HiROSOPHY 用家評價

點解會買💕 Cosme大熱產品，櫻花米麴潔面乳，早排買咗佢支乳液翻貨，同時買埋又係同一個系列長期斷貨的產品😍產品有抗糖效果，呢個Term係日本熱潮。 質地💕 膏狀質地乳白色，容易起泡，泡泡綿密。洗完感覺乾淨。做到洗完面不繃緊。我用完卸妝啫喱再用佢。，清潔到啱啱好。 洗面嘅時候有一浸浸好香嘅花味，一啲都唔廉價🥰 使用感💕 平時正常用皮膚就會keep住，皮膚好滑啲，睇落去毛孔細緻啲。但始終有時化妝可能有機會落妝唔乾淨就會起粒粒，但皮膚起粒粒嘅日子用完，感覺快d回復穩定狀態。 效果💕 對比返前排用護膚品專櫃嘅洗面膏，依枝櫻花潔面乳，絕對對得起223$既價錢，用後感絕對唔差。坦白講我好少買二百幾蚊嘅開架牌子，但依枝我會回購。 依支洗面膏已經有穩定皮膚既第一個Step，添加了櫻花萃取成份，夏天洗完面皮膚毛孔會細緻乾淨咗。對於我混合性肌膚嚟講，唔會太滋潤皮膚又乾淨，好適合之後搽護膚品。從而令底層冇咁多污糟，化妝都唔用遮瑕膏。 終於知道cosme姐姐大推原因，其實我連面霜乳液加面膜都買埋🫣 夏天岩岩好，冬天少少乾。 建議💕 夏天非常炎熱又焗，明白一定想皮膚乾淨清爽。如果想夏天穩定皮膚，建議

這款面膜的定位明顯係針對亮白、修護類，但實際用落感覺偏「溫吞」，屬於養膚型選手，但養得太慢。敷上臉嘅質感屬於厚重啫喱狀，精華極多，要推好耐先吸收得晒。敷完皮膚會有柔滑感、有少少透明感，但效果不算突出，亮白成份應該係長期使用先見效，但咁既價錢期望會高啲。 成分方面有酵母、米麹等發酵元素，有少少天然發酵味，唔係人人接受到，尤其敏感肌要小心。香味不濃，但有輕微酒麴底調，有人會鍾意，有人會覺得怪。cutting唔算太貼面，面膜布屬於中偏厚，吸精華力不錯，但黏感殘留偏高，要再清潔一次先覺得爽。 我自己覺得佢最大問題係吸收太慢，唔夠爽快，用完要等好耐先可以進行下一步保養程序，對於趕時間或朝早敷面膜嘅人唔友善。總結係：有潛力，但體驗唔夠輕盈。 ✅ 適合膚質：中性～乾肌／想慢慢養膚亮白 ⚠️ 不適合：油肌／急性子／怕發酵味 ⭐️保濕度：★★★☆☆ ⭐️亮白度：★★★☆☆ ⭐️使用感：★★★☆☆ ⭐️回購意願：★★☆☆☆

Cosme店內呢款Sakura 嘅面膜、洗面膏、乳液都長期喺排行榜上面，之前行過有BA見到我皮膚生好多暗粒推介我使用，就買咗呢支乳液。 質地偏向gel及乳液之間嘅半透明狀，水潤感重。吸收得幾快，味道幾好聞，即使日本開架牌子都唔會太重香料味。 有時皮膚出咗粒粒，我唔會搽serum，直接搽呢支乳液，感覺上第二朝皮膚好返好多，修復得快啲，而且keep住用皮膚係穩定啲。 本身唸住喺支好普通補水乳液，但用上去皮膚係透亮白淨咗，必會回購，啱混合性肌膚使用😊

櫻花面膜唔係專櫃品牌，但日本cosme長期熱賣產品。微香既味道，好日系既感覺🌸面膜紙薄薄地，充滿住透明精華液，份量適中，而且唔會太濃稠。面膜size男士面形都大致覆蓋曬。 依款面膜萃取日本櫻花🌸精華🌾添加稻米發酵液、vitamin c等美肌潤膚成分，能夠抑制黑色素素生成，平衡水油，收縮毛孔，亮白肌膚。 敷完洗完面冇特別大感覺，唔會有超級保濕超級滋潤嘅感覺，但係皮膚會好嫩滑，第二朝起身皮膚好透亮白淨。最鐘意係岩岩出暗粒暗瘡嘅時候用，感覺會退得快啲。夏天可以keep住一個星期用一次，咁就唔會咁易出斑同曬黑🍋

Hirosophy 櫻花米粷乳液 呢支櫻花乳液同洗面膏，我留意咗好耐，次次行親cosme都無貨，一返咗貨即刻買，試吓係咪真係咁勁！ 本身想買嗰陣時係9/10月，12月先有貨所以我只會喺間唔中朝早用依枝乳液，夜晚用返其他面霜。 櫻花乳液吸收得快，容易推。而且做到即時保濕，但唔會太油膩。有啲花味嘅清香🩵 用完上妝貼服，無起碎碎👍🏻感覺上用完佢再化妝，冇咁易焗到起粒粒。 我覺得用完皮膚透亮咗，有光澤。雖然唔係美白精華但做到提亮效果，皮膚冇咁暗沉，應該有美白成份。推介俾混合肌/油肌嘅女仔試下。我會留返夏天用🤏🏻

質地 首先講佢嘅質地，潔面乳係輕盈嘅乳霜狀，非常容易推開，手感好滑。我會擠少少喺手心，再輕輕搓勻起泡，然後用水輕輕按摩面部，鼻翼位置多幾次打圈，感覺舒服！完全唔會有個種刺痛感！ 使用感 用完之後，最明顯嘅感覺就係皮膚水潤又有彈性，完全唔覺得乾！肌膚偏乾，洗臉嘅時候通常都要特別小心，怕用錯潔面月更加乾燥。有啲牌子洗完臉後皮膚會好緊繃，特別係冬天，但轉左呢枝潔面乳，皮膚可以保持住水分，感覺好滋潤。真係唔怕洗臉上水分，反而有種輕鬆嘅感覺，特別適合我呢種乾肌！ 仲有佢嘅天然香味，輕輕嘅櫻花香味讓人感到放鬆，洗 face 嘅時候完全唔會覺得煩，反而好享受呢個過程。早晚都可以用，朝早用俾到我一種清新感，好適合作為我每日護膚嘅第一步💕

Sakura 米麴面膜係混合偏乾肌嘅平民版亮白補水神器 🌸 ✨膚感與效果 乳白色creamy質地，敷上臉幾舒服，唔會好似其他清潔面膜咁繃緊！敷10分鐘後洗掉，皮膚即刻有飲飽水嘅軟嫩感，仲帶微微光澤，唔會假白～米麴發酵成分溫和代謝老廢角質，用後鼻翼位嘅粗糙感有改善，但唔好期望一次見效💥💥💥，要持續用先keep到透亮感！香港夏天用，補水力夠又唔笠，之後上妝都貼服啲！ ✨同價位比較 VSLululun粉色保濕面膜：Lululun精華液較少，呢款滋潤度更高，適合偏乾肌； VS Saborino早安面膜：Saborino清爽但保濕力短，呢支續航力更好； VS 我的心機玻尿酸面膜：兩者保濕力接近，但米麴成分多咗亮白功效！ ✨缺點提醒 面膜紙剪裁一般，對大臉人唔太友好！唔適合追求強效清潔或即時淡斑，主要係溫和保濕+去暗沉。 總結：百零蚊有亮白+保濕雙效✨ 平價得來溫和唔踩雷！

一個月前我因身體問題而全身全面敏感，成面起滿疙瘩，當然少不免用手抓抓，以致面上留下很多發炎後深深淺淺的啡印，我當時入cosme係想睇睇有什麼補救產品。 美容顧問介紹這枝美容液給我，說可以㾀印，我半信半疑下買了一枝回家試試。現在只是用了一星期，面上的印真的淡了，質地清爽，噴完後很水潤，感覺滑了很多，值得推薦給其他人👍🏻

我混合性偏乾肌，同時係敏感肌，用咗接近大半支～ 係Cosme朗豪坊有姐姐見到我搵其他product，望一望我塊面就推介我呢款XD ・少咗出粉刺粒粒，暗瘡都少咗！應該係因為product有啲酸類成分～ 今年皮膚因為用錯product同身體問題🥲，睇過好多次醫生💊，但keep住用佢做清潔洗面都冇問題！ ・洗完面唔掹緊，唔啜手，同時冇唔舒服嘅感覺／殘留物留喺面上 ・感覺洗潔力足同時保濕，因為洗完面塊面幾嫩滑 ・用耐咗覺得塊面更透亮，冇咁黃，即使我工作關係成日要OT到半夜，依然用得越耐係越亮白🤭 真係明顯感受到好有用，絕對會回購！

購自日本。 面膜的精華液添加了佐佐櫻花萃取、玻尿酸鈉、蘆薈葉萃取、小球藻萃取物，以及保濕成份m1-m4配合。整體精華液是保濕得來而不會油膩，很適合夏天用來為臉部舒緩降溫，保濕維持度也不錯，敷後大半天感覺皮膚有變得水嫩。 面膜紙是稍稍有一點厚度，帶坑紋有點彈性，可以很好地包伏臉部，非常貼服，敷時精華液也不會滴落。 使用上十分舒服的一款面膜。

我混合性偏乾肌，同時係敏感肌，用咗接近大半支～係俾Cosme朗豪坊有姐姐燒到我用嘅XD ・質地好水嫩易吸收，個水嫩程度係我用咗一半先發現係物理性防曬！勁surprise物理防曬可以做到化學防曬嘅質感🤩 ・無色無味，延展性高 ・唔黏立焗面 ・上面有提亮膚色作用，令膚色冇咁黃同暗啞，比起市面其他唔同顏色嘅防曬提亮做得更自然 ・仲有好多product喺面吸收緊嗰時就上防曬，就會出小小擦膠碎，但唔明顯的。吸到8成先上防曬就OK ・朝早用去到下晝4點左右，T字位就會出油，呢個位可能要搞搞，可能係乾到出油，再保濕啲更好🫨（坐office的） 幾好用而且用到好耐，會回購！

聞起來ok，效果對得上它的價錢，保濕而且稍微有消炎去痘，值得購買

被店員推薦燒到而買，質地推開水潤，很輕唔黏，聞上去有淡淡嘅香味，朝早用完心情好好～效果唔錯，日常用足夠水潤，消炎方面用左之後有減少左發炎嚴重嘅情況出現，但要袪痘嘅話都係要搭配消炎嘅產品。

本人是敏感肌，買的時候已告知俾售貨員知，售貨員說這一款比另外一款更好用，不會刺激，我回家一試敷上面後大約不夠1分鐘，就感覺到側刺痛，敏感肌姊妹勿試物買勿用。

係cosme比sales sale買呢款面膜，話孕婦，敏感肌都用得，有珍珠美白好有用。佢單價比較貴，我係用福袋買既(一盒面膜加一支化妝水噴霧)，我用過一次，感覺面膜紙比較厚又不算貼面，舒緩感覺尚可，要用多幾次再feel下