RMK

高效水漾防曬霜 SPF50+ PA++++

各位姊妹！最近試咗RMK呢支「UV水漾防曬乳」SPF50+ PA++++，真係要同大家分享吓！作為一個住喺香港嘅混合肌人，揀防曬最怕又黏又焗身，但呢支真心有驚喜～ 💧質地超水感： 一唧出嚟係偏水狀嘅乳液質地，推開嗰陣好似搽緊保濕精華咁，完全冇傳統防曬嗰種「漿住」嘅感覺。我通常用五蚊銀份量就夠搽全面，連眼皮位都唔會拮眼。 ☀️清爽度滿分： 最驚喜係成膜速度！大概30秒左右就變乾爽，摸落去有啲似絲絨粉嗰種滑溜感。試過晨早8點搽完去行花市，大汗疊細汗都冇出現「流白汗」嘅尷尬情況，個底妝仲keep得好貼服。 💦保濕力驚喜： 以為清爽=唔保濕？錯啦！入面有透明質酸同埋蜜桃精華，試過唔搽妝前乳直接上粉底，都冇出現龜裂紋。不過乾肌姊妹可能都要加多層乳液打底。 🌴潮濕天氣實測： 呢幾日濕度90%嘅魔鬼天氣，下晝3點補咗一次防曬（用紙巾印乾面油再拍上），完全冇結塊或者「起擦膠碎」。成日戶外活動都冇曬到面紅紅，防曬力夠穩陣！ ⚠️小缺點要提： 1. 對香味敏感嘅人可能要試過先 2. 價錢稍貴，不過用量慳都算抵用 💄上妝貼士： 建議等完全成膜（約1分鐘）先上粉底，用拍打方式上妝。試過配搭氣墊粉餅同

RMK高效水漾防曬霜 平民式用後感 質地： 稀過奶昔，流動性強到瀉，一掂到皮膚就「跣」開，推兩下已經收晒皮。清爽到癲，好似搽咗陣風咁，夏天用爽過食雪條。 變白？ 冇！ 完全透明，你咩膚色就keep返咩膚色，唔會變紙紮公仔，唔會變灰面。想要紫色綠色嗰啲？呢支唔該借過。 乾唔乾？ 夠水但又唔立，乾肌用覺得補咗水，油肌用覺得吸咗油，總之就係所有人都冇投訴。 防曬掂唔掂？ SPF50+ PA++++，數字睇得人安心。不過佢唔係戰鬥格，游水暴曬就唔好揀佢，平時行街返工就綽綽有餘。 化妝會唔會起屑？ 唔會！ 薄到癲，粉底上完仲貼過冇搽防曬，呢個真係佢最大賣點，化妝人恩物。 缺點老實講： · 唔防水，出汗要補 · 唔平，三百幾蚊得60g，荷包會痛 · 冇調色，想要執靚膚色嘅會失望 一句KO： 「輕薄到懷疑人生，化妝專用，但防水調色欠奉，仲要貴到肉赤。」

試用之後會推薦大家買嘅防曬產品！ 防曬系數SPF50+/PA++++，足夠高嘅防曬系數。佢嘅質地非常輕盈透薄容易推開，喺香港悶熱嘅夏天使用都冇黏笠感覺！上面之後冇出現泛白情況。 呢款防曬霜有提亮膚色功效，幫底妝打好個底，防曬、提亮得嚟又夠水潤，唔會覺得乾！價錢雖然貴少少，但多功效合一，值得入手！

係回購超過兩支嘅防曬，雖然已經出咗新嘅版本，但係呢一支都係我好鍾意用嘅防曬產品。 本身有化妝嘅習慣，以前成日都想搵一支唔會有擦子膠水，同埋唔會太厚重嘅防曬產品，遇到呢一支RMK之後一直都使用冇再轉過。因為佢真係可以做到質地透薄，就算喺化妝之前疊加skin care product，搽base，再上粉底，乾粉等等，佢都冇令到其他化妝品出現擦子膠碎，亦唔會因為搽咗防曬，而令啲foundation浮粉，而且感覺係好薄好唞到氣。 希望新出嗰支RMK防曬都係咁好用啦！

防曬系數好高 夏天用好啱 質地水潤到好似乳液咁 有少少嘅酒精味 上臉冇乜顏色 不過會令到皮膚更加滋潤 後續上妝會更貼服

我一直有使用不同品牌防曬產品, 但自己係偏乾皮膚, 喜歡水潤不沾手防曬, 除了RMK 亮肌防曬, 我更買多這支UV Face Protector Advanced SPF50 PA++++ 發覺佢質地更加水潤, 仲可以當日霜daycream 用, 佢係有功能嘅防曬有啤梨酵素精華鼠尾草精華等七種保濕成分,加上佢都唔細支有60g其實好抵用, 有時懶趕時間會當埋妝前底霜咁用, 佢好好完全唔覺得佢立黐黐, 好透薄及舒服！ 其實我唔單止搽面, 有時貪方便搽埋隻手, 因為揸車隻手係冇得躲避陽光極度需要防曬, 如果淨係搽面應該都好襟用但係我搽埋隻手可能會用得比較快 （手上雀斑亦有機會係煎牛扒比油彈親受傷好返之後冇防曬出現嘅, 所以各位後女仕要小心保養） #今夏超強防曬

手感質地有驚喜! 係好似whipping cream既挺身質地, 但搽上臉蛋後卻係清爽有光澤,完全不黏笠。 我一向用開既防曬/底霜會追求防曬值同效果, 我用開既防曬我都有好評架: YSL的有SPF50 PA+++, 水感質地, 上臉搽勻後有啲油膩感但又未至於會悶痘 ; La Roche Posay SPF30 冇標明PA值, 上臉後搽勻後有強烈「太陽油味」, 膚感都清爽舒適的, 勝在無負擔; Excel底霜SPF32 PA++,有膚色效果可調節肌膚顏色, 水潤效果媲美CDP底霜; Attenir 日本當地購買既 Fancl姊妹品牌防曬乳液, SPF35 PA++, 極清爽, 有閃粉, 會因應場合配合使用 . 但 RMK呢隻防曬霜SPF50 PA+++, 霜狀挺身質地, 上臉搽勻後輕輕提亮, 無添加香味, 覺得幾新穎好用! 睇埋佢嘅成份更加有誠意，多種護膚成份零負擔～ 我由新地 The Point app換來試用既RMK防曬霜, 意外地好用。會連續使用4-5天試試看。 不得不讚揚RMK出品新穎, 要多加關注喔~

較早前在日本旅行買返嚟，rmk 高效水漾防曬霜 佢 防汗、防水、耐摩擦效果非常好，我去完主題公園嘅水上樂園都冇哂黑。 BA話它有兩種型號，高效保濕型(白色水凝乳)，我買咗另一款透光勻色型，有淡淡的珊瑚色澤和銀色珠光，對於膚色暗沉嘅人來講有自然的提亮作用，擦完之後會發現整張臉的氣色變好！ 佢質地非常水感，完全沒有一般防曬乳的厚重黏膩感覺，新配方成分添加鼠尾草菁華等，唔單只保濕更可抗發炎，就連敏弱肌都用得。

入手粉底霜送的贈品，試用後十分驚喜！ 首先是塗上臉推匀後基本上冇乜顏色，有保濕度但輕盈不黏立，適合我這種兩頰少乾但T位油的混乾肌。最重要是，它不會跟之後的化妝品起擦膠碎或好難上粉，冇泛白冇調色下不會影響後續妝容，會考慮購買正裝。

多謝@cosme送左哩款防曬比我，RMK哩個品牌一路有聽過評語都唔差但一路都未試過，今次終於有機會 防曬有SPF50+ PA++++係防曬入邊最高既系數可以令我地皮膚受到保護防止紫外線既侵害冇咁容易出雀斑 我會取大概1粒珍珠咁上下既分量係特別易曬出雀斑既位例如係額頭、顴骨位重點會搽上，佢就呈現白色，非常容易推開，感覺上都保濕即使後續再用底霜同上妝都唔會打架 當中含有護膚成分，可以當做日常護理使用都得，一枝達到兩種功效

當見到有分SPF的時候，一定要揀寫住protector advanced的！因為上官網看到它寫住防汗防曬霜便心心眼了，又看到有很多精華的護膚成分在內，便立刻入手了兩支！原來擠岀來質感是非常清爽，因為日本牌子的防曬通常都是有一點滋潤油質感。然而它在這悶熱的天氣用也很不錯，但在皮膚乾燥的時候會不夠滋潤，香味也欠奉，聞落也有少少酒精味道，建議大家可以去門市試試看，或者詢問一下 BA姐姐成份喔！

屋企有幾支防曬之前秋冬天用另一隻牌子MAC防曬但夏天用實在比較油，年頭家人在日本旅行購入RMK防曬UV Face Protector Advanced我順手拿來試用，竟然很適合自己T字偏油皮膚，很清爽補濕一試便愛上了，可以當day cream用，即使夏天用感覺透氣舒適，而家剩返細半支好彩有兩支迷你試用裝，另一支都好好用是粉嫩色的，可以唔使再揸粉底直接上碎粉便出得門口 #今夏超強防曬

在RMK 專櫃拎到嘅sample, 呢隻UV Face Protector Advancd作為日霜來講，防曬達SPF50+也足夠保護在夏天和陽光的戶外活動，搽上面唔假白，亦都很輕薄，算是中規中矩的日霜吧。

呢款防曬質地水潤，搽嗰陣易推開，唔會有厚重嘅感覺，亦都唔會覺得痴笠笠，而且仲有提亮膚色嘅效果，整體唔錯，會再買嚟用。

水潤質感好岩夏天用，年齡開始增長皮膚比較乾，試咗好多到中午就會乾乾的，緊緊的，新買咗呢枝試用暫時覺得好舒服

成個質地好輕盈無厚重感覺，夏天唔會用到生痘痘粒粒，有啲提亮既效果搽完個人精神左又唔怕曬黑

質感水潤，適合夏天使用，SPF50好岩用嚟日常防曬，推介俾怕黏笠既人用

平時最怕使用質感厚身的防曬霜，而這防曬霜的質地卻十分輕身透薄，不怕為肌膚造成負擔

水潤的質感於夏天使用很適合 ，不會造成厚重悶焗感，日常出門或上班皆OK

輕盈水感，而且容易推開，塗後沒有不適感，是一款不錯的防曬。