更加係可愛到即刻入手，還有其他sanrio角色，見到和用起來都好開心。❤️❤️❤️

次次去日本都會買返幾支，用完頭髮即刻順晒唔會咁開叉！#開架好物

髮尾毛燥一路都令我好困擾，我見到哩款係摩洛哥髮尾油就試一試 摩洛哥油比較有高度既保濕力，同時亦可以清爽得黎又唔會痴粒粒既感覺，我好怕d髮尾油搽左上去之後會變成好似幾日冇洗頭既感覺 洗完頭用毛巾印完之後我大概會泵5-6泵係手到捽完之後就開始搽兩邊髮尾，跟住再吹乾頭髮 吹完頭之後係感覺到順滑左冇咁毛燥，我最中意係吹完頭之後會隱隱約約聞到陣花香味令人感到心曠神怡

真實用家👍🏻回購超過15-20次，呢支野超啱我漂染過勁乾勁旱嘅頭髮用，我夠膽講係我用過咁多支最好🤣而且因為我本身啲頭髮都係草咁乾，我每次係用6-10泵，你冇睇錯，係6-10泵！我問過我髮型師我用10泵係咪好癲，佢話一啲都唔癲🤣因為我髮質係真係有需要，另外記得唔好買錯其他色，得淺粉紅色最好用，其他色用完會好立

奶白色gel狀質地，味道好香，入面係摩洛哥堅果油，用係髮尾無甘毛燥，易梳左，我鐘意濕髮用，再吹頭，因為有抗熱力配方，所以頭髮無平時甘乾旱

第一次購買此髮尾油。用後頭髮很柔軟，護髮素都可以唔洗用，髮尾油味道好香，用後整個人散發香味

呢支摩洛哥堅果油髮油，用後覺得幾好，唔會好油膩，味道好甜，不過用咗頭髮好貼服，少咗蓬鬆感。用喺髮尾會好啲。

平 靚 正 嘅代明詞非佢莫屬。 佢周圍都有得買而且價錢實惠，$ 6 X就有，打折再平D，大量使用都唔心痛。 有少少香味，質地係非常有流動性嘅油，不過擦上髮尾後好快就吸收晒，頭髮好順滑。十分推介去使用!

超香的護髮油，又唔會好笠好油，好神奇，佢香味好正，真係好好聞。洗完頭，頭髮2/3乾嘅時候搽喺耳仔下的頭髮，再吹乾，吹乾後就會好靚架喇，又香，好正

*純粹個人用後感* 優點：明顯改善毛躁，唔會顯得好笠，好適合卷髮用，價錢實惠 缺點：香味比較濃烈，用量比較多（長卷髮吹頭要用4泵，第二日出門口要補多1泵）