Bifesta 好用推薦產品

Kathy Wai好用推薦：成日化眼妝嘅sis都知，最怕就係落妝落唔乾淨，搞到第二朝變熊貓眼，仲要扯到眼底出細紋。 Bifesta呢支眼唇卸妝液，長期霸佔@cosme頭位，今次親身試畀你睇，卸妝力、溫和度、抵買度一次過拆解。 質地： 水油分離，雙層配方，用前要搖勻。 卸妝力： ⭐⭐⭐⭐⭐ 倒少少落化妝棉濕敷眼瞼30秒——防水睫毛液、眼線液、眼影粉全部一次過抹走，唔使捽嚟捽去。 溫和度： ⭐⭐⭐⭐⭐ 冇香料、冇酒精、冇Paraben，敏感眼都用得。濕敷時唔「乸」眼，抹完眼底冇紅冇刺痛。 清爽度： ⭐⭐⭐⭐☆ 卸完唔會油淋淋，但比起純水狀卸妝液係有少少油膜感，用溫水過一過就乾淨。 抵買度： ⭐⭐⭐⭐⭐ 約4x。 總結： 👉🏻 成日化大眼妝、用超級防水睫毛液嘅人：必買，性價比之王 👉🏻 只化淡妝、極怕油感嘅人：可揀Bifesta落妝水（紫色嗰支） 使用貼士： 1. 一定搖勻10下以上 2. 化妝棉要吸滿，濕敷等30秒 3. 由內眼角向外輕抹，唔好來回捽

Chloeincosme好用推薦：呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

Chloeincosme好用推薦：睇相見我未用完已經囤多枝就知我好鍾意bifesta呢枝保濕卸妝水♥️ 其實以往一直用開紅水，用到好悶就轉新野試試。Bifesta卸妝產品口碑不嬲好好，所以就揀咗佢，用完覺得試過返唔到轉頭😂 用法簡單，倒濕成張卸妝棉→ 輕力抹走面部妝容。 以下係示範圖，隻手上左粉底+眉筆（1）+ 眼線液（2），只係輕輕力抹走一下，連眼線液都輕鬆抹走😂，卸妝力真係好夠！ 另外，用完膚感唔錯，唔會太過緊繃，佢簡介寫明無須過水，不過我嘅習慣係照過水再用洗面奶，基本上佢冇令我皮膚差左。 聞落無香料味，擦拭完乾敏肌既我都冇紅冇過敏感情況，的確係溫和唔刺激。 佢叫保濕型，的確係做到保護肌膚果隻保濕（但卸妝水又唔好要求佢用完塊好滋潤，係冇可能的😂），最緊要係做到佢既本份：溫和卸妝無負擔！ 價錢方面，一個字：平！ 總結： 95/100分。5 分扣左係個樽頭噴力太大🤣成日唔小心射走左🤣 #卸妝

Kayyan22好用推薦：已經用幾年既卸妝水～呢枝bifesta卸妝水我已經使用左好耐，我最中意就係保濕型呢枝！bifesta卸妝水既流動性十分高，就算單用都好適合。我自己最中意就係配搭住卸妝棉使用，因為可以帶走埋全日落嚟既灰塵～

Chloeincosme好用推薦：之前某店88折，為返$28 購入左呢支Bifesta既保濕型洗面泡泡（買埋藍色果支，都用晒了！） ☁️ 質地係忌廉感濃厚泡泡，上臉超治癒： 最正嘅地方係一泵出嚟，就已經係好大份量、好似忌廉咁綿密嘅泡泡！唔會見到泡泡既「孔」🥺🤣 搓揉喺面上嗰陣真係好舒服，有種「用泡泡擁抱緊面部皮膚」嘅感覺，而且仲帶有少少清香嘅柚子氣味，洗面過程好治癒。 🚿 使用方便： 唔使自己慢慢用起泡網摔，超級方便！ 🩸 用完好乾淨： 產品主打用碳酸成分嚟促進面部血液循環。洗完乾淨得嚟，皮膚摸落好柔滑，最神奇嘅係摸落去好似搽咗碎粉咁，帶有一種滑溜溜、好舒服嘅乾爽感，唔會覺得繃緊。 【小總結 📝】 整體嚟講，呢支洗面奶$30有找.. 一杯珍奶既價錢，但做到嘅清潔力同使用感都完全超出預期。洗得乾淨、泡泡膚感好，而且性價比極高，會想繼續回購！ #日系品牌

Emily Leung好用推薦：終於用得啱！bifesta碳酸泡沫潔面真實評價 之前冇洗面乳，喺藥房順手拎咗呢支，心諗平平哋試吓。點知一用⋯⋯嘩，做乜咁難用？！擠出嚟一pat水狀泡沫，又漏到周圍都係，仲以為中伏😅 原來我一直用錯方法！ 有日終於睇真個樽身說明，發現用前必須搖勻！一搖再擠，泡沫即刻變到超綿密Q彈，上臉蓬鬆舒服，先發現之前完全浪費咗支嘢⋯⋯ ✨ 正確用法： 1. 搖勻5-6下 2. 直接按壓（唔好倒轉支裝） 3. 泡沫放掌心，溫柔按摩全臉後沖水 💦 保濕表現： · 標榜「保濕款」，但佢嘅保濕主要係指「洗臉時唔會扯乾皮膚」，而唔係「補水型潔面」。 · 洗完即刻摸塊面係爽身嘅，唔會有「洗極都滑潺潺」嘅假滑感，感覺乾淨。 ✅ 真實優點： · 一按即出泡沫，超適合懶人同趕時間嘅朝早 · 碳酸泡泡有微微「刺刺感」，洗完個面好清爽 · 清潔力足夠卸防曬同淡妝 · 性價比高，一支用到好耐 ⚠️ 要注意： · 乾肌用完可能會覺得有少少緊繃，要即時保濕 · 香味偏淡，追求濃味嘅可能覺得普通 · 一定一定要搖勻！ 唔搖真係難用到喊 💡 個人建議： 適合油性/混合肌，尤其夏天用爽到震～如果你同我一樣怕麻煩、

維他他好用推薦：懶人救星！Bifesta 速效卸妝巾 一抽搞定，快速又乾淨！ Bifesta 藍色包裝，開口有雙層密封設計（一層貼紙+一層塑膠蓋），這點非常重要！能有效防止濕巾變乾，我用了快一個月，最上面的一片還是濕潤的。 濕巾本身：抽取方便，濕巾尺寸算大張（20x15cm），厚度也足夠，拿在手上有份量感，不會薄到一擦就破。 卸妝力實測 - 真的「速效」！ 1. 日常淡妝/防曬：根本是小菜一碟。粉底液、蜜粉、腮紅、眉粉、日常眼影，基本上只需要一張濕巾，仔細擦拭全臉（包括眼周），就能卸得乾乾淨淨。 2. 防水型彩妝挑戰：我特別測試了防水睫毛膏（Kiss Me）和持久型眼線液筆。老實說，我原本對濕巾卸除這種頑固彩妝不抱太大期望。結果： * 針對防水睫毛膏：需要敷一下！*我會把濕巾對折，輕輕敷在閉起的眼睛上約 10-15 秒，讓卸妝液充分溶解睫毛膏，然後再順著睫毛生長方向輕輕擦拭。大概敷+擦 2-3 次就能完全卸除乾淨，不會有黑黑的殘留，也沒有薰眼感（超讚！）。 * 持久型眼線液：同樣敷個幾秒再擦拭，也能順利卸掉。 整體來說，濃妝可能需要用到兩張，速度還是比用眼唇卸妝液+化妝棉快非常多！

nicolebuzz好用推薦：Bifesta既卸妝一向都係我至愛💛💛 這款深層卸妝潔膚紙，可以迅速浮起毛孔深處的化妝品污垢，連同面上的污染微粒一併抹走，極致雙重潔淨。 卸妝紙除左容易卸妝後，因為含高水量既潔膚紙，配合化妝水成分，可以保持保濕，減低與肌膚的摩擦。 一片就能卸除整個妝容，包裝亦好好，可以防止潔膚紙變乾，用到最後一張，仍然好濕潤。 又簡單又可保護皮膚，而且價錢貴，所以我都會成日買黎用，連旅行我都會買定細包裝去用👍🏻👍🏻 #火熱新品 🔥🔥

Kmggigi好用推薦：Bifesta 深層卸妝潔膚紙 — 方便快速，清潔力夠強✨ 卸妝濕紙巾最大優點就係方便， 旅行、夜返屋企太攰， 或者做完運動想即刻清潔， 都好實用，一抽出嚟就用得。 清潔效果方面表現唔錯， 底妝基本上一抹就走， 連眼妝都可以卸得乾淨， 對日常淡妝甚至防水產品都有一定效果。 不過因為屬於濕紙巾形式， 用嘅時候難免會有拉扯感， 加上清潔力偏強，會覺得有少少過度清潔。 乾肌人士要特別留意，唔建議日日用， 過度使用可能會影響角質層健康。 總結：急救型卸妝好幫手，但唔建議長期依賴 Bifesta 深層卸妝潔膚紙清潔力好、夠方便， 適合應急或旅行使用； 如果係乾肌，平日都係建議配合溫和卸妝產品， 減少對皮膚嘅拉扯同負擔✨

TsuenMa好用推薦：Bifesta 卸妝系列 Make your skin clean and moisturised 品牌作為卸妝界嘅表表者，我入手佢呢個卸妝濕紙巾嘅時候都好有信心。我平時都有用開Bifesta卸妝水，日常淡妝或者重要日子嘅全妝，卸妝效果都完全無問題。💕 濕紙巾type我主要係用嚟去旅行嘅時候用，方便攜帶，吾洗帶一大枝卸妝水，或者叫佢諗點樣分裝可以輕便啲。一包濕紙巾油46塊，價錢大概係$50內有找，其實都好抵。基本上一張就可以徹底清潔晒成塊面，不過好多時都會再用多塊，確保徹底卸妝☑️ 產品有分咗幾個type，我多數都會揀moisture ，希望清潔嘅同事可以令到皮膚keep返多少水份，唔會太乾。品牌稱濕紙巾，既可以卸妝，又可以當係爽膚水咁用，但係其實一般都會再洗面，所以我諗都只不過係多一個賣點，一個gimmick 。 不過就佢嘅性價比嚟講，我應該都keep住不停回購佢🫶🏾

Also melon好用推薦：呢款卸妝水我用咗好多年，真係唔記得買咗幾多次啦。佢真係一款又平又好用嘅卸妝水，唔單止可以將妝卸得乾淨，仲有保濕同滋潤嘅效果👍🏻 之前買過保濕款，粉紅色覺得有啲黏黏地，今次試吓轉另一款，橙色，質地冇咁稠，抗敏型添加咗蘆薈成份，可以鎮靜皮膚，用完係冇咁易令皮膚敏感。之前試過用好出名嘅紅水，用咗之後會敏感粒粒，呢支用完之後真係冇咁容易起敏感粒粒，效果仲好！ 卸完妝之後，完全冇唔舒服或者乾燥嘅感覺。因為卸妝水個清潔力其實都好強，建議用返洗面膏作二次清潔。

TsuenMa好用推薦：Bifesta卸妝水 我稱佢為日本國民級卸妝產品，因為除咗佢嘅清潔力好出色，價錢方面亦都好親民，一支大大支，都只不過係講緊$100以內嘅事；我諗如果係日本藥妝度買仲會更加抵😆 為咗符合唔同寶寶嘅需要，佢嘅卸妝產品，都分咗好多唔同嘅類型，譬如係呢一支，清爽型，就啱晒一啲比較油性皮膚，鍾意保持乾爽嘅寶貝。 不過就老實講，佢係咩類型，就算可能抹完出嚟偏立少少，我都覺得冇咩所謂，因為理論上你之後都要繼續再洗面㗎嘛🤣 基本上只要用兩張濕透嘅卸妝棉，就可以充分卸晒成塊面嘅妝，一次過可以卸埋眼妝，無論係Mascara、眼線、染眉膏等比較頑固嘅product，都可以輕鬆帶走🤩 佢呢款卸妝水嘅設計係樽裝泵頭，使用上亦都好方便，單手其實都可以操作到。 品牌其實仲有出其他潔面產品，會想試吓佢嘅泡泡洗面，好評都相當多😙

Chloeincosme好用推薦：岩岩分享完粉紅色樽身既保濕型洗面泡泡，依加分享埋粉藍樽身既Bifesta 洗面泡泡（亮白型）！ ☁️ 兩支既泡泡係忌廉厚實感： 一泵出嚟個泡泡同樣好厚實、好有彈性，上臉嗰種忌廉感一樣咁綿密治癒，洗面時好舒服！ 🤔 亮白效果？： 雖然佢名為「亮白型」，主打去角質同提亮，但老實講，用落同粉紅樽保濕型其實差唔多 🤣。洗完嗰下皮膚係乾淨通透咗，但未到會發光或者變白，大家當佢係普通保濕乾淨款咁用就得。 【小結論 📝】 兩支嘅泡泡質地都係滿分，如果你本身唔係大乾肌，其實買邊支都大同小異，邊支做特價就入邊支啦！ #日系品牌

Kelvin好用推薦：Bifesta係金屬樽身，感覺高級啲✨唧出嚟係慕絲狀，泡沬結實，似剃鬚膏嘅mousse。超級綿密泡沫，泡沫有彈性，不易消退。上面輕輕按摩就可以沖洗，容易沖洗乾淨，清潔力十足。 藍色呢款係亮白款，佢嘅亮白程度係因為洗完面去除晒所有油光，令到你啲皮膚睇落乾淨亮白，所以亮白嘅感覺好快就會消失。

Emma W好用推薦：其能有效去除化妝品，包括防水眼妝，讓肌膚感覺清爽潔淨。倒出來係水狀，使用後不會感覺黏膩。化妝後抹2次就已經冇咩殘留物。用後肌膚顏色變得更加明亮，具有一定的提亮效果。 適合肌膚：任何，特別油性、混合性肌 成效度：4/5 質地：水狀 光澤度：3.5/5

Giselle 好用推薦：Bifesta 深層卸妝潔膚水亮白型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前入手嘅產品₍ᐢ⸝⸝› ̫ ‹⸝⸝ᐢ₎我自己覺得呢款產品嘅清潔力算係幾好( ⸝⸝•ᴗ•⸝⸝ )੭⁾⁾雖然防水睫毛膏同眼線嗰啲唔算清得好乾淨，但佢可以清到持久力幾強嘅唇釉同粉底液"(⌯︎¤̴̶̷̀ω¤̴̶̷́)✧︎因為我有唇炎嘴唇唔可以接觸香料成份(꒦ິ⌑︎꒦ີ)呢款嘅低刺激無添加香料成份就令我用完都唔會敏感(✿︎´ ꒳ ` )♡︎呢款雖然係亮白型，但用完後唔覺得皮膚有變白₍ᐢ ›̥̥̥ ༝ ‹̥̥̥ ᐢ₎如果係抱著會有美白功效嘅小夥伴入手咗好大機會會失望哦(⌯︎˃̶᷄ᗝ˂̶̥᷅⌯︎)

Yuki好用推薦：想偷懶貪方便買嘅卸妝紙諗住去旅行用可以帶少d野揭蓋方式 每次拎1張好方便size都夠大 15x20cm尺寸已經足夠卸全面嘅妝卸妝紙清潔力都幾好抹3下 已經卸左8-9成抹10下已經乾淨哂 但同時皮膚擦拭後有少少紅 產品包裝寫無香料 但聞落有香味同酒精味 用落有d刺激皮膚 自己係沙漠乾肌同易敏感 用泥卸眼妝後眼皮有d紅腫 但卸面就ok冇問題 如果皮膚比較健康而且對酒精唔敏感 哩卸妝紙真係好方便 但敏感肌就慎用喇 產地：日本 購入日期：2024-07-13 購入方式：Watsons HK app 入手價錢：HKD31.68/46pcs (HKD0.69/pc) 原價：HKD59 (HKD1.28/pc) 回購：0/10 *眼皮會敏感

Miaomiao好用推薦：使用方便，抽出黎直接抹臉即可，一張大概手掌攤開既呎吋。卸妝徹底，淡妝既話一張就足夠清潔乾淨。聞落有輕微酒精味，不過唔覺得有刺激性。抹後感覺水潤，通常翻到屋企用卸妝紙落妝就唔理塊面，食埋飯先沖涼洗臉搽cream。 同款有各種顏色各種功能，大部份都試用過，分別不大😂

Chloeincosme好用推薦：🤍 泡沫質地：5/5！Bifesta呢支碳酸泡沫潔面真係一按即出超綿密泡沫～啲泡沫細緻到好似忌廉咁，可以輕鬆深入毛孔，按摩嗰陣感覺好舒服，仲有淡淡清新香味！ 🤍 清潔力：4.5/5！清潔力真係冇得輸～可以有效溶解多餘油脂同污垢，洗完面個感覺好清爽，我諗應該好適合油性同混合肌 🤍 保濕度：3/5！對於乾肌來講，用完之後唔會即時有繃緊感，但保濕效果就真係一般，建議洗完之後要即刻做保濕步驟☺️ 🤍 對抗黑頭/暗瘡：4/5！持續使用覺得毛孔有變乾淨，黑頭問題有輕微改善，而且因為清得徹底，暗瘡都生少咗～不過要徹底解決黑頭可能都要加返深層清潔產品！ 總結： 如果你係油肌/混合肌，或者追求強力清潔同豐盈泡沫感，Bifesta呢支碳酸潔面絕對係平價好選擇！佢嘅細緻泡沫同清潔力真係冇得彈，不過乾肌朋友就要注意保濕跟進～整體來講性價比高，用來做日常深層清潔唔會令你失望！

Fng好用推薦：Bifesta 碳酸潔面泡沫 清爽型 膚感同清潔力 作為混合偏乾肌，香港夏天成日面油出汗，但兩頰同眼底偏乾，揀潔面產品好頭痛。Bifesta呢支碳酸泡沫一按就出到超綿密嘅泡沫，好似忌廉質地，上臉好舒服，完全唔需要再打泡。用佢做晚間清潔，輕輕按摩已經可以帶走多餘油垢同防曬，沖水後感覺清爽，但唔會有乾燥感，對於T字位油、面頰乾嘅人來講，平衡度做得幾好。 同價位品牌比較 同樣開架價位，唔少人會揀Biore或者Cow Style嘅泡沫潔面。Biore泡沫相對冇咁實淨，消泡快，清潔力對偏油肌可能唔夠持久；Cow Style就溫和但去油力稍弱。Bifesta碳酸泡沫嘅優勢在於泡沫密度高，吸附力強，清洗毛孔油脂效果更明顯，同時保濕感比一般清爽型產品好少少，適合香港又濕又焗嘅天氣。 整體評價 總結嚟講，呢支潔面係夏天混合肌嘅穩陣之選——方便、爽快但唔過度抽乾。如果兩頰極乾的話，建議只重點清洗T字位，或者轉用滋潤型。至於性價比，佢同其他開架品牌價格相近，但碳酸泡沫嘅使用感同清潔效率略勝一籌！