The Ordinary

AHA 30% + BHA 2% Peeling Solution

早前打算試AHA產品，做咗唔少research最後覺得the ordinary呢支性價比最高，加上第一次用aha產品唔敢買咁貴試下先。到目前為止我用咗5次左右，我一星期用一次。
呢支peeling好得意，血紅色咁好似搽緊血上面，質地類似比較水嘅精華咁，大約5-6滴就可以搽勻全面。
由於佢比較刺激，我一定會避開眼周唔搽，啱啱上面嘅時候，我面兩邊會有輕微嘅拿拿地、痕痕地，不過我覺得冇乜野。
最多只可用10分鐘，我因為皮膚係中性偏乾，我用大約8分鐘就會洗走。洗走完皮膚唔會泛紅or痕，證明我對呢支peeling係冇敏感嘅。用完嘅即時效果係見到毛孔收細咗好多，皮膚望落好光滑好乾淨，不過要即時做返保濕，因為會feel到有時乾。
咁總結一下用咗幾次嘅感受，最明顯嘅感受就係覺得皮膚會乾淨咗，其他方面未有太大感受。不過我覺得唔錯，因為佢價錢唔貴，當一星期一次嘅清潔用幾好。但係我覺得未必個個啱用，因為連我自己本身皮膚極少機會過敏嘅人都覺得有啲刺激，建議大家考慮清楚先買（不過其實價錢好平）