頭髮柔順 推薦好用產品

Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！

PorscheB好用推薦：第一次接觸呢個牌子就係買左呢枝油 官網介紹 KÉRASTASE 巴黎卡詩No.1美髮油*，蘊含維他命E、摩洛哥堅果油、茉莉花精油及沒藥粹取精華，為秀髮增添滋養光澤及讓髮間全日持久散發高貴醉人的玫瑰木調芳香，適合所有髮質使用。可用於日常護理，秀髮瞬間恢復絲般柔滑 平時我會吹到頭髮半乾 ，搽係頭髮近尾2/3位置。 因為呢枝護髮油可以防止毛鱗片受損而變得毛躁。 用過好多款hair spray hair oil hair serum 呢枝一定係number 1 好香 效果好好 而且唔會油lup lup 吸收好快 同埋會回購！ ！

Paris merci 好用推薦：Dove 勝肽修護髮膜（小金碗），其實係一大罐🤣一開盒就好香。雖然髮膜係濃稠膏狀，但係搽上去好容易，能夠均勻覆蓋到每一根髮絲，就算只搽少少都容易推開。 過水嘅時候已經感覺到頭髮順滑，非常好用，可以深層滋養同修復受損嘅髮質，真係令到頭髮有返光澤同柔順。等我吹頭之後，效果更加明顯，乾嘅髮質都可以keep得順滑，毛躁感減低，髮尾都修復得唔錯。 對於日常護髮嚟講，相比其他高端品牌，呢款髮膜嘅價錢適中，但效果真係唔差，總體合格💕

Fng好用推薦：Dove勝肽修護髮膜｜ Dove呢個「小金碗」（幾十蚊有交易)，加入咗護膚界大熱嘅勝肽成分。 配方： •奧泰米爾勝肽：聲稱可以幫頭髮「補膠原蛋白」 •角蛋白複合物：填充受損髮絲嘅「窿窿」 •玻尿酸：基本補水，對抗毛躁 同Fino髮膜比，Dove呢支質地更輕；同Aussie 3分鐘奇蹟比，就溫和唔少！ 用後感： 一打開個碗，個質地似融化咗嘅雲尼拿雪糕，推落頭髮度零黏膩。沖水那刻有驚喜——手指一梳到底，個順滑度拍得上貴價貨！吹完頭最明顯係毛躁隱形咗七八成，個觸感似絲綢咁滑，最正係唔會令頭髮扁塌，keep到蓬鬆感～ 同價位大比拼： •vs Fino髮膜：Dove贏在清爽度，Fino就潤啲 •vs Aussie 3分鐘：Dove溫和啲，適合敏感頭皮 溫馨提示： ✨油頭姊妹可以一星期用一次就夠 ✨記住要沖得乾淨，唔係會阻塞毛孔 ✨開咗之後要快啲用，唔係會乾 總結： 一支抵食夾大件嘅開架神器！特別適合又染又燙、成日覺得頭髮乾嘅sis。雖然唔會用完變廣告模特兒，但作為日常護理，絕對交足功課！記住要用得聰明，集中火力對付受損髮尾，咁就唔會浪費咗呢個平民享受啦！

Kmggigi好用推薦：Pantene 新升級3分鐘奇蹟護髮精華素 — 高性價比，每日柔順奇蹟✨ 產品: 護髮素嘅香味非常濃郁，而且留香時間非常長， 洗完頭之後頭髮散發自然香氣， 令人聞住都覺得舒服，香味控一定會鍾意！ 效果: 呢款護髮精華素性價比非常高， 只需3分鐘，就可以令頭髮變得柔順有光澤， 效果媲美髮廊護理！ 因為效果咁好，我而家每日都會使用， 而髮膜反而變成偶爾先用嘅額外加強步驟。 總結：柔順護理的平價之選 Pantene 新升級3分鐘奇蹟護髮精華素以高效護理效果同持久香氣，成為一款高性價比又容易使用嘅護髮產品。 如果你追求柔順光澤同方便快捷嘅日常護理， 呢款護髮素絕對係唔容錯過嘅選擇！✨ #火熱新品

Joyce好用推薦：呢支Patene3分鐘奇蹟護髮精華素好有驚喜。首先係牙膏裝的包裝，使用上十分方便。其次，護髮精華質地係易推開的乳液狀，使用起來容易均勻地塗抹髮絲，沖洗也十分容易，沖洗後也不油膩厚重，完全不像市面上一些護髮髮膜會殘留髮絲要沖洗很長時間，令我十分滿意。 更令人驚艷的是它的香氣，小蒼蘭的香氣很有高級感，香氣也十分清新，使我心情愉悅。 我的髮質是油性，髮絲比較粗的，會染髮，但平日欠缺護養，頭髮比較毛躁，摸起來不順滑和容易打結。使用7日已經明顯見到分別，頭髮觸感更柔軟順滑、易打理，頭髮也變得比較服貼不毛躁，髮絲更比以前更水潤。使用感上的水潤而不油膩厚重，我未來也會回購❤️

Kmggigi好用推薦：Moist Diane 髮質重構深層導入髮膜好值得入手🤣👏🏻 呢款髮膜係white musk香味， 每次洗完頭都可以令頭髮散發出高級香氣， 持久度都幾高，足以留香一日， 令人心情愉悅🤣 髮膜能夠深入髮芯鎖水， 有效強化受損嘅頭髮纖維， 連分叉嘅髮尾都可以得到修護 用完之後，頭髮即時變得柔順滑溜， 睇落更加健康有光澤！ 不過要注意，沖水嘅時間唔可以太長， 否則護髮成分會被過度沖走， 髮質可能會逐漸回復受損狀態 掌握好沖水時間，就可以保持最佳修護效果！

Cole Cole 好用推薦：之前見到呢款髮膜喺@Cosme有好多好評，但係之前一直都冇減價，而家突然做緊大特價， 呢款係Minion聯名新出，$59，差不多半價，好抵！即刻買來用。 @Cosme嘅用家嘅評價都好中肯，首先香味好正，洗完頭之後都仲有，確實係香水髮膜，洗完頭之後擰乾水，搽上髮膜等一陣再沖，頭髮好柔順，吹完頭之後頭髮都好蓬鬆，感覺好好，應該要買多幾樽放喺屋企慢慢用。😉

Sccan好用推薦：洗髮水一向無特定但通常都用開架式， 因為唔太重視洗頭體驗，洗得乾淨唔會太笠有蓬鬆感就得。 Diane依個牌子之前用過不錯， 依款新嘅貴油系列主要係見到個樽靚所以買。 效果：蓬鬆感十足，頭髮保濕 質地： 透明比較杰液體狀，起泡同用量都正常 香味：超濃花香香水味，留香超強！洗完頭都飄住依陣味，如果鐘意香香嘅好岩用依款 缺點：滑溜感不明顯，但都有撫直髮絲

GinGin好用推薦：依款洗頭水幾香，好relax, 只係用好少就夠，我係長頭髮用少少都夠用，好少洗頭水可以做到咁，又容易起泡, 用完幾順滑，會再買

cynthia_snow好用推薦：對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium 美容魔髮包，都好期待使用效果！ 本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。咁啱最近一星期有三日要學游水，無論係泳池水定係一日洗頭吹頭幾次，都令頭髮變得好乾旱😩 Essential Premium美容魔髮包主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；除此之外，仲添加左7種修護美容液，包括水解膠原蛋白、山茶花油、荷荷巴油、玫瑰果油、透明質酸鈉、蜂王漿萃取、乳酸。 美容魔髮包吱出嚟嘅質地比護髮素更加杰，不過係獨立包裝設計，唔洗擔心用得太多，搞到頭髮太笠要洗兩次，而且亦方便帶去旅行使用，隨時為曝曬、風吹、浸完海水過後受傷嘅頭髮急救。 使用左美容魔髮包之後，可以感受到頭髮變得非

hellolulu好用推薦：非常榮幸入選@Cosme活動，有機會試用Essential Premium 光感水潤洗護系列 + 美容魔髮包。試用至今約七天，分享一下使用感受～ 先說說個人髮質 - 中長直髮，沒有電/染頭髮，髮質比較粗硬乾燥，潮濕天氣下容易毛躁捲曲，因此有每天洗吹和使用電熱直髮梳的習慣。 首次使用洗護系列的洗髮露+護髮素後，已明顯感受到髮絲較平日水潤順滑，特別在剛吹好頭髮後，頭髮顯得更健康亮澤有彈性👍 平日我在吹髮前和使用電熱直髮梳前，需塗髮尾油打底保護，否則髮絲容易乾旱斷裂，而且較暗啞。但在使用Essential Premium光感水潤洗護系列的這七天，沒有額外使用髮尾油的情況下，髮絲仍能維持滋潤感，減少乾旱毛躁，效果非常滿意！ 洗髮露泡沫豐富，洗髮時觸感順滑，能減少拉扯磨擦，斷髮掉髮亦有改善，感覺頭髮更健康強韌，可謂是意外收穫👍至於護髮素質地偏濃潤，乾性髮質約取一節手指份量便已足夠。沖洗時要略多花一點時間，但沖乾淨後不會假滑和有殘留感，能真正深層地滋潤髮絲👍美容魔髮包的質地比護髮素更加濃潤，密集修護效果更出色，用後頭髮順滑柔軟，但不會油淋淋。淡淡留香，而且獨立包裝設計，每次使用一包非常方便👍

Milo101好用推薦：長髮少不免都會有點毛燥感，特別最近天氣時而潮濕時而乾燥，用了這支美髮油可以大大幫忙打理護髮，看起來更柔順！ 首先質地方面，是透明的美髮油，不會有油膩感，用完後手上亦不會有殘留的油，十分方便。 這支是濕髮用或乾髮用都可以的，而且標榜可以抗熱，所以塗了後用造型產品都可以。自己是比較習慣乾髮用，而且效果比較明顯，長髮的毛燥感大大降低： 自己的髮質是細長髮，長髮過胸。用法及用量是：倒3至5滴於手心，先揉搓一邊髮中至髮尾，完成後再重複另一邊。 美髮油有清雅花香，出外前揉一揉，除了美髮還有淡淡香氣，感覺不錯。 （美髮油是跟同品牌的油染髮產品一同附上的，覺得效果滿意，是可以回購的，網上見到也可以單購補充袋裝呢）

Mo Wong好用推薦：我係乾髮系，所以每次洗頭後吹髮前一定要用護髮油，用過幾款後，Loreal呢款最好用，佢微香，雖然係油但搽上頭髮後快吸收而完全唔油腻，令頭髮油順梳頭唔打結，最緊要幫我乾髮後唔會再毛燥，價錢算抵，所以會繼續回購。

Verna好用推薦：其實我都算是外貌協會成員，當我在個人護理店看到這款洗髮乳，它的包裝是粉紅色漸變，感覺像是獨角獸的夢幻感🦄，實在是太美了，我二話不說就買來試試 這款洗髮乳是針對受損髮質，顏色是透明的，很容易起泡，而香味就是蘋果加茉莉花，清新又帶點清甜 它還加入白木耳萃取、水解珍珠修護精華、400%保水力美容精華、24種美容胺基酸，這些都是護膚品才有的成份，簡直就是用護膚品來呵護頭髮 用了一兩個星期，就發現頭髮明顯變得順滑有光澤，而且少了毛燥，少了打結，而頭頂的頭髮就多了蓬鬆感

Kpl6be6好用推薦：喺Aeon購入～被其夢幻感包裝吸引🥰🥰粉色樽啱哂少女心嘅心水(笑)～質地水感易起泡～香味仲好甜美～洗完頭髪都香噴噴啦！！

chewyfruit好用推薦：Dove 光澤修護洗髮乳測評 一句話總結： 係幫頭髮做咗個「平民版焗油」！性價比高，針對毛躁同暗啞效果出奇地好！ 主要好處： · 順滑之光： 用完最明顯係啲頭髮即刻聽話咗！毛躁乖乖收斂，光澤感自然咁走出嚟，唔係「油立立」嗰種，係健康光澤。 · 保濕度足： 質地creamy，沖水時已經feel到頭髮又滑又軟，梳頭時特別順手，打結情況少咗好多。 · 香味舒服： 係陣陣優雅嘅花香味，唔會太濃烈，留香耐，成日覺得自己個頭好香。 要留意嘅地方： · 滋潤度好，所以油性頭皮嘅朋友，可能覺得夏天用有啲「重」，或者要洗多兩遍。 · 追求極致蓬鬆感嘅朋友就可能覺得佢太貼服，未必係你杯茶。 適合邊個用？ · 髮尾乾燥、飛散毛躁嘅中至乾性髮質。 · 經常吹頭、電髮，想簡單快捷幫頭髮恢復光澤同順滑嘅人。 · 想揾支平、靚、正日常洗頭水嘅用家。 簡單嚟講， 佢係一支好穩陣、唔會點出錯嘅「入門級修護」洗頭水，唔使一百蚊就有一支，絕對對得住個價錢有突！

A&R好用推薦：味道好香，洗完頭髮好清爽，頭髮好蓬鬆，唔會好乾，頭髮光澤同以前一樣，見唔到有咩特別。價錢實惠，特價時候買。

格仔餅公主好用推薦：正常洗護一支，帶有少少香味唔太濃，過完水頭髮無打kick易無咁易出油，望落亦唔會好罕

natanatalie好用推薦：適合夏天使用，感覺清爽，但不適合受損髮質，因為會令頭髮毛燥乾旱，不十分喜歡。

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Poyobb好用推薦：剪咗頭髮之後，夏天嘅時候少咗用髮尾油，而家換季，吹頭後髮尾容易翹起毛燥，要每次洗頭後用返髮尾油。 呢款髮尾油，只要用返適當嘅份量，同埋只係用佢髮尾，就唔算超笠，可以接受。記得千祈唔好用喺頭髮根部。唧出嚟嘅時候，有甜甜地嘅香味，頭髮吸收之後香味就會消失。 Lucido-L輕柔補修精華護髮油含有蠶絲油同摩洛哥堅果油，以佢嘅售價，雖然摩洛哥份量未必太多，但以成份睇都算合格。裡面有矽靈同二甲矽油，能夠平滑髮尾，減少毛燥情況，效果合格。 雖然用完唔會話頭髮變得好靚，但性價比高，一支可以用到一年，值得💜

cynthia_snow好用推薦：對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium絲滑柔順洗護系列，都好期待使用效果！ 本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。 Essential Premium絲滑柔順洗護系列主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；再加上荷荷巴油、橄欖果油、角鯊烷等保濕成份，就可以同時深層滋潤受損嘅頭髮。 用Essential Premium絲滑柔順洗髮露洗頭、沖洗乾淨之後，將兩泵同系列嘅絲滑柔順護髮素搽喺髮尾位置，等1-2分鐘就可以沖走啦。 第一日試用，明顯感受到用後頭髮變得柔軟，訓完覺仍然保持到呢個狀態；用左接近7日之後，髮尾嘅柔順度有更加提升，望落無咁毛燥，同時帶有光澤。

Kala好用推薦：多謝@cosme 抽中我試用Essential Premium絲滑柔順護髮素 Essential Premium絲滑柔順護髮素是白色cream狀，配合同系列洗髮露使用，香味很濃，是梔子花同茉莉花香味。在濕髮上使用，停留大概2分鐘後沖洗，滋潤度一般，打結的頭髮還是在打結，要用點力才能把它梳順。日常使用還可以，間中都要用滋潤度再高一點的美容魔法包重點修護髮尾和髮中，先可以令頭髮keep住順滑。 BeforeAfter

hellolulu好用推薦：非常榮幸入選@Cosme活動，有機會試用Essential Premium 光感水潤洗護系列 + 美容魔髮包。試用至今約七天，分享一下使用感受～ 先說說個人髮質 - 中長直髮，沒有電/染頭髮，髮質比較粗硬乾燥，潮濕天氣下容易毛躁捲曲，因此有每天洗吹和使用電熱直髮梳的習慣。 首次使用洗護系列的洗髮露+護髮素後，已明顯感受到髮絲較平日水潤順滑，特別在剛吹好頭髮後，頭髮顯得更健康亮澤有彈性👍 平日我在吹髮前和使用電熱直髮梳前，需塗髮尾油打底保護，否則髮絲容易乾旱斷裂，而且較暗啞。但在使用Essential Premium光感水潤洗護系列的這七天，沒有額外使用髮尾油的情況下，髮絲仍能維持滋潤感，減少乾旱毛躁，效果非常滿意！ 洗髮露泡沫豐富，洗髮時觸感順滑，能減少拉扯磨擦，斷髮掉髮亦有改善，感覺頭髮更健康強韌，可謂是意外收穫👍至於護髮素質地偏濃潤，乾性髮質約取一節手指份量便已足夠。沖洗時要略多花一點時間，但沖乾淨後不會假滑和有殘留感，能真正深層地滋潤髮絲👍美容魔髮包的質地比護髮素更加濃潤，密集修護效果更出色，用後頭髮順滑柔軟，但不會油淋淋。淡淡留香，而且獨立包裝設計，每次使用一包非常方便👍

Balipier好用推薦：感謝@cosme提供試用產品的機會~這次來分享Essential Premium光感水潤洗護系列的感想。 本人的頭髮偏長，容易毛燥打結，沒有染髮燙髮的習慣，每天都有洗頭和吹頭。以下是我使用這系列7天後的感想~ ［Essential Premium光感水潤洗髮露］ 這款洗髮露的感覺很好，氣味清新，非常容易起泡，使用一泵就可以洗整顆頭了，洗後感覺髮絲有水潤的感覺。我使用不同洗頭水的時候通常頭皮都痕癢，可是使用這款洗髮露之後並不會有不適或其它痕癢狀況。頭皮感到輕鬆沒有負擔，平常很少會有洗髮水做到這一點。所以整體而言推薦這款洗髮水給想嘗試新產品的用家~ ［Essential Premium光感水潤護髮素］ 使用完洗髮露後，與同系列的護髮素一起使用就再好不過了~因我的頭髮及腰，我使用了一泵多的份量的護髮素。護髮素的感覺比較厚，香氣也是和洗髮露一樣清新。使用的時候感到受到滋潤了，也可以在洗髮過程中好好梳理頭髮。不過在沖水的時候基於質地問題可能需要多點時間沖洗乾淨。洗後的感覺頭髮變得輕盈水潤，也沒有黏笠的感覺。感覺比起使用前頭髮有變得沒那麼枯燥和容易打結。 ［Essential Pre

nikiting好用推薦：第一次買是朋友用緊介紹 首先 性價比高 唔貴又一大支 使用方便 我係洗髮後 吹頭前使用 用完吹頭好滑 柔順之餘 唔會令頭髮油膩笠痴痴 用左柔順多了 而且淡淡香味 👍🏼👍🏼👍🏼👍🏼

GinGin好用推薦：用完頭髮容易梳理，不會容易掉髮，而且洗頭水好香，泡沫豐富，因為係長頭髮，份量用好少就夠，但冇特價時價錢偏貴

Beautygirl好用推薦：頭髮乾旱，未用護髮素，就咁用呢款洗頭水，用完頭髮已經好柔順，又唔會覺得油笠笠

TsuenMa好用推薦：L’Occitane 頭髮護理草本系列 💇🏾‍♀️髮質：本身有染開頭髮嘅習慣，所以頭髮髮質都係偏乾少少，髮尾會比較毛燥；而對上年就更加漂染咗，所以對頭髮嘅負荷就更加多，要好好保護返把頭髮。 🍏產品功效：主要係為頭髮正常至油皮頭髮為對象，可以為頭髮帶嚟清爽、輕盈嘅感覺，可長時間保持乾淨。換句話說，佢應該能夠幫你減少頭髮上面嘅油脂，同埋抑制生成，從而減輕頭髮嘅油膩感。 🌿成份：用咗五種天然嘅精油，包括薄荷、薰衣草等。其中佢注重薄荷能夠為頭髮帶嚟想要嘅去油效果，保持髮質嘅美麗同埋乾淨。 🌵質地：唧出嚟係偏新嘅乳白色cream狀，推開上頭髮唔係滋潤嘅感，偏向Gel狀洗面嘅感覺，推開就會唔見咗啲product。 🌱香味：因為佢係草本成份，其實有一種偏向中藥嘅味道，有一絲輕微會聞到薄荷，唔係傳統上我哋追求清新花香嘅香味，但係如果要追求成份天然，草本嘅修護，呢一個氣味就係合乎情理。 🍃用後感：本身產品應該係好好嘅，但我就應該要買返適合髮質偏乾、滋潤啲嘅嗰一種產品；不過佢都可以好好咁保護到頭髮，keep住頭髮順滑，我都已經好滿意喇🫶🏾

Tobimak好用推薦：去澳門玩嘅時候揀咗一間歐舒丹做主題嘅酒店，所以可以試到好多歐舒丹產品，而其中一樣就係草本療法修護護髮素了。  呢隻護髮素有一陣草本味，但不是特別香。佢唔似普通護髮素咁樣一搽上頭就會有種順滑感，所以有種卡住卡住嘅感覺，不能為我頭髮解結，要慢慢拎把梳黎梳順佢先得，一不小心更會令頭髮斷開，所以稍為麻煩。而且用完之後亦沒有順滑感，亦沒有覺得頭髮健康咗。 呢個產品我不會考慮回購，因為只是有種為用而用嘅感覺，沒有效果。

Giselle 好用推薦：Essential 水漾防毛燥洗髮露 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻算係佢其中一個常駐嘅系列，主打係滋潤防毛燥( ˶ˆ꒳ˆ˵ ) 作為一個有漂染頭髮+每日set頭嘅人，我會覺得呢支嘅防毛躁效果唔係太明顯₍ᐢ ›̥̥̥ ༝ ‹̥̥̥ ᐢ₎洗完頭唔會覺得啲頭髮有變得滋潤咗or毛燥少咗，頭髮有無變得順滑咗(´._.｀)就好似用咗等於無用咁₍ᐢ ›̥̥̥ ༝ ‹̥̥̥ ᐢ₎唔太建議同我一樣頭髮比較乾旱嘅小夥伴入手(⌯︎˃̶᷄ᗝ˂̶̥᷅⌯︎)

Karman28好用推薦：洗頭水通常我會幾個牌子輪住用，呢個係其中一個常用既牌子。清潔力唔錯，使用後我既頭皮油脂分泌都好穩定。