找產品
妝感透薄 推薦好用產品
1,219 件
🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特
<看全文>Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。
<看全文>
YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。
<看全文>Hellobeauty 好用推薦：KATE 怪獸級持色唇膏係我回購咗好幾次嘅唇膏產品,而我情有獨鍾03號暖陽奶茶色 我絕對認同呢個產品係好保濕,好顯色；我平時鍾意查一層營造有色潤唇膏嘅效果,喺無化妝嘅時候,只塗一層已經可以提升氣息,同時又唔會誇張唇色成為焦點,低調地令自己開心啲 而且我感受到佢嘅保濕技術,令到我本身偏乾嘅唇,突顯脫皮嘅情況,只會出現持久水光感的感覺 溫馨提示:因為佢係極水潤嘅唇膏,呢個絕對係佢嘅賣點,所以我從來唔會用其他唇部產品疊查上去,否則我覺得太浪費佢功用啦😂
<看全文>
Bendict好用推薦：我係敏感肌偏乾 之前天氣乾燥 用其他品牌碎粉定妝嘅時候發覺有啲位有乾紋😅 所係網度睇左咗幾日 究竟買咩品牌碎粉 因為我偏好日本品牌 忽略咗個大家都聽過嘅牌子 LAURA MERCIER 本來只係抱著試一試既心態 但估唔到盒碎粉好用到超出我預期 我用嘅色號係Translucent透明粉質好細 好滑 我用過嘅碎粉中最幼滑 我LM嘅碎粉定妝 天氣極乾嘅時間真係無顯細紋 而且修飾毛孔效果超出我預期咁好🙀 下圖 唔係誇張一秒磨皮 唔使開filter🙀🙀持久度方面 用完呢個定妝 我試過大概6個鍾多少少開始微微出油 但唔影響妝效😺 優點講咗 但真係有缺點 1. 冇附送粉撲 我另外買其他牌子粉撲放唔落 就算放到落去都係會倒太多碎粉出來 控制唔到取粉個量 2.粉盒設計好陽春 其他品牌已經有濾網設計嘞 每次倒過多出嚟 要晒好長時間 搖返啲碎粉落底層🫠如果佢有濾網設計 真係值7粒星100分✅冇濾網加粉撲所以扣左星星😿 不過性價比真係好高 29g 其實價錢等於兩盒其他品牌嘅碎粉 妝效亦真係非常好 所以推薦👍😺
<看全文>YYeman好用推薦：Laura Mercier 柔光透明蜜粉使用心得 ⭐️產品質地 · 粉質超細：一打開盒就見到啲粉好似煙咁輕，完全冇厚重感。上臉之後係「零粉感」，唔會卡紋或者積粉。 · 透明冇色：雖然叫「透明蜜粉」，但其實真係冇乜遮瑕度，主要係用來定妝同柔焦，唔會改變底妝顏色，適合鍾意自然妝感嘅人。 · 柔焦效果一流：上完粉後，毛孔同皮膚紋理會即時變得模糊，有種「自動美圖」嘅感覺，但唔會假面。 ⭐️控油同持妝度 · 中等控油：對於混合肌或乾肌嚟講，佢嘅控油力足夠，夏天可以撐到4-5個鐘頭（T位會少少出油）。大油皮可能就要中途補妝。 · 持妝力強：就算出咗油，都唔會溶妝或者斑駁，反而有種「愈夜愈靚」嘅融合感，唔會成塊粉浮起。 ✅ 優點： · 自然透薄，唔會面具感 · 柔焦毛孔效果明顯 · 適合大部分膚質（特別係乾至混合肌） · 一盒好耐用，性價比高 ❌ 缺點： · 冇遮瑕度，追求修色嘅人要搭其他產品 · 盒內冇跟粉撲或掃（要自己配） · 大油皮夏天可能覺得控油未夠強 ⭐️總結 如果你鍾意自然、輕薄、天生好皮嘅妝感，呢盒蜜粉真係值得試！尤其適合日常妝、偽素顏，或者怕粉感重嘅人。雖然唔係極級控油
<看全文>
布吶吶好用推薦：好！今次同大家做一個 NARS 胭脂嘅測評，重點講吓經典色號 Deep Throat。佢同 Orgasm 一樣咁出名，但係有啲微妙分別㗎！ 整體評價： Deep Throat 係 NARS 最受歡迎嘅色號之一，屬於 帶細緻金閃嘅蜜桃粉紅色。相比 Orgasm，佢更低調、更日常，閃粉無咁誇張，顏色也更偏蜜桃一啲，被唔少人稱為「更貼膚、更自然嘅 Orgasm」。 詳細測評 1. 顏色與質地 · 色調： 係一隻 暖調蜜桃粉，帶有細細嘅 金色珠光。上臉後顏色非常貼合皮膚，唔會突兀，好似本身皮膚透出嘅紅潤感。 · 珠光： 金色珠光好細膩，唔會好誇張，光澤係 低調嘅絲緞光，唔會顯毛孔，反而有種皮膚好好嘅感覺。 · 粉質： NARS 嘅粉質出名幼細、順滑、貼服。壓粉實淨，但唔難取粉，顯色度屬於 中等，可以慢慢疊加。 2. 上妝效果 · 自然度： ★★★★★ 融合度極高，顏色同光澤都好自然，偽素顏神器。就算係化妝新手都好易掌握。 · 光澤感： ★★★★☆ 金色珠光低調得嚟又有效提亮蘋果肌，營造健康光澤感，唔會好似「十八銅人」咁金閃閃。 · 持久度： ★★★★☆ 持久度非常好！一
<看全文>莓莓好用推薦：提起NARS胭脂，好多人會即刻諗到「高潮」、「深喉」呢啲大熱色。但其實佢哋仲有一隻「Sex Appeal」，係資深化妝友同新手之間一個心照不宣嘅秘密。 望個名好有遐想，好似好熱情？錯啦。打開盒一睇，顏色淡到呢……「吓？有冇擺錯色啊？」係好多人心入面嘅第一個疑問。 但呢份「淡」，正正就係佢嘅魔法。佢唔係要你一眼睇到嘅鮮豔，而係要俾你一種 「睇唔出但有咗就唔同晒」 嘅感覺——好似晨跑完微微泛紅嘅面珠，又或者係冷氣房坐耐咗，面頰自然透出嘅一絲血色。 冇閃粉，冇珠光，就係一舊純粹嘅啞緻蜜桃粉。如果你成日覺得自己一搽胭脂就變「一嚿」、或者永遠失手變關公，咁呢舊嘢，可能會成為你化妝袋入面，最唔起眼但又最唔捨得冇咗嘅寶藏。 包裝： 典型NARS黑膠盒，型係型，但好黐手指模同塵，要成日抹。細細個易拎出街，但冇跟掃，要自己配。 顏色： 真係好靚好自然嘅蜜桃粉，帶少少杏色。望落去好似好淺，但搽上塊臉度，係一種「好似自己面色咁」嘅紅潤，睇落好精神，完全唔會「一嚿嘢」或者誇張。啞面嘅，冇閃粉，好日系feel。 粉質： 粉壓得幾實，好幼細，唔會飛粉。上臉好易推勻，同皮膚融合得好快。 效果同點用：
<看全文>
Suki好用推薦：Laura Mercier 柔焦保濕蜜粉用咗幾次之後，真係無得彈，十級好用！呢款蜜粉唔單止柔焦效果一流，仲可以做到保濕，真係完全符合對蜜粉嘅所有期待。 首先講佢嘅柔焦效果，蜜粉質地極度細緻，輕輕掃喺面上，就好似畀皮膚加咗一層濾鏡咁，毛孔即刻被隱形，皮膚變得好平滑，絕對係「磨皮神器」。但更加值得一提嘅係佢嘅妝感非常自然，完全唔會有假白或者扁平嘅感覺，仲會保留住皮膚嘅若隱若現嘅光澤感，靚得嚟好低調。 再嚟就係佢嘅保濕度，呢款蜜粉完全唔會令皮膚覺得乾燥，反而有一種輕盈嘅水潤感，特別適合乾性同混合性肌膚。即使化完妝幾個鐘，皮膚都仲保持住一個柔軟水潤嘅狀態，無卡粉，亦無浮粉，真係好貼服！ 而且，定妝效果亦非常優秀，輕輕掃一層就可以牢牢鎖住底妝，控油力適中，唔會令妝感過於乾爽，但可以有效防止底妝脫落，連戴口罩都唔怕底妝移位。
<看全文>Kala好用推薦：LAURA MERCIER透明蜜粉真的神！超細緻如空氣，一撲上去毛孔直接消失，肌膚瞬間變得霧面絨緻又透亮～混油肌用半日會開始出少少油， 用紙巾印走油就可以保持妝感，唔會浮粉，少少奶油肌感覺。已經用緊第二盒，會繼續使用。
<看全文>
Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！
<看全文>lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～
<看全文>
Chloeincosme好用推薦：呢排終於試咗傳說中嘅 Charlotte Tilbury 四色眼影盤（買完平替excel1最後都係忍唔住入手CT😂），果然名不虛傳，易上色唔飛粉，閃粉比Excel大粒少少，歐美感重啲，但又可以輕鬆畫到近期好興嘅「白開水」妝容♥️ 🤍 粉質與顯色：5/5 粉質細滑如絲，一掃就上色，暈染度超順手～深色夠實淨，淺色透薄有層次，即使新手都輕易畫出專業感！ 🤍 閃粉效果：4.5/5 閃片比Excel更璀璨，顆粒稍大但唔會飛粉，厚搽光澤偏歐系華麗感，但用指尖輕拍眼頭或臥蠶，即刻變溫柔韓系水光～ 🤍 實用度：5/5 配色設計聰明，跟住官方教法三步驟就完成日常妝，濃淡皆宜！想要「白開水」妝容的話，用啞光色打底加少少閃片點綴已經好清透！ 🤍 持久度：4.5/5 帶妝10小時都冇積線或褪色，閃片依然緊貼眼皮，油眼人都撐到一日！ 總結： 如果預算允許，CT眼影盤絕對值得投資！佢完美平衡咗歐美顯色度同亞洲清淡妝感，一盤搞定多種風格♥️
<看全文>pinky好用推薦：自購左2次，買黎送比朋友1次😆 以前覺得眼影唔使買專櫃級 但CT眼影系列質地好幼滑 顯色度高 好易攞粉🎨 而且每盒顏色配搭都十分好看😍 一盒就輕鬆化曬成個眼妝 岩曬d對眼妝無咁熟練既靚女們♪( ´θ｀)ノ 而家佢地既閃粉格真係好sharp好出色！！ 拎黎做highlight都得 雖然價錢貴少少 但經過呢2年使用後又覺得都值得 好過買左盒平野完全唔用/唔記得左 因為好用既產品唔使刻意自己都識搵出黎用呀🫶🏻😆 黎緊年尾咁多party 各位可以考慮入手haha(≧▽≦)
<看全文>
wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！
<看全文>🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品
<看全文>
Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕
<看全文>Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。
<看全文>
布吶吶好用推薦：Laura Mercier水光粉底霜 轉季皮膚乾燥，入手了這個粉底霜！ 上臉是水光妝感，很滋潤！ 乾皮用肯定夠了 油皮估計不行 會有點過於滋潤 我是正常膚質 對我來說滋潤度很好不會乾也不會油 遮瑕還是有一丟丟的 不過就真的是一丟丟 只能遮點鼻翼的泛紅和不嚴重的黑眼圈 但它毫無粉感 塑造的是自然好皮的感覺 我覺得這個不需要用粉撲 直接用手擦一擦就搞定 因為我買這個本身的訴求就是不想那麼麻煩擦防曬擦粉底的時候擦一擦就出門 目前用下來非常滿意 我臉上基本沒有瑕疵 所以我覺得這個比較適合本身膚色、皮膚狀態都很好的盆友 是不能指它能有太大的作用的 我用下來沒有悶痘、閉口，兩片卸妝棉就可以擦的很乾淨 我買的顏色是最白色 也不會太白 （我本人很白 色號是櫃姐給我選的 不是我自己要最白色的）擦上很自然 總結一下 皮膚好的小姐姐不想化全妝、想隨意出個門、想氣色看起來好點、像偽素顏可買！ #轉季#換季#水光妝
<看全文>Emma W好用推薦：潤色粉底的1N Birch 好適合我的膚色。一搽上面上，質地輕盈，水潤，易推開。搽後感覺自然透亮，有種「偽素顏」的感覺。另外，其有防曬功能，SPF30+++，提供基本防曬，減少塗抹額外防曬的需要，減輕肌膚負擔。 但是，遮瑕力度有限。如毛孔、黑頭、黑眼圈就覆蓋唔到。持妝力也一般般。夏天出汗大，要經常補妝，都係一種唔太方便的因素。可能秋冬天使用會好少少 #火熱新品
<看全文>
Wuxx好用推薦：遲左少少系列～ 因為手上太多粉底未用哂所以遲遲未開黎用， 終於可以打使用心得～ 產品初上市嘅時候已經即刻去左專櫃試色， 當初已經對佢個外形設計超級心心眼！ 打開仲要係我最最最鍾意嘅濾網設計！ 所以二話不說入手左！ 開封到依家使用約一星期左右， 打開第一下係睇得出嘅水潤感， 而粉撲都幾好用，夠軟身， 不過都係有少少食粉情況， 但對我黎講問題不太大。 氣墊濾網個人認為有發揮好作用， 按壓出嘅粉質非常幼滑， 平時用氣墊粉撲需要費時去修飾毛孔， 依隻水潤粉質更容易自己填入毛孔，非常加分！ 而遮瑕方便都去到6-7成，上面係半水半霧面， 鍾意自然肌感嘅朋友可以考慮下依隻粉底。 冷氣房每日持妝約10小時，未見有收乾情況， 不過室外用就唔係好控油，需要注意。 另外暗沉方面唔明顯，約暗0.5色階。 整體使用感滿意，但如果有埋防曬功效會更好～ 咁就可以帶埋出街補防曬😗**是次購入色號為1C色
<看全文>Fng好用推薦：Charlotte Tilbury 的夢幻柔光粉氣墊妝效主打光澤感，而非全霧面，增加肌膚光澤感，沒有粉感過重，質地較水潤，妝感薄透自然。它屬中度遮瑕，可疊加，我覺得對日常妝容足夠。我混合偏乾肌膚，沒有卡粉，自然光澤，提升肌膚飽滿感，視覺上減輕乾紋。 夏天炎熱天氣下，我會定妝，用控油型透明蜜粉（如 Laura Mercier)，在濕度相對低一點，溫度涼爽些的日子，這款氣墊對我混合偏乾肌會更為適合，持妝挑戰較小。 在香港炎熱潮濕下，如果是油肌，較容易出油，這款氣墊的光澤感可能會讓T區在幾個小時後看起來更油亮，甚至可能加速脫妝，尤其在沒有做好妝前打底和定妝的情況下，T區可能較快融妝。 總體來說，這款氣墊對混合偏乾肌比較啱用，但在夏天使用，需要搭配額外的控油和定妝步驟來應對。如果怕麻煩或對持妝度要求極高，可能需要考慮更控油持久的產品，或者只在秋冬季節使用它。 #夏天
<看全文>
布吶吶好用推薦：今次同大家分享我嘅新寵——日本Excel四色眼影盤SR04！✨ 真係要講句：呢盤簡直係我嘅「本命眼影」！作為每日返工必備嘅裸色系，佢嘅溫柔感真係驚艷到我啊～每個顏色都靚到「絕絕子」，點搽都唔會出錯！ 我前排成日見到人推，忍唔住手即刻入手🤭 用落真心覺得太方便！粉質細滑到呢～連手指都可以輕鬆暈染開，趕時間嘅朝早真係救星！懶人同新手必備！ 整體色系：暖調裸米色系，帶極細微嘅粉調，偏向「日常氣質型」 1. 左上角（A）： 啞光米白色 · 近乎膚色嘅淺米白，主要用作打底均勻眼皮色，或者提亮眉骨。粉質非常薄透。 2. 右上角（B）： 緞光淺膚棕色 · 帶極細微珠光嘅暖調淺棕，係全盤最常用嘅「主色」。上眼自然加深輪廓，有微微光澤感。 3. 左下角（C）： 微閃深棕色 · 帶少少金閃嘅暖深棕，適合暈染眼尾或當眼線色。閃片極細，唔會誇張。 4. 右下角（D）： 細緻香檳珠光色 · 低調嘅香檳金閃片，濕潤感強。點綴眼皮中央或眼頭，增加立體感。 粉質特點： 1. 絲滑軟糯似「牛油」 · 摸上去係一種 濕潤又綿密 嘅觸感，完全唔飛粉。日系開架中少見嘅高級粉質。 2. 顯色度恰到好處 · 屬於 中度顯色
<看全文>Fng好用推薦：日本開架王者Excel 4格眼影一直係OL同學生黨最愛，號稱「平價版Lunasol」，主打「零技巧都能畫出日系透明感眼妝」！我買咗SR06，暖調玫瑰棕，熱賣色。 我上妝無打底直接上，手指+附送海綿棒 。 💟優點: 粉質軟糯似專櫃，摸上手似「濕粉」咁順滑，完全唔飛粉。日系清透光澤，最淺格嘅珠光超細緻，唔會閃到盲，偽素顏心機妝首選！ 冷氣房8小時冇積線，出街2小時微微溶妝但冇變熊貓眼。趕時間用手指亂抹都均勻，深色格畫眼線仲唔甩色，懶人恩物～ ❌ 缺點:顯色度偏自然，想要歐美cut crease效果會唔夠力，要重複疊擦3-4層先明顯。 深色格較乾，最深色格粉質冇其他3格咁軟，乾肌用可能少少卡雙眼皮摺。 🌞 香港夏天適用度 - 混合肌：直接上妝已夠用，持久度合格！ - 油眼皮：一定要打底，否則半日後漸消失 📢 總結 Excel 4格眼影絕對係「開架價錢，專櫃質感」！尤其適合香港夏天追求快速+自然妝效嘅女生。雖然油眼皮要打底，但整體性價比超高，難怪長期霸佔cosme排行榜！ 開架中無敵手！真係平靚正～ #日系眼影
<看全文>
Sanna Cher好用推薦：使用產品色號2，比原生膚色白晢，需要在化妝掃塗抹後，再使用海綿粉樸輕拍完妝。 粉底質地跟乳霜相似，但延展過後並票須使用大量塗抹，一泵以內就可以完成步驟。使用妝前乳後的肌膚。塗抹粉底後，未塗上遮瑕膏，見肌膚膚色有明顯提亮以及均勻膚色，由於是霧面質地，所以光澤水光感不強，但完妝後的效果甚為驚喜。完妝照片，見整體妝容帶粉嫩，而並不是只有亮白的效果。粉底效果是完妝比單獨塗抹高。
<看全文>Kmggigi好用推薦：Armani Power Fabric+ Foundation — 柔霧透光，妝效持久✨ 呢款粉底可以做到柔霧透光妝感， 既有啞緻感但又帶少少亮澤， 令肌膚睇起來平滑又細膩 如果出少少油，仲會變成奶油肌，有一種自然嘅光澤感🤩 遮瑕力屬於中高水平， 能夠有效遮蓋膚色不均、細微瑕疵同毛孔， 但妝效依然非常自然貼服，唔會有厚重假面感， 非常適合追求自然無瑕妝感嘅朋友。 持久度方面亦表現唔錯， 長時間佩戴都能保持妝容完整👍🏻 唯一可惜嘅地方係我收到嘅呢支粉底色號偏深， 對我會有啲唔啱用 不過揀啱色號嘅話，呢支粉底絕對係值得一試嘅粉底必備單品！ ✨
<看全文>
Kmggigi好用推薦：皮膚狀況: 冬天乾敏肌，夏天混合偏乾+少敏感 Armani 新出嘅水潤絲光氣墊修護粉底完美結合高級妝感與舒適感，絕對係追求自然光澤肌嘅首選！✨ 產品質地: 呢款氣墊粉底嘅質地極為絲滑輕盈，延展性非常高， 只需輕輕一推就可以均勻覆蓋全臉， 使用感覺毫無負擔， 輕薄質地帶來自然貼服嘅底妝效果🥳 妝感: 呢款粉底妝感非常高級，帶有透明感， 妝效自然不厚重，輕鬆締造出宛如天生嘅自然光澤 使用後，肌膚透出健康嘅光感， 好似自帶高光效果一樣， 令毛孔唔再顯眼，令皮膚展現平滑細膩的質感 雖然質地輕薄，但薄薄一層已經有中度遮瑕力， 可以有效遮蓋部份痘印、黑眼圈同細微瑕疵， 令膚色顯得更加均勻 整體妝感柔和自然，毫無厚重感， 適合追求高級光澤感嘅朋友😆 另外，持妝力都好穩定，幾個鐘後都冇氧化， 妝容依然保持清爽貼服 對於夏天混乾肌嚟講，使用後完全唔會有緊繃感， 肌膚保持到水潤嘅同時又能控住油光👏🏻 素顏: 有明顯痘印，黑眼圈，膚色不均🙈產品使用後: 我用嘅係03色號， 用完之後膚色變得更加均勻，自帶光澤感 即使冇用任何遮瑕膏，黑眼圈痘印等瑕疵都遮到8成🥳 #火熱新品
<看全文>Fng好用推薦：Armani Beauty 水潤絲光氣墊修護氣墊真係混合偏乾肌夏日恩物！作為黃一白肌，試咗#2色（屬中性偏黃調）後發現同膚色融合度超高——無死白假面感，自然提亮之餘仲帶住高級絲緞光，彷彿皮膚自帶柔焦濾鏡✨ 💡色號點揀？ #2號適合黃一白或追求自然提亮嘅黃肌（如果膚色再淺啲可考慮#1）。上臉後無灰調或過粉問題，同頸部色差細，氧化暗沉情況輕微，帶妝8小時後依然keep到八成明亮度。黃肌揀呢個色號安全之餘仲顯氣質！ 💦質地與妝效： 粉質細膩到驚人！按壓上臉瞬間感受到水潤感，拍開後變成絲光妝效——唔係油光滿面，而係種透出皮膚底層光澤嘅高級感。遮瑕度中等（泛紅暗沉可遮七成），但修飾毛孔效果出色，睇落天生好皮咁～ ☀️夏日實測： 香港33℃濕熱天考驗下，冷氣房內持妝8小時無壓力，僅鼻翼微出油但無斑駁。戶外活動時出汗後用紙巾輕印，脫妝程度輕微（印汗後建議輕補碎粉）。對混合偏乾肌來說，保濕度足夠唔會倒拔乾，鼻翼同眼底無卡粉，真正做到水潤又持妝嘅平衡。 唯一注意：油肌可能要加強定妝，但對偏乾肌來說呢個氣墊完美契合夏日需求！補妝時亦唔會結塊或厚重。 推薦給：✔️ 黃一白肌找自然光澤妝效 ✔️ 混合
<看全文>
莓莓好用推薦： 「Innisfree 薄荷礦物碎粉」實測：平價貨定係真心正？ 呢個Innisfree 薄荷礦物控油碎粉（嗰盒綠色細細盒嘅）已經火咗好多年！佢真係平靚正！今次同大家講下用後感！ 1. 包裝同質地： 盒仔真係好細盒，方便帶出街補妝。個粉撲都算軟熟，但唔算好厚身。啲粉係白色碎粉，好幼細，好似煙霧咁。聞落有陣好淡嘅薄荷味，唔會好濃好刺鼻。 2. 上臉感覺： 掃上塊面嗰陣，即刻有陣涼浸浸嘅感覺，夏天用真係好爽！好似俾塊面開冷氣咁。啲粉好薄，冇咩負擔，唔會覺得焗住塊面。 3. 控油效果（重點！）： 我係混合肌，T字位好易出油。試過喺防曬之後撲上呢隻碎粉： · 即時效果： 啞面咗，冇晒啲油光，塊面摸落去「滑捋捋」。 · 持久度： 平日大概頂到 3-4個鐘 左右，個鼻頭先開始有少少油光翻嚟。對比佢個價錢（幾十蚊盒），已經交足功課！但要同啲貴價專櫃粉比，就當然冇得比啦。 · 補妝： 出油之後補多層，都唔會結塊或者覺得好厚粉，呢點幾好！ 4. 提亮同遮瑕： 因為係白色粉，有少少提亮效果，但唔會好白或者「假面」。至於遮毛孔，都有少少柔焦效果，睇落皮膚滑啲，但唔好期望可以完全遮到好大嘅毛孔或者瑕疵
<看全文>Sakura醬好用推薦：Innisfree 礦物控油碎粉 真實測評 📦 開箱第一感覺 包裝：淺藍色小圓盒，少女感十足～ 粉撲：跟盒附送嘅 薄身小粉撲，軟熟但偏細，比較啱用嚟 局部補妝。 粉質：倒出嚟係 白色幼滑粉末，有淡淡薄荷涼感（唔刺鼻嗰種）。 👩🏻 上臉實測（混合肌/T字油/兩頰乾） 1. 控油力：★★★★☆ · 即時效果：撲上臉嗰刻，油光即時 「啞咗」！尤其鼻翼同額頭，即刻變霧面。 · 持久度：夏天出汗天，大概 3-4個鐘 開始泛少少油光（但唔會溶到一撻撻）。 · 小貼士：如果係 大油皮，建議午飯後補一次，效果更持久。 2. 柔焦毛孔：★★★☆☆ · 薄薄撲一層，毛孔會睇落 細滑咗，但唔好期望完全隱形（始終係碎粉唔係妝前乳）。 · 注意：如果皮膚好乾或者有皮屑，可能會 少少卡粉。 3. 定妝效果：★★★★☆ · 化完底妝後輕撲一層，真係可以 延長持妝時間，尤其係口罩摩擦位，甩妝情況有改善。 4. 其他用途（隱藏功能！） ✅ 急救劉海：頭髮油立立嗰陣，撲少少喺髮根，即刻變乾爽！ ✅ 身體止汗：夏天頸背出汗，撲少少可減少黏膩感（但唔好撲太多，會白）。 ✅ 優點總結 1. 平價之王
<看全文>
Chi好用推薦：控油效果不錯，妝感十分自然，圖中分別是上妝前，上妝後及上妝8小時後的效果，可以見到產品的持妝效果是不錯的，瑕疵皮用都沒有出現浮粉的情況，红血絲可以輕鬆遮到，痘印及黑眼圈就要疊加幾次粉液，8小時妝後只有鼻翼位置稍微脫粉。
<看全文>Wuxx好用推薦：又係俾新科技吸引貨金系列。 見佢個夾心海綿好似好好玩咁所以我又去買左黎試， 可能用慣平時一壓就出嘅氣墊粉餅，依隻有啲難估量。 依隻圓拱型海綿好似壓極都唔出粉咁，逼你少量多次咁上妝， 上一次全面我諗起碼壓15～20下。 加上佢遮瑕唔係話好勁，有時上完都唔肯定係咪有上到粉🤨 而控油方面都一般，帶妝2~3個小時已經全面油要補粉。 不過優點係佢防曬系數夠高，帶出街補妝都方便。 Btw最後我係剪開左個海綿黎用😗
<看全文>
Tszki好用推薦：Shu Uemura（植村秀）的粉底液 無極限超時輕粉底 提供自然的半霧面妝效，質地極致輕薄，有「會呼吸」的粉底之稱。吸油吸汗海綿狀粉末，有助於全日保持清爽不泛油光，不易氧化變灰。遮瑕能力中上，可疊加但不易卡粉或顯厚重。
<看全文>Wuxx好用推薦：充滿新鮮感嘅我又買嘢啦～ 今次買嘅係植村秀嘅「透光瓶」粉底液！ 好容易俾廣告影響嘅我見到佢新品上市嘅消息就即刻去左專櫃試妝， 果然如佢所名，好有光澤，份糧就係咁又無左忽～ 專櫃小姐幫我揀嘅色號係584號。 日系底妝都有個通病就係色號偏黃，而「透光瓶」加入左創新「群青藍」 顏色微粒科技， 唔知係咪咁嘅原因，令佢即使咁水潤但都無暗沉嘅現象。 試過10月秋涼天氣帶妝去GYM Room做GYM， 做完成身汗去照鏡以為會嚇死街坊， 點知原好無缺！驚豔分x200！ 不過夏天就一定唔洗講～所以都係乖乖等到天凍先用啦各位～*光澤感非常優秀!!!個樽都好靚🤪*
<看全文>
Chloeincosme好用推薦：Canmake既臥蠶眼影有幾出名唔洗講，而你見我用到凹晒就知我有幾鍾意用佢。有自從買左佢之後，畫臥蠶完全係得心應手，毫無難度。🤣 我自己包晒01/02 色，不過最中意都係01🥹 4 格既粉質都好幼細，唔飛粉，成盤分左做4 格，1 同2 係膨脹色，畫係臥蠶位，3 號深色用黎畫臥蠶線同下置。4號係好幼細嘅閃粉，可以點係眼皮。 大概就係上圖既畫法，手殘如我都冇問題。 畫出黎隻眼大左好多🥹🥹 另一樣好surprise既係日系眼影通常好快冇晒色，但canmake呢隻臥蠶眼影完全唔會！ 建議未入手既真係可以試吓，$80 有找既價錢就可以令個眼妝更精緻！推薦！😗
<看全文>YiN好用推薦：講到開架好物，canmake嘅淚袋眼影盤01號色一定有份。一度喺sns好hit之後引起香港日本都大缺貨，我買嗰陣都搵咗一段時間。要強調返好用嘅係01號色，我另外買咗05號色，就真係唔係咁好用，下面會講原因。細細盒，內附海綿頭同掃頭嘅專用掃，帶出街用都方便，不過我習慣用返自己嘅眼影掃。 一盒有四格色：微微反光嘅米色、米色珠光、金色半透明閃粉、啞光輪廓陰影，原意係可以一盒做到淚袋嘅突出光面同畫下陰影線。畫喺手上就係咁嘅色。以佢本身嘅用途黎評論，冇錯係可以畫到一個有凹凸感嘅淚袋，佢係一件合格嘅產品，但其實如果你手上有其他類似顏色嘅眼影一樣做得到。 粉質黎講其實冇特別好，尤其佢格閃粉，一定要用海棉棒上啲閃粉先會密，同埋上眼之後啲閃粉會甩返落嚟，所以我好少用呢格。至於陰影色好睇你本身膚色夾唔夾，01色嘅陰影色偏橙，喺我膚色上係做唔到自然嘅淚袋陰影，但用嚟加深眼尾係幾靚嘅。至於我買05色，粉質基本上差唔多，只係變成淺紫色基調，我依家都係當普通眼影用。 咁點解我仲會話佢係開架好物呢？係因為佢左邊格微微反光嘅米色係淚溝神器！ ✅提亮淚溝一流 近年大家興講啞光高光提高面部平整度，好多品牌都開始出好多淺
<看全文>
Hellobeauty 好用推薦：Ettusais SKINCARE POWDER (PRESSED) SHEER BEIGE 美肌護膚蜜粉餅 自然色 自我上次分享過, 購買了不適合某日本品牌的蜜粉餅後，一直搵，結果我遇上Ettusais SKINCARE POWDER (PRESSED) SHEER BEIGE 美肌護膚蜜粉餅 自然色，雖然它沒有精緻設計的包裝，但它可以發揮精緻妝容的效果。 吸引之處: 1. "磨皮效果"低門檻之選, 熱門蜜粉產品賣點, 必定係有"磨皮效果"；呢個產品呢方面好出色, 即時修飾毛孔及遮蓋瑕疵, 絕對是性價比高產品; 2.有透明亮澤粉末, 有燈光照射情況下, 有輕微閃閃效果， 上瞼後, 沒有明顯亮澤粉粒問題；同時做到提亮膚色效果, 因此, 日常妝容, 我特別喜歡用它重點塗T字位，有效除油光之外, 又可以提亮, 可以唔需要另外使用其他提亮膚色產品; 3. 柔滑密貼粉末，易推, 推一層, 已即見效果; 4. 它是自然膚色系, 接近膚色, 所以沒有因為色系太白, 而突顯臉上暇疵; 5. 有防曬功效 SPF35・PA+++ , 市面上蜜粉產品少有; 6. 糅合補濕成分, 全日可以貼服
<看全文>Emily Leung好用推薦：Ettusais蜜粉餅測評 首先，呢塊粉餅喺香港同內地都幾hit，好多KOL同用家都話佢係「平價版Nars」，價錢親民但效果有驚喜。等我同你逐樣拆解啦！ 1. 粉質 (Powder Texture) 「點形容佢嘅粉？」 · 極度幼細，輕如煙： 一打開盒，用粉撲掂一掂，你第一下感覺會係：「哇，好薄好幼！」佢嘅粉真係幼細到好似一陣煙咁，完全唔會飛到周圍都係。就算你上多幾層，都好難會出現「粉感好重」或者「結粒」嘅情況。 · 摸上手滑捋捋： 啲粉質好順滑，有啲似絲絨嘅觸感。呢種幼細度對於修飾毛孔好有幫助，可以好自然咁填平凹凸唔平嘅地方。 · 乾肌都唔怕： 因為粉夠幼細，就算係乾性皮膚嘅人用，只要做好保濕打底，都唔會輕易出現「龜裂」或者「起擦膠碎」嘅尷尬情況。不過，極乾肌就建議局部用喺T字位就算。 2. 妝效 (Makeup Finish) 呢度要重點講，因為佢嘅妝效真係好靚： · 高級「柔焦霧面」感： 佢唔係死實實嘅全啞光。一上臉，你會即刻覺得塊面嘅瑕疵同毛孔好似被「柔化」咗，有層薄薄嘅濾鏡咁，呈現一種好高級、好乾淨嘅霧面妝效。 · 零存在感： 好多粉餅搽完會覺得塊面「焗
<看全文>