Charlotte Tilbury 好用推薦產品

lucky好用推薦：首先想多謝 @cosme & @CHARLOTTETILBURY 比我試用CHARLOTTE TILBURY全新AIRBRUSH FLAWLESS 輕盈無瑕柔光蜜粉 #磨皮銀餅 ！ 身為資深CT用家，對今次CT新推出嘅磨皮銀餅好期待，一收到就急不及待試上面，果然冇令我失望！一向用開CT 輕盈無瑕蜜粉 #磨皮金餅，一秒磨皮又透薄，冇可挑剔。而我最近追求自然妝感，想做到韓妹個種偽素顏，所以搵緊一款輕薄自然又控油嘅透明粉餅。老實講我已經試過好多牌子嘅透明粉餅，由日本開架品牌到專櫃化妝品牌都試過，有啲提亮效果好多但唔夠控油持妝，有啲上面太乾好顯細紋，所以都未有一款係最啱我心水。CHARLOTTE TILBURY全新AIRBRUSH FLAWLESS 輕盈無瑕柔光蜜粉一打開就有驚喜，粉餅散發出細緻閃閃，但又唔會好似highlight咁大粒閃粉，已經幻想到上面一定好靚！ 平時趕時間返工會用調色防曬打底加粉餅定妝，今次就用磨皮銀餅做定妝！CT磨皮銀餅嘅粉質一如既往細緻輕薄，一秒磨皮！我最在意嘅粗大毛孔都blur得好靚，就算上多幾層都唔會有厚重嘅面具感🥰而且銀餅嘅閃閃粒子令面部肌膚有自然光澤感，我會

SQ好用推薦：一直以來都是 Charlotte Tilbury 底妝品的忠粉，這次謝謝@cosme抽中有機會試用到全新推出的「輕盈無瑕柔光蜜粉」 產品包裝是精緻的銀色外殼搭配玫瑰金邊框，拿在手上細節感滿滿。 粉餅全新時印有超級精美的壓紋，仔細看還帶有細緻的微閃，上手感覺質地好輕透，而且完全沒有粉感。 我會先用 CT 夢幻柔光粉氣墊，再用粉撲將蜜粉印上面。蜜粉一上臉，皮膚好似立刻開了柔光濾鏡一樣！毛孔和細紋瞬間被修飾得平滑細緻。臉上帶有一種微微的光澤與自然提亮感，不是死板的霧面，妝感很美。 用完最讓我驚喜的是，蜜粉粉質真的幼細到即使我叠加多層，它依然保持透薄完全沒有面具感，非常自然，這絕對是我暫時用過最輕、最薄的蜜粉餅！ 帶妝 6 小時多，出油之後除了鼻翼出油較旺盛有輕微脫妝外，其餘位置都 keep 得好貼服完整，無斑駁的狀況，整體表現覺得很好！ 而它雖然有控油效果，但完全不會抽乾肌膚水分。連眼下最容易出乾紋的地方，整天下來都依然保持平滑細緻，沒有顯乾紋！

Sophia好用推薦：Charlotte Tilbury 四色眼影一向優質，色號MESMERISING MAROON係我嘅最愛💯 - 粉質細緻柔滑，容易取粉又唔飛粉 ✨ - 顯色度高，淺色自然打底、中間色層次豐富、深色一次上色已夠飽和 🎯 - 色調偏酒紅同玫瑰色調，配色感覺高貴顯白🍷 - 閃粉細緻，貼服不顯顆粒，打亮眼皮或眼頭效果超讚 ✨👀 - 深色淺色都好容易暈開，效果過渡自然，適合新手使用🤎 - 持妝力良好，一整天不脫妝 🕗 推薦俾喜歡酒紅深邃感的朋友，無論日常上班或晚妝都夠用好用💖👍

布吶吶好用推薦：呢個係Charlotte Tilbury嘅招牌四色眼影盤，色號Pillow Talk。整體係溫柔玫瑰粉褐色調，非常適合日常、約會或偽素顏妝容。 粉質方面，CT做得好好，好細滑而且唔飛粉。四個色嘅分工清晰：左上係帶微珠光嘅淺香檳粉，做眼皮打底同提亮眼頭；右上係啞光乾燥玫瑰色，做主色掃眼窩好自然；左下係帶閃嘅玫瑰金，點喺眼皮中央可以令雙眼立體又有光澤；右下係深啡色，用嚟畫眼線同加深眼尾。 好處係妝感高級、溫柔顯氣質，持久度都幾好，大半天都唔會點積線。不過要留意，呢盤色調偏清淡，適合喜歡自然妝感嘅人，濃妝愛好者可能會覺得唔夠顯色。另外，最深色如果做眼線，建議配眼線刷濕用會更實色。 總括嚟講，係一盤好易用、唔會出錯嘅眼影，新手或化妝老手都值得擁有。

Hellobeauty 好用推薦： CHARLOTTE TILBURY AIRBRUSH FLAWLESS FINISH 輕盈無瑕蜜粉 自然色調#2 試用咗呢個產品之後,我終於明白佢點解叫磨皮界始祖 我一直知道呢個品牌嘅產品非常受歡迎但係自己一直唔敢試,因為一直覺得歐美品牌嘅產品未必適合自己,因為擔心妝感太重；加上自己膚質容易缺水,所以所以一直唔敢試； 試咗之後,令我改觀了； 近期天氣乾燥,我皮膚處於「乾性肌」狀態,但佢嘅質感非常幼滑舒服緊貼住我嘅皮膚而且唔會出現卡粉嘅情況，輕易打做霧面磨皮嘅效果,仲要係輕輕一抹已經可以輕鬆柔化細紋、皺紋與毛孔； 而今次我選用2號自然色系,非常適合亞洲人黃皮膚嘅膚色,完全沒有色差,完全做到打造新肌膚一樣；

Hy好用推薦：這包裝也太可愛了 雖然是試用裝 但很耐用 保質期還是2年多 打開有鏡子 能看清臉上細緻位 用拇指粉撲按在眼角 鼻翼側 🫣 即便平常趕著出門 也能精緻的見面✨ 色號 1 柔彩白 偏亮的自然 不假白 能將臉脖交接的色調融合 是一般可選用 色號2 自然白 適合黃皮使用 不厚重但有修飾瑕疵效果 最新的0號 冷白皮可入 遠近都給人膚白貌美印象

Chocolateking 好用推薦：我用的是 1N色號，妝感比較水潤，是我很喜歡的類型。它不太會卡粉，上臉有一種水光肌的感覺。 我在 5月的時候用，香港天氣偏潮濕，但上了碎粉後整體也能維持乾爽、不易出油。化妝全日（大概10小時？）都沒有覺得暗沉很多。不過我覺得它的粉撲有點容易吃粉，如果能搭配更好用的粉撲會更完美。

Wuxx好用推薦：遲左少少系列～ 因為手上太多粉底未用哂所以遲遲未開黎用， 終於可以打使用心得～ 產品初上市嘅時候已經即刻去左專櫃試色， 當初已經對佢個外形設計超級心心眼！ 打開仲要係我最最最鍾意嘅濾網設計！ 所以二話不說入手左！ 開封到依家使用約一星期左右， 打開第一下係睇得出嘅水潤感， 而粉撲都幾好用，夠軟身， 不過都係有少少食粉情況， 但對我黎講問題不太大。 氣墊濾網個人認為有發揮好作用， 按壓出嘅粉質非常幼滑， 平時用氣墊粉撲需要費時去修飾毛孔， 依隻水潤粉質更容易自己填入毛孔，非常加分！ 而遮瑕方便都去到6-7成，上面係半水半霧面， 鍾意自然肌感嘅朋友可以考慮下依隻粉底。 冷氣房每日持妝約10小時，未見有收乾情況， 不過室外用就唔係好控油，需要注意。 另外暗沉方面唔明顯，約暗0.5色階。 整體使用感滿意，但如果有埋防曬功效會更好～ 咁就可以帶埋出街補防曬😗**是次購入色號為1C色

Lindabb好用推薦：CT粉底液 最近勁想買支高遮瑕粉底液，就入咗呢支！呢款係我咁多粉底入面最遮瑕、最有妝感嘅 ⭐️優點： -勁遮瑕，上完妝之後塊面望落好無瑕 -而且因為高遮瑕，特別出到彩妝嘅顏色，令到啲妝唔會因為同皮膚嘅油脂融合，而搞到顏色冇喺盤入面咁鮮艷透亮 -好適合化濃妝，或者突出大五官嘅妝（好出到五官嘅立體感同濃眉大眼個效果） -又或者係化種好搶眼、有攻擊性嘅妝（適合玩妝） ⭐️缺點： -對皮膚狀態比較揀擇，粉感會比較明顯 -因為高遮瑕，會好有粉感，鼻翼兩邊會見到好明顯嘅粉粒，呢個位嘅問題由上妝嗰刻就會出現 -對乾皮嚟講好易卡粉，搽唔勻 -半個鐘左右就會氧化變暗，但之後會 keep 住呢個色，不過唔使專登買白一個色號，佢本身色調已經偏白 -對油皮嚟講，出油量大同樣會脫妝，而且底妝暗沉會仲明顯 ⭐️小貼士 -如果有影相需要，可以喺上妝後半個鐘到一個鐘內影，嗰陣個妝最白淨最實淨 -出街嘅話可以考慮化完妝之後食個晏、瞇一陣，等塊面微微出少少油，嗰陣底妝同皮膚融合得最靚

YYeman好用推薦：喺度同大家分享下我用Charlotte Tilbury粉底液嘅心得啦！✨ 我用嘅係佢哋出名嘅 Airbrush Flawless Longwear Foundation，以下係我個人用後感同小貼士： ⭐️質地同妝感 · 質地：偏向奶油狀，推開後好順滑，唔會太厚或太黏。 · 妝感：上臉係半霧面柔焦效果，好似自帶濾鏡咁，遮毛孔能力一流！唔會好似戴咗面具，有少少自然光澤。 ⭐️遮瑕度 · 中至高遮瑕：普通泛紅、暗瘡印基本上一層就遮到8成，如果瑕疵多可以局部疊加，唔會覺得厚重。 · 適合膚質：特別推薦俾混合肌至油肌，因為控油力唔錯；乾肌用之前要做好保濕，或者混合精華一齊用。 ⭐️持久度 · 長時間帶妝：我自己係混合肌（T字位出油），冬天用可以撐到8-10個鐘，只有鼻翼同額頭少少溶妝，用紙巾印一印就OK。 · 氧化問題：暫時未覺明顯變深色，就算出油後都keep到原本色號。 ⭐️優點 · ✅ 遮瑕力強但唔厚重 · ✅ 霧面柔焦效果高級 · ✅ 控油同持久度好 · ✅ 適合影相或重要場合 ⭐️缺點 · ⚠️ 乾肌可能覺得少少緊，一定要做好妝前保濕。 · ⚠️ 色號選擇要小心

Water好用推薦：玫瑰金嘅包裝超精緻！勁靚勁鍾意！呢枝唇膏色號係pillow talk，顏色偏nude，一開係甜甜嘅香氣 可能我唇色較深，上嘴唔太顯色；日常淡妝 / 偽素顏會比較適用。matte finishing嘅關係，有略微加深唇紋：用後感算滋潤，唔會令到嘴唇炆炆緊

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Sanna Cher好用推薦：Charlotte Trilbury單色眼影膏，pillow talk色號，質地豐厚，屬暖色玫瑰金色調。用扁平眼影掃由內到外擦塗2次以上，令顯色度高，增加持久力。 燈光下效果，玫瑰金光澤明顯。

SwSw 好用推薦：Charlotte Tilbury 單色眼影膏係霜狀嘅眼影，真係好顯色好顯色好顯色！！！ 而且薄薄一層就已經好顯色，質地絲滑貼服，唔易脫妝😍😍😍 

Ressie14好用推薦：我大支細支都有。 一支係大貨裝（200ml），一支係2023年倒數月曆既內容之一（50ml）；暫時我仲用緊細嗰支。噴嘴口冇乜分別。 我化全妝會用佢，上完matte finish foundation之後就噴一次面，so far 喺咁既天氣（2月至4月）冇溶過妝、冇乾到脫皮，效果唔錯👍 我欣賞佢霧化效果，噴完個刻有水份感覺但又唔會見到有小水珠💦 快成膜。 同埋我係鍾意玫瑰金色嘅產品 🥰 所以點解帶咁多CT產品唔多唔少都係因為鍾意個包裝。

Fng好用推薦：Charlotte Tilbury Airbrush定妝噴霧， 細細枝試用裝放喺手袋勁方便，用後感👇👇 ✅ 優點： · 超強鎖妝力：高溫濕熱下實測，底妝堅挺8小時以上，口罩摩擦都唔點脫妝！ · 霧面高級感：一噴即時柔焦毛孔，變啞緻絲絨妝效，油肌救星 · 噴頭出色：水霧細密均匀，唔會射花底妝 ❌ 缺點： · 價錢進取，同級產品中偏貴 · 偏乾繃感：乾肌用後可能覺得繃緊，要加強妝前保濕 · 香味濃烈：玫瑰香較人工，敏感鼻可能頂唔順 💡 總結：香港夏天油肌／混合肌必試！控油同持久度無得輸，但乾肌同香味敏感者請試用先～

mandy好用推薦：CHARLOTTE TILBURY MAGIC EYE RESCUE 魔法眼霜 $520/ 15ml 功效: 保濕+提亮+去黑眼圈 CHARLOTTE TILBURY的魔法眼霜就是來自CT家護膚品系列的人氣眼霜。一般化妝師旗下的化妝品品牌都是化妝品比護膚品更好用好賣，但不要少看魔法眼霜，她的實力絕對不輸給名氣，光是看成分表就是滿滿的誠意。魔法眼霜蘊含不少優質護膚成分，包括大量保濕成分、抗氧化成分、抗衰老成分、鎮靜消炎成分及美白等成分。 魔法眼霜的質地本身QQ的，類似布甸的質感，非常易推開，甫在眼周按摩已即時被吸收。保濕力不錯而且觸感清爽，不會很油膩黏笠，亦不會影響後續化眼妝，沒有眼妝糊掉的問題。本人一直有大部分都市人共有的黑眼圈，使用魔法眼霜後，眼周肌膚特別是眼底肌膚會有明顯的提亮效果，即使未使用遮瑕膏也有減淡暗啞的功效。 含保濕成分：丁二醇, 植物油, 甘油, 乳木果, 聚乙二醇-8, 橄欖油 PEG-7 酯類, 異構寡糖, 蜂蠟, 氫化蓖麻油, 角鯊烷, 乙基己基甘油, 氫化卵磷脂, 水解米蛋白, 皺波角叉菜萃取, 葵花籽油, 超氧化物歧化酶, PCA 鈉, 氫氧化鋁,

natanatalie好用推薦：呢排要長期返夜，作息唔定時搞到臉色很差，眼周肌膚仲缺乏水份同彈性，搞到有嚴重黑眼圈，眼周肌膚老化得好嚴重，眼旁同眼下仲因為唔夠水份搞到好多皺紋，令我好困擾！😰 CT眼霜質地好豐盈，滋潤感好高，一搽上眼就有好舒服嘅感覺，係一種享受！高效修復成份可以滲透眼周皮膚底層，撫平到一早起身嘅浮腫眼周，而且有輕微減淡細紋嘅效果，用左佢再上眼妝會好好多，係我最中意嘅眼霜！👀 #我的崇光感謝祭必買眼部護理

Sanna Cher好用推薦：產品購自2023年品牌倒數日曆，色號為walk of no shame，份量跟一般貨裝有分別。使用產品前後分別，見臉部多了份上妝感，而且產品質地滋潤和飽滿，感覺上能夠提起精神，不同日子使用亦可以。

pillowjai好用推薦：CT嘅product全部包裝都好靚💖我用嘅色號係Walk of no shame 呢枝唇蜜顏色偏透同水潤，適合日常淡妝/ 素顏使用，搽完會增加氣色💋搽上唇會有少少涼涼地嘅感覺好得意，用一段時間感覺嘴唇甩皮嘅情況會改善咗好多~