HiROSOPHY 好用推薦產品
HiROSOPHY 推薦產品一覽 13 件
Poyobb好用推薦：Cosme店內呢款Sakura 嘅面膜、洗面膏、乳液都長期喺排行榜上面，之前行過有BA見到我皮膚生好多暗粒推介我使用，就買咗呢支乳液。 質地偏向gel及乳液之間嘅半透明狀，水潤感重。吸收得幾快，味道幾好聞，即使日本開架牌子都唔會太重香料味。 有時皮膚出咗粒粒，我唔會搽serum，直接搽呢支乳液，感覺上第二朝皮膚好返好多，修復得快啲，而且keep住用皮膚係穩定啲。 本身唸住喺支好普通補水乳液，但用上去皮膚係透亮白淨咗，必會回購，啱混合性肌膚使用😊
<看全文>Kelvin好用推薦：Hirosophy 櫻花米粷乳液 呢支櫻花乳液同洗面膏，我留意咗好耐，次次行親cosme都無貨，一返咗貨即刻買，試吓係咪真係咁勁！ 本身想買嗰陣時係9/10月，12月先有貨所以我只會喺間唔中朝早用依枝乳液，夜晚用返其他面霜。 櫻花乳液吸收得快，容易推。而且做到即時保濕，但唔會太油膩。有啲花味嘅清香🩵 用完上妝貼服，無起碎碎👍🏻感覺上用完佢再化妝，冇咁易焗到起粒粒。 我覺得用完皮膚透亮咗，有光澤。雖然唔係美白精華但做到提亮效果，皮膚冇咁暗沉，應該有美白成份。推介俾混合肌/油肌嘅女仔試下。我會留返夏天用🤏🏻
<看全文>
Julianna好用推薦：這款面膜的定位明顯係針對亮白、修護類，但實際用落感覺偏「溫吞」，屬於養膚型選手，但養得太慢。敷上臉嘅質感屬於厚重啫喱狀，精華極多，要推好耐先吸收得晒。敷完皮膚會有柔滑感、有少少透明感，但效果不算突出，亮白成份應該係長期使用先見效，但咁既價錢期望會高啲。 成分方面有酵母、米麹等發酵元素，有少少天然發酵味，唔係人人接受到，尤其敏感肌要小心。香味不濃，但有輕微酒麴底調，有人會鍾意，有人會覺得怪。cutting唔算太貼面，面膜布屬於中偏厚，吸精華力不錯，但黏感殘留偏高，要再清潔一次先覺得爽。 我自己覺得佢最大問題係吸收太慢，唔夠爽快，用完要等好耐先可以進行下一步保養程序，對於趕時間或朝早敷面膜嘅人唔友善。總結係：有潛力，但體驗唔夠輕盈。 ✅ 適合膚質：中性～乾肌／想慢慢養膚亮白 ⚠️ 不適合：油肌／急性子／怕發酵味 ⭐️保濕度：★★★☆☆ ⭐️亮白度：★★★☆☆ ⭐️使用感：★★★☆☆ ⭐️回購意願：★★☆☆☆
<看全文>Kelvin好用推薦：櫻花面膜唔係專櫃品牌，但日本cosme長期熱賣產品。微香既味道，好日系既感覺🌸面膜紙薄薄地，充滿住透明精華液，份量適中，而且唔會太濃稠。面膜size男士面形都大致覆蓋曬。 依款面膜萃取日本櫻花🌸精華🌾添加稻米發酵液、vitamin c等美肌潤膚成分，能夠抑制黑色素素生成，平衡水油，收縮毛孔，亮白肌膚。 敷完洗完面冇特別大感覺，唔會有超級保濕超級滋潤嘅感覺，但係皮膚會好嫩滑，第二朝起身皮膚好透亮白淨。最鐘意係岩岩出暗粒暗瘡嘅時候用，感覺會退得快啲。夏天可以keep住一個星期用一次，咁就唔會咁易出斑同曬黑🍋
<看全文>
Poyobb好用推薦：點解會買💕 Cosme大熱產品，櫻花米麴潔面乳，早排買咗佢支乳液翻貨，同時買埋又係同一個系列長期斷貨的產品😍產品有抗糖效果，呢個Term係日本熱潮。 質地💕 膏狀質地乳白色，容易起泡，泡泡綿密。洗完感覺乾淨。做到洗完面不繃緊。我用完卸妝啫喱再用佢。，清潔到啱啱好。 洗面嘅時候有一浸浸好香嘅花味，一啲都唔廉價🥰 使用感💕 平時正常用皮膚就會keep住，皮膚好滑啲，睇落去毛孔細緻啲。但始終有時化妝可能有機會落妝唔乾淨就會起粒粒，但皮膚起粒粒嘅日子用完，感覺快d回復穩定狀態。 效果💕 對比返前排用護膚品專櫃嘅洗面膏，依枝櫻花潔面乳，絕對對得起223$既價錢，用後感絕對唔差。坦白講我好少買二百幾蚊嘅開架牌子，但依枝我會回購。 依支洗面膏已經有穩定皮膚既第一個Step，添加了櫻花萃取成份，夏天洗完面皮膚毛孔會細緻乾淨咗。對於我混合性肌膚嚟講，唔會太滋潤皮膚又乾淨，好適合之後搽護膚品。從而令底層冇咁多污糟，化妝都唔用遮瑕膏。 終於知道cosme姐姐大推原因，其實我連面霜乳液加面膜都買埋🫣 夏天岩岩好，冬天少少乾。 建議💕 夏天非常炎熱又焗，明白一定想皮膚乾淨清爽。如果想夏天穩定皮膚，建議
<看全文>Paris merci 好用推薦：質地 首先講佢嘅質地，潔面乳係輕盈嘅乳霜狀，非常容易推開，手感好滑。我會擠少少喺手心，再輕輕搓勻起泡，然後用水輕輕按摩面部，鼻翼位置多幾次打圈，感覺舒服！完全唔會有個種刺痛感！ 使用感 用完之後，最明顯嘅感覺就係皮膚水潤又有彈性，完全唔覺得乾！肌膚偏乾，洗臉嘅時候通常都要特別小心，怕用錯潔面月更加乾燥。有啲牌子洗完臉後皮膚會好緊繃，特別係冬天，但轉左呢枝潔面乳，皮膚可以保持住水分，感覺好滋潤。真係唔怕洗臉上水分，反而有種輕鬆嘅感覺，特別適合我呢種乾肌！ 仲有佢嘅天然香味，輕輕嘅櫻花香味讓人感到放鬆，洗 face 嘅時候完全唔會覺得煩，反而好享受呢個過程。早晚都可以用，朝早用俾到我一種清新感，好適合作為我每日護膚嘅第一步💕
<看全文>
samanthang1117好用推薦：我混合性偏乾肌，同時係敏感肌，用咗接近大半支～係俾Cosme朗豪坊有姐姐燒到我用嘅XD ・質地好水嫩易吸收，個水嫩程度係我用咗一半先發現係物理性防曬！勁surprise物理防曬可以做到化學防曬嘅質感🤩 ・無色無味，延展性高 ・唔黏立焗面 ・上面有提亮膚色作用，令膚色冇咁黃同暗啞，比起市面其他唔同顏色嘅防曬提亮做得更自然 ・仲有好多product喺面吸收緊嗰時就上防曬，就會出小小擦膠碎，但唔明顯的。吸到8成先上防曬就OK ・朝早用去到下晝4點左右，T字位就會出油，呢個位可能要搞搞，可能係乾到出油，再保濕啲更好🫨（坐office的） 幾好用而且用到好耐，會回購！
<看全文>HaloPrettyPig好用推薦：這是一支感覺非常清爽的防曬，塗上後完全沒有油膩感，T字位不會泛油，但同時皮膚不會感到乾爭爭。成份安全，用起來安心又舒適，是我近期非常喜歡的一款產品。
<看全文>
LazyPig好用推薦：本人是敏感肌，買的時候已告知俾售貨員知，售貨員說這一款比另外一款更好用，不會刺激，我回家一試敷上面後大約不夠1分鐘，就感覺到側刺痛，敏感肌姊妹勿試物買勿用。
<看全文>Kna好用推薦：超級無敵勁好用。依款面膜無論3係佗B定生前生後都好啱我。 佗B前後，敏感皮膚，眼下同權骨較乾。 首先，佗B前，如果啱啱想起敏感，敷完第2朝已經去得7788。佗B後，就禁唔到咁多，但有舒緩作用。 第二，手賤針清黑頭敷佢，降紅收無孔即時搞掂 第三，做完deep clean敷佢，成塊面超保濕同飽滿，毛孔都細左好多。 佗b嘅時候，塊面係咁出油，但又成日覺得好乾。勁易敏感同係咁出油脂粒。仲要搽咩都覺得唔吸收，係敷佢，塊面先有保左水嘅感覺，同減輕敏感。
<看全文>
