CeraVe

去油抗瑕疵白泥潔膚露

試用程度：因順豐延誤遲了收貨，只試用咗九日，每晚使用。 橫跨了一個颱風，時正炎熱潮濕之季。 有與收到Cerave同系列「A醇全效平滑祛印精華」及「多重酸抗瑕疵修護精華」一起試用。 以往有用開Cerave的修復霜於濕疹皮膚上，自從佢被L'Oreal收購後就冇乜點再留意呢個品牌。 容器：●●●●●●○ 膠樽泵裝，扭泵位可鎖起/打開，扣位亦貼合泵咀，雖然有點大樽，但設計上對於出門攜帶使用幾方便。 一泵夠洗全臉+耳背+頸。 雖然外型較扁薄，但可能因為新使用有足夠重量，未至於容易推跌。 氣味及質地：●●●●●●● 頗稀嘅透明gel狀，一泵夠洗全臉。 無香料，只有輕微原料味。 起泡後柔軟薄身，與皮膚接觸時會有滑滑嘅手感（類似中菜芡汁）。成分：●●●●●○○ 見宣傳上寫咗幾大有效成分：2%水楊酸、白泥、Ceramide及B3。 雖然Cerave出名於專利嘅Ceramide配方，但個人認為洗臉用品只會喺臉上停留短暫時間，所以大膽推斷成分當中嘅ceramide及B3，甚至排頭幾位嘅甘油，都只係提供一個保護臉部水分不被抽乾嘅作用；水楊酸係好多暗瘡護膚品入面嘅主要成分，2%已經係好多國家規定嘅上限。但基

多謝Cosme比我試用今次CeraVe淺藍色系列的產品。平時間中做完Facial都有用開藍色保濕系列，唔會過敏，淺藍色去油同去黑頭的系列想試好耐了～ 去油抗瑕疵白泥潔膚露呢一款潔膚露含白泥同水楊酸成份，估唔到會係透明的。使用起來質感同CeraVe另外一果枝去油嘅不一樣，一開始以為皮膚會有假滑的情況，畢竟好少去油嘅洗面奶洗完之後係唔會繃緊同乾，但皮膚同時都保持住好清爽的狀態。 洗完塊面係有感覺乾淨咗，粉刺都有少左，不過去黑頭效果就暫時未見到。 A醇全效平滑祛印精華呢次係我第一次用A醇的產品，精華搽上面口，感覺上好快就吸收，不厚重，唔會有好笠的感覺，用咗之後有補同牌子的保濕面霜，所以第二朝都唔會話塊面敏感同乾燥。 試用咗幾日，塊面覺得柔軟咗，都平滑咗，感覺上下巴嘅痘印都淺咗少少，收毛孔效果暫時就未見。 多重酸抗瑕疵修護精華 平時一直有用開其他牌子的收毛孔精華，今次轉用CeraVe的試用幾日，集中搽T字位同下巴，用咗幾日，感覺皮膚的確出油少咗，黑頭生長速度慢咗，不過唔會話搽咗之後黑頭就少咗好多。呢個價錢嚟講，感覺呢支都值回購。

CeraVe潔膚護膚產品係經典嘅醫學護膚品牌，全部都係由皮膚科醫生憑藉佢地專業知識而研發出來，為我地修護同強化健康肌膚。一直以嚟聽到其他人對CeraVe嘅評語都好好，價錢唔貴，包裝實而不華，所以我都好想有機會試用佢地嘅產品。 今次收到CeraVe嘅4款潔膚露，真係十分開心，在此非當多謝@Cosme俾我有今次試用嘅機會。 首先，講講我嘅皮膚，我嘅膚質係屬於混合性，T字位偏油，兩邊面頰有時會偏乾，臉上間中會有暗瘡嘅問題。 CeraVe去油抗瑕疵白泥潔膚露，係一枝可以有效潔淨臉部污垢、油脂，同時可以疏通毛孔及改善瑕疵，有助去油嘅洗面。擠出嚟，感覺就好似凝露嘅質感咁絲滑，無香味，可以用手或起泡網打泡泡，直接用手都好容易起到泡。洗完面後，塊面感到好滑，皮膚唔會覺得繃緊。平時用粉底、防曬霜之後，我會先用卸妝膏去洗，之後再用呢枝潔膚露做二次清潔，就已經勁乾淨。 呢枝CeraVe去油抗瑕疵白泥潔膚露，用咗一段時間後，我覺得係好啱本身皮膚狀況比較暗沉粗糙嘅時候用，洗面嘅時候喺鼻翼多按摩幾吓，堅持一段時間後黑頭真係有改善，完全唔會感到刺激同敏感。不過佢本身係幫助去油，所以面部我係覺

好開心今次抽中咗 @cosme CeraVe嘅祛痘抗瑕系列試用邀請❤️ 我自己一向好鍾意CeraVe呢個品牌，之前一直有用佢綠色嗰枝溫和潔膚露洗臉，然後間唔中會用淺色透明樽身嗰枝水楊露潔膚露for深層清潔。而潤膚方面，而家紫色嗰款skin renewing night cream搽臉，深藍色嗰兩款lotion同cream搽身。所以都算得上係呢個品牌嘅忠實用家🤣 咁講咗「去油抗瑕疵白泥潔膚露」先，我自己覺得呢一枝同我而家長放喺屋企間唔中用，透明樽身嗰枝水楊酸幾相似，而睇主要成份都近似。 首先喺質地上，呢款白泥潔膚露係稀身偏水狀嘅質地，唧喺手流動速度都幾快。另外佢濕水之後會起泡，起泡速度幾快，起泡量都幾多。 其次要講嘅係佢嘅成份同清潔度，呢款白泥潔膚係2%水楊酸，比原本呢個牌子透明樽嗰款0.45%水楊酸再高d，清潔度都會再高d。我自己本身用水楊酸洗臉嘅偏好係1個星期左右用1次，平時就用普通嘅溫和清潔，因為我本身唔係好多痘痘嘅膚質，唔想過度清潔，除非Period嗰度膚況唔好就會用多密少少。白泥呢款，我個人認為係比較適合需要高d清潔度嘅人嘅，例如油肌、多痘痘/粉刺嘅人，又或者用開0.45

今次收到CeraVe 袪痘抗瑕系列產品，分別有洗面同精華。 首先，洗面係有白泥同水楊酸，本身都會驚太乾，但用完之後又好舒服，皮膚都唔乾燥，洗完面過十分鐘後都唔會出油。 另外，兩款精華都非常好用，本身都唔係好敢用酸，但結果都唔錯，完全冇甩皮。 A醇成日聽到用完會甩皮，會紅，一直都唔敢用，今次我一開始都有隔日先用，之後日日用都冇事！ 效果方面，我覺得袪印快咗，適逢黎m有痘，見到下巴位有印，但兩三日都消得7788。 另外一枝係多重酸修護精華，主要我用係面頰，想收下毛孔。 整體來講，皮膚有冇咁紅，毛孔有乾淨到，但可能用太少時間，毛孔冇特別細咗，另外額頭暗粒都有少咗！

感謝@cosme 送來的試用 潔膚露起泡快無色無味，洗完臉清爽不緊繃乾澀！ 敏感的皮膚的我反而用了更穩定肌膚狀態，上妝後也沒有再浮粉斑駁。 搭配[CeraVe祛痘抗瑕系列]產品一起用了，大概四天臉上很多卡在毛孔深沉的黑頭白頭通通無痛代謝上來，再拿粉刺夾左右上下捏一下，啵！出來了 。困擾我好久的粉刺慢慢代謝 真的好推這系列！ 角質加速代謝，終於等待時機要成熟了！ 下圖有點不好看 是熟成的痘痘大概跟半顆米粒一樣大的可怕 不過我很感謝，這去痘三寶讓悶在角質層下的痘痘終於出來見人

CeraVe一直出名是皮膚科醫生共同研發的牌子，幾乎所有產品都是不致粉刺性及低敏配方，無添加香料或酒精等刺激成份，甚至有些產品連濕疹傾向皮膚都可適用，所以試用的四枝潔膚露，我都不會擔心敏感或令皮膚有大負擔的問題，十分放心。 包裝設計大致相同，所以先綜合說一下：很喜歡簡單的包裝設計，而且按壓式容易取用 Blemish Control Cleanser唧出嚟見有流動性，少許泡沫因為只睇簡介的話，呢枝同SA水楊酸潔膚露好像有少許相同，研究過後發現Blemish Control Cleaner呢枝嘅水楊酸成份更高，含有2%， 相信主要針對暗瘡肌膚，但本人近期皮膚狀態穩定，無法實測是否有效控制暗瘡生長。 最後交由男朋友試用，因為他屬於混合性皮膚，而且角質層比較厚，暫時感覺都能有效去油並清爽乾淨，面部角質部位有見減少污垢，感覺良好。

多謝 @cosme 送左「CeraVe祛痘抗瑕系列」嘅「去油抗瑕疵白泥潔膚露」、「A醇全效平滑祛印精華」同埋「多重酸抗瑕疵修護精華」比我試用。 本身皮膚偏油性，好易生痘痘，又忍唔住手去抓，所以都有唔少痘印，加上平時好懶冇乜點護膚，毛孔都比較明顯同粗大。 今次試用左14日，去印同收毛孔嘅效果未算好明顯，但使用後感覺到膚況有改善，當中最欣賞洗面乳嘅「去油」效果。洗面乳係透明狀，好易起泡，泡泡都好綿密，搽上面好舒服。洗完面感覺好清爽，唔會有油膩感，喺香港濕熱嘅夏天都可以保持半日好清爽嘅感覺。 至於A醇精華，質地偏向啫喱狀，因為有酸性，所以搽上臉掂到痘痘會有少少刺激感。用完感覺膚色有變亮。 最後到多重酸精華，呢一支係偏水狀，搽上面感覺比較溫和，面部感覺有所舒緩，部分肌膚都變得光滑左。 總結來說性價比不錯，洗面乳好大支應該有排用，會持續使用慢慢改善膚況。 

好感謝cosme俾機會我抽中試用，有呢個機會可以免費試用皇牌潔面產品❤️今次收到CeraVe嘅4款潔膚露，仲係正裝實在太驚喜。在此非當多謝@Cosme俾我有今次試用嘅機會。 以下係我試用幾日嘅少少感受： 去油抗瑕疵白泥潔膚露 Blemish Control Cleanser這瓶潔面是用過滅油滅豆最好用的的沒有之一！擠一泵在手上揉搓一下就有很多泡泡，洗完臉不假滑超清爽！感覺那些粉Ci都洗沒了，皮膚也感覺沖洗的特別乾淨，可以呼吸了！它不管什麼年紀都是OK的！身邊的青春期的小夥伴的反饋也很棒！

香港夏天又濕又熱 加埋成日化妝 就算落咗妝都總係覺得啲毛孔唔夠乾淨 摸落有啲粗糙感 以前試過用清潔泥膜或者磨砂 但又覺得會太乾或者刺激皮膚 最近試用CeraVe呢支白泥潔膚露 隔日用一次 當做一個溫和少少深層清潔 洗面嘅時候 係T字位同下巴位置打圈按摩下 佢入面有水楊酸成份 可以清下啲舊角質 用咗一段時間 感覺毛孔係乾淨咗 積埋嘅白頭粉刺都少咗 皮膚乾淨咗 後續搽護膚品都感覺吸收得好啲 化妝都貼服啲

好開心收到@Cosme嘅試用 今次收到嘅產品係CeraVe 祛痘抗瑕系列 總共3件 首先講左CeraVe【去油抗瑕疵白泥潔膚露】先 原本睇名"白泥" 以為係偏穊嘅質地 結果泵出黎係透明偏水嘅GEL狀 加水喺手搓出泡沫就可以洗臉 由7月11開始使用到而家一段時間覺得枝洗面好適合油性皮膚使用~ 因為我係玫瑰痤瘡皮膚 始終枝洗面入面有2%水楊酸 我都唔敢早晚用 主要會喺夜晚時用佢黎大清潔 每次用完都覺得毛孔清洗乾淨嘅感覺 對得住去油嘅功能 而且冇敏感同乾燥 所以都幾推薦同我一樣油性又敏感嘅皮膚試下! 搭配左另外兩款產品使用 我覺得皮膚整體變得更乾淨 亦會分別分享另外兩款產品~~

用咗兩星期嘅CeraVe 去油抗瑕疵白泥潔膚露 多謝 @cosme 邀請我試用 CeraVe 呢支「去油抗瑕疵白泥潔膚露」，用咗兩個星期左右，感覺都適合呢種天氣下屬混合油肌、有黑頭粉刺煩惱嘅人用，效果比想像中好。 質地溫和，洗得乾淨又唔刺激 呢支潔膚露係乳霜狀，質地滑滑哋，唔厚，搽開好順手。入面有 2% 水楊酸同白泥，可以清潔毛孔油脂同老角質，但最正係唔會洗到成塊面繃晒緊。洗完即刻感覺清爽、乾淨，但又唔會乾或者紅，敏感肌都啱用。佢入面仲有 三重 Ceramides 同 Niacinamide（維他命B3），幫助修復皮膚屏障，洗面都可以護膚，幾貼心。 清爽持久，控油效果明顯 最開心係用完幾個鐘之後塊面都唔會即刻出油，特別係T字位清爽咗好多，夏天用真係舒服啲。連續用咗一段時間，鼻翼啲毛孔乾淨咗，黑頭減少咗，下巴啲暗粒都少咗，成塊面望落去乾淨滑啲。 搭配祛痘精華效果更好 我仲有一齊用CeraVe祛痘抗瑕系列嘅精華，兩樣一齊用效果更加明顯，粉刺、暗瘡都冇咁易出，膚況穩定晒，上妝都冇咁甩粉。 會推介比油性或混合肌人士～ 有粉刺、黑頭、暗瘡煩惱 想深層清潔但又怕乾嘅人 敏感肌但又需要控油

多謝 @cosme 畀咗我呢次試用 CeraVe 去油抗瑕疵白泥潔膚露 嘅機會。平時我係混合偏油膚質，特別係T字位出油多、下巴又容易有粉刺，所以對呢啲主打「去油抗瑕」嘅潔面產品會特別有興趣。 呢支潔膚露係白色透明質地，帶啲滑滑地嘅質感，加水之後好易推開，可以輕輕搓出啲泡沫。用落面感覺好溫和，冇磨砂粒，清潔力夠但唔會過乾，洗完唔會繃緊，皮膚係清爽得嚟仲保留到水份。 我一開始每日用2次，集中係早上夜晚清潔完全天油膩感。用咗幾日之後，覺得T字位冇咁容易出油，下巴啲小粒粒感覺有稍為減少。毛孔乾淨咗啲，整體摸落去皮膚滑啲，冇咁容易出油。 佢有白泥成分，但唔係傳統嗰種會乾到裂開嘅泥膜感，反而更似係一支結合咗白泥成分嘅日常潔面露，適合想清潔力強啲又唔想刺激嘅人使用。長期用應該可以幫到去粉刺、控油、改善粗糙膚質。 總結一下，CeraVe 呢支白泥潔膚露清潔力夠、唔乾、夠溫和，對於油肌或混油肌嚟講，作為每日潔面都幾適合。我自己會繼續用落去，睇下長期對毛孔同粉刺控制有冇更明顯效果。

感謝@Cosme的試用邀請🙌 由於塊面容易乾燥，平時好少會用含有水楊酸嘅產品🤣，今次即管一試，果然有驚喜！雖然呢款產品主打去油，但係用完之後完全唔會覺得乾，仲覺得肌膚多咗一層膜咁，令皮膚更有彈性💆🏻‍♀️ 🔽試用資訊🔽 🗓️使用時間：持續使用10 天 🇨🇳產品產地：China 💆🏻‍♀️個人皮膚狀況： 混合乾性肌膚，全面易乾而出油 使用產品後沒有任何過敏反應 🔽全面使用心得如下🔽 1️⃣ 產品質地 質地呈較流質的透明gel狀，非常易推開同會起泡🌟 2️⃣ 提亮膚色、收細毛孔 塊面喺啱啱起身嘅時候，非常暗沉同埋膚色唔均勻，用咗呢款潔膚露洗面即刻白咗一度，毛孔都明顯收細咗好多🥹 再用埋A醇精華，再進一步收毛孔同撫平眼底乾紋👍🏻 （效果見圖，A醇精華的Review請移玉步到另一篇貼文♥️） 3️⃣有效去油 朝早起身塊面通常會油，尤其是瞓喺冷氣房入面好乾，用嚟做朝頭早嘅Cleansing Gel 一流！🤭 🙌總結評分🙌 產品質地：♥️♥️♥️♥️🤍 提亮膚色：♥️♥️♥️♥️♥️ 平滑肌膚：♥️♥️♥️♥️🤍 收細毛孔：♥️♥️♥️♥️♥️ 推薦程度：♥️♥️♥️♥️🤍

感謝cosme邀請測試這款CeraVe 的去油抗瑕疵白泥潔膚露，這款產品主打深層清潔、疏通毛孔及改善瑕疵。 這款潔膚露的質地偏濃稠，雖然品牌名稱有白泥的字眼，但使用感受上沒有像白泥那樣的厚重感，延展性不錯，很容易在臉上推開。加水之後會產生泡沫，洗臉時感覺溫和不粗糙，過程中沒有刺痛或乾澀感。 雖然它有 2% 水楊酸，但配方低敏不致粉刺。我屬於混合偏油肌，使用幾日之後都沒有出現泛紅或乾燥的情況，反而覺得膚質更穩定，毛孔也不容易堵塞。 我覺得它的清潔力幾出色，可以去除臉上的油脂。洗完臉後感覺毛孔更乾淨，特別是鼻翼和下巴等容易出油的位置，明顯感覺清爽不少。最驚喜的是，連續使用幾天後，臉上的小粉刺和瑕疵有明顯改善，膚質看起來更平滑，毛孔也較不明顯。 個人覺得雖然此罐屬於全日可使用的產品，但若是睡起來臉上沒什麼出油或是習慣用毛巾擦拭的人而言，會比較推薦晚上再使用較好。 雖然洗起來臉不會乾澀、緊繃，但清潔力相對也比較強，若臉上沒太多出油量，卻使用高清潔的產品，反而白天會更容易出油喔！