NARS

Light Reflecting™原生光蜜粉餅

成日貪新鮮買好多唔同既化妝品，而NARS既大白餅絕對係我一生不停回購的產品！ 佢既外型偏大，鍾意用小廢包既我好少帶佢出街，主要用黎定妝，每次用完大白餅都會覺得自己皮膚超好。♥️粉質：10/10，極幼細，未預過比佢更幼細既蜜粉。 ♥️妝感：9/10，微霧，唔浮粉唔卡粉，有極幼既珠光，唔會好似登台咁閃但又帶到光澤感。 ♥️控油：7/10，當夏天坐冷氣房，7點化完妝，下午4點開始有油光，即使出油都唔會斑駁（好重要） ♥️保濕： 6/10，唔係保濕型。 ♥️持久：8-10小時 *要留意既係佢唔係有色粉餅，基本上冇遮暇度可言！但佢可以比到柔化同撫平肌膚既妝感！ 下圖中指係掃左5/6下既結果，可想而知佢既粉質幾幼細😍 但！佢有缺點！ 除左size太大唔想帶佢出街，另一個唔用佢補妝既原因係佢既「粉撲」好似紙咁薄😂超難用…（呢樣野都比人話左好多年🥹 不過因為我係屋企用，我會用其他工具取代佢，所以對我黎講唔算好大既缺點。 總結：係超好用的蜜粉餅，推薦！

我係混油肌 T字位偏油 底妝通常上一層氣墊 建議手指粉撲上依個碎粉～ 一盒已經用咗4年 都仲未見底 CP值高😂 控油度4/5 夏天嘅話會先全面薄薄上一層 T字位再上多一層 就算流汗個妝都唔會溶或者花👍🏻 冬天嘅話全面薄薄一層都唔會覺得塊面繃緊或者乾！ 很剛好嘅控油度 應付到香港天氣🥵 遮毛孔3/5 素顏嘅時候會搽完冇色防曬再上NARS碎粉 毛孔有柔焦嘅感覺 社交距離睇會覺得皮膚幾好 近距離都會見到毛孔 但透明碎粉嚟講已經好唔錯👍🏻 30度流哂汗冇補過妝 底妝狀態都keep得唔錯～

而家太熱嘅天氣真係頂唔到高溫，加上我比較鍾意用光澤型嘅粉底液，好容易粉底熱到溶，絕對想尋找一個控油度高，又不影響粉底光澤度嘅碎粉。 Nars大白餅出咗好多年 ，還是第一次用。粉餅白色上面係透明，佢用手指掃嘅時候會見到啲閃粉，但你直接掃上面嘅時候就唔會見到閃閃，所以唔需要擔心變咗十八銅人。因為我化妝掃上嘅關係係可能用得比較快，竟然會用粉餅到底🤭證明我真係鍾意用 佢本身附送嗰塊粉撲好薄，成張紙咁樣，見到都覺得難用，都係用返蘑菇掃比較就安心。 👍🏻好控油+持久。但係唔會令到皮膚過乾，建議唔好用持久型嘅粉底液，如果唔係乾上加乾。或者可以局部使用大白餅都可以。大白餅最強大嘅地方係使用後等幾分鐘之後就會呈現返本身粉底液嘅質地，唔會變全面matte身。 仲有一個好好嘅tips 💕 近年好興使用胭脂液。建議上完粉底液掃一層大白餅定心妝再輕掃胭脂液。掃完大白餅之後係唔會影響底妝弄花底妝。

質感 呢盒NARS原生光蜜粉餅嘅粉質真係幼細到一個點！一摸落去好似絲綢咁滑，完全冇顆粒感。佢係白色透明粉體，上面之後唔會改變底妝顏色，仲有極細緻嘅微閃粒子，望落有一種自然嘅光澤感，唔係死實實嘅霧面。最正嘅係佢唔會令到粉底變乾或者卡粉，反而好似同皮膚融為一體咁，妝效非常高級。 使用感 使用感方面，我用佢附送嘅粉撲（雖然有啲薄，但習慣咗都OK）輕輕印喺T字位同面頰，即刻感覺到塊面變得滑捋捋，毛孔同油光即時柔焦。佢嘅粉體好輕盈，上面之後完全零負擔，唔會覺得焗住。我最鍾意佢喺燈光下嘅效果，塊面會有一種好自然嘅透光感，但又唔係油光，係好似天生皮膚好嘅光澤。就算用嚟補妝，直接印上已經溶入底妝，唔會一撻撻，真係懶人恩物。 持久度 持久度方面，呢盒蜜粉餅嘅表現超班！我係混合肌，朝早用佢定妝之後，到晏晝四五個鐘，T字位只有輕微出油，唔會變咗「油光滿面」。全日（約8-10小時）落嚟，底妝依然完整，鼻翼位冇溶妝，口罩上面嘅粉痕都少好多。最驚喜嘅係佢唔會氧化變暗，到收工返到屋企，塊面仲係keep住朝早嘅明亮感。夏天用佢都頂得住，控油力出色之餘又唔會抽乾皮膚水分。 性價比 絕對係「一分錢一分貨」！佢嘅粉質、

NARS #大白餅 睇左好多comment，係定妝界應該無人吾識佢，NARS大白餅，light reflecting 原生光蜜粉餅。 粉質好細緻，粉餅壓得好實，如果用掃上可能要大力啲先會掃到d粉出黎。第一次吾敢太用力去攞粉，吾肯定有冇攞到粉就掃上塊面到，變左帶走左d foundation，再攞粉嘅時候hi返落塊粉餅到，令到大白餅有啲foundation嘅色🥹 （吾係全白了） 細緻嘅珠光係蜜粉入面，提亮膚色，繼而可以利用光嘅折射，有效柔化臉上細紋瑕疵。岩晒我好鍾意霧面感覺嘅自然妝效💕 品牌highlight:✨ ⭐️Photochromatic Technology自動感光科技，妝容可自動調節適應不同光源，令膚色與光線完美融合，不論真人或上鏡、任何角度和光線下，都能綻放自然光采，無時無刻展現最佳狀態！ ⭐️含有礦物甘油、高效抗氧化的維他命E，有助抵抗肌膚變得乾燥，肌膚全日保持觸感舒爽。 用後感： 戶外暴曬、出汗後都無脫妝嘅情況出現🩷 輕薄自然嘅妝後感，完全吾會有厚重死白嘅感覺🩷 果然係名不虛傳嘅大白餅，應該會返吾到轉頭用其他，不過暫時未試過係香港炎熱濕氣重嘅環境下挑戰，如果都

Nars蜜粉餅轉季實戰！霧面定妝王直接開箱🌬️ 轉秋冬季搞到個妝癡線！一時出油一時乾到裂，啲碎粉一係控油太勁搞到塊面繃住，一係唔夠力溶到一撻撻。Nars呢舊嘢，真係救星！ 🔥 即撲即霧 零廢話 一撲落去，啲油光直接消失！唔係嗰種死實實嘅啞光，係帶少少通透感嘅高級霧面。最正係完全唔會整到個底妝厚咗，仲可以keep到本身粉底嘅質感。 💨 轉季對策夠晒貼地 天氣開始乾，用佢定妝完全冇出現過「龜裂」情況。鼻翼同眼底位照撲可也，唔會積粉。但同時個控油力又夠撐到成個下晝，T位冇再反光到可以當鏡照。 ☔ 冷熱亂咁嚟都頂得順 試過朝早18度衝出門，中午熱到26度再落雨，個妝居然仲企得咁穩！只有鼻樑位俾口罩磨走少少，其他位依然貼服。呢個轉季天氣用真係啱晒！ 🚀 使用秘技 記住要用鬆身掃打圈取粉，上臉輕輕按壓就得！千祈唔好卒個掃落去，咁樣先至唔會破壞個底妝。 真．用後感： 轉季期間想搵塊唔搞事嘅定妝粉，Nars呢舊真係交足功課。雖然貴少少，但慳返補妝時間同溶妝尷尬，計落條數都抵！ #轉季#換季#霧面妝

官網既介紹 NARS Light Reflecting 原生光蜜粉餅推出全新2色，更能貼合不同色調。適合所有膚色。質地輕盈和輕易混合，這款標誌性配方將美妝定妝一整日，塑造出輕盈潤澤的妝效。粉末中的聚光複合物（Light Reflecting Complex）完美折射光線，有效柔化臉上細紋瑕疵。糅合

Nars 白餅已經用咗好多盒，每一次都會用到見底，用過其他大牌子，最後都係選擇返Nars,控油能力強,自然有閃粉,透明感，底妝後,再加上Nars,基本可以持妝一整天!

呢塊Nars大白餅成日俾人講到天上有地下無，今次就同你實測下係咪真係咁神！話明係『大白餅』，唔通真係淨係得個『白』字？等我話你知佢嘅粉質、顏色同持妝力到底交唔交到貨～ 粉質：摸落去好似絨粉咁幼滑，完全唔飛粉。用掃子或者粉撲都好上妝，零粉感呢下真係冇得輸。 顏色：其實係半透明帶微光，唔會死白。上臉後啲閃粉係睇唔到粒粒嘅，只係好似皮膚自己透光咁，好自然。 妝效：一上臉即刻有柔焦效果，尤其係T字位同鼻翼兩側嘅毛孔，好似開咗美顏模式咁。個妝面會變得好乾淨通透。 持妝：油皮用可以頂到四五個鐘都唔會油光滿面。出少少油之後個妝感反而更貼，唔會斑駁或者積粉。補妝都方便，唔會結塊。 總括來講，係一塊可以令你個妝睇落更高級嘅蜜粉餅，尤其適合鍾意自然妝效同需要控油嘅人。雖然貴啲，但係值得投資！

𝙉𝙖𝙧𝙨｜𝙇𝙞𝙜𝙝𝙩 𝙍𝙚𝙛𝙡𝙚𝙘𝙩𝙞𝙣𝙜原生光蜜餅 #Crystal （碎粉篇） ✨「控油+提亮+磨皮」三合一✨ 透明色帶有輕微珠光 粉質幼細 ，有磨皮&隱形毛孔效果❣️ 粉餅壓得好實 ，唔會有飛粉情況出現 控油能力都好好，啞身得黎又唔干🥰

NARS大白餅，最大優點係粉質好細膩，上面效果自然，唔會有好厚重既妝感。控油能力普通，相對地唔會令塊面乾燥起皮，適合皮膚偏乾既人使用。 微珠光，試係手既時候會明顯見到blink blink，上面會冇咁明顯，室內強燈光下近睇有少少閃粉，整體都自然既。顏色係全透明，帶有微微紫色可以中和泛黃。主要功效係提亮定妝，需要配合有顏色既fundation使用。有時想懶d淨係防曬+粉，用翻有色既蜜粉會比較合適。 自帶既粉撲(?)只係一塊薄薄既棉，取粉唔方便，建議可以用長毛既粉撲 /碎粉掃上粉，但係就變左要另外搵地方放個撲/掃，帶出街唔太方便。

之前係用NARS既蜜粉，用哂之後轉左蜜粉餅，都好好用！！！見有好多人都講過原裝既粉撲好難控制，我自己係用掃/長毛d既粉撲攞粉，然後輕輕印上面，就好輕易上到粉。上完粉過左十幾分鐘之後，妝容係最自然。然後呢個牌子既蜜粉令妝容持久度十分高，一整天過後都唔覺得有脫妝。 最近呢盒粉餅用完，轉左另一隻粉之後，深深明白到呢盒粉既持久度有幾高，控油能力有幾好。依家用其他牌子既蜜粉，兩個鐘就開始脫妝，仲要額頭油到反光。 同埋呢隻粉係珠光色，唔會誇張，但令個妝更加靚。

控油效果更佳，對油皮和混油來說，幾乎沒什麼存在感，太清透了，跟沒塗一樣。粉撲太薄太難用、所以我都是用掃上粉、同埋用到底都會 碎開

控油效果更佳，對油皮和混油來說，幾乎沒什麼存在感，太清透了，跟沒塗一樣。粉撲太薄太難用、所以我都是用掃上粉、同埋用到底都會碎開

限定版碎粉餅，同普通版最大嘅分別係閃粉存在感十分強烈，建議局部位置使用。 全面用的話，全面都會十分閃。

之前試過NARS胭脂，感覺粉感不錯，今次呢個原生光蜜粉餅都係熱賣款，入面有附送粉撲方便使用，鐘意佢粉感好細緻修飾毛孔，控油力不錯，質地好輕薄，o粉感，加上搽完咩角度睇都好自然、有光澤，好似美顏左甘

這款粉餅的粉質細緻，令人愛不釋手。它能有效地修飾毛孔，打造無瑕妝感。輕薄的質地，讓肌膚感覺舒適透氣。持久度也相當不錯，即使長時間帶妝也不易脫妝。整體而言，使用體驗非常良好。

NARS 定妝控油 大白餅，透明色澤，質感柔滑透薄，隱藏粗大毛孔頂呱呱😍，粉質透、薄、滑，帶來自然柔光，陶瓷感，打造耐久妝容， 唯一缺點個盒容易污糟。

NARS大白餅的確係我目前用過最好用嘅專櫃碎粉，粉質超幼細，對所有膚質友好。不過本身粉撲真係好難用，已經轉左用自己嘅長毛粉撲，會容易上面好多。 聽講出左新嘅膚色色號，嚟緊都有興趣試下。

已經使用三盒🔥🔥🔥 我更多是白天定妝來用 護膚+隔離+粉 粉質超級細 而且有控油效果 八小時幾乎無暗沉 非常適合打造素顏效果 而且有養膚成分 很安心 #OOTDofUCreator #美妝 #穿搭 #底妝 #眼妝 #女生 #唇膏 #好物分享 #防曬 #香水