NARS

Light Reflecting 原生光亮肌粉底液

非常感謝cosme送咗呢支Nars Light Reflecting Foundation比我試用☺️💕自從戴口罩成日常後都好耐冇買新粉底，因為依加要睇埋易唔易印到落口罩😂😂


我手上嘅色號係L4 Deauville，非常適合我嘅膚色🤭我係黃皮偏白，佢剛上手會睇落白啲，過咗一陣就會變深色少少（少少only）所以大家買嗰時最好放上手一陣先☺️

👇比大家睇下我皮膚冇上任何底妝產品嘅狀態先🙈👆雖然冇乜特別大嘅皮膚問題，但可以見到黑眼圈同膚色不均（特別下巴位置）

👇跟住呢個係上咗Nars粉底嘅效果🤭👆遮瑕度非常好☺️妝感睇落都好自然，黑眼圈遮得7788，膚色不均嘅問題都解決咗💕
👆如果唔上碎粉，係睇到個自然透光效果非常好💕唔係近睇細心望都唔覺得搽咗粉底🤭
👆比多個上妝後嘅close up大家睇☺️


👇👇👇出街全日後，過咗大約8個鐘嘅妝容，keep得好好！口罩都冇乜粉底印🙈👇👇👇
⭐總結：
質地輕盈易推，但遮瑕度卻非常良好，大約都遮蓋到七八成黑眼圈。
我的眼底是非常乾，但用佢都冇話特別顯乾紋，保濕度剛剛好，我頭鼻本身好易乾到甩皮，但用佢出咗全日街都冇甩。
妝感是名符其實light reflecting~有自然光澤，好似本身皮膚就幾好嘅感覺，上多一兩層都冇話特別厚粉。
持久度都足夠支撐全日，T zone都冇乜出油，呢個天氣我覺得啱啱好，因為唔需要特別控油（加上我乾肌）。
呢支粉底我覺得幾適合所有膚質用，因為佢遮瑕力足夠，保濕剛剛好得嚟又唔會搞到令立立、易出油咁（因為就算我乾，有時tzone都會出少少油）油肌唔會用完做運動嘅話，我覺得都足夠應付大半日🤔
整體感覺都好自然好萬能嘅一支粉底，會繼續用落去😚💕