Gatsby 好用推薦產品

維他他好用推薦：分享吓Gatsby呢一盒粉劑面油紙 面油紙係灰色嘅，如果面有油，吸左就會變深灰色。 呢盒粉劑面油紙，表面上冇任何嘅吸油粉末，所以都唔知係咪真係發揮到效果，但係用完吸咗油之後，皮膚一定會更加乾爽 呢張面油紙嘅好處就係佢面積特大，好大張，可以好大範圍吸走啲面油，同埋佢係一張一張咁抽取，比較方便。 整體嚟講，不過不失啦

killkew.b好用推薦：作為乾肌既我，一直都好小用吸油紙， 一黎以往嘅吸油紙都比較厚身， 容易因係肌膚表面摩擦，對皮膚造成受損， 而且會吸得太多油，會好容易令到塊面甩皮， 尤其係兩側鼻翼處。 之前睇完Blackpink Rosé既介紹呢款吸油紙， 即刻衝左去買！！ 好中意佢附帶粉狀既設計，紙質好薄身， 輕輕一印上面已經可以變成霧面❤️ 使用亦好方便！

TsuenMa好用推薦：#GATSBY 與其話係香體巾，我覺得話係冷感清涼濕紙巾更合適，紙巾一張都夠大，可以夠晒抹手腳、身體，我多數用黎打完波後抹一抹，因為真係好討厭痴笠笠嘅感覺🤣 抹完未必係100%無晒出汗嘅痴笠感，但一定可以令感覺良好些少。 一包有二十幾張，大概就$1.x 一張，打波先用就吾算用得好快同要成日買，應該都會回購。 #追求refeshing感覺嘅必備

Lumi Kwan好用推薦：本身唔係想買呢隻，因為都知應該係男士專用。不過因為要去行山，所以點都買定一包傍身，一打開好勁薄荷味，係人都知係男人用。確實買錯咗係我嘅錯誤，唔可以話包野唔好用，清涼感覺係有嘅，不過我更加擔心嘅係一啲化學效果，所以先至覺得咁清涼。炎炎夏日有一包確係幾好，但我估化學嘢都係唔好經常用。

Nicole 好用推薦：夏日手袋里必備的，這款濕巾能消暑解熱，經它擦過皮膚，除了可以除汗清潔身體，還令肌膚持久冰爽涼快🧊

Giselle 好用推薦：Gatsby 冰凍潔面紙巾 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款算係我身邊好多男性朋友都會買嘅產品，因為佢哋會覺得流汗嗰陣用佢嚟抹汗and臉油會涼啲同乾淨啲≡︎⊂︎( ^-^)⊃︎我自己用完覺得佢係有即時令體感溫度跌咗幾度，夏天一年都真係幾爽\(´ω` )/♡︎不過佢有添加薄荷同酒精成份，如果係敏感肌嘅小夥伴用一定要小心ヾ(｡>﹏<｡)ﾉﾞ另外佢雖然係標榜用嚟清潔臉部，但我用嚟抹臉嗰陣就算已經避開眼睛周圍咁抹，對眼都仲係好揦好唔舒服(⌯︎˃̶᷄ᗝ˂̶̥᷅⌯︎)所以建議小夥伴用嚟抹身or抹臉嗰陣要小心啲(꒦ິ⌑︎꒦ີ)

劉肥貓好用推薦：回購多年 每年夏天必備的產品 無任可香味 身體出汗面部出油 用佢抹一抹 能除去黏笠感 清爽舒服

Karman28好用推薦：出左汗之後，會拎呢包止汗香體巾黎抹身，幾方便，可以當濕紙巾咁用，又有止汗功效。

Tobimak好用推薦：由細用到大的面油紙❤️質地係膠膠地咁，唔會穿窿。吸油力很強，吸油前係粉藍色，吸完油之後會變深色左同透明左，平時夏天都係用一張已經搞掂曬成塊面d油。我出街時有面油而又有化妝嘅情況下都會用黎吸一吸，之後再上返碎粉。而且個packing設計都幾好，有張膠紙仔可以黏起第一張，方便取出。性價比亦相當不錯👍🏻

橘子貓好用推薦：一向有用開Gatsby吸油紙，不過不是用來吸面油，而是用來當作dry shampoo paper幫頭髮去油。這款特強吸油面紙是我匆忙間拿錯了，買了就用下吧！ 包裝開口位有雙面膠紙，每次打開吸油紙就會自動取用新一張，單手使用也幾方便。這款吸油紙材質跟一般紙質不同，摸着有點塑膠感，不知是否這個原因，吸油力特別好，輕輕在臉上印兩印就吸走油光。只用了半張吸油紙就足夠全臉使用。適合大油田。

Kakar好用推薦：出完汗，用呢個濕紙巾抹身，立即唔會痴笠笠，有少少涼感，而且無異味。非常方便，經常隨身攜帶。

Giselle 好用推薦：Gatsby 潔面紙巾 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 同另一款冰凍潔面紙巾相比，呢款陣氣味同冷凍感無咁強烈同持久( ⸝⸝•ᴗ•⸝⸝ )੭⁾⁾佢雖然都係含有酒精同薄荷成份，但濃度係少過冰凍嗰款₍ᐢ⸝⸝› ̫ ‹⸝⸝ᐢ₎最起碼佢陣酒精溝薄荷味無咁突出同我抹臉嗰陣對眼唔會feel到好揦*ˊᵕˋ)੭我覺得如果係認為冰凍款太刺激or陣味太強烈嘅小夥伴可以試試入手呢款相對較溫和嘅產品哦₍˄·͈༝·͈˄₎◞︎ ̑̑ෆ⃛但敏感肌嘅小夥伴仍然要注意佢添加嘅薄荷同酒精可能會令皮膚產生敏感反應(꒦ິ⌑︎꒦ີ)

Yan好用推薦：佢真係同類型產品入邊最冰涼，但係唔係人人受得住，有啲人會覺得好乸，好唔舒服。但係我自己接受能力比較好，所以覺得感覺都唔錯。持久能力都強，係好熱嘅環境噴完真係會有冰涼嘅感覺。 但係最重要千祈唔好噴太多係同一個位，因為曾經噴太多喺背脊，令到背脊乸傷，搞到之後都唔敢再噴嗰個位。所以用嘅時候一定要適量。

格仔餅公主好用推薦：初初因為香港夏天實在太熱，覺得呢樣嘢應該可以令到個人凍啲舒服啲啦，但係佢個噴頭一噴出嚟就勁大撻既，搞到就淨係個撻位特別涼浸浸勁唔舒服，如果佢改善那個噴頭應該會好好多

WSY好用推薦：夏天嘅時候出門前噴一噴落件衫度，即刻覺得好涼爽，甚至會有少少凍！不過效果就維持得唔太耐。呢款有香味，味道都幾好聞幾清新！

劉肥貓好用推薦：春夏天必備產品 直接噴上身 瞬間有好冰涼降溫嘅感覺 非常之舒服 而且佢嘅香味好清新 係長期回購嘅產品

Kitty 好用推薦：熱辣辣嘅天氣，真係靠佢降溫！用呢支噴霧，噴手臂、胳肋底、頸背，甚至心口、大腿邊度熱就噴邊度，真係冇誇張，手指公撳落去唔使兩秒，即刻有股涼氣嗖一聲標出嚟！嗰種凍法唔係表面㗎，係好似成個人由入面開始降溫，體溫唰一聲急跌五六七八度咁誇張，爽到成個人震一震！味道係好醒神、唔刺鼻嘅薄荷味，唔會一陣就冇晒，持久度真係算交足功課，穩陣啲講，涼足20分鐘絕對冇問題㗎。試諗下，香港成40度咁嘅焗爐天氣，行出街分分鐘熱到溶，冇呢支嘢傍住身，真係行兩步都腳軟頂唔順㗎！真係消暑必備嘅救命神器！

Sophia好用推薦：GATSBY冰爽香體噴霧是夏天的必備止汗劑！使用後，瞬間會感受到清新的涼感，特別適合在運動前後使用，能有效消除汗味，保持清爽。冰涼效果維持一陣子，在熱天裡已經好refreshing💙💙💙 這款爽朗海洋的香氣較為中性，男女都可以用，而且香味不會太濃烈，應該大部分人都容易接受～ 同品牌還有其他香味或無味可選，可以揀自己適合的款式！

Giselle 好用推薦：Gatsby 激硬髮泥 50g *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前買俾男朋友用(･`◡︎´･)ゝ雖然呢款產品係可以整到線條感好強嘅髮型，但個髮型唔太持久(⌯︎˃̶᷄ᗝ˂̶̥᷅⌯︎)如果嗰日太潮濕or流咗汗就會令本身gel 好嘅髮型就會塌咗落嚟( ･᷄-･᷅ )另外用完之後仲有啲好奇怪嘅顆粒係頭髮到，唔知仲以為係頭皮屑(●︎`^´●︎)香味就係Gatsby一向嘅香味，無咩太特別*ˊᵕˋ)੭我自己就唔太推薦除非真係秋冬呢啲唔太潮濕唔會出汗嘅天氣先會用(◞︎‸◟︎；)

Kpl6be6好用推薦：偶爾set頭會用嚟撫平毛躁髮絲～持久度幾滿意～但千萬要小心用量～一唔小心用多咗份量會顯得好笠～