CeraVe

溫和洗卸二合一潔膚露

CeraVe 二合一洗面奶用後感：平價抵用嘅「萬金油」？ 見好多外國皮膚科醫生都推薦，話佢溫和、唔貴，又話適合敏感肌。咁啱自己又想搵支平平哋、朝早用嘅簡單洗面奶，就買嚟試下。 🌟質地： 係嗰種唔稀唔稠嘅乳液狀，有少少似平時用嘅保湿乳液。推開唔會好多泡泡，係好輕微嘅泡沫，或者可以話近乎冇泡。如果你係鍾意「泡泡浴」感覺嘅人，可能會覺得唔夠爽。 🌟氣味： 基本上係冇味嘅！冇加香料，聞落好安心，適合唔鍾意香味或者容易受刺激嘅皮膚。 🌟日常用： 對於朝早起身，或者唔化妝嘅日子，佢嘅清潔力絕對夠晒。可以洗走面油同塵，洗完塊面係乾淨嘅，但又唔會「咕咕聲」咁繃緊。 🌟卸妝力： 講到「二合一」，你唔好期望佢可以獨力卸除防曬同化妝品。如果只係搽咗好薄嘅防曬或者淡妝，佢或者可以應付到。但係如果係防水防曬或者完整妝容，一定要用專門卸妝產品先！ 唔好偷懶，否則好易生暗粒。 用後感覺： 呢支嘢最大嘅賣點就係佢入面有神經酰胺同透明質酸呢類保湿成分。所以就算係冬天用，洗完臉都真係唔會乾，塊面係保持住一種軟熟、濕潤嘅狀態。對於乾性皮膚或者混合肌偏乾嘅位置（例如面頰）非常友好。

CeraVe溫和二合一洗面奶用後感 講起洗面奶，我之前一直用開啲起泡力強嘅，覺得洗到「唧唧聲」先叫乾淨。後來轉咗用CeraVe呢支溫和二合一洗面奶，先發現原來洗面都可以咁溫和。用咗差不多一個月，同大家分享下。 質地同起泡情況 擠出嚟係透明啫喱狀，有少少流質。加水搓嘅時候，泡泡唔算多，係嗰種細細綿綿嘅泡，唔會話起一大Pat泡。如果你慣咗用起泡網，可能會覺得泡泡唔夠澎湃，但其實咁樣反而冇咁刺激皮膚。 洗面感覺 搽上臉嘅時候好溫和，完全冇乜刺激感，就算唔小心整到眼都唔會話好拮。佢標榜「二合一」，即係可以卸埋防曬同淡妝。我試過用嚟卸日常防曬同碎粉，洗完塊面都算乾淨，唔會話有殘留感。但如果係濃妝或者防水睫毛液，就真係要先用卸妝產品，唔好靠佢。 洗完之後嘅感覺 呢個係我最滿意嘅地方。用完之後塊面唔會繃緊，亦都唔會話好乾，仲有少少潤潤哋嘅感覺。以前用啲清潔力強嘅洗面奶，洗完塊面會「掹掹緊」，要即刻搽嘢。但呢支洗完之後，就算隔一陣先搽護膚品都冇問題。 溫和度 佢冇香料、冇酒精，仲有Cerave招牌嘅神經醯胺同玻尿酸，對敏感肌真係幾友善。我塊面有時轉季會泛紅，用呢支都冇話加劇，反而覺得穩

CeraVe潔膚護膚產品係經典嘅醫學護膚品牌，全部都係由皮膚科醫生憑藉佢地專業知識而研發出來，為我地修護同強化健康肌膚。一直以嚟聽到其他人對CeraVe嘅評語都好好，價錢唔貴，包裝實而不華，所以我都好想有機會試用佢地嘅產品。 今次收到CeraVe嘅4款潔膚露，真係十分開心，在此非當多謝@Cosme俾我有今次試用嘅機會。 首先，講講我嘅皮膚，我嘅膚質係屬於混合性，T字位偏油，兩邊面頰有時會偏乾，臉上間中會有暗瘡嘅問題。 CeraVe溫和洗卸二合一潔膚露，係一枝可以有效清潔肌膚，同時可以溫和舒適去除臉部彩妝嘅洗面泡沫。擠出嚟，感覺就好似乳液嘅質感咁絲滑，無香味，可以用手或起泡網打泡泡，直接用手都好容易起到泡。洗完面後，塊面感到好滑，皮膚唔會覺得繃緊。最重要佢係洗卸二合一，平時用粉底、防曬霜之後，我都要用卸妝膏去洗，但用呢枝洗面，我就完全好放心咁一次過攪掂晒。另外，如果係防水嘅化妝品，例如眼線液，我就覺得用眼唇卸妝油倒落化妝棉敷一陣，先用呢枝潔膚露一次過洗面，就已經勁乾淨。 呢枝CeraVe溫和洗卸二合一潔膚露，用咗一段時間後，我覺得係好啱喺有化妝而又趕時間嘅時候用，感覺真係既方

Cerave 溫和洗卸二合一潔膚露擠出嚟呢係白色嘅，質地有小小似乳液，流動性亦都幾高！可以睇到呢我擺咗上手打斜之後呢佢係會向下流嘅。 搽面嘅時候感覺似係厚身少少嘅cream咁樣，加水會起泡。影相可能睇得唔係好清，我本身有植眼睫毛，所以我淨係畫咗眼尾嘅眼線，同埋搽咗眼影，眼睛下眼中間嗰個位比較睇得清楚有小小珠光眼影。今次就冇特別用眼唇卸妝，淨係用咗呢支嘢卸左一次。 上面就係化咗妝嘅圖，下面就係對比圖，用咗一次其實都清晰可見條眼線係冇咗嘅，眼影都係已經洗甩晒。我係乾性皮膚，T字位好多時候都會乾到出寫油。用完之後啲油已經冇晒，洗得都幾乾淨，洗完之後塊面唔會覺得乾，而且仲有啲清爽嘅感覺。 雖然佢可以卸倒眼妝，不過如果唔小心啲卸妝入咗眼會揦眼，所以大家要小心！

Crevra cream to foam一支吱出嚟係一啲乳液狀，喺面上面推開之後會有泡泡。方便使用唔使捽開泡泡就可以直接用上面　 洗面皮膚乾淨，毛孔清新，洗完面之後皮膚唔乾，乾性皮膚適用。不乾燥，皮膚唔會掹掹緊。 喺藥房買平好多，雖然就冇其他美白功效，或者黑炭吸油脂之類嘅附加作用，但用起上嚟都好舒服。

呢排用緊 CeraVe 溫和洗卸二合一潔膚露 🤍 主要用嚟卸淡妝同防曬，用落覺得幾溫和，但有啲啲乾要做好保濕～ 🤍 清潔力：3.5/5 卸防曬、眉毛同薄粉底夠力，但眼線同唇膏就要用專用卸妝產品先安心🤣 🤍 溫和度：4.5/5 成分簡單，冇香料酒精，敏感肌同濕疹肌都用得，用完冇泛紅或刺痛～ 🤍 保濕度：3/5 雖然話係溫和保濕配方，但乾肌用完會有少少繃緊，要即刻跟住做保濕步驟～ 總結： 如果你平時只化淡妝/ 搽防曬，又想要支簡單溫和嘅洗卸產品，CeraVe呢支潔膚露係唔錯選擇～但記住乾肌用完要快啲做保濕，同埋濃妝就要搭多支眼唇卸妝液啦！

Cerave 出名產品溫和，所以我認為大部份產品都唔需要擔心會敏感嘅問題，我自己皮膚比較敏感但so far 所有product 都冇過敏！同埋幾鍾意佢哋嘅泵頭設計係可以lock返！因為今次試用有幾款產品一齊用，所以我放一張前後比較圖俾大家參考，眼底嘅油脂粒係明顯平咗毛孔都細咗。但我又實際上講唔出係邊一支嘅功效😂輪住用，因為我覺得每一枝嘅清潔強度都唔一樣，可以視乎情況使用。唔一定要淨係用死一支。 個人感覺清潔後繃緊程度:(大至細排序，不過就算係最高亦都唔會覺得係過度清潔嘅過乾) 二合一卸妝>水楊酸>白泥>溫和起泡 呢支二合一潔膚露真係幾方便，平時返工化咗淡妝，唔想再用卸妝水一步步咁麻煩，就用呢支一次過搞掂。雖然內眼線都係要另外卸，質地係白色嘅洗面奶，比起其他同牌子嘅洗面奶杰，搓開之後有少少泡，溫和，洗面時完全唔刺激。卸妝力都幾好，粉底同防曬都洗得乾淨，眼線同唇膏如果都可以搞掂。沖完水之後塊面係會有小小乾，但又唔會覺得乾到繃住，嘴唇感覺比較明顯有啲乾，我會即刻搽返潤唇膏。實測用完之後再用化妝棉同卸妝水冇擦到有多餘嘅彩妝留低，係幾方便又慳時間，特別啱忙碌嘅日子，唔需要

首先多謝@cosme嘅試用，今次我試用係溫和洗卸二合一潔膚露。 身為敏感肌嘅我，本身都已經係CeraVe嘅用家，而呢一款潔膚露係我第一次試用。 佢嘅質地唧出嚟嘅時候係乳霜嘅質地，加咗水之後係可以起泡。用上臉洗嘅時候感覺好溫和好舒服，冇好大刺激嘅感覺。 但係個人就覺得去除面部彩妝嘅能力就相對上冇咁好，如果普通防曬又或者眉筆呢類輕身啲嘅彩妝，佢嘅卸妝能力表現得幾好，都洗得幾乾淨。 但係如果可能係唇膏又或者眼線筆呢啲相對上比較long lasting少少嘅product嘅話，佢嘅卸妝能力就冇咁出色，所以如果我嗰日有化妝嘅話都係會用本身自己嘅卸妝產品，卸完妝之後再用返呢一支潔膚露去做返個二次嘅清潔。 但整體嚟講，佢哋嘅product洗完之後都覺得好保濕，唔即時搽返任何保濕嘅cream都唔會覺得繃緊。係一個皮膚係敏感情況之下，用完都會好安心嘅產品！ 但呢一個product我就會偏向於淨係攞嚟做洗臉，而唔會單靠佢嚟做卸妝🙈

非常高興 @cosme 抽中我成為CeraVe 潔膚露系列嘅試用會員之一，我本身係乾肌，塊面成日都好繃緊同埋乾燥。而家夏天，Office冷氣開到好足，屋企又有開冷氣，成日吹住，塊面好乾，唔夠水，仲有輕微脫皮。 CeraVe溫和洗卸二合一潔膚露嘅質地係乳液狀態，但唔會厚重，好易推開，乳液亦都無香味。我洗完之後，覺得卸妝卸得都乾淨，清潔力唔錯，皮膚又唔會繃緊，用起嚟溫和舒適，亦都feel到係有補水的。而且樽蓋設計好好，設有open & stop, 可以自行調節，封口位拆除後亦可以重新安裝上去，唔洗驚漏或者唔小心撳到。

呢支cerave嘅洗面卸妝二合一，支出黎係cream狀，加水會變泡沫，我只係用嚟卸防曬，不過都唔係卸得好乾淨，洗完面後，用洗面巾抹面都會見到仲有防曬嘅淡黃色痕跡，所以其實佢清潔力度唔夠強，建議都係用返專門係卸妝嘅護膚品清潔面部，再用潔面產品洗面會比較乾淨，效果普通，不會回購。

這款溫和洗卸潔膚露竟然卸得很乾淨!! 我自己也有用CeraVe的洗面和moisturing cream，使用感受也不錯~ 這溫和洗卸潔膚露我也是第一次用，竟然卸得挺乾淨的!! 看看圖，我的底妝完全不見了🫣🫣 我洗完後再用卸妝水，只有眼綫剩一點點~ 大家可以先卸眼妝，再用這款溫和洗卸潔膚露!! 他起泡能力不錯，擠出來像乳液白白的~ 我混合性偏乾，最怕就是洗面乳把我的水份抽乾🥶 這個不僅洗得乾淨，還完全不乾😍✨這個用完後應該會回購一下呢💕

感謝@cosme邀請試用CeraVe潔膚露系列。之前全家一直都有用開CeraVe產品，所以今次都非常期待試用其他潔膚露產品。 今次總共試左4款潔膚露，其中包括Hydrating cleanser。呢款係4款入面起泡最多，洗完冇一層膜嘅感覺比較清爽，同時亦冇乾燥繃緊。呢款亦係4款入面唯一一款標榜可以卸妝，我試左一下，普通粉底胭脂果類都冇問題，但卸眼線/睫毛液就真係差啲，洗完仲有啲微細嘅黑色點點係眼底，畢竟佢主要功能唔係卸妝，如果平時淨係搽防曬碎粉果種淡妝就冇問題。

之前用過一些二合一產品 卸除眼妝的效果都麻麻地 要另外再用卸妝油搞 用完又要再洗面真係好麻煩 但試過用左呢支嚟落妝 仲要卸埋防水防油眼線筆 發現卸妝能力好足 唔洗太大力都可以卸乾淨 可以慳返用眼唇卸妝液既步驟 用水洗走d泡之後 皮膚感覺清爽乾淨 完全冇殘妝停留 都冇好乾燥繃緊 幾好用

多謝cosme有今次試用機會，可以一次試用同比較5款CeraVe潔面乳。針對我最近混合偏乾性膚質（T字部位偏油，兩頰偏乾），加上最近額頭面頰爆左好多暗粒，都會想試一啲溫和去角質，但唔會令皮膚過乾而再爆發更多暗粒既潔面乳。 根據5款潔面乳，比較有驚喜既係溫和洗卸二合一潔膚露，因為一直用開卸妝水，係皮膚敏感既時候突別明顯感覺到卸妝棉同皮膚有拉扯既感覺，而溫和洗卸二合一潔膚露質地十分柔滑，唔會起好多泡泡，所以感覺好溫和，可以係面頰輕輕打圈（但用量會較多），但清潔力亦唔差，可以一次卸乾淨正常淡妝用既防曬、粉底、碎粉、眉筆 ，而且唔會覺得乾，呢排爆緊暗粒用佢都無惡化。

今次用嘅係cerave 溫和洗卸二合一潔膚露⸜(*ˊᗜˋ*)⸝ 本身一直都用開卸妝濕紙巾，但每次用完皮膚都唔正常嘅滑，好似洗唔乾淨咁，要再用多次洗面奶( ߹꒳​߹ ) 平時化開淡妝嘅我，呢一款產品就已經好足夠，用完再用tissue 抹都唔見有化妝品，所以都乾淨～ 另外，佢用完皮膚唔會好乾，值得欣賞 有啲卸妝用品用完塊臉會好乾( ߹꒳​߹ ) 用完可能會再入手呢一款產品，個人認為性價比之選！卸完妝之後仲可以洗少一次面添！！

再次多謝@Cosme比機會我成為是此#CeraVe潔膚露系列的其中一位試用員。本先因為皮膚係好易敏感同起粒粒；所以搵啱潔面乳就好少轉。但都有聽過朋朋介紹過CeraVe嘅潔膚液，所以都對此系列充滿好奇。今次真是好榮幸可以試到！ 嚟到最後試Hydrating Cream-to-Foam Cleanser，同之前幾款一樣；都係性質溫和，用後無刺痛感。用完呢款後，我並沒有繃緊似拉扯皮膚非要即時揸晚霜不可嗰種缺水狀態；因此佢真係有Hydrating嘅感覺。但當然洗完面揸面霜係最好！ 化妝後或裸妝我都試過，每次洗完都覺得洗得夠乾淨；不用再做第二次清潔。

感謝今次cosme邀請測試這款溫和洗卸二合一潔膚露，這款產品結合了潔面與卸妝功能，對於我這些喜歡簡化護膚步驟的人來說非常方便。通常平常上班我都會化淡妝，晚上回到家裡就直接使用這罐。 質地屬於cream狀，加水之後很容易搓出細緻泡沫，使用時感覺非常柔滑。泡沫不會過於豐厚，但足夠覆蓋全臉。 我自己屬於敏感肌，使用後沒有出現泛紅或乾燥的情況。雖然是溫和型產品，但清潔力非常不錯。能有效去除臉上的油脂、灰塵及淡妝殘留，甚至連防曬和輕薄底妝也能卸得乾淨。若是濃妝，可能需要搭配專用卸妝產品。 洗完臉後肌膚感覺乾淨、清爽、不油膩，而且不會有緊繃感。保濕效果也令人滿意，肌膚摸起來柔滑不粗糙，整體膚感非常自然舒服。

多謝@cosme邀請試用 Cerave 溫和洗卸二合一潔膚露！對於我呢個每天都會搽防曬，但係又懶得乖乖地卸妝嘅人嚟講，真係好啱用😭佢嘅卸妝能力對我嚟講，已經好足夠，真係勁方便！佢質地滑順有啲似乳液，啲泡泡易起，洗面同時卸妝好好！！ 洗完之後，肌膚感覺清爽又唔緊繃，完全冇干燥感，這對我呢種油性肌膚來講真係好重要！佢冇香料，所以幾時都可以安心用。同埋佢個泵頭係可以控制open & stop，就算要攞去旅行用都唔怕整污糟🙆🏻‍♀️

溫和洗缷二合一潔膚露 感谢Cosme 的活動邀請試用CeraVe 的潔膚露系列。 收到四款不同的潔膚露系列，每款都有不同功效，也適合不同皮膚，蘊含對皮膚非常友好的成份。 質地像洗面奶，奶白色，加水後有豐富的泡沫。👌 根據指示面上也打濕先，再輕輕清潔按摩面部，質地很豐盈舒服。😍 過水之後，肌膚保濕潔淨，感到水份仍然保留在面上皮膚，不會繃緊，也不會乾燥發紅。🤗 非常溫和，完全不會刺激我的敏感膚質。😃 相信非常適合一年四季用😗 這款成份有三重親膚Ceramides+MVE及透明質酸，據保濕功能及維持肌膚表皮屏障功能，經过幾天的試用，皮膚感到更水潤，值得推介。👏🏼 雖然這是一款二合一泡沫潔面乳，但臉部彩妝，如眼線，口红等，单用是未能徹底卸除的，所以最好做完缷妝油或缷妆水，再用這潔膚液清除殘留彩妝效果更好。😄 姐妹們，真的值得推介。👍

多謝@ cosme提供今次嘅試用品 CeraVe溫和洗卸二合一潔膚露 呢枝產品係超出我嘅預期 一開始覺得佢話溫和覺得會唔會卸妝卸得唔乾淨呢？ 到真正用上面就發覺佢卸妝力同清潔力都好好 卸咗全面嘅底妝之後再用棉花抹都無殘留 然後再卸喺手上面嘅彩妝同底妝 只有眼線同睫毛液卸唔乾淨，其他都已經好乾淨 咁但係佢本身係要避開眼周使用 我覺得眼妝卸得唔乾淨唔會影響佢嘅本身宣稱嘅功用 總括嚟講呢枝產品都係好用嘅 佢洗得乾淨然後又唔算好繃緊 用完佢之後我冇再搽面想試吓佢係咪真係唔乾 但我油肌都會覺得有少少乾燥