2026香港「妝前打底」推薦好用排行榜Top20

Yeonjung好用推薦：嘩！呢支杏桃色底霜係咪偷咗打燈佬返屋企？用後感：成塊面飽滿晒！ 喂，我真係要同大家懺悔！我以前成日覺得「妝前底霜啫，是但啦」，求其搽防曬就算。點知前排路過專櫃，試咗呢支 ELIXIR 杏桃色，一試……中咗！即刻乖乖磅水！ 首先講下我塊面嘅狀況： 我呢啲殘廢打工仔，朝早趕時間，最憎層層疊咁搽嘢。好彩呢支嘢集合咗 防曬（SPF50+ PA++++）+ 提亮 + 保濕 三大功能，真係懶人恩物！而且我面頰偏乾，T字位又少少黃，啱晒呢支杏桃色嚟執一執。 質地：輕過棉花糖，滑過豆腐花！ 唧出嚟係好柔和嘅杏桃色，帶有非常非常幼細嘅珠光（唔係閃粉嗰隻，係好似皮膚入面透出嚟嗰種光）。一推開……咦？好似融咗入皮膚咁！質地好水潤，但又唔會油淋淋，感覺似搽緊保濕精華多過防曬。 最正係佢有 膠原蛋白成份，搽完嗰下，塊面即刻脹卜卜，好似啱啱敷完面膜咁軟腍腍。之前我鼻翼兩邊成日暗沉，搽完佢即刻 自然提亮咗成個色階，唔係死白嗰隻，而係粉粉嫩嫩嘅好氣色，直頭好似瞓足10個鐘咁（騙人的，我明明只瞓咗5個鐘）。 上粉底嗰下先係戲肉！ 平時我上粉底，冬天成日卡粉卡到喊。但用完呢支打底，粉底係 「跣」 住去，貼到呢

Viannie好用推薦：日本一開賣即刻買黎試，因本身屬小麥色皮膚，之前粉紅色果支一路驚太白都唔敢買。ELIXIR tone up beige 妝前防曬底霜 一粒珍珠size就夠搽全面，好貼心產品背面有參考size，可跟住黎拎分量。質地都幾厚身，非常容易推開，好容易就搽得均勻唔會一撻撻，提亮效果自然，仲做到少少修飾效果。可以睇到面上斑點明顯淡色咗，利用亮白黃金折射光線，皮膚望落去即時好咗咁，勁鍾意呢個效果！！推開後會有少少黏笠感，可以加少少碎粉或晚安粉做定妝測試埋12小時持妝效果 返完一日工，返到屋企影，呢幾日30度嘅高溫天氣，喺冇中間補妝嘅情況下，用咗tone up beige打底果日嘅妝係明顯keep得好少少。總結呢支新出嘅防曬base如果你係乾肌就啱晒，上妝後都唔會乾，加埋小麥肌嘅話更加要試！ 不過質地偏潤，油肌要慎選！！ 另外本身膚色好白都唔太啱，搽完會黃咗，建議可以揀返粉紅色果支。 #火熱新品

chewyfruit好用推薦：【真心不呃Like】ELIXIR 櫻花色妝前防曬底霜用後感 🌸 黃皮素人實測 老實講，當初買呢支都係比個「櫻花」兩個字跣咗入坑，加上夏天又就嚟到，諗住搵支夠防曬又唔想成面油光嘅底霜。用咗兩個禮拜，同大家拆解下係咪真係咁神。 📦 質地：流質但唔水，似足保濕乳液 唧出嚟係淡淡粉紅色，好香好清幽嘅花味（唔係人工嗰種）。一推開好驚喜，好滑身，完全冇防曬嗰種「kick粉」嘅感覺。佢介乎於lotion同gel之間，夏天用零負擔。 🌸 重點：櫻花調色效果係點？ 我本身面黃帶暗啞，佢呢個粉紅色上到塊面 唔係死白，而係好似由入面透出嚟嗰種 自然粉嫩感。均勻膚色一流，鼻翼兩邊泛紅都修飾到七八成。如果你唔鍾意厚粉，單搽佢再加碎粉已經可以出街，直頭有種「天生好氣色」嘅偽素顏感覺。 ☀️ 防曬力：SPF50+ PA++++ 好有安全感 香港呢排又曬又焗，呢個度數啱啱好。最緊要係 唔焗痘！我搽足全日，下午鼻頭先開始出少少油，但唔會話溶到一撻撻，反而變咗光澤肌嗰種靚油，印一印就還原。 💧 保濕 vs 控油：平衡得幾好 佢有護膚成份，乾肌用夠保濕；我混合肌T字位就建議用控油碎粉定一定妝。唯一小缺點係如果爆瘡時

Fng好用推薦：Elixir 防曬妝前霜 春夏・熟齡混合偏乾肌 🌸✨ 我係熟齡混合偏乾肌，春夏最怕防曬又立又焗，搞到塊面黐笠笠。見到Elixir呢支櫻花色妝前防曬（約HK$255 / 35g，SPF50+ PA++++）好多人推，用咗一個月，分享真實感受～ 🧴 質地：輕薄易推，有少少滋潤感 · 淡粉色乳霜狀，唔會流動，但延展性極好，一推就開 · 上面後有輕微滋潤感，但唔立唔焗，春夏用都舒服 · 成膜速度算快，唔會黐頭髮 · 有淡淡嘅爽身粉香味，幾舒服 🌸 透明感實測 · 即時提升透明感：一搽上去，塊面即刻「亮咗一階」，唔係死白，係自然粉嫩光澤，望落有透明感 · 均勻膚色：可以遮蓋局部暗沉，望落塊面好乾淨、有「透光好皮膚」嘅感覺 · 膚色冇咁蠟黃：如果妳有面黃困擾，呢支可以幫手調整，令皮膚更顯透明 · ⚠️ 白皙肌限定：有評測話「本身皮膚好白淨先啱」，如果膚色偏深，搽完可能會太白唔自然 🌸 熟齡混合偏乾肌用後感 · 滋潤度夠：偏乾肌用唔會乾，仲可以即時撫平乾紋/細紋，上妝貼服好多 · 唔打架：試過配多款粉底/cushion，都冇起擦膠碎 · 懶人恩物：趕時間就咁搽佢直接出街，唔上粉底都見得人

Maggie Wong好用推薦：夏日持妝必備好物！ 夏天天氣又熱又濕，出街幾小時後T字位容易出油且會把底妝溶掉！試用SOFINA Primavista BLACK 重點控油修飾棒後，立即把這個問題解決了！ 本人T字位易出油，因此會在保濕後先在T字位塗上一層控油修飾棒。之後再上底妝 未使用產品前，即使在辦公室半天，鼻及鼻側易出油位置會把底妝溶掉一點 用了控油修飾棒後，即使是在夏天行街，T字位出油明顯改善，底妝還是完整無缺，而且感覺不黏立，也不會感到乾燥，體驗感非常良好！而且小小一枝，帶出街補妝也非常方便，推介！#火熱新品

Sanna Cher好用推薦： #火熱新品產品有輕微的霧面感，使用過後，皮膚會感到乾爽。直接將產品塗抹在皮膚，不會有過敏反應，不會加厚妝感。而是其中一個化妝步驟。 產品是塗抹妝前底霜後使用，會擦拭在毛孔粗大的位置，如鼻頭和臉頰。眼下淚溝的位置不會使用，另外即使塗抹產品，仍然需要塗上遮瑕膏。 除此以外，皮膚會因為產品而加強沒有光澤的平滑感。完妝照片

Fng好用推薦：SOFINA Primavista 持久控油防曬調色底霜用後感（春夏・熟齡混合偏乾肌） ☀️ 我係熟齡混合偏乾肌，香港又濕又熱嘅天氣下，底妝最怕溶到一撻撻。見SOFINA呢支第3代妝前乳（約HK$240 / 25ml）主打控油防汗同修飾毛孔，就買咗Beige色嚟試～ · 質地水潤輕透：偏水潤嘅霧感型，上臉順滑好推，延展性高，唔會厚重或泛白。用完有自然柔焦霧面感，清爽零黏膩。 · Beige色自然提亮：帶粉嘅裸膚色，可以均勻膚色、提亮暗沉，妝感透亮乾淨。自然融和唔假白，偽素顏必備👍🏻。 · 超強控油防汗：控油真係超班，喺悶熱潮濕環境下全日唔泛油光。我有時單搽再壓蜜粉就出門，清爽一整天😙。 · 溫和保濕唔乾燥：第三代升級後加入玻尿酸同洋甘菊精華，就算喺冷氣房待一整日，面頰都唔會感到乾燥繃緊。 · 修飾毛孔粗大：可以有效撫平毛孔凹凸位，對於一般毛孔已經好夠用（如果毛孔極粗大就要疊加其他產品）。 · 防曬力足：SPF50 PA+++，日常出門防紫外線好夠用。不過記住用前要搖勻！👈 · 升級版改善致痘：網上話新一代採用咗「不易致粉刺配方」，比起舊版出粉刺嘅風險低咗好多，痘痘肌都可以試下。 💬

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

Verna好用推薦：有次逛@cosme見到新出了這個眼部專用提亮調色霜，出於好奇和新鮮感就買來試試 這個眼部提亮調色霜的包裝簡簡單單，沒有什麼花巧，它有兩格，分別是淡粉色和珠光色，淡粉色基本上是啞色，而珠光色則有點點的閃粉，後來看清楚介紹，才知道原來淡粉色是用在眼瞼，用來提亮眼瞼的暗沉色素，而珠光色就用在卧蠶，用來突出卧蠶，令卧蠶更立體 我覺得它的粉質都算幼細和滑，因為我眼周的色素比較深，它真的可以有提亮和遮蓋的作用，令後續的眼影更顯色。不過，我沒有化卧蠶的習慣，所以我把珠光色點在眼瞼，當作是眼影的閃粉用，也不錯 #火熱新品

Kathy Wai好用推薦：#火熱新品 Ettusais眼部提亮調色霜（眼部打底）評測 質地： 輕薄、唔乾、延展性高，用手指體溫已經可以輕鬆推勻。唔會一開就起擦膠碎，夏天用都唔覺得厚重。 調色提亮效果： 自然光澤型，唔係閃片，似由內透出飽滿感。重點喺眼頭、淚溝位輕印，即時柔焦，黑眼圈冇咁明顯，望落精神。做眼部打底仲可以均勻眼皮暗沉。 眼部打底表現： 之後上眼影更貼服、更顯色，輕微控油防積線。乾眼友好，唔會令眼周紋理更明顯。 持妝度（香港天氣實測）： 朝早上妝到下午，眼底冇變灰、眼影冇明顯積線，粉底冇裂開。 總結： 多功能型產品：自然提亮淚溝 + 均勻眼皮暗沉 + 輕度控油打底。最啱眼周偏乾、追求偽素顏妝感嘅人。遮瑕力中等，嚴重黑眼圈要配遮瑕膏用。輕至中度黑眼圈單用已經夠。 一句廣東話總結： 自然、唔乾、持久，懶人恩物。

Ah223好用推薦：日系貴婦品牌Cle de Peau粧前乳霜(光采柔滑)使用感：本人屬於混合偏乾性皮膚，皮膚偏白，毛孔顯眼，色素沉澱亦明顯，鼻翼及虎紋位置暗啞。 呢支粧前乳霜質地偏厚身，但可以接受，要用小小力推開，推開後能均勻塗全面，帶有修正暗沉膚色及遮瑕效果。 以我混乾性皮膚，用作粧前打底霜，配合同牌子既粉底液，簡直無得輸呀！搽左呢支粧前底霜上面，已經做到自然地tone up膚色，底霜同皮膚完美融合修正膚色，撫平顯眼毛孔，鼻翼、嘴色、虎紋暗啞位置得以提亮，淺至中度黑眼圈及色素沉澱、淺層色斑亦能遮蓋，能省卻用遮瑕膏。 另外，加入左持久控油成份，抑制油光，避免脫妝，持妝一整天都不會出現油光滿面既尷尬情況👍🏻 價格偏高，個人認為作為貴婦日系品牌級別是可以接受的喔！效果不說謊🤓！我會回購啊✔️ 前後對比🆚圖： 1️⃣面頰顴骨位置沒有使用任何濾鏡下，色素淡左 2️⃣毛孔撫平左八成，皮膚滑左通透左 3️⃣嘴角、鼻翼同虎紋位置都提亮左 4️⃣面頰泛紅位置減淡左 5️⃣整塊面膚色明顯均勻 質地 ⭐️⭐️⭐️⭐️ 控油 ⭐️⭐️⭐️⭐️🌟 遮瑕 ⭐️⭐️⭐️⭐️🌟 提亮 ⭐️⭐️⭐️⭐️⭐️ (⭐️⭐️⭐️

Lindabb好用推薦：《CPB光凝妝前乳霜》使用心得 老實講，對於妝前產品，我一向抱持「可免則免」嘅態度，總覺得多一層就多一份負擔。但CPB呢支光凝妝前乳霜，確實令我改變咗諗法。 第一印象，係佢嘅質感。 唔係一般防曬嗰種「澀」或「笠」，而係一抹開就化成薄薄一層柔焦膜，貼服得嚟帶少許滋潤，但又唔會令後續粉底起擦膠碎。佢嘅高明之處，在於「修飾」而唔係「遮蓋」——毛孔細紋被輕輕撫平，膚色變得均勻透亮，但又保留到皮膚本身嘅紋理，望落就係「我本身皮膚好好」嘅感覺，而唔係「我搽咗好多嘢」。 最深刻嘅，係佢同皮膚嘅互動。 好多妝前產品，一開始靚，但過幾個鐘就走樣。CPB呢支有趣嘅地方係，隨住時間同皮膚油脂融合，光澤反而更自然，冇嗰種「浮粉」或「暗沉」嘅尷尬。對於香港呢種潮濕天氣，佢做到「控油而不乾，滋潤而不膩」嘅平衡，確實難得。 當然，佢唔係完美。 價錢係一個考慮因素，貴婦級別妝前乳唔係人人覺得需要。另外，如果本身皮膚極乾，冬天用之前一定要做好保濕打底，否則會覺得唔夠潤。仲有，佢嘅角色係「輔助」多於「修正」，如果期望一搽就遮晒所有瑕疵，咁你會失望——佢擅長嘅，係將你本身嘅優點放大，而唔係將缺點隱藏。 回購與

Luna好用推薦：Sofina Ange控油持妝隔離底霜（粉色）：$100有找嘅油肌恩物？實測8小時唔溶妝 講到開架控油妝前，Sofina Ange呢支粉紅色隔離霜可以話係「長青樹」，台灣同日本@cosme長期上榜。今次就由質地、控油力、潤色效果同持久度，同大家實測下佢係咪真係咁神！ 包裝 & 質地：輕盈流質，粉紅色有驚喜 支裝設計，唧出嚟係好流質嘅粉紅色水乳液，推開勁快，輕盈到好似冇搽嘢咁。粉紅色調明顯有潤色效果，可以中和亞洲人嘅蠟黃同暗啞，均勻膚色之餘唔會死白，仲帶微微自然光澤，後續上粉底會慳返好多！ 控油力 & 持久度：油肌實測8小時 呢支最出名就係皮脂固定粉末技術，實測報告話佢可以吸收多餘油分，同時防止油光浮面。小編親身試過，喺濕度80%以上嘅日子： · 頭4個鐘：完美，妝容完好無缺，T區零油光。 · 6個鐘：鼻頭開始有少少光，但唔會話溶到一撻撻，用紙巾輕印就搞掂。 · 8個鐘：面頰依然啞緻，鼻翼位有輕微脫妝，但以開架嚟講，呢個持久度絕對係頂級水平！ 潤色 & 修飾毛孔：自然偽素顏 粉色版比舊版（控油白瓶）多咗輕度調色功能，薄薄一層已經可以撫平毛孔凹凸，仲有SPF25 PA+++，

mandy好用推薦：SOFINA Ange Long Keep Base UV 控油持妝隔離底霜 SPF16 PA++ #Pink $99 from Watsons (購於再打88折之時) 控油持妝隔離底霜改版後共推出3色供選擇， 粉色可以均勻膚色，橙色可以提亮，綠色可以遮蓋面上泛紅，跟舊版一樣，3色皆具控油效果及少許防曬功效。本文使用的控油持妝隔離底霜是粉紅色，成分方面以保濕成分、防曬成分及控油成分為主。由於防曬功效只有SPF16 PA++，大家最好在上控油持妝隔離底霜前使用足夠的防曬產品。 控油持妝隔離底霜的質地是很流動的乳液狀，延展性極佳，可以輕易在全面均勻推開，並有效均勻膚色及帶少許提亮功效。使用控油持妝隔離底霜後，底妝的持久度提昇不少，午後也沒有溶妝，省卻不少補妝的時間及工夫。 以$99的happy price開架價位來說，控油持妝隔離底霜仲有3色供選擇，算是品質不錯，性價比高的隔離底霜，還有助持妝，實在很值得入手。 含保濕成分：矽靈, 硬脂酸, 氫氧化鋁 及 玻尿酸鈉 防曬成分：氧化鋅, 二氧化鈦 及 桂皮酸鹽 控油成分：矽石, 氫氧化鋁 及 滑石粉 鎮靜消炎成分：氯化鋅 及

Kitty 好用推薦：呢支人魚底霜真係好多人推薦，我都忍唔住入手咗！質地係水感啫喱狀，推開嗰下好滑溜，一啲都唔黏笠，上面之後一開始係水光感，易推開，完全吸收後有種霧面感，輕盈到好似冇搽嘢咁。我揀咗綠色款，褪紅提亮效果唔錯，均勻膚色得嚟又唔會假白，塊面望落精神晒。 防曬系數有成SPF50+ PA++++，日常返工出街絕對夠用，一支搞掂防曬加打底，懶人恩物。不過要留意，如果妝前用嘅話，最好等佢成膜先上粉底，否則好易起擦膠碎。乾肌朋友仔就要做好妝前保濕，事關佢保濕度算中等，帶妝耐咗可能會覺得有啲乾。但油肌同混合肌應該會幾鍾意，因為真係夠清爽。 價錢方面，幾十蚊，性價比超高，回購都唔心痛。唯一缺點係防曬力喺戶外長時間活動時可能未必夠，記得要補搽啊！☀️

Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！

Miranda好用推薦：【質感】 首先我一定要大讚佢嘅質感！佢係呈透明帶微微蜜桃橙色嘅精華液狀，採用咗好大膽嘅滴管設計，用嗰陣感覺自己好似喺度用緊貴婦精華咁。佢嘅質感超級輕盈水潤，一推開就同皮膚融為一體，完全唔覺得自己有搽咗嘢上臉。好多人搽妝前底霜最怕笠黐黐或者悶出粒粒，但佢上面之後係好似有一層好薄嘅「水光膜」咁。佢嘅保濕力都好出色，蘊含透明質酸同雙重貼膚複合物，真係做到「潤得嚟清爽」嘅效果，連我呢啲成日覺得妝前保濕好難搞嘅人，都被呢支 #火熱新品 徹底征服！ 【使用感】 我本身嘅黑眼圈真係好深，仲帶啲青灰調，平時就算點樣用遮瑕膏都係灰灰咁透出嚟，顯得個人好殘。但原來「蜜桃橙色」就係專門為咗修飾亞洲人嘅黑眼圈同青筋而設嘅！我只係輕輕喺淚溝同眼底點幾下，再用手指輕輕拍開，嗰種效果真係好震撼，本身灰灰紫紫嘅黑眼圈即刻被中和咗，眼周明顯變得乾淨、亮白咗，但又唔會死白。而且佢推開之後可以柔化毛孔，令皮膚望落滑咗細緻咗！因為佢夠水潤，就算用在眼底呢啲脆弱位都完全唔會起乾紋或者卡粉，仲有種冰涼嘅醒神感覺。有時返工前時間趕急，我直情唔上粉底，喺防曬後直接用佢薄薄拍喺眼圈同嘴角暗沉位，氣色已經好咗一大半！ 【持久度】 呢支

Fng好用推薦：Givenchy 稜鏡精華調色底霜｜ 熟齡偏乾肌用後感💜 前排香港春天又濕又悶，我呢啲熟齡混合偏乾肌真係好難搞，又要保濕但又怕黏笠。早排入手咗Givenchy呢支稜鏡精華調色底霜（$560/30ml），用完一排同大家分享下感受。✨ 🌸 色號選擇 我揀嘅係鳶尾紫色，因為自己膚色偏黃暗沉，想睇下可唔可以改善到。另外仲有薄荷綠（啱泛紅肌）同櫻花粉（啱蒼白肌），大家可以去專櫃試清楚先買。 💧 質地同膚感 佢係滴管設計，質地好似精華液咁水感，一推開就化開，完全唔覺得油膩或者厚重。搽上面之後輕輕拍幾下就吸收晒，仲有層好自然嘅透光感，唔會假白或者結塊。👍 💯 優點 · 保濕力驚喜：本身偏乾肌成日覺得妝前保濕好難搞，但呢支精華底霜真係做到「潤得嚟清爽」。💦 · 貼妝度滿分：搽完之後上粉底，明顯貼服好多，冇再出現卡粉或者浮粉嘅問題。就算喺冷氣房坐足一日，到收工個妝都仲keep得好好，冇話變乾或者暗沉返。👌 · 自然修色：紫色底霜可以均勻返成個膚色，但又唔會過白，望落係「自己皮膚本身咁好」嘅感覺。如果要重點遮瑕，我會喺泛紅位再補少少綠色遮瑕，但日常單用呢支都夠做。🎨 ⚠️ 缺點 · 冇防曬：佢

Jeniel好用推薦：掂！一唧出嚟係好水嘅乳液狀，用手指捽兩下就已經ok,完全唔需要咩技巧。 乾肌人表示好保濕，完全唔會卡乾紋或者起皮。妝感係嗰種「皮膚自己識發光」嘅自然透亮，唔係油淋淋嗰款，望落乾淨又有柔焦感，毛孔都修飾到。 中意全妝既你要留意遮瑕力偏弱，痘疤黑眼圈大概只遮到一半左右，瑕疵皮要另外處理。 持久度方面，我加咗碎粉定妝，出街6個鐘都冇乜點融，出咗油之後變奶油肌，冇起白芝麻或者一撻撻。整體嚟講，呢支好啱追求「偽素顏、天生好皮」嘅感覺，乾肌同混合肌尤其啱用！ 保濕度： ★★★★★ 貼服度： ★★★★★ 光澤感： ★★★★★ 遮瑕力： ★★☆☆☆ #火熱新品

natanatalie好用推薦： #火熱新品 營造日系乾淨俐落底妝的高性價比之選❣️ 本身屬於油性肌膚，外油內乾，一直好難揾到一支夠保濕又持妝嘅底霜。呢支RMK新出嘅自選水感透光潤色霜真係好驚喜，相信會成為大愛之物！❤️‍🔥 首先，佢價錢唔貴，只係$330就有25g，好多時仲會有唔少贈品。支裝唧出嚟可以用到最後，唔會好似pump裝咁嘥左啲。😍 質地好保濕，一啲都唔厚重，推開有幾好嘅調色效果，而且有一種好自然嘅光澤感。但睇落唔會令人覺得誇張出油，嗰種光澤感好靚好自然。☺️ 佢有SPF15，平時出街用都得。我通常就咁用佢，普通黑眼圈痘印都遮到七七八八，持妝力都算耐，9個鐘都不會甩不會溶。有時會叠加粉底，呢支調色霜嘅抓粉能力都不錯，而且佢唔會令膚色變暗，呢一點我好喜歡！😘