Gatsby

瞬間冰體噴霧 (海洋味)

佢真係同類型產品入邊最冰涼，但係唔係人人受得住，有啲人會覺得好乸，好唔舒服。但係我自己接受能力比較好，所以覺得感覺都唔錯。持久能力都強，係好熱嘅環境噴完真係會有冰涼嘅感覺。 但係最重要千祈唔好噴太多係同一個位，因為曾經噴太多喺背脊，令到背脊乸傷，搞到之後都唔敢再噴嗰

初初因為香港夏天實在太熱，覺得呢樣嘢應該可以令到個人凍啲舒服啲啦，但係佢個噴頭一噴出嚟就勁大撻既，搞到就淨係個撻位特別涼浸浸勁唔舒服，如果佢改善那個噴頭應該會好好多

夏天嘅時候出門前噴一噴落件衫度，即刻覺得好涼爽，甚至會有少少凍！不過效果就維持得唔太耐。呢款有香味，味道都幾好聞幾清新！

產品用落真係非常之有涼感，甚至可以話係冷感！噴一下，皮膚即時覺得非常冰涼，涼感最少維持有半小時。建議少量噴，一個位置唔好噴太多下。

小心結冰❄️！第一次使用真有這個念頭，而且是在有空調的情況下試用，之後意會到出門才用阿；遠足或出遊都很適合降溫，而且可以持續到一段時間的

佢呢隻噴霧同埋佢嗰隻抹身 濕紙巾係每年夏天必備品 出街留咗汗用佢抹身抹面即時清爽冇汗味兼有陣陣果香味用呢隻噴霧噴身體立即降溫 冇咗癡粒粒嘅感覺 放喺屋企沖完涼間唔中用佢噴下個身體 時刻保持清涼感覺

呢一隻係噴衫嘅，同埋要出咗汗先會涷 一開始未有汗以為無用，噴多咗好多下，出汗之後涷到癡線 😂😂 夏天噴一兩下真係幾涼爽

去户外活動一定要帶埋呢枝野！噴完件衫之後件衫會好冰涼，可以即時降溫，好舒服，個效果都keep到幾耐，而且仲可以遮到啲汗味，夏天真係冇咗佢唔得。