SABON

舒活薄荷清新瑩亮2合1 面部磨砂潔面霜

講下我賣到斷貨嘅超好用冷門品牌！ Sabon呢個牌子我買咗兩年幾， 真係個個用過都必定比好評！ 係冷門得嚟又賣到爆煲🔥！ 呢支面部磨砂膏而家冇盒特價先百零蚊人仔 原價要300+，用完塊面滑溜到呢～治癒到爆！ 仲要個樽真係靚到不得了！ 磨砂玻璃樽加淡紫色膏體， 完全擊中少女心啊！ 支磨砂膏係二合一面部清潔， 即係磨砂+洗面奶二合一， 裡面乳白色膏體就係洗面奶， 質地似足雪糕咁滑溜。 我嘅用法：整濕塊面後均勻搽上臉， 加少少水輕輕按摩， 唔使似其他清潔面膜要等十分鐘， 按摩得七七八八就可以直接沖水。 海鹽磨砂粒子大部分都好細， 間中會有幾粒大嘅參雜裡面。 洗面奶都好溫和唔起泡， 乾性敏感肌都可以放心用。 官方冇寫一星期用幾多次， 我自己覺得當清潔面膜一星期一次就差唔多。 真心推介俾大家！！

我好中意薰衣草陣味，可以令人安定心神，改善焦慮同放鬆等功效而且味道仲好好聞添，所以見到哩款磨砂面霜就心郁郁想試 為肌膚磨砂清潔係每個星期都要做既事，普通磨砂建議每星期用一至兩次可以清除角質令皮膚更加乾淨同埋吸收後續既保養產品會更加好 哩款磨砂潔面二合一性質溫和，唔會對皮膚做成負擔或者使用過度會傷害肌膚，可以每日都使用 當中天然荷荷巴磨砂粒可以為肌膚去除角質、淨化毛孔，亦含有死海礦物質同復活草精萃可以為肌膚作平衡同補水 磨砂洗面係呈薰衣草紫好夢幻，取量唔需要好多都夠洗全面，我會取大概$5銀份量既磨砂加少少水溝埋之後就開始上面打磨，係重點位置T字位、下巴位打圈，沖洗之後就會覺得好滑捋捋既感覺

官方稱佢係面部潔面霜，可每天使用。雖然佢既磨砂膏幾幼細，摸上手得食鹽咁細粒，亦好滑身，但我都唔敢日日用😂皮膚狀態好既日子會一星期既早上用2-3次，順便洗面。夜晚要落妝/卸防曬所以就用唔著啦，廢事刺激皮膚太多啦！ 佢有薄荷粒子，邊用邊涼浸浸，其實都幾舒服，冬天朝早用過，非常醒神😂用後都保濕，皮膚細滑！ 如果想朝早用物理磨砂既話，可以考慮入手！但Sabon同類型既產品我會考慮買死海三合一面膜多d，因為可以做埋深層清潔！！

哇！我宣布呢支係我用過最溫和嘅磨砂膏！ 轉季皮膚又乾又粗糙，上妝成日卡粉。試咗Sabon呢款之後，真係打開新世界大門！ 質地QQ彈彈好容易按摩乳化，一啲都唔刺激 用完超舒服，塊面滑到好似剝咗殼嘅雞蛋咁，摸落去軟淋淋仲有天然香味，每次用都好似做緊SPA咁。 姊妹們衝呀！去黃提亮效果真係一流！💯

已買過很多次，薄荷感覺清涼。 清完後面部皮膚很滑，易敏感的我，微細的磨砂粒子沒有引起泛紅，很理想的深層清潔產品。

已經用過兩罐。好鍾意佢砂粒夠細，上面唔會太粗。另外，我最鍾意係佢薄荷嘅cooling effect。夏天用完塊面勁舒服！

係日本旅行時購買,五算真係好抵。因為唔鐘意薰衣草味，所以揀左薄荷味。薄荷味好清新,不過冬天可能會覺得太涼。用後皮膚唔會有敏感情況出現,但覺得磨砂的效果唔太明顯,可以當一般洗面用。

sabon 2 in 1face polisher 磨砂同埋去角質功能， 個人覺得磨砂粒粒比較粗(相比sisley黃色嗰支洗臉)， 但sabon 味道聞落就怡人啲。

好清涼的磨砂洗面，好refresh，適合早上使用。平時會係出油的T字位使用，感覺係比較溫和既磨砂。

本身都好鐘意薄荷產品，貪佢可以鎮靜肌膚同埋有一陣薄荷涼感好舒服，磨砂完感覺額外乾淨清爽，之前用過薄荷味，後來想試埋薰衣草，薰衣草都有舒緩香氣,但係始終薄荷係最愛

佢陣淡淡地既味好香好好聞，唔會攻鼻。如果朝早用好refresh。同埋佢有細細粒唔粒既粒子可以去埋角質，用完塊面亦唔會乾

有粒粒嘅磨砂喺入面，覺得去角質唔錯，但係磨砂比較大粒，一個星期最多只可以用兩次，否則比較容易傷皮膚

用過4個迷你試用版，沖涼時用上面、有多用在身體關節位，一罐用多😍 仲可以和另一半沖涼時互相幫用😌 係一個令大家沖涼時有啲野做的好物😂 薄荷感重，用完面部涼陣陣，夏天用好清涼！ 要講唔好，就係有時用完下一日會生粒粒 （本人油肌）

愛用同款的薰衣草味已有數年，也回購過幾罐，最近收到 VIP 的每月禮物終於有機會試試薄荷味。平時甚少用薄荷味的產品，這款感覺偏溫和，雖然也有一定的涼感，但不是那種非常刺激眼睛和呼吸的氣味。   磨砂粒偏幼細和軟身，非常適合用作按摩T字位及下巴位置。沖洗後會像有薄薄一層膜包複臉部，而且充滿薄荷的涼感，

係美國官網購入，玫瑰都係期間限定。打開好治療，好香好真實玫瑰，讚！我第一次用佢，覺得超級正，用完超滑。但我發現用多幾次，第二日起身肌膚冇咁好，用其他牌子磨砂冇哩個體驗