Kiehl's

金盞花蘆薈鎮靜保濕凍膜(已停產)

此外，使用面膜時最好用面膜掃。 含保濕成分: 甘油, 庫拉索蘆薈葉汁, 丁二醇, 甘油丙烯酸/丙烯酸共聚物 及 乙基己基甘油 抗衰老成分: 甘油, 金盞花花萃取, 黃芩根萃取, 醋酸鹽維他命E 及 維他命E 肌膚修復成分: 甘油 鎮靜消炎成分: 庫拉索蘆薈葉汁, 金盞花花萃取, 黃芩根萃取, 醋酸鹽維他命E, 白花春黃菊花油 及 維他命E 抗氧化成分: 金盞花花萃取, 黃芩根萃取, 醋酸鹽維他命E, 白花春黃菊花油 及 維他命E 美白/均勻膚色成分: 黃芩根萃取 注意:此為舊版金盞花蘆薈鎮靜保濕凍膜, 新版本已除去多項有可能導致敏感的成分, 如某些精油成分, 並加入更多鎮靜消炎成分, 是一個很好的躍進。

聞落去有淡淡的金盞花味，而且每次用完都好快退紅，清洗都好容易，不過喺保濕效果就差啲，如果塊面成日紅嘅話，可以試吓，但如果係想買隻功能幾好嘅保濕面膜呢個就唔係比較適合嘅選擇

停產咗覺得好可惜嘅啫喱面膜，用嘅時候覺得好清爽，有效鎮靜皮膚敏感同泛紅，而且含有蘆薈精華又可以保濕，油性皮膚一個星期用兩次會覺得出少咗油

會購過好多次，以前一到夏天敏感肌膚發作嘅時候就會厚敷，感覺上真係起到啲舒緩作用，同埋都真係幾保濕。

冬天無論乜嘢成份都好容易引致過敏，即使係瞓覺嘅時候，同衣物、被鋪嘅磨擦，又或者係被強風吹完，都好容易過敏，所以瞓覺之前一定會用舒緩性產品🙈🙈 抗敏舒緩產品來講，我最着重就係佢嘅成份，呢隻面膜入邊內含天然原片金盞花、蘆薈，同保濕成分，我會用喺面上厚敷5到10分鐘，然後洗走，用完皮膚上面好似有層天然嘅

呢款面膜真係無敵好用，舒緩鎮定皮膚，降紅，消除痘痘用佢都係一流，敷上臉超舒服，值得無限回購

金盞花是濕疹或皮膚敏感群的「好友」，當這花遇上這個凍膜簡直是相得益彰，在日曬後我會使用為皮膚降溫，亦會在敏感時間厚敷作為舒緩面膜很棒也實際看見效果

保濕+鎮靜消炎， 效果不錯，適合春夏使用， 凉凉的十分舒適， 帶有淡香氣

係專門店買嘢送嘅試用包 一包5ml，只係夠薄薄搽一層 (但睇官網用法話要厚敷?!?) 質地係水凝狀，好容易推開，容易查得勻循 可能因為查得比較薄，十五分鐘後感覺係半乾狀態 過水後感覺皮膚幾滑，有啲鎮靜嘅感覺 雖然只係薄薄搽一層，但保濕力感覺唔錯，有機會會買正裝 如果唔係試用包限制用量既話應該會敷厚啲

陣陣金盞花味飄逸，而且清涼不黏笠。可見到有片片金盞花瓣溶合在金黃色嘅凍膜度，敷上後清涼更有少許甘甜味道，有少許刺激。

可以鎮靜皮膚但用時候面會有少少剌痛。不保濕， 未有明顯效果

當凍膜咁樣厚厚一層用 有舒緩效果

洗完面再敷大約十分鐘，感覺好舒服！用少少紓緩鎮靜既效果，岩晒而家夏天使用！

面部泛紅果陣我就鍾意敷佢來鎮定舒緩皮膚，覺得幾舒服，敷完都感覺保濕度有提升。

呼呼下唔會乾，只會覺得痴立立，好易痴住頭髮，敷完10分鐘左右洗面，都覺得好水潤

其實我一直對金盞花趨之若鶩，但用完之後覺得不外如是，又唔係話唔好，冰冰涼涼的確可以鎮靜皮膚敏感或暗瘡紅腫等症狀，但一定厚敷先有效，一瓶好快用完，好似用平價嘅蘆薈啫喱感覺抵啲⋯⋯

冇特別效果，唔算保濕，但係夏天用涼涼地幾舒服

適合夏天使用，冬天明顯保濕力度不夠，缺點是總感覺洗不乾淨，有拖拉感。

本身係混合加敏感皮膚，金盞花爽膚水同金盞花凍膜絕對係我家中必備嘅產品👍🏻佢嘅味道好聞又易推。覺得皮膚有啲乾同開始有少少敏感同泛紅嘅時候，就一定第一時間敷佢。敷完之後，塊面會好水潤，好舒服，泛紅嘅地方馬上轉淡。真係好好用👍🏻

經同事介紹買下爽膚水跟凍膜，主要成份是金盞花，修復和收斂功效不錯，暗瘡印和紅印有所改善。