2026香港「眉彩」推薦好用排行榜Top20

natanatalie好用推薦：本身我最擔心係眉妝會因為出油而好快脫落。但用咗呢支 3合1眉筆之後，我發現佢嘅持久度真係幾穩定。即使我夏天出汗、皮膚出油快，眉型都可以維持到成日，唔會好快暈染或者變得模糊。呢種穩定感，令我覺得安心。🤤 佢有三個功能：眉筆、眉粉、眉刷。我通常先用眉筆勾勒眉型，再用眉粉填補空隙，最後用眉刷掃勻，令眉毛睇落更自然。呢個設計好方便，唔需要再帶多幾支工具，一支就搞掂。👏🏻 顏色方面，眉筆色澤自然，唔會太深或者太淺，配合眉粉之後，眉毛有層次感。即使我本身係油性肌，眉色都唔會因為出油而「浮」起，反而慢慢融合，效果更貼服。🙆🏻‍♀️ 卸妝方面，佢雖然持久，但用普通卸妝水就可以卸乾淨，唔需要大力摩擦。對我嚟講，減少咗刺激，卸妝過程舒服好多。👍🏻 呢支眉筆對我呢種油性肌算係可靠：防水防汗、持色力佳，三合一設計方便又省時，顏色自然易融合。用嘅時候只要記得分步操作，眉妝就會乾淨自然，成日都唔怕走樣。💯

royu3好用推薦：包裝基本上與 Kate 三色眉粉沒有大分別，均是黑色小巧的有鏡盒子，配有迷你雙頭刷，除用於眉毛外、它還可用於修容、鼻影。 一粉三用，又可隨身攜帶，非常方便。Visee 這款特別之處，在於它的用色，共5色。 除基本的啡色，還有偏紅、偏紫色調，能滿足不同的髮色需要。我買的是BR-2。A：勾勒眉形輪廓 B：填補眉毛空隙 C：用於眉頭、鼻影 左邊是鼻影掃、右邊是尖頭眉掃的使用效果。粉質很細緻，而且單擦也是有足夠的顯色度，能畫成較淡色、自然的眉。（☝🏻本來眉毛量少的人還是需要先用眉筆畫好眉的輪廓喔） 這對新手來說也是不易出錯的好選擇！手殘也OK👍🏻除Kate以外，又多一個CP值高的好選擇！ #大人感妝容

monlihk好用推薦：這是修眉姐姐介紹的。初初和眉筆一起用。現在只用眉粉嘅非常顯色發覺開架眉粉裏面只有他和Kate是最好的。 上次去日本已經再入定貨。

MoonMoon好用推薦：Kate 眉粉 EX-04 真實測評｜開架彩妝都有專櫃級立體感？ 講到開架彩妝嘅眉部產品，Kate 呢盒眉粉真係稱得上「長青樹」。但 EX-04 呢個色號——偏灰棕調，專門為深髮色亞洲人設計——到底係咪真係咁神？我用咗三個月，同你逐格拆解。 先講包裝同設計 細細盒附送雙頭眉掃，一邊係斜角硬毛掃（適合勾勒線條），另一邊係圓頭軟毛掃（適合填色同暈染）。以開架彩妝嚟講，呢個配套算係大方，唔使另外買掃，放入化妝袋又唔阻掟。 顏色方面，EX-04 係「唔會出事」嘅安全牌 佢有三格：淺色、中間色、深色，仲有一格鼻影粉。中間色係帶灰調嘅棕，唔會偏紅（好多眉粉嘅死穴），深色夠深但又唔會「蠟筆小新」，淺色可以用嚟暈染眉頭。我最鍾意佢個鼻影粉——唔係死灰，係帶少少暖調嘅灰，掃落山根即刻有自然陰影，慳返買鼻影嘅錢。 粉質同持久度，先讚後彈 粉質算幼細，但未到「滑捋捋」嗰種程度，用掃上嘅時候有輕微飛粉，不過以呢個價錢嚟講可接受。持久度方面，朝早八點畫完，到下午兩三點會有少少褪色，但唔會「斷開」或者「結塊」，只係均勻咁變淡。如果係大汗人或者夏天用，建議加多層眉毛定型液，否則行完街返嚟可能會得返七成。

Fng好用推薦：KATE 立體造型眉彩餅 用後感 ——開架眉粉界嘅「長青樹」，一盒搞掂眉、鼻影、眼線 ✨ 我本身眉毛比較疏落，成日覺得畫眉好難控制。呢盒KATE三色眉粉（約HK$64-76 / 2.2g）被譽為日系開架「殿堂級」眉粉 🎨 色號點揀？EX-4 vs EX-5 · EX-4 亮棕系：適合淺棕、亞麻、金黃色等淺色髮系，色調偏灰，適合打造成熟穩重感 · EX-5 深棕系：適合黑色、深棕、自然棕等深色髮系，色調偏暖棕，打造自然溫柔風 · EX-6 紅棕系：適合紅棕、玫瑰棕等暖調髮色 💡 溫馨提示：我本身係深棕髮色，用EX-5好自然。如果唔肯定，建議去試吓色先～ ✨ 粉質與妝效：細緻貼膚，新手恩物 · 粉體細緻，唔太飛粉，掃上眉毛好服貼 · 三色深淺設計，可以自由溝色，配合唔同髮色同妝感 · 顯色度適中，新手都唔怕一下手重變蠟筆小新 · 畫起來賊絲滑，完全不結塊，打造自然媽生絨霧眉 ⏱️ 持妝力：防水防汗，香港潮濕天氣都頂得住 · 防水防汗技術，有用家分享搭巴士流超多汗，返到屋企眉毛仲喺度 · 實測朝早畫完，到夜晚都keep到，唔會變「半截眉」 · 持妝力強、不易脫色，適合混合肌同

natanatalie好用推薦： 第一次用嘅時候，我最驚係眉色會因為出油而好快脫落。但用咗 CO02色之後，我發現佢真係幾持久。即使我夏天出汗、皮膚出油快，眉色都可以維持到大半日，唔會好快暈染。呢種穩定感，令我覺得安心。❤️ 顏色方面，CO02係偏明亮嘅駝色棕。上眉之後，眉毛即刻柔和咗，成個人感覺自然好多。雖然我本身係深髮色，初初用會覺得眉色有啲淺，但過幾個鐘頭，顏色慢慢融合，效果反而更自然。🥰 刷頭設計我都幾鍾意，細細支，好容易逐根上色。即使我眉毛比較濃密，佢都可以均勻上色，唔會一舊舊。唯一要注意嘅係液體偏多，我習慣先用紙巾輕輕擦走多餘，再上眉，效果就唔會厚重。👍🏻 卸妝方面，佢用溫水就可以卸到，唔需要大力摩擦。對我呢種油性肌嚟講，減少咗刺激，卸妝過程舒服好多。👏🏻 總結嚟講，CO02色對我呢種油性肌算係可靠：防水防汗、持色力佳，顏色偏明亮自然，適合想要眉毛柔和、配合淺髮色嘅人。不過用嘅時候要記得控制用量，咁樣先可以避免厚重感，令眉妝更乾淨自然。🙆🏻‍♀️

iliya 好用推薦：當染到頭髮好淺色嘅時候，而條眉仲係黑色，真係好突兀。呢款染眉膏嘅顏色好大路好自然🙌🏻

maylam好用推薦：我自己化眉妝嘅practice 係用完眉筆之後再用眉gel定型 Benefits 嘅眉部產品我都好鐘意 所以買咗支眉gel仔試下 我買嘅係04號色 偏啡 都啱我用 用上條眉都幾顯色 可以梳理到眉流 唯一唔太鍾意嘅係會有少少結塊

popocarcar好用推薦：試過好多款眉Gel, 覺得最好用嘅係Benefit Precisely my brow max 效果自然，唔會搽到眉毛硬綁綁。 03號色適合淺髮色。

mandy好用推薦：ADDICTION TOKYO EYEBROW MASCARA COLOR NUANCE 持色造型染眉膏 #102 Latte Blonde (Limited color) HK$225 （限定2色） ADDICTION 持色造型染眉膏的其中一款最新色號是#102 Latte Blonde，這個亞麻啡色是化妝師幫我選的色號，可以即時令眉毛的顏色變得柔和，看上去的氛圍更溫柔，不會像很多日系開架品牌的眉Gel般偏向難carry的啡金色。 使用時只需先用眉筆畫好眉形，之後才用持色造型染眉膏由眉頭梳至眉尾，既可為眉毛染色，同時將眉毛梳理整齊及定型。眉頭可以輕手一點，避免眉頭因太重手而過度顯色。 ADDICTION 持色造型染眉膏的設計細細支，很容易及方便使用，即使零技巧也可以幫助梳理出整齊的眉毛，細細支帶出街用也不佔空間。持久度方面相當不錯，可以維持一整天。 此外，市面上亞麻色系的眉gel也不多，#102 Latte Blonde是限量色號，喜歡的話要趕快入手。 ADDICTION 持色造型染眉膏的價位定在中價位置，比開架品牌貴，也比很多專櫃品牌便宜少少。持色造型染眉膏品質優良，容

FishFish好用推薦：【Canmake眉毛雨衣測評】💦 講到眉毛持久度嘅救星，真係唔可以唔提Canmake呢支「眉毛雨衣」！成日話自己眉毛無眉尾、又成日甩色嘅朋友，留意啦～ 🔍 質地 & 用法 透明液體，似指甲油咁有掃頭。畫完眉之後，薄薄掃一層上去就得。記住唔好「隊」咁多，否則會好似膠水反光。掃完等十幾秒乾透，就完全無色無味。 ✅ 優點 · 超強防水防油：試過沖水、出汗、甚至落雨濕面，用紙巾印乾，條眉依然完整無缺。大油皮都頂到半日，唔會溶到一撻撻。 · 唔會起白屑：好多類似產品乾咗會起白色碎屑，呢支乾透係全透明，唔影響原本眉妝。 · 細支方便攜帶：放化妝袋唔佔位，帶去旅行或者放公司補妝都得。 ❌ 缺點 · 掃頭偏細：要慢慢掃，尤其眉尾尖位，心急嘅人會覺得嘥時間。 · 唔好掃太厚：一層夠晒，掃兩三層會令眉毛變硬，摸落有啲膠感。 · 卸妝要用心：普通洗面乳可能卸唔乾淨，建議用眼唇卸妝液或者卸妝油，輕輕敷陣先抹。 💰 價錢：大約 70（視乎邊度買），開架牌子嚟講算抵玩，一枝用到幾個月。 🎯 總結 如果你係眉毛溶得快過戀情嘅人，或者夏天成日出汗、要去沙灘游水，Canmake眉毛雨衣絕對係必買之選！平靚

jhope0725好用推薦：淨係睇我用到hit pan都知佢係我生涯最愛嘅眉粉！ 佢粉質幼細，夠顯色之餘又易blend 如果眉毛相對濃密，只係個別需要加強修飾，我覺得呢盒產品係不二之選，即使新手都適合用 而且持久度高，唔怕半日已經甩色 除左粉質靚，枝掃嘅掃頭相當細，用來畫眼尾尖位係一流，而且用好耐都唔會開叉，質素相當好！ 從來未試過有產品附送嘅工具掃可以用到咁長時間呢！一盒已經做到晒日常美眉效果，而且每盒可以用到幾個月，個人覺得性價比比起眉筆更高

takemyokane好用推薦：說到日系彩妝應該無人不曉這盒 Kate 的殿堂級三色眉粉。粉盒內附小鏡以及一支雙頭眉掃，方便隨身攜帶補妝。色號為最熱門的 EX-5，含深中淺三色漸變咖啡色調。粉體細緻，不太飛粉，個人習慣深啡和淺啡混合使用，最淺的米色用在眉下，用附屬的斜角掃已經可以做到不錯的效果。一盒眉粉一般都可以用到幾年，性價比超高。

Kitty 好用推薦：唔洗多講，眉筆界經典！硬度高，畫出嚟線條俐落，似真眉毛一條條咁，有毛絨感，又持久。超耐用，一支可以用幾年。而且呢款自動嘅，可以轉出來直接用，唔洗自己刨成砍刀形狀，顏色選擇極多，灰棕色好襯亞洲人。雖然貴少少，但物有所值💸

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

Sanna Cher好用推薦：使用色號03，是觸感很硬，剛落筆接近沒有色調，需要來回擦塗十次所得的深度。順著眉毛方向填補，見眉毛有被霧化，色調上亦有不其然的加深，總括而言，是非常新手友好，幾乎不會出錯，一定能夠使用的產品。完妝的照片

Wuxx好用推薦：首先好開心成為Cosme第10屆美狀元！！！ 估唔到寫下寫下原來就寫咗咁多篇， 嚟緊我會繼續寫多啲好評/差評俾大家參考🤪 我收到嘅獎品其中之一係依枝眉筆， 但因為本身我就用緊呢支產品， 所以上黎打返篇使用心得。 用呢支眉筆之前我係用呢個牌子嘅眉粉畫眉， 不過有時太懶得去洗眉掃，上眉粉就好易一舊舊， 同埋眉粉用耐左會有層油漬住，要久唔久痴下佢。 雖然眉粉新手易用，但打理真係有啲煩， 所以我就轉咗用眉筆。 呢支眉筆係我喺日本藥妝店度買， 佢筆芯係扁狀嘅，同傳統圓狀嘅分別係佢點用都係刀型， 方便勾畫細緻型嘅眉型。 之前好興嘅野生眉或者尖眉尾都好易畫到， 唔洗成日搵刀刨尖佢。 不過美中不足嘅係佢冇蓋🫩 嗰陣我搵咗好耐，仲以為自己唔見咗， 更加一度以為而家美妝變態到連個蓋都要分開買😬 如果唔介意冇蓋嘅朋友，呢支眉筆我都幾推薦！**扁扁嘅筆芯，唔洗成日刨尖，good！！