Charlotte Tilbury

夢幻柔光粉氣墊

終於去完旅行番黎，立即補寫番評價先🙈 首先要多謝cosme邀請試用CHARLOTTE TILBURY 夢幻柔光粉氣墊，我今次試用既色號係1N。 我想講一打開嘩左一聲，因為個粉盒真係好靚啊😍😍 粉紅色，高級少女風格，配有水滴型粉樸，尖尖位用黎上鼻翼位。最特別既details位係，打開粉底後，佢背面既粉紅色膠蓋特別做左一點點凸起，攞夠左粉都可以用黎印番均同減少d取粉量🤭 呢個氣墊粉底用左微米晶絲彈力網，輕輕按就攞到岩既份量，個人都幾中意呢個設計，因為海棉果種氣墊好易會攞多左同開左冇耐就會乾🙈網狀粉底取粉既質地亦會比較柔滑，杰身番dd唔會太稀太水。有加到成膜成份，好快就貼哂皮膚。 一 個人膚色黃皮偏白，用1N呢個色號係算自然少少美白。 最近天氣時冷時熱，搞到我d皮膚好唔穩定，前幾日敷個cream狀睡眠面膜，第2日一起身爆哂粒粒，又泛紅又一達達咁，到而加都未好得番哂🥲但係就可以順便試到呢個氣勢既遮瑕力😆下圖可以見到妝前妝後都幾大分別，薄薄一層已經將瑕疵遮左八九成，d泛紅一點點一達達都唔見哂😱我覺得好犀利既位係佢一啲都唔厚，只係一層就有咁既效果，連暗粒位置都好自然平滑😍完全係為我最近

多謝@cosme 邀請試用 Charlotte Tilbury pillow talk beautifying cushion foundation 夢幻柔光粉氣墊🫶🏻 應該係CT第一次出cushion 由於之前用過佢粉底液都好用 對佢個氣墊都有期望✨ 官方說明就話呢款氣墊係有中高度遮瑕、妝效自然通透、有一定水潤度、柔光肌膚以及妝效持久12小時 呢張係白光底下嘅樣 佢個產品包裝勁少女心💗由包裝盒嘅粉紅色菱格紋，到氣墊嘅粉紅色菱格同粉金combination ，好夢幻✨ 不過佢係仿皮面應該係膠質地，摸上手冇咁柔軟不過就較容易打理 要注意佢係網狀嘅氣墊 要輕輕取粉如果唔係會咇晒出嚟 同埋大部份氣墊粉底嘅通病--原本個粉撲唔太好用🤨除咗第一次試之外 我都係用自己嘅粉撲上妝 以下係上妝前後對比 Before 👆🏻 After👆🏻 我係混合偏乾肌膚，呢個氣墊嘅水潤程度對我嚟講啱啱好 今次我試用嘅係1N色號 呢個氣墊粉底嘅粉質好細，質感柔滑 上面好似第二層皮膚咁冇乜粉感❗️✨係似自己原本皮膚好咗，對膚質、毛孔有修飾效果，但係的確做到中高遮瑕 👍🏻要特別讚就係佢遮紅效果

TLDR：埋櫃試色，可以一戰，扔咗原裝粉撲佢，base唔用好過用。 試用程度：連續試用六日，適逢春夏之交，天氣變得炎熱潮濕。期間有一日戶外活動，其餘時間大部分都留在有冷氣的室內空間。 容器：●●●●●●○ 超級靚😍！！！雖然只係塑膠鍍金屬色同合成皮，但出到嚟個手感仍然好好摸又好靚。 Cushion直徑大概8cm, 厚度約2.5cm, 唔算十分的骰，如果揹開小廢包嘅可能未必適合帶佢出街。磁吸蓋，普通放喺袋應該未至於會撞得開，但我唔敢搏就咁扔佢入袋所以試唔到。 中間有隔層隔開粉撲，隔層底部亦有d凹凸嘅點點去比你印走多餘嘅粉底。揭開封紙後可睇得出佢嘅網係細緻軟身嘅款式。中間應該冇海綿，所以取粉時好容易因為overall太軟而過量，要自己就一就力同再喺隔層位印一印。另外使用後會容易堆積粉底喺網面（如圖箭咀示） 氣味及質地：●●●●●●○ 粉質細滑，冇明顯香味。粉底部分冇得彈👍🏻 薄上拍開後已經可以好似airbrush嘅效果，疊加使用亦唔會卡粉。不過扣分位在於佢個粉撲，太薄又太吸粉底，試咗兩次之後果斷棄咗，換其他氣墊粉撲後妝感大躍進！（圖為使用一次後粉撲吸粉程度） 粉底唔焗皮膚，連續多日長時間

今次@ cosme抽中CHARLOTTE TILBURY 夢幻柔光粉氣墊試用活動，真係好好好開心！ 之前有聽聞過CT嘅氣墊粉底非常好用，今次收到嘅更係正貨，實在非常驚喜！一打開包裝「嘩！」一聲，粉紅色設計+仿皮非常精緻，開蓋相信是磁吸式的，一開始驚氣墊跌出嚟，但帶咗出街6日都係安全嘅！ 氣墊偏薄和細，鏡子撕開薄膜就可以使用。 一打開氣墊粉底，目測非常保濕，輕印一層薄薄的在手上，膚色睇落自然，質感非常水潤，亦有一定的遮暇效果。 使用了六天，期間天氣不穩定，有時非常潮濕，加上捱夜的我最近黑眼圈比較勁，於是嘗試不落遮暇看看上臉的感覺。 頭兩天使用時黑眼圈最大，上粉後減淡了3分1黑眼圈，暗瘡印都大致遮掩了。 之後數天使用黑眼圈減少了，基本上氣墊粉底可以遮得住😆 鼻翼兩側比較毛孔較粗大，氣墊粉底都遮得到8成omg!!!! 令我覺得太神奇！！半日個妝有少少出油，但沒有乾或甩皮情況，進行簡單補妝就可以！！ 今次試用後，尤其遮暇和保濕都令我很滿意，加上軟皮包裝令人感覺高檔。我決定要做回頭客，這個氣墊粉底大推！！

最近不時被Charlotte Tilbury夢幻、可愛、奢華嘅廣告風格吸引到，結果自己都有機會試用了！感謝cosme🤩 CT呢款Pillow Talk夢幻柔光粉氣墊，外型係粉紅色菱格軟皮配玫瑰金色外殼，貫徹品牌夢幻、可愛、奢華嘅風格，拎上手個陣會令人聯想到魔法少女嘅變身器haha！外殼size適中，手掌比較細嘅女仔都可以一手掌握，而入面塊鏡嘅size就有咁大得咁大(完全無border🤣)，拎住化妝好方便！ 近排塊面好多暗瘡印，加上開始試用嘅前一日做完M22，面部皮膚整體都呈現泛紅、偏乾嘅狀態。用Pillow Talk氣墊本身嘅水滴型粉撲輕輕按壓濾網兩下，取粉量已經足夠大半塊面使用(利申：本人係闊面人)。 拍上面可以感覺到呢款氣墊粉底質地好柔滑、薄透，薄薄一層已經可以遮蓋八至九成嘅毛孔同泛紅，就算疊加都完全唔會有厚重、面具嘅感覺，妝效非常自然，仲帶有微微嘅光澤感，好似原生嘅肌膚一樣。 平時一直用開粉底液，第一次用氣墊上妝就發現真係快手好多。不過如果有比較深色嘅暗瘡印，就可能要先用校色遮瑕先遮到了。相對之下，粉底液嘅遮瑕度會再高少少。 雖然好鍾意Pillow Talk輕透自

多謝@cosme 提供CHARLOTTE TILBURY PILLOW TALK 夢幻柔光粉氣墊 第一次見CT一出cushion 官方說明cushion妝效自然通透、飽滿、不帶面具感 而且有一定遮瑕度 即刻已經好心動 首先講下包裝 粉紅色菱格軟皮殼勁可愛 配合水滴形粉撲 而且附有鏡面 超有少女心當取粉時  官方說明用微米晶絲彈力網 所以輕輕一按成個粉撲好均勻拎到粉底液 質地好絲滑輕盈上手試一試個質地已經見到遮瑕度好高拍上臉時 粉底好輕透 而且好貼膚 一次取粉已經夠用半邊面 我自己屬於混合偏乾 T字位會出油 上妝前Before(下圖)即刻上妝後效果After (下圖)上妝後妝感好自然 滋潤得來唔會卡粉 又唔會顯紋 最令我有驚喜係因為超高遮瑕度 基本上一層已經可以遮到9成以上 本身泛紅暗瘡有位置都遮得七七八八 又可以遮到毛孔 高遮瑕度同時又帶有光澤  經過5小時效果 (下圖) 可以見到膚色無暗沉(普通白燈下影，無filter) 而且肉眼睇冇甩粉卡粉等問題 反而出啲油仲靚妝經過一日大概10小時效果 (下圖) 香港天氣又濕又熱 有時又入室內

多謝 @Cosme 邀請試用 CHARLOTTE TILBURY PILLOW TALK 氣墊😚 一打開包裝見到粉紅色菱格軟皮+玫瑰金外形，好有質感💕 我本身係混合肌膚，平時都係用開粉底液，一到下晝T字位就爆曬油🥹 成日塊面令立立。試用完呢款氣墊覺得最驚艷嘅位係佢個控油力好好！！由朝帶妝到夜晚，只係鼻翼邊少量出油，其他位摸落去都超乾爽👍🏻🥹 唔用定妝噴霧都唔會暗沉，遮瑕表現都唔錯，單搽一次已經遮到七八成，毛孔粗大嘅位置都唔見晒，唔駛額外用遮瑕膏遮黑眼圈，就咁用cushion拍埋眼底嘅位置，再加啞光打亮粉就遮得好好，好方便👍🏻 佢出左四款專為亞洲款式而設嘅色調，我手上呢款係2N 色，適合自然肌膚，好貼合我原本嘅膚色。我呢張相淨係做左護膚，搽左透明防曬，冇搽妝前就直接拍一層cushion，冇遮瑕膏同埋定妝，俾大家參考下。 用紙巾大力抆落去都冇甩，好乾爽。 整體黎講，呢款氣墊粉底係幾持久、透亮、遮瑕力高、保濕，值得推介！

今次抽中試用PILLOW TALK BEAUTIFYING CUSHION FOUNDATION夢幻柔光粉氣墊，一拆開就比包裝吸引，設計同顏色都好靚，好有質感！cusion盒身輕身，粉撲水滴型設計亦好柔軟，方便針對刁鑽位上妝，上妝都好均勻👍🏻 內盒呢個設計唔錯，可以帶走撲上多餘嘅粉底液即睇試用圖！本人鼻翼旁兩邊面頰毛孔較粗，容易泛紅，混合偏乾肌，妝前保養比較着重保濕。 本人塊面偏白，但係面會白過手腳同頸，今次試用2N啱啱好，顏色自然，如果唔係追求偏白嘅朋友，呢隻色應該適合香港大多數女仔~ 拍咗薄薄一層，隻 cushion 好輕盈，皮膚唔會覺得負擔，亦足夠滋潤，妝感好自然！上薄妝後泛紅有改善好多，幾滿意均勻膚色效果，遮瑕到大概有50%，光澤感好靚！毛孔方面，相睇好似冇乜改善，但肉眼睇有輕微修飾到毛孔，上埋碎粉應該再好啲。 上左碎粉效果，光澤感keep到，唔會好厚重，妝效好靚！整體嚟講好滿意！ 用後感都幾乎合官方網站說明 總結今次試用係非常滿意！我本身就鍾意妝效自然，唔鍾意遮瑕度太高/厚重嘅粉底液，鍾意保留返啲皮膚紋路，呢隻cushion既te

Charlotte Tilbury 第一次出cushion foundation 真係好有驚喜！ 包裝已經好用心，粉紅色菱格軟皮，可愛又高級，連個粉撲都係水滴形粉紅色，好有少女心！今次我試嘅係N1號色，比皮膚白啲啲，做到提亮效果得黎又唔會假白，好適合亞洲膚色。 比起傳統嘅cushion嘅海棉, CT 嘅cushion係用左彈力網，輕輕按一下已經可以取粉均勻，上妝貼服。平時啲粉底液有時會係啲虎紋眼紋嘅地方會有啲卡粉，但 CT 嘅cushion粉底質地都好輕盈，拍上面好貼膚同自然，完全無卡粉。 上左一層已經有中度遮瑕，而且好有光澤同水潤感，追求素顏妝已經好足夠，加多層都唔會厚重，遮瑕力都更好！ 呢排又濕又焗，坐係冷氣房9個鐘，個妝都無點甩，持久力好又貼服，亦都唔會暗沉同滿面油光。另外補妝都好方便，唔會補到一撻撻，同啱啱化妝果時一樣咁水潤！ Before: 上妝後：上裝10個鐘後：

夢幻柔光粉氣墊 官方介紹特色： 自然通透、不帶面具感、中至高度遮瑕 使用色號： 1N - 適合白皙肌膚 (中性色調)首先個外型真係好靚，淡粉色仿皮面，啲菱格好飽滿，摸落去好有彈性，側邊係玫瑰金圖層，完全冇塑膠感，好高質好靚。入面配咗水滴型粉撲，粉撲很紮實，拍出來嘅粉都好均勻，個形狀同大小都好剛好。自己嘅皮膚比較泛紅，有啲痘印，T字位易出油，兩頰偏乾。粉底的遮瑕力確實比較高，以上是只上一層的效果，泛紅問題基本已解決，淺一點的痘印也遮了8成，唯深一點的痘印要額外用遮瑕膏，但呢個遮瑕程度已經很滿意。 粉底遮瑕度雖較高，但的確沒有面具感，1N色很貼合我膚色帶點自然提亮感，貼面度都好好同柔滑。因臉頰本身較乾，上妝後有少少卡粉，但下午塊面出油後個粉底就很好地融入，就算額頭同個鼻嘅出油量較多，但都冇浮粉，反而有點奶油肌感。上妝12小時後個妝感依然好滿意，個妝都仲係好貼，甩妝都唔會甩到一噠噠，都冇浮粉情況出現，只係啲瑕疵會出翻來少少，但妝感係keep得好好。

CHARLOTTE TILBURY 出新底妝品，對於我愛用其品牌底妝的小粉絲來說真是一大喜訊，感謝@cosme抽中我試用全新【PILLOW TALK 夢幻柔光粉氣墊】！ 夢幻柔光粉氣墊外形設計高貴華麗又可愛，如精品一樣精緻，瞬間觸及少女心，令人愛不釋手 再看看粉盒內附有面鏡連同超美的粉色水滴形粉撲，從外靚到內，帶出街補妝亦好適合 粉底質地幼滑，拍上手背可見貼服度高，且令肌膚有飽滿感，我選擇的色號是1N，雖然比我膚色淺，但拍到臉上又沒有過白，而是自然的提亮效果 我臉上有色斑、痘痘及新舊痘印，比較多瑕疵，用【PILLOW TALK 夢幻柔光粉氣墊】單單拍上一層毛孔同泛紅，膚色不均等幾乎都被修飾，至於深色斑及痘印再叠多1～2層也都能遮到8成，屬中高遮瑕度 令人驚喜是氣墊與肌膚融合得好好，即使叠加都不顯厚重，妝效是不帶厚妝和面具感 上完妝後更呈現出好美的奶油光澤，膚質顯得好平滑飽滿，看上膚況本來就好好的感覺 實測不定妝到晚上，除了鼻頭出油旺盛有些微脫妝情況，其他部份都keep得好好，並且無暗沈 試用期間也用了CT輕盈無瑕蜜粉定妝，意想不到得出來的是一個完全無粉感的底妝，氣墊與蜜粉完全融合了，

多謝@cosme 抽中提供試用和寫心得😍 CT一直係我愛用嘅品牌，特別係底妝產品好好用，粉餅/粉底液/高光一直有用開，今次第一次出氣墊粉底，咁啱@cosme 來了個試用邀請，當然馬上參加，最後非常幸運當選！而家就嚟講吓用咗一星期嘅試用心得！ 包裝一如以往CT標誌性嘅粉紅+玫瑰金，非常華麗精美。 表面用咗仿皮革嘅設計logo顏色配襯非常之少女心，一見就愛上。內側嘅設計全部都是粉紅色，連粉撲都係同色系，軟硬度適中，上面極之舒服，不過都幾吸粉底，所以取粉嘅時候需要就住份量。 蓋背上面有啲凹凸位置，係用嚟將多餘嘅粉拍上去調校份量，呢個設計暫時都係第一次見到，算係相當貼心。粉芯部份係一個網狀隔層有彈性，啲粉底液唔會滲到周圍都係，取粉都好乾淨。以下就係上面嘅效果 本人係混合性，夏天T位出油量偏多，兩頰偏乾。 今次試用嘅色號係2N, 應該暫時係品牌最深色號。 上妝前，有斑/暗瘡印，鼻翼兩側毛孔粗大，膚色暗啞上咗半面粉底明顯有提亮效果遮瑕度不錯，毛孔都可以遮到七成，黑眼圈有明顯改善，底霜只係用咗普通嘅保濕冇用任何潤色/磨皮效果嘅Base, 所以這蓋毛孔嘅能力算幾強。 想完全面即時有提亮效果，遮瑕

Charlotte Tilbury熱賣嘅Pillow Talk 首次推出cushion，好開心多謝被抽中優先試用😘一直都聽過佢蜜粉同面霜都好好用，但冇機會試，今次就試下呢個氣墊粉底先。首先個粉盒用上粉紅色菱格♦️軟皮，摸上去太有質感了吧！再配合水滴型💧粉撲，可愛得來帶點高貴粉底有四隻色，兩款偏白兩款偏自然，自己膚色比較深所以揀咗2N號色係自然款 將粉撲按壓喺彈力網上，輕輕一下就可以好均勻咁攞到粉底。拍上面都覺得粉質好輕盈，唔會好厚或卡粉，貼薄得嚟都遮到大部份瑕疵。若果係平時返工要快速上妝，我覺得上一層再上碎粉，都做到偽素顏效果。若果果日要求高啲，我會上碎粉前再多上一層，令毛孔睇落再平滑啲，膚質再細緻啲BeforeAfter 今次試用都好滿意！本身唔係成日上全妝，平時返工只係想快又做到均勻膚色、修飾毛孔，感覺精神啲，就算朝早0技巧都輕鬆做到緊膚貼面，呢隻夢幻柔光粉氣墊絕對可以幫到手。再次感謝@cosme @CharlotteTilbury🙏🏻

感謝 @cosme 抽中我試用今次Charlotte Tilbury 的產品！今次試用的是Charlotte Tilbury Pillow Talk氣墊 ～ 第一次打開 #CrushCushion 夢幻柔光粉氣墊，就已經被佢夢幻粉紅菱格包裝燒到！佢嘅外形係啞緻皮革觸感加上水滴形粉撲同埋內置鏡面，完全係化妝袋裡嘅must-have item，尤其鍾意粉紅色嘅女生，真係100%會心動！💕💕💕 粉底液質地方面超級柔滑，輕拍上面已經feel到貼膚感唔錯，不過要小心唔好太用力，因為粉底液真係幾容易取太多，唔小心就會有少少厚粉感。 妝感方面偏自然中帶遮瑕力，黑眼圈、暗瘡印都可以即時遮蓋到，即時有種「皮膚天生好」嘅錯覺。初上妝係微霧柔光感，但當肌膚出油後，會慢慢變成奶油肌（前提係冇出汗，喺室內環境之下），光澤感好自然：） Before After 可惜持妝力方面稍弱，如果天氣熱、要戴口罩，或者有戶外活動的話大概1-2小時後T-zone就會好快溶妝，同時鼻翼位置會有浮粉現象，毛孔變得明顯，建議油肌/混合肌一定要定妝＋補妝。 毛孔現形+浮粉： 另外，如果你有流汗的話，只能夠十分輕力印乾啲

首先我的皮膚狀況最近比較不穩定，亦有毛孔粗大以及色斑問題，而我本身屬於中性偏乾，所以平時選擇底妝產品都注重保濕度。而用了CT全新PILLOW TALK夢幻柔光粉氣墊一個多星期，首先它的外觀設計已經十分吸引！少女心即時爆發，亦不失高級感！而粉底方面，發覺它的亮澤度做得非常出色👍🏻能輕鬆打造奶油肌！而它亦有一定的遮瑕度，能將黑眼圈以及色斑遮蓋掉。而獨家絲緞成膜技術設計得非常好，每次都能取得適當用量，令整體色調更平均。而持妝度我認為已經算不錯，當我早上上妝後，工作大概9小時後眼底會有少許浮粉的狀況，但在香港這種潮濕悶熱的天氣下，PILLOW TALK夢幻柔光粉氣墊打造的妝感已經非常出色！所以我十分推薦大家快點到專櫃嘗試色號及質地吧，絕對不會令你失望!