LANEIGE

水亮補濕睡眠面膜

LANEIGE Water Sleeping Mask_EX 水亮補濕睡眠面膜 $240/ 70ml 功效：穩定膚況+高效保濕+第二朝提亮+健康+細緻 蘊含不少對肌膚有益的成分，以保濕成分為主，另外添加了鎮靜消炎等成分。敏感肌如果擔心香料之類，可以改為選擇採用低敏配方的膠原彈滑睡眠面膜，用得更安心。 水亮補濕睡眠面膜的啫喱質地非常正， 保濕力很好之餘，不會很黏笠， 反而偏向清爽水感， 即使油性肌及混合肌都可以使用，不會有負擔。 使用感方面，水亮補濕睡眠面膜令人感到很舒適及放鬆心情，完全沒有敏感不適。 使用後，肌膚即時水潤動人，而且富光澤及透明感，膚況非常穩定，連一點泛紅也沒有。 第二朝醒來，肌膚依然健康，毛孔變得不明顯，而且水潤光澤。 含保濕成分: 丁二醇, 甘油, 海藻醣, 角鯊烷, 苯基三甲基聚矽氧烷, PCA 聚二甲基矽氧烷, 辛甲基聚矽氧烷, 乙基己基甘油, 蜜三糖, 色氨酸, 酵母葡聚糖 及 Acorus Gramineus Extract 抗衰老成分: 甘油, 角鯊烷, 孔雀石萃取, 抗凝血酸 及 維他命E 抗氧化成分: 角鯊烷, 孔雀石萃取, 色氨酸, 酵母葡聚

用左好多好多好多樽🫶🏻 非常值得入手既sleeping mask! 沖完涼薄薄搽一層，5分鐘內吸收晒🫶🏻 唔會痴立立，唔會黏住唔舒服，直接可以訓🫶🏻 第二朝起身係感覺到既水潤🫰🏻 懶人如我，幾乎晚晚都用，搽完㩒幾下電話就想做乜都得🫶🏻 如果想簡單保養一樽搞掂，極建議你買佢番屋企👍🏻👍🏻👍🏻👍

用咗大概五至六次，自己以往冇試過用睡眠面膜，見呢隻幾出名所以試吓，但發覺用嗰幾次過夜之後第二至三日就會有少少粒粒喺塊面度，所以而家都停咗唔敢再用了🥲。

曾經有段時間係laneige fans, 因為人生第一套set裝護膚品就係laneige, 當時有用佢嘅sleeping mask, 臨訓前搽喺面，保濕到第二朝，香味有啲勁，但我冇敏感的，保水保濕都唔錯，質地都好柔滑，唔怕香料重的都可以試下呀

從專門店購物時所得之贈品～呢款一向係呢個牌子嘅熱賣商品～而家仲改良咗新版本～依舊質地水潤～上床前搽上～入睡前已吸收到不剩黏膩感～翌日有感肌膚更水嫩啦～睡眠面膜的確係懶人恩物～

由細用到大，香味好舒服，過完一陣就唔會黐粒粒，瞓覺都唔使擔心整污糟枕頭，用完第二朝沖走佢就得，簡單過敷paper mask，瞓覺嘅時候唔會俾冷氣吹到塊面好乾，好用，家居必備！

雖然睡眠面膜係唔需要過水，但係我輕輕敷一層之後，過咗好耐都仍然係覺得有一層「膜」喺塊面度，令我每次都會忍唔住洗咗佢，然後用返平時嘅日常護膚品先至瞓覺。有一次我冇洗到，試吓效果，結果第二朝就成面都係油，同埋開始有暗粒同爆瘡。 如果用完之後過水嘅話，第二朝效果都算有少少保濕嘅，但係唔係太明顯，可能真係要敷過夜先至有效果？睇嚟我嘅皮膚應該唔係好適合用睡眠面膜

曾經成日用的sleeping mask, 細個覺得冇乜野，後來覺得香味太勁，敏感肌朋友不可用，保濕方面不錯的，keep到翌日早上，不錯

好大盒好抵用，厚敷都唔心痛❤️‍🔥保濕效果唔錯，會再回購！CP值高！

類似gel狀的質地。但可惜我之前用果陣唔知點解塊面會敏感，有可能果排面部情況比較不穩定

基本上係屋企長期備貨嘅product，雖然佢叫睡眠面膜，但我覺得佢係好補濕嘅面霜，夏天一開冷氣我就會甩皮，但用完之後冇咩點甩，再朝早用，皮膚明顯水潤好多。

臨瞓之前用佢第二朝起身洗完之後覺得皮膚飲飽水，又水潤有光澤！！

呢款睡眠面膜做到純保濕嘅效果，我通常唔會敷過夜，我大概敷20分鐘就會洗走佢，用完皮膚會變到好soft

吸收得好快，水狀咁，唔會痴痴笠笠，味道好淡，保濕度都好夠，乾皮覺得幾好用

好容易推開，唔知點解我用嘅時候有少少痕，可能對呢隻面膜有少少敏感🤔 唔敷過夜嘅話都OK