SUNPLAY 好用推薦產品
SUNPLAY 推薦產品一覽 31 件
Akassoo好用推薦：之前因為變咗敏感肌之後就開始將產品轉晒敏感肌適用，亦都第一次用咗Sunplay Skin Aqua 嘅防曬調色霜，因為用過覺得幾好之後今次就再買埋Sunplay Skin Aqua 純物理礦物防曬 SPF50+ PA++++無色版。 呢款防曬係100%物理防曬，亦不含六大致敏成份。好處係真係易推同埋唔黏笠，但雖然佢係白色，不過如果唔覺意搽多咗其實會有少少泛白。 不過因為呢款有最高防曬基準PA++++及SPF50+，所以如果純粹係想防曬而唔係想有咩調色功能嘅話其實呢隻就OK。 作為敏感肌嘅人士，可以放心使用，已經用完一支都冇任何敏感情況。
<看全文>Cosmeemee好用推薦：呢款Skin Aqua 純物理礦物防曬已經用咗好多支空瓶☀️☀️☀️尤其是係夏天，有時懶就會搽埋手手腳腳🤣 我係藍色同粉紅色都有買，兩款都經常使用～ 💙藍色vs 粉紅色🩷 藍色質地比較輕盈水潤，冇粉色咁Matt，係純防曬，冇調色效果，仲有少少薰衣草香味；而粉紅色就係屬於防曬調色霜，質地比藍色厚，好似係因為兩款防曬用嘅精油唔同，所以有唔同香味，但兩者都絕對唔會有刺激或者化學嘅味道，搽落都覺得佢完全唔刺激皮膚🤣 🔽使用心得如下🔽 ️🕒使用時間：使用一年，幾乎每天使用 💆🏻♀️個人皮膚狀況：混合乾性肌膚 使用產品後沒有任何過敏反應 🌟似護膚品，用完皮膚仲靚咗 我塊面皮薄🤣成日好易紅，夏天熱到紅，冬天乾到紅🥹 雖然佢係防曬產品，唔係啲主打降紅嘅護膚品，但我每一次用完都會令到我塊面冇咁紅，同有舒緩嘅效果💧 🌟令皮膚提亮光澤 雖然佢冇調色效果，但用完之後會明顯收細咗毛孔同埋提亮膚色，令皮膚睇起上嚟膚色比較均勻有光澤～仲有防曬效果，皮膚狀態好嘅時候，就咁薄薄搽一浸再拍少少碎粉就已經出得街🤫 🙌總結評分🙌 產品質地：♥️♥️♥️♥️♥️ 均勻膚色：♥️♥️♥️♥️🤍 撫平毛孔：♥️♥️♥️
<看全文>
Akassoo好用推薦：我最近皮膚出現咗問題，突然之間皮膚敏感，唔知咩原因搽咩都會敏感，就算係以前用開嘅化妝品或者護膚品都出事，所以最近開始要將所有護膚品都轉做敏感肌適用🥲。 今次係第一次用Sunplay嘅防曬，呢排都成日見到佢啲廣告，見官方同埋好多人都話適合敏感肌，而我最近因為敏感都唔敢化妝，所以就試買咗呢隻Sunplay Skin Aqua純物理礦物防曬調色霜 SPF50+ PA++++ ，搽完就直接出街。 呢款調色霜係粉粉地色嘅，覺得都幾啱普遍香港人嘅膚色，都幾自然提亮，唔會搽完之後塊面白咗一度、個質地亦都唔會話特別厚，都算易推。 作為突然變咗敏感肌嘅我，平時用過嘅防曬都即刻敏感爛面，最近轉咗用呢隻又真係冇敏感，因為佢講到明不含6大致敏成分，所以都叫放下咗心頭大石。 官方指呢支純物理防曬有新升級5倍護膚成分，加倍保濕同高效修護肌膚，可以舒緩曬後引致嘅泛紅同乾燥。當中嘅Betaine、Moringa Seed Oil同Ceramide係可以幫助皮膚維持水分平衡、防止水份流失同提供深層保濕滋潤，所以我而家為咗養好返啲皮膚如果搽防曬嘅話就會搽呢支出街。
<看全文>Paris merci 好用推薦：首先我就幾鍾意用，尤其是夏天高溫唔想搽粉底液嘅時候就用佢，一支搞掂防曬及粉底。 佢係標榜係物理防曬，所以係對海洋系友善。另外物理防曬好似比化學防曬嘅成份冇咁容易致癌。 仲有佢嘅物理防曬比其他物理防曬係冇咁厚身，就算上面都冇咁容易長暗瘡。佢質地有啲似gel，唔會有防曬嘅油膩，依款粉紅色係調霜，上面好似有啲假白，嗰一陣就冇咁白，變返自然。 直接全面查運用手指推開，再喺顴骨位置查多層全日防曬好足夠。用呢支調色物理防曬，直程唔需要用碎粉定妝💕
<看全文>
LoveFN好用推薦：Sunplay 美肌亮膚防曬隔離霜使用心得 講起 Sunplay，大家可能第一時間諗起嗰支藍色樽「冰涼水感」防曬。但呢支「美肌亮膚防曬隔離霜」就係另一條線，主打調色、提亮、當妝前底霜用，唔少香港女生都拎嚟做日常防曬兼打底。以下係綜合用家嘅真心話。 質地同顏色：紫色調色，唔係人人啱 呢支最特別係佢有調色功能，通常係紫色或者粉紅色，用嚟中和黃氣、提亮膚色。質地似乳液，推開算滑，唔算好水感，但都唔算厚重。搽上面會有種即時「白咗、亮咗」嘅效果，但唔係死白，係帶少少光澤感。 不過要小心：搽得太多會變灰白，尤其膚色偏深嘅朋友，可能會有「面具感」。建議份量要少，慢慢推開。 防曬力：日常夠用 SPF50+ PA++++，香港夏天日常通勤、行街絕對夠用。但如果你係戶外活動、游水、行山，就要揀返防水防汗嘅防曬，呢支唔算好防水，流汗多嘅話要補搽。 用後感：做妝前底霜幾好 好多用家話，呢支最大賣點係當妝前隔離用。搽完之後上粉底，會覺得底妝貼啲、冇咁易暗沉，仲有少少提亮效果。乾肌用會覺得保濕度OK，油肌就可能覺得有少少黏，建議搽完等一陣先上妝。 抵讚位 · 一支搞掂防曬＋調色＋打底，懶人恩物
<看全文>Fng好用推薦：Sunplay Skin Aqua彩虹防曬 (紫色)用後感 ——平價版「美顏濾鏡」，黃皮救星！ 🌈✨ 我係熟齡混合偏乾肌，香港又濕又熱，最怕防曬「立」同「假白」。見樂敦呢支2026年新版紫色防曬（約HK$60-80 / 80g，SPF50+ PA++++）好評多～ 🧴 質地：水感輕薄，秒速吸收 · 質地係輕盈水潤嘅乳液狀，延展性極高，好易推開 · 上面後成膜速度快，清爽唔立，油肌都輕鬆駕馭 · 唔會厚重或者搓泥 · 帶淡淡花香，唔會太濃俗 💜 調色效果：黃皮「即時美顏」神器 · 擠出嚟係淡淡薰衣草紫色，用補色原理中和亞洲人嘅蠟黃暗沉 · 上臉即時提亮均勻膚色，望落有透明感同好氣色，唔會死白 · 含極細珍珠粉，有細緻珠光，望落皮膚飽滿有光澤 💧 護膚成分：防曬同時養膚 · 透明質酸、角鯊烷及水解膠原蛋白：提升保水力，用完唔乾 · VC美白導入成分：預防紫外線同時亮白肌膚 · 無防腐劑、無礦物油、弱酸性，已通過敏感肌測試 🌊 防水持妝：夏天流汗都頂得住 · 速乾耐汗配方，優秀嘅耐水耐汗能力 · 可作妝前打底使用，後續上粉底貼服 · 臉部同身體都用得；潔面產品可直接清洗 🌸
<看全文>
Paris merci 好用推薦：Sunplay 純物理防曬，milk質地輕盈唔會泛白，純物理防曬對皮膚較好，冇咁多化學成份。 粉紅色嘅gel同呢支兩支我都有用，milk呢一款係新版本，但冇gel咁清爽，我自己搽面就好鍾意用gel嗰款嘅質感多啲，上面較為舒適。 Milk用完之後會有層粉感，雖然佢係比較控油，但用完有一種假乾燥嘅感覺，類似傳統防曬嘅搖搖樂，我用完佢感皮膚有點兒侷促嘅感覺💕
<看全文>natanatalie好用推薦：一支性價比非常高的日常防曬❤️ 這一支防曬是新的版本，它比舊的版本質地更為輕盈和透薄。我最欣賞的是它防曬係數非常高，很適合在香港夏天太陽非常猛烈的天氣使用。雖然它的防曬系數很高，但它一點也不厚重，也不會泛白，用了它感覺恍如無物，不會對毛孔和肌膚造成負擔，而且夏天流汗時也不會出現一般防曬會出現的留白汗的情況！🥳 通常我會用完它之後再化妝，就把它當作是底霜一樣，之後的粉底也是非常貼服。😍 有時在個人護理店會有買一送一再有折，計落$100一支也不用，非常適合小資女。🤪
<看全文>
Emma好用推薦：【防曬部門】 ✨極高防曬系數：具備 SPF120 PA++++，能高效阻擋約 99% 的紫外線，適合長時間強烈日照下使用。 ✨4小時超強防水耐汗：具備強效耐水耐汗能力，不易因流汗而降低防曬力。 ✨濕皮膚適用：採用特殊技術，防曬力能穿透水分，流汗或剛游泳完濕身時可直接塗抹。 ✨速乾清爽配方（Dry Keep Powder）：防曬成分不與汗水融合，保持乾爽，不易引起澀眼。 ✨冰涼降溫感：含有薄荷清涼成分，塗抹後能帶來冰爽、即時降溫的體感（官方標示可瞬涼約8°C），特別適合炎夏戶外 質地輕薄易推，雖然防曬系數極高，但質地意外地水潤好推，推開後不泛白，帶有輕微光澤感。但高防曬度都會做到比較油，用完必須徹底卸妝清潔，以免堵塞毛孔。 我屋企人好鍾意户外活動，佢叫我趁萬寧做特價時買咗8支😂佢話超鍾意夏天用完會涼涼地，仲因為有dry keep powder, 所以會令身體keep住乾爽舒服～
<看全文>takemyokane好用推薦：夏天就是拿出各款防曬的時候～特別是去戶外就很需要高效防曬。這支專門推出 for 戶外活動使用，防曬度數高，質地卻完全不厚重，水潤易推又不笠。圖中可見推開後不泛白之餘還有一層光澤效果，超讚👍🏻
<看全文>
旻珊好用推薦：曾經擦別的防曬推不開，就衝下水玩，背後變斑馬就算！還嚴重曬傷…用蘆薈膠都救不到我，後來敷了兩三天的草本晚安面膜厚敷趴著睡💤朋友聽聞這件事推薦這罐，我立刻手刀衝去買！ 優點：不泛白 味道：淡淡香味 黏膩度：無感 曬傷程度：0 （即使去了沙灘也沒事喔！） 對於曬傷有恐懼…所以極度推 極度推薦這罐，已經用完好多罐 我連小孩去沙灘也都擦這罐 不過要記得補擦就是…. 我常常忙完小孩都忘記補擦！ 小孩用完這罐再也不擦香蕉牌防曬了😂 我們只認這罐😂
<看全文>Blooming好用推薦：Sunplay 防曬乳液 SPF130，搽了去烈日當空游水，防曬效果很到位，真的不會變黑。不過質地真的非常黐笠笠，很難洗掉，皮膚好像不能呼吸一樣。
<看全文>