沙宣 好用推薦產品

Umbrellarainn好用推薦：感謝cosme揀中左我去試用呢款沙宣深層滋潤潤髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款潤髮乳冇好大期望，但係點知用左14日後，佢都俾到驚喜我喎！ 講吓佢質地先，佢質地幾濃稠但又唔油膩，好滑順，好易推開喺頭髮上，尤其塗喺髮尾位，按摩一陣再沖水，就即刻有被滋潤包住嘅感覺。 係保濕方面，表現非常好。佢深層滋潤效果明顯，用完之後頭髮即時變得好水潤、好貼服，原本髮尾好乾同毛燥，用完14日之後，水潤感明顯提升，就算天氣乾爽都冇咁易乾柴。 而柔軟度方面，都幾好！係最大驚喜之一。本身我頭髮偏粗硬，用完之後明顯變得滑溜溜、好好梳，唔打結，頭髮由粗硬感覺變得好細軟，摸落去滑捋捋咁。 至於強韌度，雖然我本身頭髮分叉唔算多，但用完之後感覺頭髮健康左好多。乾燥同毛燥問題減少咗，頭髮冇之前咁脆弱。 光澤度就自然健康。洗完吹乾會有柔和自然嘅光澤，夠亮澤同有活力。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度高，洗完可能覺

Yty好用推薦：好開心得到cosme嘅試用機會啊！呢排keep住半個月試咗沙宣深層滋潤潤髮乳，感覺真心唔錯。 我頭髮因為長期自己set卷頭髮同偶爾拉直，髮尾一直好乾好毛躁，尤其洗完頭第二朝起身，頭髮就亂晒一團，一梳就打結，摸落去粗粗哋同埋好暗啞。之前試過好多支護髮素，有啲用完頭皮痕、有啲好油膩要洗好耐先沖得乾淨，仲有啲完全冇感覺。 呢支沙宣潤髮乳酒紅色大樽一入手就覺得幾正，泵頭設計好順手，一泵就出好多。我通常係洗頭之後，頭髮仲有少少水份嘅時候，先泵 3-4 泵喺手心，搓勻之後由中段開始塗到髮尾，尤其髮尾同耳朵後面嗰啲最乾嘅位會多搽一啲。之後用手指輕輕按摩 1-2 分鐘，讓佢滲入頭髮度，先至沖水。 沖水嘅時候好易過，好滑就走晒，完全冇黏笠笠嘅感覺。 towel dry 之後已經覺得頭髮軟咗少少。之後我會用吹風機中熱風吹乾，一邊吹一邊用手指梳順。吹完之後變化最明顯！原本乾柴柴、容易靜電嘅頭髮，即刻順滑好多，摸落去有光澤，唔再係一摸就覺得粗糙。連續用咗成兩個星期，髮尾明顯冇之前咁分叉同毛躁，早晨梳頭都順暢晒，唔使成日扯到頭皮痛。 香味係淡淡清新嘅花果香，唔會太甜膩，留香大概半日到一日，同事同朋友都話聞到有陣好

TL好用推薦：用咗Vidal Sassoon水感舒活洗髮露約三星期，洗頭後吹乾，頭髮保持柔順筆直，只有少量毛燥。用手觸摸髮絲依然順滑，完全冇乾旱感覺，保濕效果相當不錯。 洗髮露的樽身採用菱形設計，手握時非常順手，半透明紅色搭配漸變色調，外觀相當特別。 質地呈水狀，唔會過於濃稠，味道亦十分清香。產品含有精萃角鯊烷和 AHA 果酸活性分子，能令頭髮保持水潤亮澤。 用咗佢，真係可以隔耐啲先去 Salon 做護理。

SammyN好用推薦：日日洗頭的話都唔錯的，有效維持髮質穩定。一大支可以用好耐，所以同時有其他洗髮水的話會按照天氣及頭髮的狀態交替使用。

Umbrellarainn好用推薦：感謝cosme揀中左我去試用呢款沙宣深層滋潤洗髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款洗頭水冇好大期望，但係點知用左14日後，佢都俾到驚喜我喎！ 講吓佢質地先，佢唧出嚟呢都幾cream，但係cream得嚟都幾水潤，好容易起泡，沖水之後呢，你會feel到頭髮乾淨嘅感覺。係一定要配合埋護髮素一齊用如果唔係呢啲頭髮就會有啲鞋颯颯嘅感覺。 係保濕方面，表現不錯。佢主打深層滋潤，洗完頭之後，啲頭髮會變得好滑，好貼服，啲毛燥冇晒，有一種水潤感。 而柔軟度方面，都幾好！明顯頭髮好滑，變得好好梳，唔打kick，頭髮變到滑捋捋咁。本身我啲頭髮係比較粗硬，但係用完之後而家我啲頭髮感覺變得好細軟。 至於強韌度，係我本身嘅頭髮就唔算有好多分叉，所以呢方面感受唔算好強。不過我感覺啲頭髮係健康左。因為乾燥同埋毛燥嘅問題都減少咗好多。 光澤度就正正常常。洗完吹乾會有自然光澤。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度

ynqq123好用推薦：感謝@cosme 送出今次的試用。我本身頭髮底子好差，又乾又粗糙，成日望落都好暗啞，最慘係洗完頭或者朝早起身梳頭嗰陣，啲頭髮受損開叉到成日一扯就斷，真係睇到都心痛。 不過最近轉用咗呢套深層滋潤洗護系列，修護效果真係明顯過以前用開嘅牌子好多。支洗髮乳有胜肽同玻尿酸，洗完個頭完全唔乾澀，每條髮絲都好水潤、好貼服，連啲衰毛躁都撫平晒。之後搽埋支潤髮乳，佢雖然好滋潤但質地好輕盈、一啲都唔黏，入面嘅角蛋白成分真係好似幫條頭髮做咗沙龍級護理咁。依家梳頭直情絲滑到一梳到尾、唔再打結，頭髮強韌咗、冇咁易斷，仲自然散發住好靚嘅光澤，成把頭髮望落健康好多，真心推介！ Before: After:

TL好用推薦：用咗呢款潤髮乳大約三星期，每次洗髮後均勻塗抹於髮尾並輕輕按摩，停留一兩分鐘後沖洗，潤髪乳質地呈現乳霜狀，非常容易沖洗，完全冇黏笠感。 瓶身係類似潤手霜的軟管設計，而帶有”令”身面的設計，亮眼又好拎。 用咗之後最明顯的改變是頭髮的觸感，部分毛燥變得絲滑，吹乾後頭髮仍保持自然及有光澤。到咗第二日，頭髮仲保持到水潤柔順、不扁塌，添加玻尿酸精華分子，更加提升咗保濕度。

Karman28好用推薦：用過哂沙宣幾款洗頭水，真係唔岩我，每次用完，個頭都油至少一星期，髮根果度會出哂油，痴笠笠。

Hazel好用推薦：尼支洗頭水香味撲鼻，好快起到好多泡，泡沫豐富，感覺洗得乾淨，唔乾但唔覺好滋潤。

A&R好用推薦：沙宣洗頭水，都係見到髮型屋有用，所以買來繼續自己用，但係其實沙宣嘅洗頭水並非好突出，普普通通，洗完唔會太乾燥，都唔會太蓬鬆，冇乜特別感覺，不過香味就幾勁。

Hamiii好用推薦：細個無咁多洗頭水選擇既時候 都用過幾多沙宣呢個牌子 香味其實都偏濃 洗頭水算中規中矩 洗完唔乾咁囉 無咩特別

Giselle 好用推薦：沙宣 強力定型慕斯 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前購入嘅但我覺得唔係太好用 (꒦ິ⌑︎꒦ີ) 可能因為佢係標榜強力定型慕斯(๑꒪ㅁ꒪๑)所以佢會令到啲頭髮搞到好硬(●︎`^´●︎)嗰種硬係好奇怪好唔自然嘅僵硬感(⌯︎˃̶᷄ᗝ˂̶̥᷅⌯︎)做唔到我理想中嘅好輕盈嘅線條感(●︎`^´●︎)過咗一陣之後就會打回原形，根本冇辦法維持得到本身整好嘅造型( ˙༥˙ )我覺得唔太適合喺香港呢啲咁潮濕嘅地方用 ₍ᐢ ›̥̥̥ ༝ ‹̥̥̥ ᐢ₎

chasiutung好用推薦：用過好多款定形慕絲 都好硬 一係就吾持久 但依款乾左吾算好硬 有彈性 有光澤 持久度都吾錯

AC好用推薦：唔止一次用沙宣嘅產品，除咗洗髮露特別喜愛用佢嘅護髮產品。完再沖水已經覺得頭髮好順滑冇打結。

格仔餅公主好用推薦：用完個頭好香但小心佢潤得滯，因為我一搽頭皮即刻生頭瘡，同埋過水過乾淨啲比較穩陣，用完頭髮係滑啲但用完無再買過lu

lingbb好用推薦：- 好耐冇電曲髮，以往曲髮必買嘅慕絲 - 使用前搖一搖，用大拇指輕壓一次，泡沫就從出口噴出 - 泡泡係好綿密，係經過擠壓後膨脹嘅綿密感， 所以果種空氣膨脹感好快就消失 - 上頭髮後頭髮會有黏黏嘅感覺所以必須要搵熱風吹一吹 - 如果唔用慕絲，枯燥嘅髮尾會比較明顯，用完就會貼服啲 - 呢個系列，不輪係彈力定輕柔款泡沫都適合本身電咗髮，想輕輕定個型使用，如果夾髮棒承托力係唔足夠

wintonggg好用推薦：洗完髮尾會順好多，唔會kick，但係沙宣D洗頭水味道好重，個人唔係好鍾意