Bifesta

速效卸妝潔膚紙 (亮白型)

Bifesta既卸妝一向都係我至愛💛💛 這款深層卸妝潔膚紙，可以迅速浮起毛孔深處的化妝品污垢，連同面上的污染微粒一併抹走，極致雙重潔淨。 卸妝紙除左容易卸妝後，因為含高水量既潔膚紙，配合化妝水成分，可以保持保濕，減低與肌膚的摩擦。 一片就能卸除整個妝容，包裝亦好好，可以防止潔膚紙變乾，用到最後一張，仍然好濕潤。 又簡單又可保護皮膚，而且價錢貴，所以我都會成日買黎用，連旅行我都會買定細包裝去用👍🏻👍🏻 #火熱新品 🔥🔥

Bifesta 深層卸妝潔膚紙亮白型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前貪佢夠方便所以入手嘅產品₍ᐢ⸝⸝› ̫ ‹⸝⸝ᐢ₎ 我自己覺得呢款產品嘅清潔力算係幾好( ⸝⸝•ᴗ•⸝⸝ )੭⁾⁾雖然防水睫毛膏同眼線嗰啲唔算清得好乾淨，但佢可以清到持久力幾強嘅唇釉同粉底液"(⌯︎¤̴̶̷̀ω¤̴̶̷́)✧︎不過因為卸妝紙唔能夠控制入面嘅卸妝水含量，有時候當卸妝紙比較乾嘅話就唔太卸到持久力比較強嘅妝(⌯︎˃̶᷄ᗝ˂̶̥᷅⌯︎)因為我有唇炎嘴唇唔可以接觸香料成份(꒦ິ⌑︎꒦ີ)呢款嘅低刺激無添加香料成份就令我用完都唔會敏感(✿︎´ ꒳ ` )♡︎ 呢款嘅低刺激無添加香料成份就令我用完都唔會敏感(✿︎´ ꒳ ` )♡︎ 呢款雖然係亮白型，但用完後唔覺得皮膚有變白₍ᐢ ›̥̥̥ ༝ ‹̥̥̥ ᐢ₎如果係抱著會有美白功效嘅小夥伴入手咗好大機會會失望哦(⌯︎˃̶᷄ᗝ˂̶̥᷅⌯︎)

每次去旅行都會買一包，可以快速卸哂全面彩妝（睫毛液除外），而且有清爽，保濕，亮白三種選擇，我通常揀清爽或者亮白型，卸完唔覺有卸妝液殘留，不過穩陣起見都會洗多次面

去旅行/staycation用方便 唔使帶一支支卸妝水卸妝油+化妝棉咁麻煩 Bifesta呢隻卸妝巾夠厚身同夠濕 一塊已經夠卸曬全臉 唔會捽兩下就爛 眼妝都卸得乾淨 卸完妝塊臉都唔會乾 反而係塊卸妝巾夠曬濕 卸眼妝嘅時候要小心入眼🤣 而且個包裝keep到唔會好快乾曬 唔係就咁貼紙搣開嗰隻

今次想講講呢款bifesta 卸妝巾 用落唔會好乾，卸妝液份量亦都好充足，卸妝力亦都意外地好，講緊既係粉底、眼妝、唇膏都卸得幾乾淨。而且用後唔會有笠笠既感覺。 亮白型用後就覺得同一般版本無乜太大分別。

收工做運動之前用嚟卸妝一流，可以簡單清潔肌膚，唔怕化妝品堵塞毛孔，不過返屋企都要用卸妝水再落一次妝，確保乾淨

最初接觸Bifesta的卸妝巾是在某次做姊妹後，所有姊妹都想即時卸妝，我便去藥妝店買了Bifesta。 所有女仔都讚，卸得乾淨，不油膩，不需要再過水。重點是每張卸妝巾都十分濕潤，不會「乾爭爭」。包裝的掀封蓋也做得很嚴密，開封後數個月卸妝巾都保持濕潤，不會被陰乾。一試成主顧，只要我有外出或staycation都會帶它。 陸陸續續試了不同款式，亮白型沒有感覺卸妝後有較其他款式更亮白。

本來每日用洗面乳以為足夠，但朋友建議有用防曬🌞最好要用埋卸妝。因為朋友都知道👨🏻好懶，所以介紹用呢款卸妝潔膚紙。因為我用嘅防曬無色，卸妝效能就真係唔太清楚，就當係幫皮膚先做面層清潔。用完感覺清爽無繃緊，紙巾上會吸附咗啲黑色污糟嘢，清潔力不錯。之後再用洗面乳洗面，雖然又多一個步驟，但皮膚狀況反而更乾淨同好咗。

平時用開卸妝油 早前去旅行搭長途機 想搵啲拎到上機之餘 又可以輕鬆卸妝嘅產品 呢隻又幾唔錯喎😗 一黎方便 揭起個蓋就可以拎一張 乾手淨腳 二黎佢一張都有好多卸妝水 夠卸哂成塊面 唔會抹到一半就乾哂🥹 卸得幾乾淨同埋唔會好乾 唔錯唔錯 (習慣每晚返到酒店/屋企都會徹底洗多次面) 題外話 個蓋密封得幾好 去完旅行一陣 入面啲卸妝潔膚紙仍然充滿水份🥳

其實呢類型產品個人覺得冇乜實際美白作用，純粹都係用落感覺「美白」左？！但係一包帶出街用真係好方便，特別係出去staycation、travel唔使帶住成支卸妝油，佢基本淡妝都卸得乾淨，濃妝嘅話用多幾張會清潔啲

平時收工去做運動之前會用呢款卸妝紙巾輕輕抹一次面，之後做運動就唔怕比化妝品焗到生粒粒，非常方便

用來卸妝不會黏，但用後還是要用水洗一次。卸妝能力一般，濃妝需要卸多幾次。不過細細包攞出去旅行好方便！

幾好用，好方便快捷，同埋大面積嘅底妝、彩妝都卸得好乾淨，除左睫毛膏可能要整耐小小之外，其餘都唔錯，唔會好hurt塊面

缷淡妝用唔錯，按一陣先擦拭，唔刺激冇敏感，快速慳力，去旅行必備品，十分方便。

濕紙巾有蓋包裝設計令面巾唔會好快乾 每張卸妝巾都夠濕潤 而且夠大張 一張可卸全面 好快可以卸得乾淨 冇殘留感係面 不過我只會係特殊情況使用 例如試妝/急需卸妝 唔會當係日常卸妝品咁用 因為覺得呢類型既產品應該會好多防腐劑 但呢個產品的確做得唔錯 所以有需要時都幫到手 推介大家試試