The Ordinary

AHA 30% + BHA 2% Peeling Solution

The Ordinary呢支AHA 30% + BHA 2% Peeling Solution，係我其中一樣好鍾意嘅product 👍！佢堅係work，一定會回購 初初見到佢嘅質地真係有啲嚇親，係血紅色嘅，搽上臉驚嚇感十足。講到使用感，如果臉上有甩皮，啱啱支完暗瘡有傷口，係會乸同刺痛，同埋如果臉上有水唔係完全乾身，上面會有火燒咁。所以脆弱肌膚千祈唔好試。呢支嘢好鬼勁，一定要跟足指引，每次敷唔超過10分鐘就要洗走 佢係一支好高效嘅酸類去角質煥膚產品，可以去除皮膚多層角質，對付粉刺同暗瘡好有效。我係一個星期用2次，用咗一個月左右，真係覺得皮膚滑咗，膚色均勻同光澤咗。缺點就係佢真係好刺激，一定要慢慢建立皮膚耐受度，新手同敏感肌要特別小心。 但佢咁平，都值得買嚟試下，除咗面之外，敷落armpit位都唔錯😌，真係會白滑啲！用完佢之後記得要做好保濕🧴

好似血甘既顏色，味道不太好，搽薄薄地一層係臉，頭幾次用時會好似針拮甘，洗完摸落平滑左同亮白左，缺點係比較刺激性

暫時用咗5次，呢枝紅酒色嘅peeling solution係當面膜用，記得頭1、2次用搽上面會有吉吉地嘅感覺，所以搽上面6分鐘就會洗走佢，洗走之後會明顯摸到塊面滑左👍🏻

建議第一次使用用在面部T字位先,頭幾次使用會感覺有刺刺的感覺,用多幾次次數之後這種感覺慢慢減退!感覺出油毛孔位置，有閉口的地方都有改善 使用後皮膚感覺有光滑

雖然，佢上臉好刺激，尤其係爽膚水未乾，用佢，一定會覺得好"那那地"，而且用完佢之後，對於係乾性肌的我來講，係好乾，需要再敷補水面膜，程序上麻煩咗。 但係，係面對毛孔大，粉刺多，用佢真係清潔得好好既，皮膚摸上去會特別滑左💗 如果係敏感性皮膚，就要小心d 用佢。

呢支peeling solution我會當面膜用，喺有粒粒嘅位薄搽一層，等5-10分鐘再洗走，一星期用兩到三次，會感覺到粒粒少咗皮膚平滑左。不過，呢支AHA同BHA嘅濃度較高，對於敏感肌嘅人較大刺激會有刺痛嘅感覺，要謹慎使用。

這支果酸精華的刺激性相當的厲害，我（油敏肌）用了一次就停了，所以轉贈老公。 高濃度復合果酸，能夠有效改善皮膚粗糙、閉口、暗沉等問題。對他來說，使用幾次，皮膚會變的平滑，黑頭、毛孔粗大等問題也會很大程度的改善，好像比較適合城牆皮使用。 用完切記要做好補水修護，防止皮膚屏障受損。

注意用酸類要建立耐受性，因為這支的AHA percentage還是蠻高的 我主要用在T位，毛孔粉刺較多的地方 一星期用一次效果有見到的，但是因為我本身也有美容，所以就後來就比較少用

- 見外國好多好評，AHA 是水溶性，而BH水楊酸是脂溶性，可有效去除肌膚多層角質，消滅粉刺痤瘡，讓膚色均勻亮澤。定期使用可改善肌膚紋理，淡化撫平細紋。 - 質地係紫紅色嘅液體，果酸會令皮膚有點刺刺，可接受範圍，敏感肌必須先從小份量試試 - 我用完分別唔大所以冇再回購。

早前打算試AHA產品，做咗唔少research最後覺得the ordinary呢支性價比最高，加上第一次用aha產品唔敢買咁貴試下先。到目前為止我用咗5次左右，我一星期用一次。 呢支peeling好得意，血紅色咁好似搽緊血上面，質地類似比較水嘅精華咁，大約5-6滴就可以搽勻全面。 由於佢比較刺激，我

濃度啱啱好用嚟治啲暗瘡或者去黑頭都好有用，如果有啲粉刺都可以去到，最鍾意做完深層清潔面膜先再用佢，超work

之前有荷爾蒙失調令我一直都有暗粒，暗瘡問題，再加上呢兩年要戴口罩，口罩肌嘅情況當然亦有出現係我身上啦！呢枝AHA有成30%，效果比起gel plus更顯著，令到啲暗粒/暗瘡快速消除！但價錢只係它嘅1/3🤫🤫🤫，絕對會回購！

留意乾性皮膚最好只用在Tzone啊！ 試過很多peeling ，去角質產品。 優點： - 令到粉刺/油脂粒浮面 - 用了2-3次後，頑固粉刺可以用針輕輕推走 - 皮膚變平滑 - 因為毛孔乾淨了，所以毛孔變細✌🏻 缺點： -乾性皮膚不友好，用在兩頰會很乾，我只能可以用在Tzone 及鼻翼跟面部

酸類成份較高 我多數會在皮粗的位置使用 如鼻子出油強的位置 其他位置我是不太敢用

一搽上面, 就有很刺痛的炙熱感覺, 所以我只敷了5分鐘就忍受不了, 要洗去面膜。但當我第二次用的時候, 刺痛感覺已經有所減少 用了幾次, 皮膚真的光滑了, 暗粒也少了很多 因這面膜含高濃度果酸, 所以我每次敷完, 都會敷蘆薈gel舒緩一下皮膚 這面膜絕對不適合敏感肌, 或者皮膚脆弱人士