RMK

透亮礦物潔面霜

作為油肌人，夏天最怕潔面產品洗完仲覺得黏笠笠，或者清潔力太強搞到塊面繃緊。最近用咗RMK 透亮礦物潔面霜，整體感覺幾適合夏天使用，尤其係出油量比較多嘅日子，洗完有種乾淨但唔會過分抽乾水分嘅感覺。 先講質地方面，潔面霜係偏柔滑嘅膏狀質地，加少少水已經幾容易起泡。泡沫唔算超級豐厚嗰種，但勝在夠細緻，搽上面感覺舒服，唔會有磨擦感。夏天放工返到屋企，用佢洗走成日嘅油脂同汗水，個感覺幾清爽，而且沖水都好容易，唔會有殘留感。 講到潔淨度，呢款潔面霜表現算幾唔錯。對於油性肌膚嚟講，日常防曬、面上積聚嘅油脂同灰塵基本上都可以洗得乾淨。洗完之後個鼻翼同T字位嘅油膩感明顯減少，塊面摸落去有種乾爽感，但又未去到「鞋晒」或者繃緊嗰種程度。夏天高溫又潮濕嘅天氣下使用，潔淨感會更加明顯。不過如果有化濃妝，建議都係先卸妝，再用潔面霜二次清潔會比較理想。 至於性價比方面，120g售價約HK$260，作為專櫃品牌潔面產品，價錢唔算平。但由於每次只需要用少量，起泡能力唔錯，所以一支都可以用幾耐。如果重視潔面時嘅使用感、品牌質素同埋洗後嘅舒適度，我覺得個價錢都算合理。不過如果純粹想追求基本清潔功能，市面上確實有唔少更平

RMK嘅 透亮礦物潔面霜；呢支嘢真係有啲「貴婦感」但唔算離地，以下係真實用後感： 質地同用法： · 膏狀，比一般洗面膏厚身，有少少似「軟雪糕」。 · 乾手乾面掄少少，加水搓開，泡量偏少，係低泡型。 · 如果想多泡，可以用起泡網，但直接用手都OK。 用後感： · 乾淨度：洗完係「清爽但唔乾」嗰種，唔會滑潺潺，又冇皂基嗰種「捽碟」感。 · 保濕度：過水後塊面唔會即刻繃緊，隔一陣先搽嘢都頂得順，乾肌同敏感肌會幾鍾意。 · 透亮感：用咗一兩星期，朝早洗完面係有少少「醒咗」嘅光澤，唔係即時漂白，而係塊面冇咁暗啞。 · 味道：有陣淡淡嘅礦物泥味，唔算香，但冇亂加香精，接受到。 抵讚位： · 溫和，唔乸眼，敏感時期用都冇爆瘡或泛紅。 · 一支用到好耐，每次掄少少就夠。 · 洗完唔會「掹掹緊」，對乾肌友好。 彈嘅位： · 超級油肌夏天用可能會覺得「唔夠力」洗走成面油。 · 泡少，鍾意綿密泡沫嘅人會覺得「唔夠爽」。 · 價錢唔算平，但質素對得住。 總結： 適合中性、乾性、敏感肌，或者朝早用。油肌夜晚用就可能要配合清潔力強啲嘅產品。整體係一支「溫柔但做嘢」嘅潔面霜，唔會搞到塊面亂晒龍。

RMK Clear Mineral Face Wash 透亮礦物潔面霜 $195/ 120g 透亮礦物潔面霜 = 潔面+深層清潔 是一款結合了潔面泡沫及深層清潔泥膜的產品，有效去除老舊角質、毛孔髒污及黑頭，讓面部肌膚回復潔淨亮白。 透亮礦物潔面霜可以起出豐盈綿密企身的泡沫，減少潔面時對面部肌膚的磨擦，做到溫和潔面。 這是款可以天天使用的潔面產品，不過由於乾燥肌及敏感肌油脂不多，適合一天只用一次，最好在晚上使用；油性肌及混合肌則可每天早晚各用一次，藉此改善面部分泌過多的油脂。 透亮礦物潔面霜的主要成分都是保濕成分，還有少量其他美肌成分包括：抗衰老成分及抗氧化成分。 使用後... 肌膚非常潔淨亮白，連毛孔都很清潔。 肌膚清爽不緊繃不乾燥，保濕同時去掉油脂。 對肌膚溫和不刺激，潔面後不只沒有增加面上的泛紅，還令泛紅9成消失，膚況變得更穩定。 肌膚夠水潤飽滿，毛孔即時變得不明顯。 光是用透亮礦物潔面霜已能潔面同時溫和地深層清潔，很多時泥膜容易引致肌膚感到乾燥，但礦物潔面霜的質地是潔面泡沫，完全克服了這個問題，真是要感謝RMK的研發團隊創造了這款潔面及深層清潔2合1的優秀產品。

同用開嘅米籽洗面膏一樣，唧出嚟粉粉地色泥條狀，加水之後可以搓到棉綿密泡有，呢款質地嘅洗面膏可以打到好多泡👍🏻保濕度好好而且皮膚乾淨，唔會繃緊，用嘅時候有淡淡嘅黑加侖子香味，幾好聞。 Rmk洗面膏舊版嘅時候係有粒粒，新版無添加粒粒，冇咁粗糙，乾性皮膚都可以用。新版仲有加到日本礦物泥，適合用完卸妝油之後用，感覺更加清潔乾淨。 佢哋嘅化妝品同護膚品都幾優質，都係日本製造🇯🇵

第一次用RMK呢個品牌嘅產品，呢款透亮礦物潔面霜用後感都幾滿意。 佢唧出嚟係粉紅色杰身gel狀，冇用起泡網，淨係用雙手加少少水都可以搓到綿密嘅泡沫。可能因為成份有火山礦物泥嘅關係，泡沫比起其他潔面產品厚實同綿密，喺面上打圈都唔會覺得拉扯皮膚，感覺好温和。佢帶一種好似淡香水嘅淡雅香味，潔面嘅時候聞到覺得舒服同放鬆。 即使正值秋冬季節，清面之後皮膚都冇繃緊感，仲feel到有種水潤感，好似啱啱敷完補水mask一樣。連續使用一排，覺得面上毛孔清潔度有改善，皮膚亦都細緻咗。一支潔面霜足夠用兩個月，計落價錢都唔算貴，值得推介。

幾容易揉到綿密泡泡，算幾溫和就清潔到毛孔污垢。洗完臉後，肌膚係乾淨清爽，亦唔會好繃緊，整體唔錯。

用咗RMK 極萃修護卸妝膏落妝後，再使用RMK 透亮礦物潔面霜洗面，潔面霜配合愛媛縣產粉紅火山礦物泥及5種護膚成分，簡單起泡，豐盈嘅泡沫可以減輕皮膚摩擦，溫和徹底地清潔老舊角質、毛孔污垢和黑頭，仲可以加強後續保養品吸收🤩 用完肌膚唔乾旱，洗面同時做埋護膚😍

🌟淡粉色膏狀，一粒大豆份量可以搓出很豐盈的泡沫 🌟清潔度很高，成份有日本的礦物泥 🌟試用後回購的潔臉膏，性價比很好

之前喺RMK買粉底送咗呢支洗面乳嘅旅行裝，一用就好鍾意仲買埋貨size，佢有淡淡嘅木質香味，好容易就搓到好綿密嘅泡泡，洗面果陣輕輕按摩塊面好舒服，清潔力夠強之餘就算我皮膚偏乾都唔會洗完覺得繃緊，一年四季都啱用！

之前寫多了好多心得，cosme送的正裝size.非常感謝🙏 從未用過rmk洗面膏。用後感好唔錯，擠出來是挺身的，不是普遍的質地。但正當我擔心會太硬難推開，難起泡，結果發現完全不是！ 就算只是用手加水打泡，也能很好的起泡，圖中是用daiso起泡網打出來的。可以打我很厚很好。清潔力不錯，但不會令面部覺