2026香港「氣墊粉餅」推薦好用排行榜Top20

布吶吶好用推薦：MAC 專業無暇霧鏡氣墊粉底 (Studio Fix Everywear Cushion) 色號 N12 嘅用後感 包裝 & 第一印象 經典黑色漆面盒，不過依然係指紋收集器。呢個係「補充裝連盒」嘅設計，用完可以就咁買補充裝替換，都算幾環保同慳錢。佢塊粉撲係黑色嘅，厚薄適中，彈性唔錯，上臉唔會「食」咗太多粉底。 N12 喺 MAC 嘅色號嚟講，屬於 N (Neutral) 中性色調，偏粉調嘅最淺色之一。 · 適合咩人？ 如果你係 白皙肌膚，或者你平時用開 MAC 嘅 Studio Fix 粉底係用 NC15 (或者更白)，呢個 N12 會好啱你。佢唔會過分偏黃，上臉係好自然嘅提亮，白得嚟有氣色，唔會面具灰。 · 暗沉度？ 佢聲稱有抗污染同抗氧化成分，實測全日落嚟，暗沉情況唔算明顯，大約只係暗沉半度左右，屬於可接受範圍。 妝效：真係「霧鏡」？ 佢個名好矛盾，又「霧」又「鏡」。實際上佢係 柔霧妝效，但帶有 低調光澤感。 · 遮瑕度： 中高。輕輕拍一層，毛孔即刻隱形，黑眼圈同紅印大概遮到 7-8 成。佢好適合 「疊加」，喺泛紅位置再拍多層，都唔會顯得厚粉或者卡粉。 · 質地：

Sejeong好用推薦：MAC專業無瑕霧鏡氣墊粉底 NW11 用後感 終於搵到返工好拍檔，由朝早八點頂到夜晚八點！ 最近轉咗工，通勤時間長到喊，索性喺車上面化好個全日妝，咁嘅時候最需要一個靠得住嘅氣墊——拍兩下搞掂，唔使另外帶掃具同收納盒，超方便。 入手咗MAC呢個「卷王」氣墊，色號揀咗NW11。 老實講，呢隻色真係偏黃，黃一白用最白色號上塊面都唔算好白，都係自然均勻膚色咁款。不過咁都好，返工邊得閒慢慢擦頸，自然啲仲慳功夫。 最驚喜係佢嘅持妝力，混油皮表示真係幾鍾意！ 忙起上嚟成日都唔記得拎粉餅出嚟補妝，但到收工個底妝都冇甩，就算戴眼鏡，返到屋企照鏡，鏡框下面都冇卡粉或者一撻撻，真係感動。 一般持久型粉底成膜快，手慢少少都好難推得勻，但呢款氣墊疊加幾層都冇問題，唔挑剔皮膚狀態，好適合朝早趕返工，skip晒所有妝前步驟都得。 不過遮瑕力偏弱，呢個都係氣墊嘅通病，瑕疵皮就要另外加遮瑕產品。 好在佢個尖角粉撲可以直接當遮瑕粉撲用，又慳返一件工具！ 喺車上面用遮瑕液點完瑕疵，就搵呢個粉撲拍開，眼頭、鼻翼呢啲細位都處理到，好就手。 唯一缺點係量好似唔多，好快就用完，有啲肉赤。 #氣墊 #底妝分享 #返工早八

ying好用推薦：✨ PRADA Beauty 原光新肌氛墊粉底 AI精準配色・妝養合一 貴婦氣墊・自然高級感 「個色好啱亞洲人膚色，唔會偏紅唔會偏黃。上妝好似第二層皮膚咁，全日都舒服。」 ✅ 色號精準，唔會出事 PRADA 呢個氣墊用咗 AI 技術嚟調色， 專為亞洲人膚色設計。 上臉之後： 唔會偏紅（好多歐美品牌嘅通病） 唔會偏黃 同本身膚色融為一體 ✅ 妝感自然，似第二層皮膚 唔係厚重面具感， 而係好貼、好薄， 望落似「本身皮膚就係咁」。 光澤感係低調嗰種，唔會油淋淋。 ✅ 全日舒適，唔焗 香港天氣又濕又熱， 好多氣墊用完塊面好似「漿住」。 呢個用完係舒服嘅， 唔會覺得塊面有負擔。 ✅ 妝養合一 蘊含 Adapto.Gen Trio 三重適應原 + 維他命B3， 化妝同時護膚。 持續用嘅話， 皮膚會慢慢改善： 屏障強咗 冇咁易敏感 水潤清爽 ✅ 可疊加遮瑕 薄上一層：自然均勻膚色 疊多層：提高遮瑕度 可以按需要自己調整。 ✅ 持久度ok 全日都 keep 到， 唔會暗沉，唔會浮粉。 出油之後用紙巾印一印就靚返。 ⚠️ 注意： 價錢偏貴（PRADA 正常） 遮瑕力中等，極深痘印要另外遮

Fng好用推薦：Prada 原光新肌氣墊粉底｜ 熟齡混合肌 × 香港春天 🌸 產品定位：霧光持久型氣墊粉底 核心技術：Motion Protect動態貼膚科技 + 三重適應原護膚成分 價錢：$660/芯連盒，補充裝$425 ✨ 優點 · 動態貼膚唔卡紋：粉底會跟住面部表情郁動，笑完、講完電話都唔會積線，熟齡肌最怕嘅法令紋、眼尾卡粉問題解決晒 · 輕薄但有遮瑕力：粉質細膩貼服，薄薄一層已有中高遮瑕度，毛孔同膚色不均一take過搞掂，疊加都唔會厚粉 · 出油後越融越靚：上臉係柔焦啞光效果，出油後會融合成靚靚奶油肌，唔會浮粉或暗沉，實測持妝一整日都無問題 · 養膚成分加分：含維他命B3同三重適應原，化妝同時保濕護膚，卸妝後膚況都keep到 · SPF50/PA+++：防曬力足夠應付香港春天，唔使額外加防曬 · 包裝時尚：同Prada手袋同款Re-Nylon尼龍布料，拎出街補妝零舍有型 ⚠️ 缺點 · 質地偏乾要打底：呢款質地比較偏乾，混合偏乾肌上妝前要做好保濕，否則容易卡粉。冬天用唔太啱，可能夏天會好啲。 · 妝感相對明顯：由於遮瑕度高，追求極致裸妝或天生好皮嘅用家可能會覺得略為厚粉，建議局部輕印使

　peg好用推薦：呢款氣墊真係我用過最強嘅底妝，真心要強烈推薦畀大家！ 佢最令我驚艷嘅係嗰種變態級嘅遮瑕度！我塊面本身啲暗瘡印、紅絲，甚至係幾深嘅黑眼圈，輕輕印一層已經遮咗八九成，基本上連遮瑕膏都唔使再另外上，慳返好多時間。雖然佢遮瑕咁高，但神奇在佢上咗面唔會好似戴咗面具咁厚粉，反而係好貼服，仲帶有一種好高級嘅光澤感。 講到持妝力就更加係無敵，平時出街最驚個妝溶到一撻撻，但呢款氣墊真係可以做到全日唔溶妝。就算要長戴口罩，或者夏天出晒汗，個妝都仲係好完整，完全冇乜沾染落口罩度。佢出咗油之後，唔會浮粉或者暗沉，反而會變咗做超靚嘅奶油肌，越夜越靚！ 佢粉質好細膩，所以就算係鼻翼位都唔會點卡粉。我已經回購咗好多次，對於我呢啲追求完美妝感、又懶得補妝嘅人嚟講，呢款 TIRTIR 氣墊真係冇得輸，係我化妝袋入面一定要有嘅底妝！ 但係有一個特別嘅點就係上妝手法方面，佢一定要喺「抆」落去毛孔嗰度，之後先慢慢再引開個妝會薄好多同埋自然好多，如果就咁印落去妝感就好厚重。

Yty好用推薦：TIRTIR 鵝卵石 Mask Fit 紅色氣墊粉底Mask Fit Red Cushion🔴 TIRTIR 呢盒紅氣墊嘅持妝同高遮瑕力真心名不虛傳，買埋迷你裝隨身帶完全係極之明智嘅做法！  用後感： 遮瑕力極之強大！基本上只需要拍一薄層，就可以遮蓋掉七八成嘅痘印、泛紅同暗沉。質地屬於帶著微妙光澤感嘅微霧面，修飾毛孔效果顯著，上臉秒變精緻無瑕嘅奶油肌。 我鍾意到入手兩個色號，冬天膚色白淨啲嗰陣用 17C Porcelain，偏冷調嘅粉白感可以營造出乾淨透亮嘅冷白皮；夏天曬多咗太陽用 21N Ivory，中性象牙自然色調完美融入健康膚色，完全唔會顯假白或者跟脖子有色差。 主打「Mask Fit」嘅成膜技術真係好勁，乾透之後鎖妝效果超驚人！耐汗、抗油力極高，戴口罩或者大熱天時出街都好難掉妝或移位，持久度非常令人安心 買 Regular 大裝喺屋企做早晨快速底妝，再囤 3 個 Mini 迷你裝擺落小廢包，無論係出街補妝定去旅行都完全唔佔空間，隨時隨地都可以保持完美妝效！ #粉底部門

Nicole好用推薦：恆久貼肌cushion, 色號1N, matte款 氣墊方便易用，防曬/base之後上，遮瑕度已經好夠，均勻膚色，修飾毛孔都好好。右邊面未上粉底，明顯毛孔粗大有斑，左邊面上一層已經明顯遮咗好多。SPF35, PA+++, 有時偷懶唔用防曬都ok。回購咗4-5個，冬天就會轉用花蜜氣墊，會更保濕滋潤啲。但留意記得唔好太重手，夏天試過唔小心太重手，就會浮粉起芝麻粒。

Sophia好用推薦：首次試用Dior恆久貼肌氣墊粉底，感覺良好👍 - 妝感表現 🌟：上妝後妝面光澤自然不死板，屬於微光感肌，不會看起來太乾或太水光。遮瑕力中上，能均勻膚色並淡化瑕疵，但較深的痘印或色斑仍需局部遮瑕。 - 持久度 ⏱️：宣稱恆久效果確實有感，日常返工或外出大半天仍能維持不脫妝，出油後亦不卡粉斑駁。 - 遮瑕 & 底妝貼合度 🪄：粉質細緻，服貼皮膚且不浮粉，使用粉撲輕拍能達到較無痕的薄透妝感；要更高遮瑕可用按壓多層堆疊而不會顯厚。 - 適用膚質建議 🌈：乾性至混合性肌膚都能輕鬆駕馭，油性肌膚建議先控油或用妝前毛孔打底。 總結：如果喜歡妝感自然且持妝不錯的高級氣墊，Dior呢款很值得投資，而且正貨包裝十分精美，試用完已經在我wishlist❣️

布吶吶好用推薦：《YSL粉氣墊 BR20 用後感：靚到癲，但唔係人人啱使》 1. 包裝：拎出嚟補妝係一種虛榮 首先個外殼係銀色菱格紋，反晒光，望落去好似一個高貴嘅飾物。佢跟埋個黑色絨布套，放喺手袋都驚刮花。講真，每次拎出嚟補妝，個氣勢真係贏晒，虛榮感滿分。 2. 色號BR20：偏粉嘅自然白皙 網上好多人話BR20係「粉調一白」，我用落覺得佢唔係死白，而係帶少少玫瑰粉感。如果你係偏白肌、或者想糾正面黃，呢個色號會令你塊面望落去有種 「白裏透紅」嘅好氣息。但要注意，如果本身膚色偏黃偏暖（即係N字頭嗰啲色），用BR20可能會覺得塊面同頸有兩截色，建議一定要試上面先。 3. 妝效：高級絲絨光，唔係水光肌 佢唔係而家流行嗰種「韓式水光」咁濕漉漉，而係半啞光嘅絲絨質地。一撲上臉，好似開咗層好薄好薄嘅柔焦filter，毛孔即刻隱形，但又隱約透到少少本身嘅膚光出嚟，望落好高級。粉撲設計成水滴形，鼻翼嗰啲死角位都掂到，呢點好加分。 4. 控油＆持久度：混合肌冬天恩物，夏天要諗諗 呢個氣墊最適合秋冬或者乾燥天氣用。我混合肌（T字油兩頰乾），冬天用佢可以靚足6-7個鐘，到下午得鼻頭輕微出油，但係「油」得嚟仲幾靚，融合

Myonlyone好用推薦：講到YSL粉紅氣墊（即係Encre de Peau Cushion），喺香港潮濕天氣下，我用咗兩盒嘅真實心得： 包裝（幾靚但易花） 個粉盒真係好靚，磨砂粉紅加金邊，拎出嚟補妝好有虛榮感。但千祈唔好就咁掟入袋，個面好易花，最好用返個絨布袋入住。 妝效（光澤靚但唔係死白） 佢係奶油光澤肌，唔係韓式嗰種油膩水光，而係好幼細嘅貴婦光澤。遮瑕度屬中低度，紅印、暗瘡只係做到五六成，但均勻膚色一流，顯得塊面好乾淨。如果你好大粒暗瘡，要額外用遮瑕膏。 實測控油與保濕（最關鍵） · 保濕力：非常好，乾肌秋冬用完全冇問題，唔會卡粉。 · 控油力：夏天油肌或混合肌要注意。我屬於T字位油，如果唔用控油妝前乳，大概3至4個鐘鼻頭就會出油融妝。但融妝後唔會一撻撻，而係靚咗變「奶油肌」，用紙巾壓一壓就還原到八成。 · 暗沉情況：佢會有少許氧化，大約暗半個色號，所以建議揀淺半個色號（例如平時用B20，呢個可試B10）。 補妝技巧（貼服關鍵） 如果出油後直接印上去，會厚粉兼結塊。正確做法：先用紙巾輕壓走油分，再用乾粉撲嘅剩餘粉底薄薄印開，咁樣個妝就會好似重新噴咗一樣咁貼。 結論（值唔值得買？） · 推薦畀：

Miranda好用推薦：【質感】 首先講質地。佢個包裝真係好靚，金色鏡面設計，望落好高級，拎出嚟補妝都有種儀式感。氣墊粉撲嘅質地都算幾好，柔軟有彈性，但吸粉力比較強，如果大力壓嘅話會吸太多粉底，建議輕輕印兩下就夠。 粉底嘅質地係好輕盈嘅乳液狀，上面之後好薄好透氣，完全唔會覺得厚重或者焗促。佢嘅妝效係偏自然光澤嗰種，唔係韓式水光，而係一種好低調嘅柔光感，望落皮膚好飽滿好健康。粉體好細緻，用完之後近距離照鏡都睇唔到粉粒，好似天生皮膚就係咁靚咁。 不過要留意嘅係，佢上面之後需要等一陣先會完全乾透成膜。如果趕時間，未等到佢乾就上碎粉，會覺得有啲「漿住」。 【使用感】 呢個位我覺得有好有唔好。好嘅方面，佢嘅 「即時妝效」 真係好靚。一拍上面，毛孔即刻柔焦咗，膚色均勻咗，望落乾淨透亮。佢嘅光澤感係好自然嗰種，唔會太過火，返工用都唔會覺得誇張。 佢嘅 「遮瑕度」 屬於中等，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔追求完美無瑕，所以呢個遮瑕度對我嚟講係夠用嘅。如果當日有明顯瑕疵，我會額外用遮瑕膏補一補。 但係，佢有幾個位令到我幾困擾。第一，控油效果只係一般。我係混合偏油肌，用

Belle LUI好用推薦：去旅行、作息亂，皮膚最容易鬧脾氣——時差加飲食影響，搞得我容易長粒粒、又易脫妝。之前就用過他們家的粉底液，很好上妝，但去旅行不想帶太多東西，氣墊就是最方便的選擇。所以我帶上了這顆——Charlotte Tilbury 夢幻柔光粉氣墊，粉粉嫩嫩的超可愛😍。薄薄一層，瑕疵就遮了八九成，泛紅和暗粒修飾很多，毛孔也隱藏了不少。而且它帶有自然光澤感，提亮膚色、看起來很精神，整天下來也不會暗黃，非常自然——完全是為我這種瞎忙的媽媽而設的😂 我是混合偏油肌，鼻翼兩側特別容易出油，所以一定會搭配他們的輕盈無瑕蜜粉。一整天趕行程也不需要特別補妝（要求不高的情況下😆），出油狀況還可以，用紙巾印一下就好，控油表現算不錯了！ 結論：想快速上妝出門、一盒搞定遮瑕＋提亮＋控油，Charlotte Tilbury 夢幻柔光粉氣墊值得入手💖

Fng好用推薦：ADDICTION 調色氣墊 003 Fresh Apricot—— 我的「偽素顏」偷懶神器 🍑 老實講，我對氣墊產品又愛又恨。愛嘅係方便，恨嘅係好多款喺香港潮濕天用，唔係太立就係溶到一撻撻。 但呢粒杏色小圓餅，出乎意料地成為我近排手袋嘅「長期居民」。 開箱第一印象：薄到可以偷運入境 個粉盒係純白簡約風，厚度大概係平時氣墊嘅2/3，放喺細手袋都唔會迫爆。 打開見到嘅氣墊海綿，按壓嗰下已經feel到——嘩，好水潤。 我用嘅係003 Fresh Apricot，官方話係「含紅色珠光的健康杏色」。 第一次拍上面，我望住塊鏡諗：吓？咁薄㗎？ 佢唔係粉底，冇遮瑕力，唔好expect佢會蓋到暗瘡印。 佢做嘅嘢係——幫塊面開美顏濾鏡。 點解咁講？因為嗰啲微細嘅紅色珠光，拍勻之後望落好似由皮膚底層透出嚟嘅自然紅潤。 無化妝嘅日子拍兩下，面頰會有種啱啱行完山嘅健康血色，但又唔係胭脂嗰種「我好刻意」嘅感覺。用日本女仔嘅講法，就係 「じゅわっと」（juwatto）——水潤到好似要滲出嚟咁。 質地：90%美容液，拍上面似搽緊保濕精華 呢個係我最驚喜嘅位😍。佢添加咗90%美容液成分， 拍上去嘅觸

lonia好用推薦：首先要感謝@cosme之前嘅會員禮活動送出呢款ADDICTION 防曬護膚調色氣墊，亦係我第一次接觸呢個品牌。用到見底之後覺得真係幾好用，去日本旅行嘅時候就買返個補充裝。喺香港呢個品牌嘅產品好似唔常見，但原來喺東京各大百貨公司都好容易見到ADDICTION嘅專櫃。 平時見調色霜通常都係支裝液體，好少見係氣墊裝。用氣墊嘅好處就係上妝比較均勻，冇咁容易厚薄不均。我用嘅色號係002 Rosy Lavender 粉紫色，佢可以修正膚色，令面色望落亮白啲，個人都精神咗。防曬系數係SPF45 PA+++，足夠應付一般日常使用。防曬產品有時上面後感覺會比較乾，但呢款產品有足夠嘅滋潤度，上面之後唔會覺得乾，後續上妝都冇出現過乾紋、卡粉情況。睇返產品介紹原來添加咗90%美容液成分，尤其注重喺保濕方面，唔怪得感覺好滋潤。 整體嚟講，產品喺防曬、護膚同調色呢三方面出嚟嘅效果感覺非常滿意，值得推介。

　peg好用推薦：佢嘅遮瑕力幾高，基本上輕輕印一層，面上面啲暗瘡印、毛孔同埋膚色不均已經遮得七七八八，連遮瑕膏都慳返。最驚艷嘅係佢雖然遮瑕高，但粉質好細膩，上完面係一種柔霧妝效，唔會覺得好厚粉。 講到持妝力，佢真係好適合夏天或者容易出油嘅皮膚。佢嘅控油效果好好，就算出咗成日街、戴埋口罩，個妝都仲係好完整，冇乜點溶妝或者斑駁。而且佢出咗少少油之後，會同皮膚融合得更好，變咗做一種好靚嘅奶油霧面感。 唯一要留意嘅係，因為佢係主打持久同霧面，如果你嗰排皮膚特別乾，上妝之前一定要做足保濕，如果唔係鼻翼位可能會有一兩點卡粉。同埋佢嘅粉體乾得比較快，建議上妝嗰陣「少量多次」，慢慢印開個妝感會最靚。

Meoww好用推薦： Clio粉盒質地輕薄，遮瑕度冇黑盒咁高，網面 。不過佢自然水光感我鐘意😍吾會太誇張， 秋冬天用都冇卡粉👍🏼不易脫妝

Sanna Cher好用推薦：#火熱新品產品是迷你裝，屬於自購。 對冰氣墊如何有效改善妝容而感好奇，因此買個試用裝嘗試，結果感覺很好，產品特別地方在於，將潤膚霜質地的精華，透過粉樸拍在臉頰泛油的位置，不但有透涼的感覺，而且光澤感較弱，跟掃了高光的光澤感完全不一樣。使用前後分別，主要將產品使用在額頭的鼻樑T位，呈現matte啞光感，雖沒有太大分別，但來自產品的冰涼感也是特點之一。

Kura好用推薦：呢款冰氣墊嘅定妝效果有d特別，用完上臉有種成膜嘅效果，夏天用嘅定妝效果更加出色，同埋包裝好靚，係好高貴嘅水湖藍 @cosme #火熱新品 #火熱新品

Poyobb好用推薦：Ysl底妝產品應該大部份香港女仔都會鐘意，型格菱格紋皮質包裝💕但我都比較着重係用後感多啲🫶🏻 我揀嘅係N20 自然白色調，呢隻色大部份黃一白膚色都啱，皮膚再白啲可以揀N10。 依排較熱，妝前我淨護膚淨係搽咗toner同水凝霜，薄薄既保濕，Cushion有相對嘅保濕度，有YSL化妝品嘅香味，拍上面唔會好快乾晒，舒適唔會過乾💧 Cushion 剛剛上面係會有光澤感，係好方便拍上面會有光澤感，能夠提升氣息，輕輕拍一層碎粉即刻變返matte 身。但cushion真係好薄，遮瑕力得兩三成，如果係瑕疵皮膚一定要用遮瑕膏先至可以完美妝容，遮瑕度同all hours foundation差太遠。 另外，就算用返ysl嘅毛孔隱形glow base/髒妝前濕敷toner，用10次有7次會浮粉，即使上一層cushion 都浮，有時候上面會起芝麻。唔係好夾，用完不會回購。 另一次出街使用都有啲浮粉⬇️

　peg好用推薦：首先佢個包裝同埋質感真係冇得輸，上手好輕薄，上臉嗰下係好舒服嘅霧面感，而且控油效果確實係唔錯，啱晒夏天或者容易出油嘅日子用。如果嗰日皮膚狀態好好，上完之後個妝感係幾高級、幾有質感嘅。 但係，我覺得呢款氣墊真係好挑皮膚狀態，因為佢真係幾容易浮粉。如果嗰日皮膚稍微乾咗少少，或者角質層厚啲，啲粉就完全食唔入皮膚，尤其係鼻翼同嘴角位，好快就會見到啲粉浮晒出嚟，仲會有啲卡粉嘅情況。遮瑕度方面亦都係中規中矩，大少少嘅暗瘡印都要另外補遮瑕膏。 雖然佢主打輕透無重，但如果為咗追求遮瑕而疊加多兩層，個粉感就會變得好重，成塊面望落去乾爭爭咁。對於我呢啲追求貼服度嘅人嚟講，佢嘅表現真係有啲失望，成日都要好擔心佢會唔會隨時溶妝或者浮粉。整體嚟講，除咗個名同埋包裝夠吸引之外，實用性真係一般般，未必會再回購。