NeoStrata

更生活膚啫喱面膜

第一次用嗰陣，真係有少少驚。gel狀質地，塗上臉嗰下已經feel到那住那住，特別係鼻翼、嘴角呢啲薄皮位，好似蟻咬咁。說明書話要敷10-15分鐘，但我第一次只係敢捱8分鐘就沖水。 用後即時感覺： 沖完水塊面滑咗好多！好似磨完皮咁，但完全唔乾唔繃緊。不過要留意，頭幾次用會見到少少泛紅，之後皮膚習慣咗就冇事。不過敏感肌慎用！

初次印象與味道： 產品嘅味道老實講唔算太好。而且使用前睇過網上資料，都有啲擔心會唔會刺激到皮膚。 溫和度與效果： 實際上面後，發現並冇出現刺激皮膚嘅情況，性質比想像中溫和。最驚喜嘅係用完之後，皮膚摸落明顯順滑咗，有助改善粗糙感。而且用完之後皮膚唔會好乾，潔面後用番自己日常既護膚程序都好快吸收。 質地與使用注意： 呢款面膜嘅質地非常水潤，雖然好容易均勻上面，但用嘅時候一定要非常小心。因為質地太稀，如果一次過擠太多，好容易會滴落其他地方（例如件衫或者面部其他地方）第一次用唔識掌握份量唔小心「品賞」左少少🤣。 總結： 雖然味道同流動性有待改善，但去角質同令皮膚變順滑嘅效果好顯著，而且唔刺激，會繼續使用！

呢款面膜啫喱搽上臉係透明無色，氣味有少少刺鼻，應該係果酸既味。 跟產品指示用，上臉後有啲拿拿地既感覺，敷完十五分鐘後用清水洗臉，發現皮膚會亮白左。 試用左兩個星期後，發現皮膚透亮左，毛孔有少少收細左，暗瘡都少左。

本人係混油肌，角質層都比較厚，黑頭粉刺都比較多，做完facial清完一輪都好快打回原形；所以試吓呢枝gel plus睇吓可唔可以改善上述情況。 Gel plus本身係果酸產品，上面會有少少吉吉地同刺眼，但呢啲感覺好快會消失；佢係好水感嘅gel狀，容易塗抹：搽完之後等15分鐘洗走，我通常會配合磨砂一齊用，用完會feel到真係清走咗啲污糟嘢，但一定要定期keep住用先見到效果。 雖然佢係家用版本比較溫和，但做完之後都要注意保濕同防曬啊！

我係混油皮膚質，下巴、嘴角、鼻翼既位置經常有粉刺，鼻上有黑頭。用後覺效果滿意，大概清到8成粉刺黑頭，雖然未至於針清咁乾淨，但勝在安全得黎又方便易用。一星期敷一次已經有明顯嫩膚去角質效果，亦改善到油脂分泌。 質地係偏流質既啫喱狀、透明。Gel plus主打含有15％甘醇酸，濃度都偏高，有一定刺激性。初次使用建議唔好敷太耐e.g.先試5分鐘，用慣左既我覺得可以敷夠15分鐘，有傷口/生粒粒/泛紅嚴重既時候就唔建議用住啦。 本身我既皮膚都容易敏感，暫時用左咁耐係皮膚健康既情況下搽完全冇"la"既感覺，亦冇試過用後敏感。唯獨係酒精味頗濃烈，特別係搽係鼻周既時候覺得太嗆鼻。雖然好快揮發，但係減少d酒精成份會用得比較舒服。

毛囊角化去角質好幫手！一星期用一至兩次，毛囊角化的位置明顯感到有改善，平滑了不少，會keep住回購！

係我最鍾意用嘅一款面膜，質地係gel咁，好容易搽上臉，我一個禮拜用一次，用完皮膚嘅白頭粉刺痘痘都會浮出黎，但份量好少，用幾次就用曬，價錢偏貴，用完皮膚會變滑，變細緻

啫喱狀的質地容易塗抹，而且滲透性高，有效去除角質層，加上性質溫和，可以用作日常護理。

用落會有啲吉吉地既感覺，敷15至20分鐘（視乎接受程度），過水後皮膚好淨白，做到深層清潔效果，暗瘡第二日細粒左好多，建議一星期做一至兩次。

買過兩次，但可能少係家用酸性產品既人難掌握點用，第一次使用少量d會比較好。同埋皮膚有敏感時，就唔可以亂用。

備受好評的更新面膜 其實他就是含酸的面膜，主要是用來加速代謝 淨化面部 紅粒暗瘡和黑頭都可以用一用 美容師說這個可以用在面頸 我覺得不錯，算是CP值比較高

呢個Gel Plus用上臉會有輕微刺痛的感覺 酸類產品而言是較溫和的 去角質層的效果用了亦明顯 有透亮

係比較温和嘅果酸，我大概一星期用一次，用初時會有啲刺痛，洗乾淨之後就冇問題，感覺可以收到毛孔

痘痘肌/容易有暗粒粉刺/毛孔粗大人士必備產品！買啦，唔駛諗！產品有15%AHA，可以去除老化角質層，改善粗糙偏黃暗啞皮膚，會疏通毛孔，減退黑頭、白頭、粉刺及暗瘡形成。

本人係乾性混合肌， 平時好少生暗瘡， 不過有時會生暗粒同敏感， 訓覺前搽左第二日會好番， 未試過當成面面膜用； 或者唧完黑頭搽係個鼻上面，第二朝個鼻就唔會紅， 唔搽就一定會有紅印。 已買第二支

質地係好稀嘅透明gel狀，聞落去好大陣酒精味，唧出嚟好易流到四圍都係，因為好流質，所以好易搽得勻循，搽嘅時候要避開眼周，近眼嘅話會有刺激感，其他地方全面搽，都唔覺得有太刺激嘅感覺，敷15分鐘之後過水，就咁沖水會好似洗極都唔乾淨咁，要用毛巾一路抹一路沖水感覺先洗得乾淨，用完之後鼻頭污垢有浮起左，清潔你

初初用勁刺痛，曾經停用過一段時間，後來又再少量少量咁搽，慢慢皮膚適應左，而家用完全冇刺痛感覺，keep住用感覺皮膚有比較穩定及乾淨

對暗粒幾有用！ 不過可能會有啲刺激～ 有少少吉吉地嘅感覺係正常嘅

好好用！對痘痘閉口好有效！ 我keep住一個禮拜會用一次 佢有15%AHA果酸 一開始會有啲刺痛 但長期用落去建立耐受性 就會好有效！

比較刺激，敏感嘅時候唔好用，用完覺得死皮角質都去左好多，皮膚柔軟，但系對於去暗瘡嘅效果唔明顯，反而粉刺容易擠左