LuLuLun 好用推薦產品
LuLuLun 推薦產品一覽 116 件
Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨
<看全文>Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！
<看全文>
Kitty 好用推薦：講起Lululun，佢嗰種一大包嘅包裝設計，真係顛覆咗我對面膜嘅認知。以前覺得面膜一定要單片獨立包裝先夠精華，但自從試過紅色高保濕款之後，我個心已經俾佢俘虜咗💞。 佢係一大盒入面有32塊，成包抽紙巾咁，擺喺洗手間或者梳妝枱，洗完面隨手抽一塊。盒裝嘅封口係一大塊膠紙，密封得好好，唔會話開咗幾次就乾晒。 佢塊面膜紙唔係勁厚嗰種，屬於中等偏薄，算係貼面。剪裁方面，坦白講唔算完美，鼻翼位有少少覆蓋唔到，但佢塊紙夠軟、夠大塊，稍為拉一拉、疊一疊就可以fit到唔同面型。佢唔係一塊過嘅立體剪裁，但勝在夠輕薄，敷上臉完全冇重量感，唔會一路敷一路向下跣。 高保濕呢款（紅色）嘅精華量控制得好好，唔會多到滴到成條頸都係，但又足夠令塊面膜紙完全濕潤。質地比其他款濃稠，唔係杰撻撻嗰種乳液狀，似水精華多啲。因為佢主打每日使用，所以佢嘅精華濃度唔會太heavy，唔會令皮膚有負擔，呢個設計概念我好buy👍。 我每次敷上面大約5至10分鐘，因為佢精華唔係勁厚身，所以好快滲透晒。建議唔好敷太耐，一乾就會倒吸返皮膚水分。搣落嚟嗰下，塊面係水嫩水嫩嘅，有種飲飽水嘅漲滿感。最緊要係拍兩拍就吸收晒，完全唔會黏笠，之後直接上
<看全文>Imelda 好用推薦：成日聽日推介Lululun嘅面膜好用，去日本旅行買咗幾款返嚟試。 紅色呢款主要係保濕，我最鍾意係佢嘅剪裁好好，非常貼服，本身我塊面比較細，其他品牌嘅面膜用落會覺得太大，貼得唔好，成日掂到啲頭髮，要自己裁剪過先再敷，好麻煩。但呢款面膜就完全冇呢個問題，眼瞼、眼下及眼尾位置都敷到，用得好舒服。 只需要敷10分鐘，然後就搽返面霜鎖住水份，第二日訓醒都仲覺得肌膚滋潤有光澤。如此經濟實惠嘅價格有咁好嘅質素，難怪係人氣之選。
<看全文>
chewyfruit好用推薦： 🌸 粉紅色經典款 - 用家真實分享 🌸 「佢好似面膜界嘅白飯仔！」 冇錯～呢款面膜就係咁平實又貼地，一包7片裝，攤開計每片都係一杯珍珠奶茶嘅價錢左右，真係敷極都唔肉赤！ 質地同感受： · 面膜紙薄身軟熟，上臉幾舒服，不過剪裁比較「大眾臉」，可能唔係100%貼面，但日常用完全OK～ · 精華液唔會多到滴落頸，清清地好似化妝水咁，敷5-8分鐘就剛剛好，好適合我哋呢啲趕時間嘅打工仔/學生黨。 · 敷完塊面會摸落滑咗、軟熟咗，有種「飲咗啖水」嘅感覺，好清爽！ 溫馨提示你要知： ☀️ 優點： · 真·平價之選，日日敷都唔心痛 · 溫和唔刺激，敏感肌朋友都話接受到 · 快速補水，朝早敷完上妝會貼服啲 · 帶去旅行超方便，一包搞掂幾日 🌧️ 注意位： · 如果你係大乾皮，可能會覺得「唔夠滋潤」，敷完要即刻搽返面霜鎖水 · 想要好誇張嘅美白/抗老效果？咁可能要揀其他功能性面膜啦～ · 一包7片要盡快用完，記得封實個開口哦！ 最啱咩人用？ ✓ 預算有限又想keep住保濕嘅你 ✓ 油性/混合肌，怕黏膩感嘅你 ✓ 想搵妝前急救打底嘅你 ✓ 剛開始護膚，想培養習慣嘅新手 小貼士： 我習慣放一
<看全文>YYeman好用推薦：一句講哂： 平價日常補水之選，係「早餐級」面膜，唔好期望神奇效果。 主要特點： · 定位清晰： 專門設計for 每日簡單保濕，一包有7片，開咗就要連續用。 · 精華量： 精華唔算多，剛剛好，敷5-10分鐘就夠，唔會滴到成身都係。 · 面膜紙： 偏薄，但剪裁普通，鼻翼位未必貼到好實，算係合格。 親身感受： · 補濕效果： 敷完塊面會 「咕」咗水，摸落滑溜咗，有即時光澤。 · 溫和度： 大多數人用都唔會敏感，幾温和。 · 方便度： 一包拎出門好方便，適合懶人。 缺點： · 唔好期望「急救」或「極速補水」，效果係基礎溫和型。 · 面膜紙質素同獨立包裝嘅貴價版有差別。 總結： 將佢當成 「補水快餐」 就最啱！價錢平，日日敷唔肉痛，能夠維持皮膚基本水潤狀態。係一款「不求有功，但求無過」的合格基礎面膜。
<看全文>
Fng好用推薦：LuLuLun 嫩膚濃潤化妝水面膜混合偏乾肌嘅💦日常水感充電💦 ✨膚感與效果 面膜紙偏薄但承載力不錯，精華液量剛好唔會滴到處都係！敷5-8分鐘已經有飽水感，質地清爽唔黏膩，夏天用完全零負擔～用完皮膚即刻柔軟咗，乾燥位置有明顯舒緩，但緊緻效果唔算明顯，純粹基礎補水！香港濕熱天氣下用，後續搽保濕乳液吸收得更快～ ✨同價位比較 VS肌研極潤面膜：肌研保濕更持久但較黏，呢款清爽度勝出； VS 我的心機玻尿酸面膜：兩者保濕力接近，但LuLuLun面膜紙更貼面； VS 森田藥粧高保濕面膜：森田性價比更高，但呢款溫和度更適合敏感肌！ ✨缺點提醒 乾燥冷氣房可能唔夠持久，要快速後續保養！ 總結：$50內嘅快靚正補水神器💧 晨間急救或妝前打底一流，會回購！
<看全文>GinGin好用推薦：質地比較潤，不太適合夏天使用，油性皮膚比較容易生暗瘡，起粉刺，用完需要清洗會比較好
<看全文>
mandy好用推薦：LULULUN Pure 水漾柔潤滲透面膜 $35/ 7片 或 $110/ 32片 from 金英 功效：保濕鎖水 LULULUN的Pure 水漾柔潤滲透面膜用心嚴選眾多優質護膚成分，包括：保濕成分、抗衰老成分、鎮靜消炎成分、抗氧化成分及美白等成分，性質溫和，不含酒精、香料及色素，即使敏感肌也可安心使用。 面膜大小適中富彈性，不會很細塊，可緊貼面部肌膚，不會敷面膜時突然掉下。保濕力不錯，精華量充足，但未至於好有爆水的感覺，非常適合作為基本款保濕面膜使用。不同膚質都需要保濕，這款面膜使用感舒適水潤，而且潤而不笠，故不同膚質包括乾性肌、油性肌及混合肌都可以在一年四季作為基本款保濕面膜使用。 使用後，肌膚更保濕及水潤亮白，飽滿富自然光澤，連毛孔也變得不明顯。 LULULUN的Pure 水漾柔潤滲透面膜價位便宜，很適合用作天天使用的基本款保濕面膜， 在各方面表現都不錯，成分優質，使用感水潤，性價比高，值得入手。 含保濕成分：甘油, 丁二醇, 甘油醇26, PCA 鈉,藻膠, 聚麩胺酸, 卵燐脂, 積雪草萃取, 黃芩根萃取, 茶葉萃取 及 辛乙二醇 抗衰老成分：甘油, 可哥萃
<看全文>Sanna Cher好用推薦：面膜所選用的精華屬性為清爽而滋潤，使用產品敷全臉15分鐘過後，臉上泛紅明顯減少，肌膚非常滋潤，而且像產品封面一樣令肌膚帶澎漲感，非常推薦。
<看全文>
mandy好用推薦：Lululun Hydra-Ex-Mask Exosome 全效煥活再生面膜 $68/ 7片 from Watsons $130.20/ 7片x3包連毛巾套裝(再88折) from Watsons 全效煥活再生面膜是一款抗衰老面膜，添加了不少美肌成分，包括：保濕成分、抗衰老成分、抗氧化成分、美白成分及鎮靜消炎等成分，具保濕、提亮及緊緻3大功效。此外，全效煥活再生面膜不含有酒精、香料及色素，即使敏感肌也可以安心使用。 全效煥活再生面膜的尺寸相當好，大小適中，足夠我的面型使用，而且能緊貼面部，不用擔心敷面膜時會掉下。精華量方面不錯，雖然未至於好有爆水感，不過保濕力很好，使用感相當水潤舒適，沒有引起任何敏感不適。 使用後相當有感，肌膚真的特別透亮及帶自然光澤，亦更加水潤飽滿，連毛孔都看不見了。 至於緊緻方面未有很大感覺，不過法令紋也變得不太明顯。如果大家也是熟齡肌，推薦大家嘗試使用全效煥活再生面膜，可以多功能地美肌，而且提亮效果非常好，只需每天敷5-10分鐘，就可以輕鬆變美，價位也不高，算是不傷荷包，性價比高，值得一試唷！ 含保濕成分：甘油, 丁二醇, 甘油醇26, PEG/PP
<看全文>Kitty 好用推薦：講起Lululun呢隻全效煥活再生面膜，真係幾啱我呢啲熟齡肌用。佢一包有7片，唔算貴，性價比幾高。 用落嘅感覺幾好： 面膜紙尺寸適中，算OK貼面，敷住郁都唔怕會跌。入面嘅精華都算足，保濕力足夠，敷完塊面係覺得水潤同飽滿咗。最驚喜係睇落膚色透亮咗，有自然光澤，連毛孔都冇咁顯眼。至於緊緻效果就未係好明顯，不過我覺法令紋好似有淡少少。 佢話係抗衰老面膜，入面有齊保濕、抗氧化同美白成分，又冇加酒精、香料同色素，我敏感肌用都冇唔舒服，可以安心用。每日敷5-10分鐘就夠，好方便。 總體來講，如果你係想搵隻功效全面、溫和又唔貴嘅日常保養面膜，特別係想抗初老同保濕，呢隻值得一試。
<看全文>
takemyokane好用推薦：Lululun 的片裝面膜比袋裝面膜好用多了，精華量非常多，完全足夠塗滿全身，最適合浸浴大量出汗後使用。面膜片也很貼面，能充分把精華貼合在臉上。雖然包裝寫敷10至15分鐘，但就算敷夠20分鐘面膜依然非常水潤，真的超級保濕。 使用後肉眼可見肌膚變得彈嫩水潤，唯獨是黏膩感頗重，但用完之後第二天早上洗臉看到自己的樣子真的不會後悔。 雖然 Lululun 片裝比袋裝價錢貴，但這個價錢真的值得，一定會回購。
<看全文>Giselle 好用推薦：Lululun 晚間急救面膜（透明感） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前買套裝嗰陣入面有附送嘅(*ฅ́˘ฅ̀*)♡︎不得不說我真係覺得呢款面膜令我覺得好驚艷( ⸝⸝•｡•⸝⸝ )佢嘅精華液超級多，用嚟搽頸手腳都夠٩(๑˃̵ᴗ˂̵๑)۶ °敷完後皮膚嘅滋潤感超級強，而且係feel到皮膚係稍微有變白咗少少(⁎⁍̴̛ᴗ⁍̴̛⁎)而且佢嘅cutting超級貼合我塊臉( *¯ ³¯*)不愧係lululun 出嘅單片面膜୧⃛(๑⃙⃘◡̈︎๑⃙⃘)୨⃛雖然係有啲貴，但我覺得決定值回票價(σ･з･)σ推薦俾同我一樣係皮膚偏乾嘅小夥伴使用哦(๑˃͈꒵˂͈๑)
<看全文>
Yty好用推薦：喺北海道買咗幾pack呢隻面膜，吸引我嘅原因係薰衣草嘅香味，用落去我覺得都唔錯，敷完皮膚保濕水潤有提升，而且薰衣草嘅香味令人非常之relax，一包入邊有七片精華容量啱啱好每一塊都有足夠嘅精華滋潤，我會朝頭早敷3到5分鐘，涼涼哋加薰衣草香味幫助早上提神，敷完之後皮膚足夠水潤，令個妝都會更加貼啲，會考慮回購
<看全文>Giselle 好用推薦：Lululun 北海道薰衣草面膜 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 我幾鍾意佢嘅剪裁，因為佢眼部同嘴嘅窿唔會太大( •̀∀︎•́ )✧︎超適合我呢啲眼同嘴細嘅人，可以敷埋眼周嘅位同比較貼臉少少( ∩︎´ω`*∩︎)佢嘅薰衣草香味唔算太濃烈，因為我唔太鍾意過濃嘅薰衣草味所以呢款嘅香味我仲接受到∩︎(*´｀∩︎)♡︎不過如果係超鍾意極濃味嘅薰衣草香味嘅小夥伴可能打開後會有啲失望(◞︎‸◟︎；)雖然佢話可以做到舒緩，淨白同深層補濕嘅效果，但連續一星期用完後只係feel到皮膚變滑嫩同表層皮膚有補濕(´-﹏-`；)所以預期佢可以做到深層補濕or美白嘅小夥伴好大機會失望(๑ ˭̴̵̶᷄൧̑ ˭̴̵̶᷅๑)不過overall係幾平所以買嚟當日常面膜敷下補濕都唔太差(୨୧ ❛︎ᴗ❛︎)✧︎
<看全文>
Chingxd好用推薦：最初被佢既低刺激配方所吸引 無香料無酒精好似幾好咁 而且價錢又幾抵 雖然佢話係拎黎代替化妝水 我就當佢一般面膜咁用 因為LuLuLun都算幾出名 但冇我想像中咁好用 佢個袋的確係有好多精華液 但係個面膜反而冇吸收到好多精華液 就算我用之前都整一整d精華落mask先拎出黎都係咁 其次係面膜紙相對黎講有少少厚同細 要再拉一拉大塊面膜先至岩用 而且有d厚 撻住塊面唔算太舒服 精華液唔算多…唔敢敷太耐 驚令塊面會仲乾 比較乾時敷左5分鐘已經幾乾下 清透補濕款都咁快乾 有少少失望 而且係唔太乾既時候敷完之後冇覺得特別保濕到 試下就算 應該唔會再回購尼款
<看全文>Giselle 好用推薦：Lululun 補濕化妝水面膜 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前聖誕嗰陣趁佢有套裝優惠所以入手咗(｡☌︎ᴗ☌︎｡)❤︎因為佢標榜係可以敷嘅化妝水，我一般都係洗完臉後上妝前敷(* ¨̮*)/♡︎呢款主打係可以敷完後令皮膚會更加有透明感₍ᵔ·͈༝·͈ᵔ₎不過可能係因為我用得只係10塊所以唔太覺佢令我嘅皮膚有變白( ˙༥˙ )保濕效果同粉紅色嗰包差唔多，都係屬於比較即時嘅滋潤( ⸝⸝•ᴗ•⸝⸝ )੭⁾⁾ 過咗幾個鐘後如果無搽其他保濕產品就打回原形(꒦ິ⌑︎꒦ີ)有特價嗰陣如果唔太care佢唔明顯嘅美白功能係可以考慮入手*ˊᵕˋ)੭
<看全文>