Rejoice 飄柔

瞬效柔順護髮精華 (滋潤型)

多謝@cosme 令我有機會使用唔同嘅產品，今次係Rejoice 瞬效柔順護髮精華 (滋潤型)～ 當我報完名參加試用之後，偶然發覺網上面有人評價Rejoice嘅頭髮產品唔太好用，內容大約係講佢用Rejoice之後兩三日，頭髮好似有搽咗蠟嘅感覺，仲要打晒撠，佢嘅用後感非常唔良好。所以當我收到試用品之後，老實講我有少少卻步🥲，但係既然抽中咗，都需要履行試用者嘅責任，一直試咗~10日。可能一開始我既期望比較低，反而試用之後令我感覺幾驚艷。 顏色同質地同坊間嘅護髮精華差不多，但Rejoice嘅比較容易推開，都幾符合產品所講嘅《免洗瞬效柔順科技》 喺呢10日，我做左一個小小嘅測試：半邊頭髮用Rejoice免洗精華，另一邊就按照返日常嘅洗髮護髮程序。 相比之下，結果如下： 日常洗髮護髮程序 - 毛燥髮絲依然明顯，頭髮比較啞色冇光澤。 用左Rejoice免沖洗精華 - 頭髮毛燥感減少，雖然都仲有少少毛毛飛出嚟，但的確有明顯改善；而且頭髮帶有光澤。仲有一樣喺相度睇唔出嘅，就係用手摸頭髮嘅質感，有用Rejoice嗰邊摸落去好明顯順滑好多。 睇返產品簡介說明，滋潤型係加咗人蔘精華，有助滋養乾枯嘅

多謝@comse抽中我 👩🏽髮質：頭皮油，髮尾乾 產品：Rejoice免沖洗瞬效柔順護髮精華 (清爽型) ，質地水潤，快吸收🧽，葡萄柚香味，夏天好岩用，清爽嘅味道。 因為系精華，濕髮上頭，就算搽到中段位置，吹乾都唔會有笠感，唔似用油咁要好小心，份量要小小咁上，又試過搽高小小到頭髮中段位置，吹完好似冇洗頭咁🫠 Rejoice就冇呢個問題，就算取嘅量多左，搽高小小，吹乾都完全冇笠感，而且頭髮明顯系冇咁毛躁，梳頭都冇咁卡！ 但其實我更鐘意第二日乾髮用佢，訓醒一覺，頭髮又再次毛燥打卡，亂糟糟咁，用佢再梳順頭髮，會瞬間唔毛燥，等佢吸收下，再夾直或夾曲，頭髮會比較有光澤咁～👆🏻剛訓醒嘅頭髮，毛燥打結乾燥！ 👆🏻用完，水潤順滑冇毛躁感！

多謝 @cosme邀請試用 Rejoice瞬效柔順護髮精華 滋潤型 我嘅髮質屬於乾性，好易打結又硬到會𠝹親手🥹 每日洗頭都會用護髮素，吹頭前會用護髮油，但功效越嚟越唔夠🥹（如圖） 今次試用呢枝滋潤型護髮精華，功效好顯著！ 滋潤型係加入咗人參精華，淡淡香味 質感唔笠！！呢個好重要‼️因為我好怕太笠太油整到塌晒😖極度加分！ 訓醒都仲係好柔順！唔再乾到好似草咁！真係夠持久👍🏻👍🏻 解決到乾枯、打結、毛躁問題！ 受以上問題困擾嘅朋友仔可以買黎試試～ 價錢唔貴又大枝！

多謝 @cosme 邀請使用Rejoice 護髮精華～ 我嘅髮質偏乾同毛躁 之前會用護髮油滋潤下髮尾 但係發現護髮油會令到我心口同背脊生粒粒 所以就無再用 Rejoice 嘅柔順護髮精華質地易推開 我用兩泵嘅份量都可以好輕易就搽喺髮尾 用風筒吹咗一陣就好快吸收咗 唔會令到啲頭髮好油👍🏻 而且暫時都無令到我心口背脊生多咗粒粒～ 同埋免沖洗嘅護髮精華都幾方便 唔洗濕住等然後再洗 啱曬我呢啲要快嘅人～ 頭髮乾 易打結嘅話值得試用👍🏻

首先多謝@cosme邀請試用🙏🏻 因為我有電髮同漂染嘅習慣，所以我啲頭髮主要有毛躁同開叉嘅問題，同埋望落去係好乾旱、冇光澤 今次試用Rejoice嘅瞬效柔順護髮精華（滋養型）非常唔錯👍🏻 我係中長髮，泵3次左右就已經足夠搽全頭 質地方面，其實我覺得有啲似搽緊潤膚露上頭😂 不過佢好易推開同好易吸收，唔會黏笠👍🏻 連續使用咗一星期，有感覺到頭髮比之前更有光澤 我覺得佢仲有一個好大嘅優點係可以當係護髮油嘅替代品 因為我自己係一用護髮油就好容易導致臉同頭皮生瘡嘅體質😢 呢款免沖洗護髮精華可以令頭髮有返啲光澤之餘，又唔會好似護髮油咁致痘，我覺得呢點非常好👍🏻

多謝@cosme抽中我 俾我機會試用Rejoice 瞬效柔順護髮精華 Rejoice呢個洗髮護髮產品牌子我相信無香港人唔識 而大家洗完頭都會有用護髮素嘅習慣 我都一樣 除了護髮素 我都會大約一星期用一次髮膜 有時會用少少髮尾油 因為本身啲頭髮偏乾同旱唔太順滑易打結<<<如圖一 得知Rejoice 護髮精華到手後就立即試用! 呢支精華標榜用後唔洗沖洗聽落好方便 我頭髮長度未到肩膀 所以我一次pump兩下嚟用 pump出嚟嘅見到精華質地好滑好濕潤 <<<如圖二 聞起來唔大味 而且好易推開 搽上頭髮後好快吸收 摸落幾滑 <<<如圖三 唔沖洗下直接吹頭 摸落滑咗有保濕！睇落有光澤！<<<如圖四 Rejoice 護髮精華啱晒我呢啲懶人 唔洗花時間用髮膜 連髮尾油都唔洗買唔洗用 一支搞掂！ 建議髮質偏乾嘅sis使用！

首先多謝@cosme 邀請我試用飄柔品牌首創免沖洗護髮精華。 由於我本身的髮質屬於乾硬類型, 加上我又喜歡做colour 喎，所以我非常注重護髮精華產品的☺️ 使用Rejoice 瞬效柔順護髮精華時, 氣味好怡人，慢慢發出濃郁的人蔘味道, 抹上頭髮的時候, 順滑易推開, 解決了頭髮乾硬的煩惱° 第二朝起身的時候， 髮絲仍然保留着人蔘的味道，令我萬分驚喜。 我會持續用這個產品之餘， 還會介紹給身邊的朋友啊🥰

我原本髮質因為經常燙染，所以發端開叉乾旱， Rejoice呢隻護髮精華免沖洗又唔黐立， 感覺很不錯。雖然無話擦完吹頭髮，一下子就可以變得好柔順，但係比起本身乾燥嘅頭髮，已經順滑好多。 我平時本身都會使用髮膜或著髮尾油，但係因為貪快同埋懶，所以有時都冇用到。但因為Rejoice呢隻免沖洗產品，係吹頭前用嘅，點都會有時間可以使用，所以令我無咁懶，勤力多咗用。 呢隻產品冇乜特別香味，滲透吸收速度都算快質地又唔會好油，查完就咁抹喺毛巾度，唔使另外洗手都可以。 簡單嚟講免沖洗護髮精華都有小程度上節省咗我護理嘅時間。 因為今次試用期間，去咗韓國，係咁乾嘅情況下，吹頭前用，都令我呢幾日嘅髮質保持得唔錯。 如果懶想貪快嘅話，呢隻產品係一個唔錯嘅選擇。

今次試用Rejoice瞬效柔順護髮精華嘅滋潤型配方 包裝粉紅色 添加咗人蔘精華 專門係針對毛躁 講返我本身頭髮髮質係偏毛躁乾枯 好多Baby hair 成日彈出嚟 自己本身一個星期都會用幾次髮膜同每日用護髮素護髮油 今次用呢隻護髮精華質地比較水潤 流動性較高 氣味亦都香 我洗完頭之後頭髮仲濕嘅狀態之下用2下 查勻髮尾之後先再吹頭 明顯感覺到頭髮又比較柔順同冇咁毛躁 每日只係做多一個步驟就可以令髮質改善

原本自己髮質唔乾唔油，不過因為漂染過，所以都有幾多分叉同斷髮。 方便度：🌕🌕🌕🌕🌕（滿分） 唔洗沖水的確好方便，沖涼都快咗好多🤣 質地：🌕🌕🌕🌕🌑 質地係輕薄水潤，我自己長頭髮用三pump 都ok，唔會lup lup 的。 效果：🌕🌕🌑🌑🌑 比起唔用護髮素就順滑咗嘅，但係我都係覺得用水沖嘅護髮素比較順滑。 成份：見到佢第二個成份就係dimethicone，以矽靈去做頭髮順滑嘅效果，個人唔太鍾意。

多謝@cosme提供嘅機會😊，今次好開心可以使用Rejoice嘅免沖洗護髮精華 (滋潤型) 以下係我連續用咗一個禮拜嘅心得。 我嘅頭髮本身比較乾、毛躁，所以每次洗頭都要用護髮素，但都唔容易沖洗走所有護髮素，保持清爽。今次我洗完頭出黎 (快咗好多😂 唔洗喺入面等護髮素滋潤頭髮嘅時間，臨吹頭之前就搽呢個免沖洗護髮精華，上手白色嘅好滋潤，同平時護髮素嘅質地同香味差唔多，本身有啲擔心會唔會好黏㗎，點知啲頭髮 (我搽中髮尾) 好容易吸收曬，隻手都完全唔黏。 最後吹完頭，結果啲頭髮都好滋潤 勁順，完全冇開叉，覺得好好用，推薦比大家用🌟

多謝@cosme 抽中試用Rejoice最新嘅免沖洗護髮精華，本身我自己嘅髮質都比較毛躁，容易打結，髮尾因為染髮好易有乾枯情況。 平時會將髮膜直接取代護髮素用，免咗之後吹頭要再用髮尾油嘅步驟。 我嘅頭髮長度係到胸前，免洗精華用兩泵都已經好足夠，搽上頭髮都好容易搽得均勻，淡淡香味宜人，之後吹髮會比以前稍為耐少少，算好快吸收晒，吹乾後頭髮唔會有黏膩感。 使用後全日頭髮都保持到柔順唔易打結，改善咗髮尾好多時因為磨擦會出現嘅毛躁乾枯問題，而且呢支護髮精華價錢唔駛$70，大大支好抵用，性價比高，值得推薦。

感謝@cosme邀請試用Rejoice順效柔順護髮精華(滋潤型)～ 本身都試過好多不同牌子嘅護髮精華，而今次第一次試用到Rejoice呢款，覺得有驚喜！因為我本身髮質比較粗硬同埋有打結同毛燥問題，就算平時用到護髮精華或者護髮油等等，但效果未係好顯著。 而呢款護髮精華，質地相對透薄得黎而且都有淡淡香味～而且一搽上頭髮上，即時有明顯既效果，頭髮變得冇咁乾硬粗糙，而且頭髮好柔順，香味亦可以持續長時間，覺得頓時可以改變咗自己頭髮嘅質感！髮質即時健康咗～ 同埋佢亦都好方便使用，唔會太黏立，雙手搽完後簡單沖洗就可以。整體嚟講個人認為佢性價比好高。本人亦都會繼續使用呢款無法精華～

上星期收到Rejoice贈送試用既滋養修護瞬效柔順護髪精華，開頭以為係旅行裝size，拆開包裝發現係大大支貨裝380g size😍😍😍 我既髪質係粗、硬質地，以前髪型一直都剪短和碎，較易打理，但半年前開始留長，令我開始留意護髪產品。現在每次洗完頭，要用頗多時間去梳和吹乾，明明梳順了不久又打結，很令人沮喪。 上星期六開始試用，每晩洗頭後索去多餘水份，按了兩三下份量護髪精華從髪尾開始雙手互搓，不需多久，精華已被我的頭髮吸晒，然後再吹頭，吹既時候，頭刷不再卡住，用了五天後，我最喜歡的感覺是隨時可以用手梳頭也不會卡住。

十分感謝 @cosme 邀請試用Rejoice 免沖洗護髮精華 我係每朝都會洗頭吹頭既人，所以髮尾係會比較乾同有毛躁既問題，之前都有嘗試用下護髮油，但感覺沒有太大改善同用完隻手立黏黏,所以就無再用。 今次試用瞬效柔順護髮精華 (滋潤型)，用法都十分方便，只要係洗完頭髮後吹頭髮之前直接搽上去就得，不用沖洗，而且吸收得好快，質地一點都唔黏笠，之後再吹頭頭髮都好柔順唔會打結，用左一段時間確實有效，改善咗我嘅頭髮乾枯同毛躁髮質既問題。