2025香港「面膜」推薦好用排行榜Top20
[每兩週更新]2025-12-10 更新
1
2
Torriden低分子透明質酸保濕面膜
5.7(期間評分：5.5)
心得 18 篇
Kk.ac好用推薦：Hit咗好耐嘅Torriden 玻尿酸保濕面膜，經常有人話好好用，今次我終於搵機會入手試試🥺 ❤️面膜設計： ✔️片裝面膜手感偏紙質，容易撕開 ✔️面膜材質厚身，個cutting照顧到每個位置，唔會有出現大小差異同撕爛嘅問題 ✔️袋入面剩返唔多精華 🧡顏色：藍色，透明 🧡氣味：無味 🧡質地：似精華液質地，會有少少笠 💛產品賣點： 含有5種多元微分子玻尿酸，提供大量水分並迅速達到舒緩效果。 *･゜ﾟ･*:.｡..｡.:*･･*:.｡. .｡.:*･゜ﾟ･*･゜ﾟ*:.｡..｡. 🩷肌膚： 我本身混合偏油肌膚、毛孔細、皮膚有光澤，但有爆瘡嘅問題 🩷敷面膜流程： 洗面➡️爽膚水➡️面膜➡️等待15分鐘➡️洗面（從下往上拎走面膜）➡️爽膚水 🩷用後感： 面膜貼合度同吸水力ok，所以敷面膜過程中唔會出現滴精華嘅情況✅ 敷咗15分鐘都唔會乾，擠一下面膜發現都仲有幾多🫢之後去洗面，洗嘅第一下會有啲滑潺潺，但都易洗。 敷完睇得出塊面有水潤感，無明顯敏感。用完第二日感覺塊面更有光澤，皮膚好似飲飽水咁😳
<看全文>Kitty 好用推薦：話說前排見韓國IG成日洗版呢隻Torriden面膜，旅行時候專登掃咗幾片返嚟試吓！畢竟香港天氣又濕又熱，塊面一時油光滿面一時乾到繃緊，真係好需要幫皮膚飲飽水💦 ✨包裝同精華液： 一打開係淡淡藍白色包裝，睇落幾清爽。面膜紙厚度適中，面膜精華液份量足，但拎上手唔會滴到成手都係！精華液屬於有少少黏稠度嘅水感質地，唔會黐立立。 🧖♀️上臉感受： 敷上臉那陣真係好舒服！面膜紙剪裁幾貼面，連鼻翼同嘴角位都敷得穩穩陣陣。敷咗大概15分鐘左右，完全唔會覺得扯乾，期間一路覺得塊面涼涼哋，好似不停喺度飲水咁～ 💧效果點樣： 用完最驚喜係——即時補水效果真係睇得到！塊面摸落去軟淋淋，之前有少少起皮嘅位置即刻平復返。第二日起身個膚色都幾透亮，上粉底特別貼服，冇再卡粉！至於官方話可以強化皮膚屏障，就要長期用先見到效果啦～ ✅總結： 如果你係： • 皮膚外油內乾 • 鍾意清爽質地 • 需要急急救補水 呢款絕對值得一試！一盒10片，量大價錢又唔貴，當日常保養用好抵用～
<看全文>3
QUALITY FIRST激光超效維他命面膜
5.8(期間評分：5.5)
心得 15 篇
Hellobeauty 好用推薦：「 #火熱新品 」Quality 1st Derma Laser Shot X Super VC100 局部護理精華面膜。 呢個品牌嘅面膜一直受好評，而我自己都一直用開呢個品牌嘅金色包裝嘅精華面膜。 昨日，我就發現同一色系，金色包裝的Quality 1st Derma Laser Shot X Super VC100 局部護理精華面膜。我就即刻買咗嚟試下。 我用咗之後,發現呢隻面膜質地好透薄貼服,面膜大細適中,可輕鬆貼合在意的部位，並有虛線可依需求撕開分用, 避免成塊面膜的小缺點（鼻翼位未能完全貼服）。 而且每片精華嘅份量係剛剛好,唔會多餘滴出,可以敷完之後唔會覺得有太多精華導致塊面有黐笠感； 所以非常適合早上返工前使用,唔需要在花時間處理面上多餘嘅精華,就可以直接進行下一部護膚程序及化妝 最後,佢嘅最大賣點係只需要2分鐘就可以達到效果,所以佢成為我回購之選。 #針對毛孔、粗糙和暗沉等肌膚問題 #敏感肌適用
<看全文>Milo101好用推薦： 終於用完一包七片的Quality 1st面膜！ 面膜紙都有啲厚度，唔算超薄果種，吸附滿滿的精華液。 用完第一次會有啲油油的感覺，必須要洗臉，會即時見到亮白左。之後幾片用的時候就不會油，多了點水潤感，持續用會覺得毛孔有少少改善。成份方面是有4種維他命C，聲稱是高濃度，有收毛孔功效的。 另外真係好多精華液，所以存放時要儘量企放，不然平放如果個袋口按唔實，精華液就就會多到溢出來。 呢個價錢黎講效果算唔錯，平價面膜性價比高，下次會想試埋同系列的其他款面膜呢～
<看全文>4
Kiehl's亞瑪遜白泥毛孔深層清潔面膜
5.5(期間評分：5.4)
心得 10 篇
莓莓好用推薦：🌿 Kiehl's亞瑪遜白泥毛孔深層清潔面膜 🌿毛孔吸塵機・黑頭剋星 講到深層清潔，十個有九個都會諗起Kiehl's呢支 #白泥大神！幾乎個個護膚達人嘅浴室都有一樽，今次就同大家做個真實測評，講清佢嘅質地、效果，仲有唔少人會忽略嘅優點同缺點！ 🌸質地與香味： 質地係好幼滑嘅灰白色泥狀，好似好濃稠嘅希臘乳酪，好容易推勻。佢嘅香味好天然樸素，冇加咩人工香精，就係一陣好淡好淡嘅泥土礦物味，聞落好安心，唔會攻鼻。 🌟 清潔效果實測： • #黑頭白頭大掃除 ：敷大概8分鐘，等到佢乾咗七八成，用溫水打圈按摩沖洗，特別係鼻翼同下巴位，真係會見到啲黑頭粉刺浮咗上嚟，用棉花棒輕輕一刮就清走好多！ • #油光拜拜 ：用完之後個鼻同額頭嘅油光真係即刻收斂咗，成塊面感覺好乾淨清爽，毛孔好似識得呼吸咁！ • #毛孔視覺縮細 ：因為毛孔入面嘅污糟嘢被清理走，所以睇落去毛孔冇咁顯眼，皮膚即刻光滑咗。 💡 優點缺點逐個數： ✅ 優點： ▸ 清潔力強：對付黑頭白頭真有一手，係「功效型」產品。 ▸ 成分天然：主打亞瑪遜白泥，溫和唔刺激，大部分肌膚都適用。 ▸ 一樽用好久：用量好省，每星期用一两次，一樽可以用
<看全文>Kitty 好用推薦：呢隻泥膜去黑頭同深層清潔好有效，想同大家分享下用後感先～ ✨質地同味道： 灰白色膏狀質地，推開唔算好厚重，有少少涼涼哋嘅感覺。聞落有陣淡淡嘅泥土味，唔會好濃，感覺幾天然。 ✨使用過程： 我通常洗完面之後，薄薄敷一層喺T字位同鼻翼兩側（呢兩個位我最多黑頭同毛孔問題）。等大概10-15分鐘，見到面膜乾咗，有少少緊繃感，就用溫水打圈按摩沖洗。呢個時候會感覺到有細細粒嘅顆粒，輕輕磨砂咁幫手去走啲死皮同污糟嘢！ ✨用後效果： 沖完水之後真係覺得塊面乾淨咗好多！最明顯係鼻頭嘅黑頭同白頭浮咗出嚟，可以用粉刺針輕輕刮走，感覺好治癒～毛孔望落去冇咁明顯，而且皮膚摸落去滑溜咗，冇咁粗糙。仲有呀，敷完之後塊面有種清爽感，唔會繃到扯住咁，後續護膚品都吸收得快啲！ ✨個人心得： 我覺得呢支面膜幾適合混合性同油性肌膚，尤其是夏天出油多嘅時候用，控油效果唔錯。乾肌就可能要留意唔好敷太耐，同埋之後要做好保濕。我通常一星期用1-2次，每次用完都覺得皮膚呼吸返咁～ 總括來講，Kiehl's呢隻白泥面膜確實係幾出色嘅深層清潔產品，值得推薦俾各位姊妹！😊
<看全文>5
6
SABON死海鑽奇三合一磨砂面膜
5.7(期間評分：5.2)
心得 9 篇
lingbb好用推薦：- 三合一面膜代表能夠做到清潔、去角質、排毒同時保濕效果嘅面膜。成份就係蘊含90%死海泥同礦物質去除肌膚的污垢和油脂，深層清潔毛孔，同時預防暗瘡粉刺形成。 - 因為成份有保濕去角質就要塗全面，起初好怕乾到敏感，結果反而皮膚好細嫩好柔軟好舒服！ - 上面會感覺到有好多好幼細嘅粒子質地同時都好細滑。有香味但好淡，好似做spa感覺 - 面膜會隨著時間愈長，面膜會冇左水份變得好乾燥同繃緊，可以用用水輕輕按摩面部，令磨砂粒有透過按摩去角質，洗完面皮膚好細緻、唔會乾，感覺更平滑 - 盒面膜放耐左都唔會變得乾，所以可以變得耐用，推薦！
<看全文>P_choi好用推薦：早前在日本購入呢支Sabon三合一死海鑽奇磨砂面膜，因為自己本身係敏感及混合偏油肌，平時都盡可能唔用磨砂嘅面膜，但今次想吓，所以先買一支50ml而唔係一大樽。每逢夏季悶熱天氣特別需要多做清除角質層，如果唔係都會容易出暗粒，最近都勤力用多咗，一星期大概建一次，一般敷15至20分鐘後清洗，感覺都清爽，皮膚有平滑咗，亦沒有緊繃感。
<看全文>7
DECLARÉ水盈保濕面膜
5.1(期間評分：5.1)
心得 31 篇
Fng好用推薦：DECLARE 水盈保濕塗抹式面膜瑞士溫和保濕 ✨ 質地與觸感 DECLARE呢支塗抹式面膜係乳霜啫喱質地，推開好水潤，唔會厚重黏笠。薄薄塗一層已經夠覆蓋全面，5分鐘快速吸收，適合香港夏天怕悶熱嘅混合肌使用～ 🌟 即時補水與舒緩 主打瑞士冰川水同玻尿酸，敷完皮膚即刻有飲飽水感，兩頰繃緊位置明顯軟化！試過曬後厚敷10分鐘，面頰泛紅同熱感快速降溫，但持久保濕力中等，冷氣房待3小時後要補塗面霜鎖水～ ⚠️ 局限性 價格偏貴（約$400/75ml），功能以基礎保濕為主，性價比唔算高。唔適合追求強效修護嘅人，主要針對簡單補水同舒緩～ 💡 使用心得 混合乾肌可以妝前薄敷3分鐘急救，之後用化妝水抹走多餘面膜，底妝即時貼服！夜晚可以厚敷當睡眠面膜，但T區要避開，免得太潤出粒粒～ 推薦度：★★★☆☆（3.5/5，溫和但性價比一般！） 適合：敏感肌、追求快速補水、怕黏膩嘅混合乾肌～ #DECLARE塗抹面膜 #快速補水 #瑞士護膚
<看全文>FMC好用推薦：我係經過SaSa門市啲Sales介紹先認識呢個品牌，因為見佢啲野係由瑞士做以呢個價錢黎講都算親民。 入門產品就係試咗呢支保濕面膜，一用就愛上😍聞落好香，Cream狀mask敷耐咗都唔怕，用完之後塊面好保濕好柔軟，上妝都幾貼服，過左大半日鼻同額頭都冇乜出油👍🏻 研究過呢隻主打有包含幾種海洋成分，唔同其他保濕產品淨係得好多種唔同既透明質酸，唯一要挑剔既係cream mask 好快用哂🥹佢75ml算大支但我一個月都已經用哂
<看全文>8
MINON AminoMoist超水潤保濕修護面膜
5.2(期間評分：5.0)
心得 8 篇
Emily Leung好用推薦：Minon 面膜使用心得｜敏感肌恩物！保濕力超強 我係混合性偏乾敏感肌，轉季或者用到唔啱嘅護膚品好容易面紅、痕癢。試過好多話溫和嘅面膜都頂唔順，唯獨呢隻Minon真係冇刺激感。 產品賣點 · 專為敏感肌同不安定肌膚而設 · 含有9種保濕氨基酸同2種清透氨基酸 · 低刺激、無香料、無色素、無酒精 · 通過敏感性測試 ✅ 優點： · 溫和到極！ 真係零刺激，就算塊面有少少敏感泛紅，敷上去都完全唔痛唔痕，感覺好安心。 · 保濕力持久！ 精華係嗰種杰身嘅啫喱狀，唔會好似水狀精華咁滴滴仔。敷完20分鐘塊面都仲係濕濕哋，第二朝起身塊面都仲係軟淋淋，上妝好貼服。 · 修護效果掂！ 如果因為乾而出咗少少粒粒或者紅印，敷完佢會覺得鎮靜咗好多，皮膚個「底氣」好咗。 ❌ 缺點 / 要注意： · 面膜紙偏厚，剪裁對大面或者高鼻樑嘅人未必最伏貼，但都接受到。 · 精華「黐立立」：因為係氨基酸精華，質地比較杰，敷完之後面上會有層薄膜感。如果你係油性肌或者鍾意清爽，一定要過一過水，或者當晚霜咁用紙巾印走多餘精華。 · 價錢唔算平，如果日日用會肉赤，比較適合用來急救或者一星期做一兩次深層保養。 個
<看全文>Desse好用推薦：日本旅行必入面膜之一💓💓💓 MINON Amino Moist 面膜超級適合敏感乾燥肌！ 我入呢款係敏感肌專用😍😍 滿滿22ml濃厚精華液，鎖水又補濕🧏🏻♀️🧏🏻♀️ 💡質地方面 凝膠狀，好貼面又柔軟，敷10-15分鐘就夠晒滋潤，幫助撫平因乾燥引起嘅細紋同加強肌膚屏障 💡用後感 皮膚即刻水潤柔嫩，連冷氣房訓醒都唔乾，精華吸收快又唔黏笠，殘餘精華仲可以用來擦頸或身體，好抵用❤️ 留意位🔔🔔🔔 唯一小缺點係面膜太大張，裁剪貼合度可再提升 總結嚟講🧏🏻♀️🧏🏻♀️ 保濕修護又安全，對敏感肌超友善，換季和乾燥時必備之一💓💓
<看全文>9
毛穴撫子日本米精華保濕面膜
4.7(期間評分：4.8)
心得 7 篇
Emily Leung好用推薦：【毛穴撫子面膜】用後感：日本米力量真係搞得掂黑頭同毛孔？ 日本呢隻「毛穴撫子」面膜真係紅到發紫！主打用日本國產米精華，話可以針對性對付黑頭同毛孔問題。 我鼻翼同眉心嘅毛孔長期「開放」，黑頭多到好似士多啤梨咁🍓！見呢款面膜喺@cosme長年霸榜，又話天然米成分零刺激，咪買盒試下囉～ 💦 質地同用法 · 面膜紙：偏厚身，但剪裁算貼面，尤其係鼻翼位包得幾好。 · 精華液：係乳白色嘅米漿狀，杰身但唔黏膩，聞落有陣好天然嘅米香～ · 用法：我通常敷10-15分鐘，之後用剩餘精華打圈按摩鼻頭，等吸收晒先沖水。 👍 好用之處 1. 即時飽水感超正！：敷完塊面即刻變得水潤柔軟，摸落去「咕𠱷」咁滑～ 2. 黑頭真係易清咗：敷完之後，鼻頭嘅黑頭同白頭會浮出嚟，用棉花棒輕輕一推就清到好多！ 3. 毛孔睇落細緻咗：即時效果幾明顯，毛孔冇之前咁「洞洞」，好似飲飽水咁撐返滿！ 4. 溫和不刺激：成分簡單，我敏感肌用都冇泛紅，夠晒安心～ 👎 缺點 · 效果唔持久：毛孔細緻同黑頭減少只能維持一兩日，要持續使用先keep到。 · 精華液唔算多：相比其他日系面膜，佢精華液偏少，敷耐啲會乾，最好跟足時間。 ·
<看全文>Sakura醬好用推薦：毛穴撫子面膜 真實測評 🍚 · 日本好hit嘅 「大米面膜」，成日喺藥妝店見到佢 · 一盒有 10片，大概 六十幾蚊，抵食夾大件 · 成分好單純，就係用 日本米發酵精華 幫塊面補水 👩🦰 「我用落覺得點？」 （我係T字位油、兩頰乾嘅混合肌，鼻翼毛孔有啲明顯～） ✅ 我覺得幾好嘅地方： 1. 補水力夠晒「家常便飯」 → 敷完塊面即刻 軟熟咗，好似飲咗碗米水咁滋潤 → 朝早趕時間敷5分鐘，化妝都貼服啲 2. 成分溫和到極 → 冇酒精冇香料，我換季敏感敷都 完全冇痕冇痛 → 打開有陣 天然米糠味（有人話似飯餿，但我接受到😆） 3. 面膜紙夠「闊佬」 → 面形大嘅我都 cover 得晒，連下巴都包到 🤔 有啲「揦揦脷」嘅地方： 1. 剪裁有啲尷尬 → 鼻翼旁邊 成日敷唔到，總係空咗兩個窿 → 眼位開太大，精華容易整到眼 2. 想收毛孔？唔好期望太高 → 敷完當下係覺得乾淨咗，但 第二日就打回原形 → 真心要搞毛孔，可能要做其他功夫啦 3. 精華液「慳家」咗啲 → 唔會多到滴落地，通常敷 10分鐘就要拎走 → 適合想快靚正嘅你 💁 「咁到底值唔值得買？」 ✅ 適合你呢類人
<看全文>10
INNISFREE天然能量面膜 - 綠茶
5.7(期間評分：4.6)
心得 7 篇
YYeman好用推薦：innisfree 綠茶面膜 一款合格嘅「基礎保濕急救兵」。唔好期望有咩神奇功效，但係當你塊面「口乾舌燥」，想即刻補濕水，佢係一個平、靚、正嘅選擇。對於學生黨或者護膚新手來講，性價比幾高。 1. 質地同氣味： · 精華液： 分量算多，但唔會多到滴到成地都係。質地係清爽嘅水狀，完全唔黏膩。 · 氣味： 係好清新嘅綠茶味，唔係好假嗰種香精味，聞落幾舒服放鬆。 · 面膜紙： 係佢嘅扣分位！面膜紙偏薄，唔係好貼面，尤其係鼻翼同嘴角位，好容易翹起，敷嘅時候唔係太好郁動。 2. 使用感受同效果： · 補濕力： 呢樣係佢最主要嘅功能。敷完之後，塊面即刻會覺得水潤咗，摸落去滑溜咗。尤其係洗完面覺得繃緊嘅時候敷一片，好快可以舒緩到。 · 舒緩效果： 有少少嘅鎮靜作用，如果塊面有少少燶燶哋，敷完會覺得冇咁唔舒服。 · 吸收度： 因為精華好清爽，所以吸收得好快，敷完拍多兩下就已經入咗皮膚，唔使點清洗，之後直接搽乳液/面霜就得，好方便。 3. 優點缺點大總結： 👍 優點： · 價錢親民，點用都唔肉赤。 · 精華清爽，油皮同混合肌都用得，唔怕悶痘。 · 即時補濕效果明顯，適合用來急救。 · 氣味清
<看全文>Kmggigi好用推薦：innisfree 天然能量綠茶面膜係一款保濕、溫和舒緩嘅面膜，適合各種膚質，特別係敏感肌同醫美後使用！ 面膜內嘅精華非常豐富，足夠用嚟搽埋頸，完全唔會浪費！ 敷完面膜後，精華依然充足，可以輕輕按摩至吸收，帶來全方位嘅滋潤效果 精華質地水潤輕盈，用後肌膚即時感到保濕滋潤， 但同時完全唔會過分黏笠，令肌膚保持輕透舒適， 尤其適合炎熱天氣或者醫美後使用。 面膜紙嘅厚薄設計唔錯，敷喺面上服貼度非常高，連鼻翼等位置都可以覆蓋到 敷面膜時會感到少少涼意，特別適合喺醫美後使用，帶來舒緩同鎮定效果 雖然面膜有少少氣味，但係完全喺可接受範圍內
<看全文>11![AHC安瓶精華天絲纖維面膜 [玻尿酸保濕]](https://cosme-global-production.s3.amazonaws.com/uploads/product_sku_image/116338/144495/170254/medium_144495_202205051014.png)
AHC安瓶精華天絲纖維面膜 [玻尿酸保濕]
4.9(期間評分：4.6)
心得 6 篇
Kitty 好用推薦：最近轉天氣，塊面又開始覺得繃繃緊，甚至有啲甩皮。用左呢款AHC玻尿酸安瓶保濕面膜，效果幾好，同大家分享吓！ ✨ 第一印象 ✨ 一打開盒，見到佢係錫紙包裝，感覺幾高級同衛生。 💦 精華液多到瀉 💦 拎出塊面膜，第一個感覺就係：哇！啲精華多到呢！成隻手都係，質地係有啲黏稠嘅，但唔會話笠滋滋。主要成分係高濃度玻尿酸。 🧖♀️ 上臉感受 🧖♀️ 塊面膜紙係纖維材質，厚度適中，承托到咁多精華液。面膜紙剪裁都幾貼面，唔會容易移位。尤其係鼻翼同嘴角呢啲平時好難照顧到嘅位置，今次都乖乖哋貼住。敷上臉嗰陣，感覺好冰涼好舒服，尤其係你放喺雪櫃雪一陣先拎出嚟用，個感覺正到呢～即刻醒神！ 敷咗大概15-20分鐘，其間塊面都係保持住水潤感，唔會話好快乾。 🥰 效果檢討 🥰 到最緊張嘅環節——除下面膜！ 真係要講句：嘩！塊面即刻亮白咗一個度，摸落去好滑溜，好似飲飽水咁！ 平時有啲乾燥引起嘅細紋即刻睇落淡咗。最好嘅地方係，佢唔係即時假象，第二朝起身，塊面依然Keep到水潤狀態，上妝真係貼服好多，冇再瘋狂卡粉！ 👍 優點總結 👍 1. 保濕力超強：玻尿酸真係名不虛傳，深層補水，抵禦乾燥一流。 2.
<看全文>Fng好用推薦：AHC 安瓶精華纖維面膜急救補水夠力💯 ✨ 面膜質地與精華量 AHC呢款面膜採用纖維面膜紙，厚度適中，剪裁貼面，尤其鼻翼同下巴位都好伏貼！精華量多到可以擠出嚟搽頸同手腳，質地清爽唔黏笠，敷15分鐘後面膜紙依然濕潤，適合香港夏天怕黏膩嘅混合肌～ 🌟 即時補水與修復效果 主打高濃度B5同玻尿酸，試過曬後敷一片，面頰泛紅同繃緊感即時舒緩，毛孔睇落細緻咗！補水力足夠維持到第二朝上妝零卡粉，但緊緻或美白效果唔明顯，主要針對基礎補水同維穩～ ⚠️ 局限性 價格中上（約$40/片），日日敷會肉痛。香味略重，敏感肌要先試耳背。纖維布承載力不及生物纖維面膜，精華容易滴落～ 🆚 同品牌產品比較 · VS AHC B5安瓶面膜（經典版）：經典版面膜紙較厚，精華更濃稠，保濕力更強但夏天用稍潤；纖維版則更輕薄透氣～ · VS AHC黃金錫紙面膜：黃金版主打抗老同提拉，適合輕熟肌；纖維版專注補水，適合年輕肌或基礎護理～ · VS AHC膠原蛋白面膜：膠原版針對彈性同光澤；纖維版則純補水，功能較單一～ 💡 使用心得 混合乾肌可以放雪櫃冷藏5分鐘後敷，即時降溫又收毛孔！一星期用1-2次做集中保濕已足
<看全文>12
LuLuLunLuLuLun 補濕濃潤化妝水面膜
5.2(期間評分：4.6)
心得 5 篇
Imelda 好用推薦：成日聽日推介Lululun嘅面膜好用，去日本旅行買咗幾款返嚟試。 紅色呢款主要係保濕，我最鍾意係佢嘅剪裁好好，非常貼服，本身我塊面比較細，其他品牌嘅面膜用落會覺得太大，貼得唔好，成日掂到啲頭髮，要自己裁剪過先再敷，好麻煩。但呢款面膜就完全冇呢個問題，眼瞼、眼下及眼尾位置都敷到，用得好舒服。 只需要敷10分鐘，然後就搽返面霜鎖住水份，第二日訓醒都仲覺得肌膚滋潤有光澤。如此經濟實惠嘅價格有咁好嘅質素，難怪係人氣之選。
<看全文>Fng好用推薦：LuLuLun 保濕濃潤化妝水面膜 ✨ 優點： · 超高性價比：平均$10/片，平過大部分開架面膜，適合日日敷唔肉痛 · 精華量剛好：化妝水級質地清爽唔滴漏，面膜紙薄透貼面，香港夏天敷5-10分鐘夠爽快 · 溫和保濕：熟齡敏感肌都安心用，即時舒緩冷氣抽乾嘅繃緊感 ⚠️ 缺點： · 功效單一：純基礎保濕，無抗老美白功能，熟齡肌要搭其他精華 · 面膜紙易乾：敷超過8分鐘邊位會開始乾，保濕續航力輸畀Quality First · 剪裁偏細 面型闊或下巴長可能敷唔晒，服貼度不及森田藥妝 🌞 香港夏天表現： 冷藏後敷瞬間降溫降紅，精華吸收後表面零黏膩，可以直接塗防曬出門。適合朝早急救或曬後鎮靜。 💡 同價位比較： vs 我的美麗日記玻尿酸面膜：LuLuLun更清爽貼面，但美麗日記保濕力稍強 vs Saborino早安面膜：LuLuLun溫和度贏，Saborino更方便但含薄荷醇可能刺激 總結：適合香港夏天追求簡單保濕、怕黏膩的熟齡混合肌，但需要多功能或強效修護就要揀其他～💧 #LuLuLun面膜 #日常保濕 #開架面膜
<看全文>13
LuLuLun抗痘淨肌水潤面膜
5.4(期間評分：4.5)
心得 5 篇
Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨
<看全文>Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！
<看全文>14
Benefit深層淨化毛孔泥膜
5.3(期間評分：4.3)
心得 5 篇
A&R好用推薦：呢款紫色深層淨化毛孔泥Mask，顏色幾靚。 本身個鼻頭同埋兩頰經常容易出現粉刺，用呢款泥面膜可以清潔黑頭粉刺，以及控制出油的情況。 洗完面之後薄薄地塗一浸喺面部，面膜好容易推開，容易掃得均勻，快乾，敷10分鐘之後已經開始感覺到繃緊，敷約30分鐘已經完全乾晒，用清水洗淨之後，見到毛孔情況有明顯改善，鼻部黑頭粉刺有減少。 注意用嘅時候一定要將頭髮全部梳起，未乾之前好容易揩到，一個星期用一次就足夠，功效唔錯，推薦使用。
<看全文>Nicole 好用推薦：Benefit這款深層淨化毛孔泥膜，整體使用感受相當不錯。作為混合性肌膚的我，T字部位容易出油且毛孔明顯，這款泥膜正好能解決我的困擾。 紫色泥狀質地相當柔滑，延展性很好，約敷30分鐘後，泥膜變乾便可洗淨，能明顯感覺肌膚變得乾淨清爽，鼻頭的黑頭粉刺也浮出來不少，後續用粉刺夾清理變得更容易。 使用幾次後，我發現毛孔看起來沒那麼明顯了，出油狀況也有改善。特別喜歡它不會讓肌膚過度緊繃，這點比許多清潔泥膜來得溫和。不過要提醒的是，這款清潔力較強，建議後續要加強保濕。
<看全文>15
Loreal Paris活力緊緻透明質酸注入式保濕精華安瓶面膜
5.3(期間評分：4.3)
心得 4 篇
Ceccinmydin好用推薦：L'Oréal呢款面膜，用落有驚喜，真心大推！係保濕神器✨ - 面膜紙超薄又貼面，面膜含33g高濃度精華液 ，精華多到可以抹手腳，仲有獨特安瓶注入設計，用嘅時候將精華壓爆注入乾嘅面膜紙，好有新鮮感💯 - 精華液水潤唔笠，敷完唔洗過水 - 保濕效果好，即時補水，敷15分鐘之後皮膚乾紋即時隱形，毛孔睇落細緻咗，推介一星期定期敷2-3次🙌 - 試過忙完一日之後敷，塊面即刻褪晒灰黃感，後續護膚品都吸收得好快👍 我絕對會回購！平價但效果拍得住專櫃，CP值超高😆
<看全文>A&R好用推薦：呢款幾特別嘅L’Oréal透明質酸注入式保濕精華面膜，我就覺得有少少麻煩，但係效果唔錯，有高濃度透明質酸成分，可以快速滲透肌膚，令皮膚即刻感覺到水潤飽滿。 精華份量夠多，面膜紙質地柔軟貼面，敷上去好舒服，唔會容易移位。敷完之後皮膚滑滑哋，仲有光澤感，好似幫皮膚飲咗水咁。
<看全文>16
fresh玫瑰保濕面膜
5.1(期間評分：4.1)
心得 5 篇
Sakura醬好用推薦：【真實測評】Fresh玫瑰面膜 🌹 🍯「呢罐嘢有幾補水？」 講真，乾到甩皮嗰陣敷佢，真係有種 「沙漠遇甘泉」 嘅感動！敷完塊面會 「嘭」起嚟，摸落去duang duang聲咁彈手～ 🌸「質地點樣？」 · 似 融緊嘅玫瑰花醬，裡面有真花瓣碎 · 味道係 天然玫瑰香，唔會俗氣 · 質地 清爽唔黏，油皮夏天都接受到 💁「我用落覺得...」 ✅ 優點： 1. 急救力滿分 → 曬後/冷氣房抽乾水分後敷，即時降溫補水 → 敏感泛紅有舒緩到，敷完冇再「燶燶緊」 2. 妝前神器 → 朝早薄敷5分鐘，之後上粉底 貼服到似第二層皮膚 → 鼻翼、眼底唔再卡粉卡到「起地圖」 3. 治癒感強 → 玫瑰香+冰涼感，敷緊嗰刻真係好relax✨ ⚠️ 注意位： 1. 要識得用！ → 一定要 按摩到花瓣融化，先釋放到精華 → 敷完要用 濕手打圈乳化 再沖洗，否則會黐立立 2. 唔係萬能 → 主要係 即時補水，唔好期望抗老美白 → 極乾肌可能要再加保濕霜鎖水 3. 用量要豪爽 → 慳住用效果減半，至少要用到遮到膚色嘅厚度 💰「值唔值呢個價？」 坦白
<看全文>Emily Leung好用推薦：Fresh馥蕾詩玫瑰面膜｜補水界“天花板” Fresh玫瑰面膜溫和有效，屬於補水神器！皮膚乾燥、暗沈時敷它，就像給臉“灌”了一大杯玫瑰花水，10分鐘瞬提亮，臉蛋摸起來軟軟嫩嫩，睡前修復非常治癒。 質地：🌟🌟🌟🌟🌟 不是特別的厚重，啫喱質感，帶有玫瑰花瓣，比較容易推開！ 味道：🌟🌟🌟🌟🌟 很清新的玫瑰花香，很清新怡人！ 效果： 美白：🌟🌟🌟🌟🌟 敷了大概十五分鐘，洗掉後明顯皮膚更透亮白皙了 補水：🌟🌟🌟🌟🌟 敷完皮膚軟軟的，洗完之後臉也沒有緊繃的感覺 缺點： 洗的時候感覺像是敷了一層油膜，不是很好洗掉，但是多洗幾次也就OK了！ 洗掉之後的皮膚狀態直接封神！乾紋肉眼可見地淡了，臉蛋子又軟又嫩，透著那種從里到外的水光感，黃氣也退了不少！敷完第二天皮膚還是潤潤的，上底妝巨服帖，卡粉卡紋什麼的根本不存在！真心建議所有乾皮、熬夜黨姐妹鎖死！不管是急救還是日常！
<看全文>17
LANEIGE水亮補濕睡眠面膜
5.0(期間評分：4.1)
心得 5 篇
TsuenMa好用推薦：LANEIGE 水亮補濕睡眠面膜 官方產品介紹： 💧加入強效益生菌複合物 Probiotics Complex提取自植物性綠茶乳酸菌，有助建構皮膚防禦力，強化屏障，穩定狀態。 💧加入角鯊烷滋潤肌膚，並牢牢鎖住水分，清爽不黏，保持水潤透亮，讓暗啞和倦容一掃而空。 💧蘊含SLEEPSCENT™甜睡及7大溫和低敏配方，不含動物成分、礦物油、合成色素等 7 種化學成分，讓肌膚在晚間真正放鬆，不覺負擔。 💧散發溫和香氣，有助舒緩壓力，提升睡眠質素，增強肌膚修護力。 使用建議 💦 每週使用2-3次。肌膚特別乾燥時，可增加用量及使用次數。 💦睡前潔淨肌膚，進行基礎護膚後使用。沿肌膚紋理，由內而外輕柔推開面膜，翌日早上洗淨即可。 用後感 🫧皮膚有飲飽水嘅感覺，第二朝皮膚有變滑左，但無好明顯地去暗沉或提升光澤。 🫧質地好舒服，好易推嘅啫喱狀，無乜香味，所以小不解官方話有香味舒壓助眠。 🫧可以就住個人需要，係比較乾嘅地方搽多啲；搽完其實無乜黐立立嘅感覺，但係打側瞓都會有啲黏住個枕頭🙈 🫧比左一晚時間皮膚吸收水份，感覺好似好啲；佢同類型仲有隻粉紅色同綠色裝，有吾同功用，但價錢貴啲，做左功課再睇下入吾入手
<看全文>Paris merci 好用推薦：Laneige Water Sleeping Mask係皇牌產品，好多年。睡眠面膜顏色係半透乳白色，質地輕盈，一啲都唔油膩，有淡淡香味。我會夏天開冷氣嘅時候用，睡前厚塗一層，第二朝起身洗潔面就得，唔塗任何護膚品個日就會用睡眠面膜。 第二朝我醒嚟時，肌膚明顯滑溜，感覺到有一種水潤感。根據佢嘅宣傳，呢款面膜用咗Moisture Wrap Technolog，可以有效鎖緊護膚成分，用上後肌膚就唔會再乾到發緊。佢有保濕功效又可以提亮膚色，肌膚會散發著健康光澤。另外第二日上底妝都好貼服。 除左保濕，如果有其他效果可以更好，不過整體上都唔錯💕
<看全文>18
AHC瞬效保濕B5微導煥膚補水睡眠面膜 (B5爆水睡眠面膜)
5.2(期間評分：4.1)
心得 2 篇
Fng好用推薦：AHC B5玻尿酸睡眠面膜，補水效果超讚! 🥰🥰🥰🥰🥰 最開始知道AHC這個品牌是看一些韓劇，裡面有這個護膚品牌的廣告植入，它們家的B5玻尿酸糸列可以說是一款好歡迎line。 AHC B5玻尿酸睡眠面膜，個人感覺補水效果十分好👍🏻，更可以上底妝前使用，薄薄敷面十分鐘，再洗掉，後續不黏膩，挺清爽的。 價格的話，五粒星滿分💯，尤其適合學生使用🫶，這款睡眠面膜味道很好聞，跟AHC 那款網紅黑管眼霜的味道有點像，香香的，敷在臉上一整晚，第二天早上起來確實感覺到皮膚變得很水潤，很順滑。用水沖洗的時候感覺有點油，不過用洗面奶洗掉就好了。 厚敷一層, 搓一下會有很多水珠冒出來, 是很水潤的感覺，夏天在冷氣房裡或者冬天暖風機旁待久了，厚敷這款睡眠面膜來補補水，確實可以給肌膚喝飽水的效果💦💦。 這款面膜對於冬天特別容易起乾皮的我來說，也是足夠。冬天確實是要多補水, 不給肌膚做好補水的後果就是在化妝的時候唔夠貼，再好的妝容也會被毀掉🫣。 #面膜
<看全文>natanatalie好用推薦：轉季突然天氣乾燥的時候必買的恩物🥰 最近的天氣有時會非常乾燥，濕度也長期在百分之四十幾或以下，而我的護膚品亦未完全轉為冬天比較滋潤的護膚品，這一款二合一的面膜面霜就是我轉季時候乾燥天氣的恩物！😜 首先很欣賞會附送一支小匙羹，用這一支小匙來取面膜和面霜就會比較衛生。首先第一個步驟會查透明質地的啫喱狀的面膜，第二部就會搽白色的面霜。這兩款面膜面霜的質地都是非常易推和輕盈，絕對不會對肌膚造成負擔。但是它能夠在肌膚構成一片膜鎖住水份，令到你第二朝感覺肌膚非常有彈性，亦都會變得很軟熟！毛孔會細緻，整個人也是充滿光澤，這一點我是十分喜歡的！😘
<看全文>19
LUSH藍莓面膜
4.8(期間評分：4.1)
心得 2 篇
chewyfruit好用推薦：Lush 藍雪公主面膜：塊面食完藍莓飲緊乳酪？ 喂，各位姊妹！今次同大家分享下Lush嘅「藍雪公主」面膜。話說我塊面最近有啲暗啞，見到佢話新鮮、天然，一於買嚟試下水溫！ 第一印象：個樣同氣味，滿分！ 一打開個罐，嘩！真係好似一pat藍莓乳酪咁，質地creamy得嚟又見到一粒粒嘅藍莓籽，撈埋蜂蜜，睇見都想食。個味道呢，唔係假嗰種甜香，係真係聞到天然藍莓同洋甘菊嘅清香，好relaxing，未敷上塊面已經心情大好。 上臉感覺：涼浸浸，軟淋淋 敷上塊面嗰陣，感覺好得意，涼浸浸嘅，但唔係薄荷嗰種「辣」，係好溫和嘅冰涼感，夏天用真係一流，即刻降溫！個質地好易推，唔會「立痴痴」，敷咗10分鐘左右都唔會乾到裂開，keep住濕濕地。 效果：沖完水，塊面「叮」一聲！ 到最緊張嘅環節——沖水！一沖完，我即刻摸下塊面，嘩！真係好似「重生」咁！皮膚即刻滑溜咗好多，唔係假滑，係摸落去好柔軟、好乾淨嘅感覺。重點係！我鼻翼旁邊嘅毛孔同啲暗粒，好似被「淨化」咗咁，冇咁顯眼，個膚色均勻咗同亮白咗少少，成塊面睇落精神晒！ ✅ 優點： · 天然成分，敏感肌都啱用（但建議耳背試先） · 清潔同保濕平衡得好好，用完唔會
<看全文>Sakura醬好用推薦：LUSH藍莓面膜測評 我之前係因為LUSH嘅沐浴露、身體乳液而鍾意咗呢個品牌。上次去行嗰陣，意外俾佢哋嘅香氛同呢款藍莓面膜吸引住。 呢個系列面膜有好多款，每款功效都唔一樣。 我呢隻藍莓味主要係抗氧化、去暗沉、收細毛孔、鎮靜皮膚，算係比較全能嘅一款。 LUSH呢個系列主打純天然，冇防腐劑、添加劑呢啲嘢。所以店員姐姐提醒我要放喺雪櫃冷藏，同埋要一個月內用完。 使用方法： 洗完面塊面半乾嗰陣，從雪櫃拎出嚟搽（一定要厚敷），等佢乾咗之後沖洗掉就OK。呢款面膜好補水鎖水，但係比較難洗。我用緊一個朋友教嘅方法：用壓縮面膜浸水（純淨水或者化妝水）敷上塊面，按壓一下之後直接拎走，大部分面膜就會跟住塊壓縮面膜走，剩低嘅可以用面膜紙輕輕抹走。最後用清水沖一沖，沖完塊面依然會覺得有啲油，其實係形成咗一層保護膜，唔會影響之後護膚品吸收。 用完之後，覺得塊面白咗一個度，而且皮膚好通透，連毛孔都睇唔到咁滯～呢款面膜可以當作急救面膜嚟用。
<看全文>20
Avene保濕面膜
4.8(期間評分：4.0)
心得 3 篇
橘子貓好用推薦：Soothing Moisture Mask 最先接觸這款產品是朋友湊單，買一送一，大家都入手了兩枝試試。因為臨時起意去買的，沒怎樣先做功課，第一次用時是有點不適應這種如面霜一般的cream mask質感。 首先，我第一次用是在夏天，膚況是混合偏油。必須承認，我不太喜歡這款面膜，有點笠，有點悶，說有保濕感也不是沒有，但不是像gel mask 或 paper mask般補水，我不太習慣。因為已經開封了產品，唯有快快用完，厚敷：敷頸、敷手，就把第一枝用完了。 第二枝我就囤着沒開封。直到冬天，兩頰開始越來越乾，我才想起這枝面膜。 立馬找出面膜，厚厚敷了一層，乾緊的膚況即時被舒緩，就像是乾燥的唇紋被潤唇膏滋潤的感覺。敷5-10分鐘，面膜便會由白色慢慢轉變成半透明，就需要用清水洗走。過水後，仍有一層薄薄的油脂幫助鎖水，大半天兩邊臉頰也沒再變回乾緊。 總體而言，這是枝適合混合偏乾、乾性肌或醫美後乾燥脫皮的膚況使用。整年都是偏油肌的就不需要購入，不然就像我之前白白浪費一枝了。
<看全文>Chloeincosme好用推薦：🤍 **滋潤度**：5/5！Avene呢支保濕面膜真係乾肌恩物🖤我習慣厚厚敷一層，等10-15分鐘，皮膚即刻有種「飲飽水」嘅感覺，深層滋潤得嚟又唔會悶痘，用完之後成塊面軟熟咗好多！ 🤍 **舒緩效果**：4.5/5！成分溫和，即使皮膚敏感或者泛紅時期用都完全冇刺激感～敷完之後紅印會淡咗少少，皮膚狀態穩定咗，摸落去更柔軟！ 🤍 **吸收與質地**：4/5！質地creamy但唔算厚重，推開後幾順滑～雖然厚敷，但清洗時都唔會難過水，之後亦唔會留低黏膩感！ 🤍 **持久保濕**：4.5/5！保濕效果可以維持到第二日～就算吹成晚冷氣，第二朝起身皮膚都依然水潤，上妝特別貼服！ 總結： Avene呢支保濕面膜絕對係我每周必備嘅深度滋潤儀式！厚敷一次已經足夠拯救乾燥缺水肌，溫和又高效，仲可以舒緩敏感～已經回購咗幾次，真心推薦比所有乾肌、敏感肌，或者需要密集保濕嘅你！ #轉季
<看全文>