ELEMIS 好用推薦產品

Viannie好用推薦：一盒有兩種色，朝早用粉紅色玫瑰油，夜晚用綠色薰衣草油，香味清新令人放鬆，非常滋潤，香港天氣只適合非常乾燥嘅日子使用，價格貴相對性價比一般。

miko_83好用推薦：早晨使用粉色玫瑰，晚上使用綠色薰衣草。 味道清新，上臉滋潤，吸收也很快。

zetalhc好用推薦：drone peptide技術可以令皮膚係晚間最佳修護時間做到激活膠原蛋白同透明質酸功效，精準地促進皮膚補充水分同抗老。用左兩次feel到皮膚飽滿左同彈左

Yty好用推薦：Elemis 骨膠原卸妝膏 20ml 💛 Elemis 呢款經典黃色卸妝膏真心係 Spa 級卸妝嘅代表作 用後感 質地係極之豐潤嘅黃油膏狀，喺手心微微加熱後即刻化成絲滑嘅卸妝油，上臉按摩完全零拉扯感，仲伴隨住好治癒嘅薰衣草同洋甘菊精油香氣 溶解彩妝能力極強，連防水眼唇妝同厚重底妝都可以輕鬆溶掉，加少少水就秒速乳化，一沖即淨完全唔會殘留油膜感 裡面注入咗經典嘅骨膠原同植物精油成分，卸完妝之後肌膚唔單止唔會乾澀繃緊，反而摸落去極之柔嫩爆水，好似做完深層 Facial 咁水潤透亮 20ml 迷你罐裝精緻輕便，擺落化妝袋去旅行完全唔佔空間，隨時隨地都可以享受頂級嘅卸妝護膚體驗。 #卸妝部門

YY 好用推薦：10年前試過E字頭的貴價卸妝膏，清潔力強,但當時肌膚還年輕，好怕質厚的產品，用完沒再用了。之後又試過不同牌子的卸妝膏，不是太立，就是推開後不夠軟滑。直至去Elemis買產品滿額送呢瓶玫瑰卸妝膏，才對卸妝膏大大改觀。 首先，清香的玫瑰味感覺很療癒放鬆，質地偏軟身油膏狀，特別在夏天，取出已很快融化，但不影響它的清潔力，我本身是混乾肌，化淡妝，完全冇問題。亁手塗上面按摩十幾下再冲水，便洗得很乾淨，而且洗完塊面有啲嫩滑的感覺。空瓶後會試黃色那款。

natanatalie好用推薦：就快情人節，分享一下提亮肌膚小心得！❤️ 好多時約會都怕會肌膚暗沉，令到個樣睇落欠缺光彩。。。🥹 除左前一晚敷面膜同用多啲highlight之外，我仲有一個小方法，可以令肌膚睇落充滿光澤！🤤 我會喺化妝前用呢個Elemis爽膚水先抹一次全面，再用嚟濕敷！🥰 呢隻爽膚水質地唔會好濃稠，但又有少少清潔效果，保濕度亦好高，用嚟濕敷可以即時為肌膚pump足水份，有提亮效果！😘 濕敷完再化妝，真係會有bling bling亮肌感覺㗎！🙆🏻‍♀️

Yanny好用推薦：我覺得呢隻爽膚水清爽得來夠保濕 而且味道幾清新舒服 但係唯一我不太喜歡是它是用噴嘴形式 有時會唔覺意噴咗落隻眼度會有啲醃眼 可能如果自己換咗個嘴頭，變倒出嚟會更加好 亦都可以用佢嚟做濕敷，加強保濕效果 但整體嚟講我覺得保濕度幾好同埋好快吸收 建議大家夏天使用 冬天就可能保濕強度不夠 要用其他更加潤嘅爽膚水 

natanatalie好用推薦：比較貴但可以在換季時令肌膚回復穩定的面膜❤️ 價錢比較貴，是塗抹式的面膜，敷上面有少少涼涼地嘅感覺！由於我的面比較大，而且我認為厚敷才有明顯效果，因此每次也會用很多，成本分分鐘比片狀面膜更高。😎 但是不得不稱讚這款面膜的效果非常明顯，我在轉季的期間生了不少暗瘡和粒粒面部也因為濕度時高時低而免泛油光，但這款面膜可以鎮靜和舒緩這些暗瘡，減少油光，用後肌膚狀態比較穩定，也沒有那麼容易出那麼多暗瘡和粒粒！😜

Nicole 好用推薦：這款乳霜是我近期夜間保養護膚的必備品。 質地看似豐潤，但取適量於掌心溫熱乳化後，會轉化成輕盈絲滑的質感，再輕柔按壓全臉與頸部，非常容易推開，接觸肌膚的瞬間能感受到深層滋養，吸收後卻不會有油膩黏悶感，並帶有品牌經典的舒緩香氛。 最明顯的效果是隔天醒來，肌膚飽滿有光澤，乾燥細紋被撫平，觸感特別柔軟彈潤。持續使用下來，覺得臉部輪廓線似乎更緊緻一些。

Applebowl好用推薦：已經第二次回購，官網不時有優惠。Elemis 我試過好多產品都好滿意，味道清新，用落好舒服。Face cream 保濕不錯，易吸收，效果明顯。

Viannie好用推薦：滿適合乾性皮膚在冬季極乾燥時用，一向非常鍾情這牌子的獨有香味。 質地細膩，容易推開，用後感覺有鎖緊面部水份，唯獨是價格較高

zetalhc好用推薦：呢個產品可以防藍光，加強皮膚日間防禦力，延緩皮膚衰老同同緊緻皮膚。同埋入面嘅成分可以深層補水，後續搽防曬或者化妝都覺得幾貼服

Lumi Kwan好用推薦：份量很足夠，平日我會日夜都用，官方用法是可以做眼膜，但亦有建議化妝前薄塗。即使使化妝前用，都已很快吸收，不會阻礙到上妝。用了大約兩星期覺得眼紋有改善。一瓶份量大概可以用兩至三個月。 

Noel好用推薦：ELEMIS 產品是我的愛用品，而且我覺得產品對我挺有效的。這罐眼部保養品一物二用，的確加分❗可以用，左凝膠眼霜，或者厚塗敷 overnight 👍產品呈淡黃色，是比較濃稠的 gel，味道沒有加分。塗到眼部，感覺水潤，滋潤感覺持久。使用後眼周皮膚很舒緩，有充電效果，可惜價格較高，不捨得常常敷眼。

Hamiii好用推薦：Sogo減價 又試新野 👍🏻 elemis係英國老品牌 卸妝膏非常好用 Sales又sell其他product 幾款我都買晒 慢慢用😌 首先好重要‼️ 真心唔好輕易打側樽身 超易漏🙂‍↕️ 呢款人參base既toner 其實一d都唔覺有人參味😂 濕敷效果唔錯 吸收度幾好 妝前敷一敷可以幫皮膚做好個打底 令到皮膚好有光澤感 唔錯😌

lauraqq好用推薦：Elemis Rehydrating Ginseng Toner 爽膚水有淡淡香味 但唔係好覺係人參味 好保濕，秋天用都唔會好乾 但樽口設計有問題 打橫放會流出嚟（已經擰實）