SUNPLAY

Skin Aqua 純物理礦物防曬 SPF50+ PA++++

呢款Skin Aqua 純物理礦物防曬已經用咗好多支空瓶☀️☀️☀️尤其是係夏天，有時懶就會搽埋手手腳腳🤣 我係藍色同粉紅色都有買，兩款都經常使用～ 💙藍色vs 粉紅色🩷 藍色質地比較輕盈水潤，冇粉色咁Matt，係純防曬，冇調色效果，仲有少少薰衣草香味；而粉紅色就係屬於防曬調色霜，質地比藍色厚，好似係因為兩款防曬用嘅精油唔同，所以有唔同香味，但兩者都絕對唔會有刺激或者化學嘅味道，搽落都覺得佢完全唔刺激皮膚🤣 🔽使用心得如下🔽 ️🕒使用時間：使用一年，幾乎每天使用 💆🏻‍♀️個人皮膚狀況：混合乾性肌膚 使用產品後沒有任何過敏反應 🌟似護膚品，用完皮膚仲靚咗 我塊面皮薄🤣成日好易紅，夏天熱到紅，冬天乾到紅🥹 雖然佢係防曬產品，唔係啲主打降紅嘅護膚品，但我每一次用完都會令到我塊面冇咁紅，同有舒緩嘅效果💧 🌟令皮膚提亮光澤 雖然佢冇調色效果，但用完之後會明顯收細咗毛孔同埋提亮膚色，令皮膚睇起上嚟膚色比較均勻有光澤～仲有防曬效果，皮膚狀態好嘅時候，就咁薄薄搽一浸再拍少少碎粉就已經出得街🤫 🙌總結評分🙌 產品質地：♥️♥️♥️♥️♥️ 均勻膚色：♥️♥️♥️♥️🤍 撫平毛孔：♥️♥️♥️

呢隻係我夏天御用防曬🫶🏻 首先佢係全物理防曬，成份只會附係皮膚上面，唔驚皮膚吸收左d化學成份。而且佢係SPF50+ PA++++，咁可以抵擋到夏天惡毒既太陽🥹 佢吱出黎好似有d杰身，但係其實好易推開，質地水潤推開左之後會輕微白少少，但其實唔係好明顯，唔會泛白，感覺均勻左膚色最最最重要係佢唔！會！油！搽完一分鐘內會乾爽晒，唔會爆暗瘡🥹🥹之所以話係夏天專用係因為冬天用會反而有少少太乾🤣 唯一既缺點係佢價錢偏貴，要趁減價入手🥲不過夏天真係未揾到第二支可以代替佢 大推🙌🏻🙌🏻

- 白色乳液狀，易推，帶有明顯薰衣草精油香味，香到好似直接搽油係面，幸好個味過一陣就冇咗，好快就推得均勻，使用後臉部會微微泛白提亮，會有種透明感 - 後續上妝都好貼服，唔厚重 - 算係平價物理性防曬，保質期唔耐，敏感肌都岩用 #防曬 #日系 #透明感

Sunplay Skin Aqua純物理礦物防曬 SPF 50+ 已經唔第一次用呢支防曬，多次回購了🙈 ———————————————————————— 唧出嚟用嘅時候，會感覺有少立黐嘅感覺😂 但係隔一陣就會好吸收，搽喺面上面唔會感覺好油。我本身係油肌，所以好容易出油，但呢個防曬揸完都可以keep到夜晚，塊面先開始出油😍 聞落同平時用嘅防曬差唔多，都係個浸味。感覺佢冇用到好多香料。 防曬最重要當然係佢嘅防曬功能！呢隻防曬嘅保護力夠強。而家嘅天氣越嚟越熱，正中午嘅太陽真係好曬😎就算出咗去戶外成日返到嚟，都唔會曬黑，十分推介怕曬黑嘅朋友❤️ 

之前見到周圍都推緊呢隻防曬，見到萬寧做緊買一送一，所以買黎試下，價錢比平時其他sunplay貴啲，如果買一送一我先會買，佢寫住純物理性防曬，made in Korea, 無paraben, 酒精，礦物油，色素等，岩易敏感嘅人用。 用晒成支，仲剪開用埋唔好蹝，我覺得其實係好用嘅，以我混合膚黎講，夏天

油肌大推，夏天一定會用佢，用咗佢，基本上唔使點用控油產品， T字位都唔會點出油 藍色同粉紅色我都用過，如果塊面易出油嘅，我覺得藍色蓋係會好好多，粉紅色蓋我就一般般

喺萬寧買嘅 因為化學防曬會溶咗落皮膚 先可以發揮到作用 好容易會令皮膚吸收咗啲化學物質 但係物理防曬就好似一層膜咁喺皮膚出邊保護皮膚 抵抗紫外線 唔會比皮膚吸收 所以之前見呢隻牌子賣廣告寫佢係純物理防曬 就決定買來試吓 用完第一支嘅感覺係 用喺塊面度唔會有好油膩嘅感覺 好清爽 但係要做足護膚 之後先用 我試過冇護膚 就咁用佢 皮膚有啲乾 好似俾佢吸收咗水份咁樣 另外用完佢係會白左 但係佢唔係好假白嗰隻 好自然嘅白 但係用喺我塊面度有一個缺點 如果天氣好熱塊面出晒汗 佢就會留啲白色嘅汗 都幾尷尬下 所以我會選擇除咗夏天嘅季節用 夏天用佢真係搞唔掂 其他季節用佢就OK嘅

呢枝防曬係全物理防曬，主要係自己皮膚較敏感而選購，對敏感肌人士友好。防曬的質地較為稠，氣味有淡淡的薰衣草味道，不過味道會好快散。這款防曬較為適合春夏天使用，用完上面唔會油光滿面，只有微微光澤感，亦都有控油的感覺，使用了一段時間面上沒有曬黑的痕跡。

清爽，有少許泛白，秋冬天氣用會覺得小乾，有精油味，敏感肌要小心，跟粉紅色分別不大。

呢個係妹妹送俾我嘅禮物， 防曬質地易推，輕盈唔會油，用完亦冇塞毛孔 好鍾意呢份禮物💝 用晒會再回購

我用的是圖中藍色這款physical sunscreen for sensitive skin，是第一枝好用到空瓶再回購的防曬! 一直都知道敏感肌其實更加需要做好防曬去保護皮膚，但偏偏不少牌子的防曬都會令我敏感，只能放棄不用造成惡性循環。直至試到這一款，完全沒有敏感，質地輕盈，初初搽上面有輕微泛白，

平時用開化學防曬，但聽講易敏感同對皮膚唔好，所以試下轉用物理防曬。本身驚會好焗，好厚重，但用完無起粒粒，唔覺焗促，亦無泛白，無曬黑。不過無調色，可能下次會買有調色個款，岩我呢d懶人

不停回購的產品，一開始被它主打的物理防曬吸引，質地清爽易推不黏稠，天天使用都沒有塞毛孔情況出現。

近期大愛，因為最近皮膚敏感，所以由化學防曬轉左用物理防晒。我鍾意佢似輕盈嘅面霜，清爽唔笠，仲有調色效果，搽完皮膚顯白好氣色，正！

第一次用物理防曬 質地厚過化學防曬好多 但都算易推開 推開之後有少少泛白 覺得可以當素顏霜用 啱啱上到臉嘅感覺 覺得有少少焗 跟住出咗去三四個鐘 返到屋企卸走防曬之後 就見到塊面起咗好多暗粒 之後就唔敢再用 雖然好多人推介呢隻防曬 但真係唔適合我

比較輕盈同埋易推嘅防曬，搽落冇乜負擔感，夏天用都好舒服，大推！！

純物理礦物防曬質地比較杰，易推但有d澀手，唔係好smooth果種。超控油，乾肌用有d太乾。

價格相宜也回購多次的實用防曬，使用物理防曬不會阻塞毛孔外也因為它的防曬效果較優、對 令皮膚因紫外線帶來的傷害大大減低，加上是個老牌、質地柔滑易推，出門前必用