2026香港「美容油・護膚膏」推薦好用排行榜Top20

莓莓好用推薦：La Roche-Posay Cicaplast Baume B5（萬用修復霜）測評 包裝質感： 牙膏管身，開口細，好控制用量。但用到最後要剪開先刮得乾淨，呢樣扣少少分。 質地與氣味： 白色厚身乳霜，推開有少少白痕，但輕印就會吸收。無香味（無添加香料），只有好淡嘅原材料味，敏感肌友好。 使用感受： 搽上皮膚感覺滋潤但唔油膩，有層薄薄嘅保護膜。適合局部厚敷（如乾燥脫皮、泛紅位置）或全面薄塗（當急救面膜）。唔建議長時間全面厚敷，可能會生粉刺。 成分專業分析： · Panthenol（維他命B5）：核心成分，深層保濕、促進皮膚修復 · Madecassoside（積雪草苷）：抗炎、舒緩泛紅 · Manganese + Copper + Zinc：礦物質複合物，幫助傷口癒合 · Shea Butter：滋潤鎖水 ❌ 含氫氧化鉀：極少數敏感肌可能有輕微刺熱感 適用場景（重點！）： · ✅ 乾燥脫皮、敏感泛紅 · ✅ 濕疹輔助護理（非急性期） · ✅ 醫美後、雷射後修復（醫生同意下） · ✅ 嬰兒尿布疹、大人手腳乾裂 · ✅ 輕微擦傷、曬後舒緩 · ❌ 暗瘡嚴重發炎期（太厚可能焗瘡）

Fng好用推薦：LaRochePosay B5萬用修復霜用後感 🚒✨ 如果你同我一樣，成日出入冷氣房搞到塊面乾繃繃，又或者轉季時皮膚狀態唔穩定，相信你對呢支B5霜一啲都唔陌生。佢係法國藥妝界嘅傳奇產品，有人叫佢「萬能霜」，有人叫佢「爛臉救星」 🧴 質地：白色乳霜，有少少厚但可接受 · 擠出嚟係白色實色乳霜，睇落有少少厚。推開會有輕微白痕，但只要輕輕印多幾下就會吸收。 · 無香料，只有好淡嘅原材料味，敏感肌友好。 上手貼士：千祈唔好就咁「捽」上塊面！我會喺手心搓熱幾下，等佢乳化咗再輕輕按上面，咁樣就唔會好似戴咗面具咁焗住。 🔥 快速急救：退紅止痛超快，雪凍用效果更勁！ · 雪凍厚敷嗰陣，退紅速度真係無得頂。 · 我試過面頰敏感泛紅，薄薄搽一層過夜，第二朝起身泛紅同甩皮嘅位置明顯穩定咗、摸落冇咁粗糙。 · 如果皮膚乾到脫皮或者曬傷，可以試下雪凍厚敷，即時涼浸浸，五分鐘壓倒性舒緩！ 🛡️ 修復屏障：穩定膚況，唔會乾到扯住 · B5入面嘅5%維他命原B5同積雪草萃取，可以修復受損嘅肌膚屏障，同時舒緩炎症。 · 喺又濕又焗嘅香港，我夜晚開住冷氣用好夠保濕，唔會乾繃繃。有中性肌用家分享，洗完面搽完爽

Yty好用推薦：香港松本清購入，之前已經用過純角鯊烯超過1年，今次買埋HABA美白角鯊精純液30ml試下，含99.9%鯊烯精華注入維他命C，可以提升肌膚「透明感」助淡化斑點，最鍾意佢成份不含防腐劑、礦物油、合成香料、色素，敏感皮膚非常安心，比較下純角鯊烯油同埋今次嘅美白油，我認為美白角鯊烯稍為油潤啲，如果油性皮膚用一小滴加落面霜已足夠，兩者保濕度唔會相差好遠，平時自己可加減份量唔需要太擔心太油難吸收，我個人更注重皮膚嘅「透明感」，所以我會首選美白角鯊的 #「透明感」#潤膚油

lingbb好用推薦： - 鯊烯美肌清油係100%源自自然、99.9%高純度，同人體皮脂極相似，可協助其他護膚品更有效滲入肌底層，極速打造水潤嫩滑的健康肌膚。 - 對我黎講係百搭油 - 特別係乾燥天氣下只需一滴就可以迅速平滑粗糙肌膚，瞬間係肌膚表面形成絲緞般般細緻嘅隱形鎖水層，緊緊鎖住滋潤養份獨特的誘導滲入效果，喚醒底層美肌潛力，保濕方面極優秀！ - 另外，用美肌油化底妝都可以打造水光奶油肌。將美容油同粉底融合之後上底妝，令臉部肌膚幼滑並富有blingbling光澤，上埋定妝蜜粉後，再取1滴美容油滴係手掌推勻，輕輕按壓塊面，即時打造閃爍光澤奶油肌，仲可以令成個妝效更加持久貼服，而且美肌清油唔易氧化變質，唔會令面色暗咗灰咗

Yuki Chow好用推薦：Guerlain 的殿級蜂皇升級版水凝黑蜂活肌蜜 結合了精華+美容油於一身 質地如水般清爽且不黏膩。精華液中懸浮著金色「沒藥」微滴，能顯著修復肌膚老化，提升彈性與光澤感。

Jenjen好用推薦：超級好聞，每晚塗上面，香香的，好有儀式感先訓，我大愛！！用得耐，臉部皮膚好有光澤感，超正！

jhope0725好用推薦：呢支產品可以話係❄️冬季眼部最愛產品~ 雖然夏季我都會使用呢款產品，不過我係偏油性肌膚，對我而言我覺得佢較為適合秋冬天氣使用。  冬天天氣乾燥，最容易衍生皺紋，尤其是係頸部同眼部肌膚，呢支淡紋筆，油質好輕薄，完全唔會為皮膚帶嚟負擔，即使係皮膚最薄嘅眼部四周，大約5分鐘內都可以完全吸收！加上呢支產品帶有淡淡玫瑰果香，尤其晚上使用的效果十分療癒，多數用完呢個產品，我都會再配合眼部精華或者眼霜，加強對肌膚嘅保護👆🏼剛塗上眼部，油分較重👆🏼5分鐘後，完全吸收，眼紋已見減淡 另外一個我自己喜歡嘅用法，就係用嚟補妝，由於佢非常輕便，每逢出街脫妝嘅時候，我都會用佢輕輕作為卸妝油用途，卸走部份妝容，然後先補妝，咁就唔會出現不停補粉，好似硬膠芭比嘅情況

楊一二好用推薦：呢款淡紋筆係小x書好hit，所以我都跟風買左支用🤭 佢有粒金屬滾珠，好鍾意用呢粒滾珠係眼周打圈同埋按壓眼周穴位，好舒服放鬆同埋唔會整污糟雙手👍🏻。淡淡天然玫瑰香，果油質地潤而不膩，吸收快，用極都唔生脂肪粒。 🔔 小提示：用之前一定要抹乾淨眼周先，唔係好容易將殘妝污垢滾入果油入面，搞到入面精華變壞。

Cheung2好用推薦：最近轉季皮膚敏感又發作，上YouTube參考油敷法急救，真係忍唔住俾返個好評呢支堅果油💯💯💯💯💯 精華水加5-6滴堅果油，然後再落cream mask急救🆘 15分鐘後已經repair有感👍🏻個Treatment好似形成咗一層保護膜咁，滋潤得嚟又唔會生粒粒，大推🙌🏻🙌🏻🙌🏻  非常可惜香港已經冇晒melvita門市，呢支我用完一定會去旅行再回購✨✨✨

Karman28好用推薦：試用完佢包sample 就即刻買左！ 岩岩轉天氣果陣，無護膚，成身好乾同痕到比自己𢯎損哂。之後我即刻每日用左body loction打底，再加幾滴堅果油，堅持搽幾日之後，就唔再痕！冬天補濕鎖水真係好緊要。 呢支堅果油搽完，feel到佢係吸收到，唔會成手油淋淋，同埋佢無難聞既味，亦無特別加香味，所以我都用得好放心，唔怕對香料敏感。 佢個頭既設計都唔錯，係可以一滴滴油咁滴出黎，等用家容易控制個用量。 我自己暫時都係用係身體上，未試過用係面，因為我面部比較易毛孔閉塞，所以都唔敢試。身體油黎緊，呢支真係十分推薦。

Leanne好用推薦：精華油含有奧圖玫瑰香薰油、白芒花籽油、可可巴油、茶花籽油、玫瑰果油。 我會將精華油混合精華一同使用，可為肌膚帶來保濕、提亮、緊緻等多重功效，潤而不膩。

Fng好用推薦： Dior Le Baume 全效修護萬用霜 最強萬用霜 vs 最美千鳥格護手霜，邊款先係你嘅本命？ 💖 作為一個成日對住電腦嘅熟齡混合肌，乾燥敏感總係無處不在。今次一口氣入手咗Dior兩款話題新品～ 🩷 Le Baume 全效修護萬用霜：多功能懶人救星 🧴 設計貼心：輕巧鵝卵石外型配Logomania圖騰，高級得嚟仲單手開到，放喺小手袋都無問題。 ✨ 質地做到「吸收快但鎖水力強」：白色乳霜本來驚太厚，但一推就化開，好似有一層保護膜包住，但完全唔油！混乾肌用完有即時飲飽水嘅軟熟感，有評測話6小時後水分仲可以+60%！急救我濕疹手，關節裂咗嘅位搽完第3日突然自己埋口，好神奇。 💯 真正一瓶走天涯：一支搞掂護手、護唇、敏感急救、指甲邊，甚至身體乾燥位都ok。乾肌上妝易卡粉？薄薄搽上面當打底，妝感會貼服，無咁易出乾紋！ 📌 小總結：全能、高效、無味，適合追求實用性同高效修復嘅人。 🌸 Miss Dior 千鳥格柔潤護手霜：隨身香氛時尚單品 近年Dior最靚包裝之一！以格拉斯玫瑰花水為基底，一搽就好似噴咗Miss Dior香水咁，散發住玫瑰同白麝香嘅浪漫花香。絲絨質地輕盈清爽

Kitty 好用推薦：我係混合性肌膚，T字位出油，但面頰有時會好乾，尤其係轉天氣或者開冷氣瞓覺之後，塊面會黐立立但又覺得繃緊，好麻煩。 質地同氣味： 個包裝已經贏咗，有質感又方便攜帶。入面嘅cream質地超柔潤，搽完好軟滑舒服，有滋潤感。因為小朋友都可以搽，應該冇加咩香精，氣味方面冇乜特別。 用後感覺同效果： 1. 即刻飲飽水感： 搽上面嗰一下，第一個感覺就係好潤澤，但完全唔會立！佢好似一秒鐘就俾塊面吸收咗，皮膚即刻變得軟熟咗，摸落去滑捋捋。之前面頰乾到有啲甩皮，用咗佢之後，啲乾紋即刻冇咁顯眼，好似飲飽水咁。 2. 持久保濕，唔再外油內乾： 最驚喜係佢嘅持久度！以前用啲cream，朝早起身個T字位成面油，但而家呢種情況改善咗好多。佢好似幫我平衡返啲油水，令到皮膚狀態穩定咗，唔會再亂出油或者異常繃緊。開成晚冷氣，第二朝起身塊面都依然keep到水潤，冇摷住嘅感覺。 3. 膚色提亮，有光澤： 用咗一段時間，發現塊面冇之前咁暗啞，有種健康嘅光澤感，唔係油光嚟㗎！上粉底都貼服咗，冇再因為皮膚乾而起擦膠碎。 4. 係咪真係萬用？ 老實講，佢唔係一支神奇藥膏，唔會話用完乜嘢紋都冇晒。但係作為一支高級嘅日常

Fng好用推薦：有日見自己鼻頭毛孔粗大，有啲黑頭，走咗去買呢支新品 Decorte AQ毛孔美容油。BA話產品針對黑頭脂質，滲透瓦解，溫和清除毛孔深層污垢，含植物油，如荷荷巴油、乳木果脂，兼具💖溶解力與🩷保濕修護，用後肌膚不繃緊。 我混合性偏乾肌膚 ，🌿 質地輕盈 ，清爽不黏膩，延展性高，可局部（如鼻翼、下巴）或全臉使用，支援三種用法： ▶️ 局部清潔 ▶️ 全臉卸妝 ▶️ 替代洗面乳(無需二次清潔，節省步驟，接睫毛者亦適用。) 質地輕盈且沖洗後不黏膩，適合香港高溫悶熱天氣；溶解皮脂效果有助對抗「溶妝」導致的毛孔堵塞，#夏天我用它作晚間深層清潔。 秋冬季節，植物油成分能補充肌膚脂質，緩解空調房或冷風造成的乾燥緊繃。 🤐🙅‍♀️未必適合極油肌，雖標榜清爽，但七重植物油基底在濕熱環境下，對油性肌或易生粉刺肌膚仍有過潤風險。 💡 📌 此款清潔油在溶解黑頭與保濕力上表現出色，特別適合香港混合肌至乾肌；油肌需控頻使用，並留意夏季用量。若預算充足且追求溫和深層清潔，值得入手試用！ #保濕 #夏天

Kitty 好用推薦：Decorte呢支新品AQ毛孔精華油真係好鬼特別，而且周圍斷貨！完全打破咗我對毛孔隱形嘅認知，佢話用咗量子電腦配方精準計算㗎喎～質地清清爽爽完全唔黐笠，捽落毛孔位吱吱聲咁滑捋捋，睇落毛孔真係細咗成個碼！Decorte真係得嘅！🐶🐶 👉點樣用先最夾？ ba話每晚卸妝時： 1️⃣ 擠少少集中按摩T字位同下巴位（捽下捽下就得，唔使沖水住） 2️⃣ 再用其他卸妝產品清全臉 3️⃣ 過水→洗面 重點：當T區特別護理咁用，每日多幾秒搞掂！ 用咗幾日，我覺得黑頭真係有溶解，千年毛孔終於有救！仲要簡單到笑～🌱🌱 #火熱新品