HiROSOPHY 用家評價

這款面膜的定位明顯係針對亮白、修護類，但實際用落感覺偏「溫吞」，屬於養膚型選手，但養得太慢。敷上臉嘅質感屬於厚重啫喱狀，精華極多，要推好耐先吸收得晒。敷完皮膚會有柔滑感、有少少透明感，但效果不算突出，亮白成份應該係長期使用先見效，但咁既價錢期望會高啲。 成分方面有酵母、米麹等發酵元素，有少少天然發酵味，唔係人人接受到，尤其敏感肌要小心。香味不濃，但有輕微酒麴底調，有人會鍾意，有人會覺得怪。cutting唔算太貼面，面膜布屬於中偏厚，吸精華力不錯，但黏感殘留偏高，要再清潔一次先覺得爽。 我自己覺得佢最大問題係吸收太慢，唔夠爽快，用完要等好耐先可以進行下一步保養程序，對於趕時間或朝早敷面膜嘅人唔友善。總結係：有潛力，但體驗唔夠輕盈。 ✅ 適合膚質：中性～乾肌／想慢慢養膚亮白 ⚠️ 不適合：油肌／急性子／怕發酵味 ⭐️保濕度：★★★☆☆ ⭐️亮白度：★★★☆☆ ⭐️使用感：★★★☆☆ ⭐️回購意願：★★☆☆☆

Cosme店內呢款Sakura 嘅面膜、洗面膏、乳液都長期喺排行榜上面，之前行過有BA見到我皮膚生好多暗粒推介我使用，就買咗呢支乳液。 質地偏向gel及乳液之間嘅半透明狀，水潤感重。吸收得幾快，味道幾好聞，即使日本開架牌子都唔會太重香料味。 有時皮膚出咗粒粒，我唔會搽serum，直接搽呢支乳液，感覺上第二朝皮膚好返好多，修復得快啲，而且keep住用皮膚係穩定啲。 本身唸住喺支好普通補水乳液，但用上去皮膚係透亮白淨咗，必會回購，啱混合性肌膚使用😊

櫻花面膜唔係專櫃品牌，但日本cosme長期熱賣產品。微香既味道，好日系既感覺🌸面膜紙薄薄地，充滿住透明精華液，份量適中，而且唔會太濃稠。面膜size男士面形都大致覆蓋曬。 依款面膜萃取日本櫻花🌸精華🌾添加稻米發酵液、vitamin c等美肌潤膚成分，能夠抑制黑色素素生成，平衡水油，收縮毛孔，亮白肌膚。 敷完洗完面冇特別大感覺，唔會有超級保濕超級滋潤嘅感覺，但係皮膚會好嫩滑，第二朝起身皮膚好透亮白淨。最鐘意係岩岩出暗粒暗瘡嘅時候用，感覺會退得快啲。夏天可以keep住一個星期用一次，咁就唔會咁易出斑同曬黑🍋

Hirosophy 櫻花米粷乳液 呢支櫻花乳液同洗面膏，我留意咗好耐，次次行親cosme都無貨，一返咗貨即刻買，試吓係咪真係咁勁！ 本身想買嗰陣時係9/10月，12月先有貨所以我只會喺間唔中朝早用依枝乳液，夜晚用返其他面霜。 櫻花乳液吸收得快，容易推。而且做到即時保濕，但唔會太油膩。有啲花味嘅清香🩵 用完上妝貼服，無起碎碎👍🏻感覺上用完佢再化妝，冇咁易焗到起粒粒。 我覺得用完皮膚透亮咗，有光澤。雖然唔係美白精華但做到提亮效果，皮膚冇咁暗沉，應該有美白成份。推介俾混合肌/油肌嘅女仔試下。我會留返夏天用🤏🏻

我混合性偏乾肌，同時係敏感肌，用咗接近大半支～ 係Cosme朗豪坊有姐姐見到我搵其他product，望一望我塊面就推介我呢款XD ・少咗出粉刺粒粒，暗瘡都少咗！應該係因為product有啲酸類成分～ 今年皮膚因為用錯product同身體問題🥲，睇過好多次醫生💊，但keep住用佢做清潔洗面都冇問題！ ・洗完面唔掹緊，唔啜手，同時冇唔舒服嘅感覺／殘留物留喺面上 ・感覺洗潔力足同時保濕，因為洗完面塊面幾嫩滑 ・用耐咗覺得塊面更透亮，冇咁黃，即使我工作關係成日要OT到半夜，依然用得越耐係越亮白🤭 真係明顯感受到好有用，絕對會回購！

我混合性偏乾肌，同時係敏感肌，用咗接近大半支～係俾Cosme朗豪坊有姐姐燒到我用嘅XD ・質地好水嫩易吸收，個水嫩程度係我用咗一半先發現係物理性防曬！勁surprise物理防曬可以做到化學防曬嘅質感🤩 ・無色無味，延展性高 ・唔黏立焗面 ・上面有提亮膚色作用，令膚色冇咁黃同暗啞，比起市面其他唔同顏色嘅防曬提亮做得更自然 ・仲有好多product喺面吸收緊嗰時就上防曬，就會出小小擦膠碎，但唔明顯的。吸到8成先上防曬就OK ・朝早用去到下晝4點左右，T字位就會出油，呢個位可能要搞搞，可能係乾到出油，再保濕啲更好🫨（坐office的） 幾好用而且用到好耐，會回購！

聞起來ok，效果對得上它的價錢，保濕而且稍微有消炎去痘，值得購買

被店員推薦燒到而買，質地推開水潤，很輕唔黏，聞上去有淡淡嘅香味，朝早用完心情好好～效果唔錯，日常用足夠水潤，消炎方面用左之後有減少左發炎嚴重嘅情況出現，但要袪痘嘅話都係要搭配消炎嘅產品。

本人是敏感肌，買的時候已告知俾售貨員知，售貨員說這一款比另外一款更好用，不會刺激，我回家一試敷上面後大約不夠1分鐘，就感覺到側刺痛，敏感肌姊妹勿試物買勿用。

係cosme比sales sale買呢款面膜，話孕婦，敏感肌都用得，有珍珠美白好有用。佢單價比較貴，我係用福袋買既(一盒面膜加一支化妝水噴霧)，我用過一次，感覺面膜紙比較厚又不算貼面，舒緩感覺尚可，要用多幾次再feel下

購自旺角@cosme ，店員極力推介下買咗兩支，價格唔係平，但用唔夠1/5開始，個瓶口位置已經同精華溶為一體，甩晒coating，唔知係包裝用料差定精華太強…有啲擔心搽面時會連coating 按咗出黎。

我用過好多大品牌既mask 都做唔到抗老 但佢用完之後，係超級緊緻囉！ 第2日唔好笑 因為塊面好緊緻 可以keep到5日都咁緊緻 超級好用囉！眼紋都少左

與同系列的魚子醬EGF精華一同在旺角 @cosme 店員推介下購入，但洗面時不慎入口，feel到化學味道極強，但潔面效果唔錯，但現時因為懷孕唔敢用依款潔面，覺得比其他潔面乳更重化學成份。

真係無得輸既mark,佢有EGF成分， 我用前塊面超級紅同過敏， 敷面去紅 同埋第2日上妝超級貼

這是一支感覺非常清爽的防曬，塗上後完全沒有油膩感，T字位不會泛油，但同時皮膚不會感到乾爭爭。成份安全，用起來安心又舒適，是我近期非常喜歡的一款產品。