有色防曬 推薦好用產品

Yeonjung好用推薦：嘩！呢支杏桃色底霜係咪偷咗打燈佬返屋企？用後感：成塊面飽滿晒！ 喂，我真係要同大家懺悔！我以前成日覺得「妝前底霜啫，是但啦」，求其搽防曬就算。點知前排路過專櫃，試咗呢支 ELIXIR 杏桃色，一試……中咗！即刻乖乖磅水！ 首先講下我塊面嘅狀況： 我呢啲殘廢打工仔，朝早趕時間，最憎層層疊咁搽嘢。好彩呢支嘢集合咗 防曬（SPF50+ PA++++）+ 提亮 + 保濕 三大功能，真係懶人恩物！而且我面頰偏乾，T字位又少少黃，啱晒呢支杏桃色嚟執一執。 質地：輕過棉花糖，滑過豆腐花！ 唧出嚟係好柔和嘅杏桃色，帶有非常非常幼細嘅珠光（唔係閃粉嗰隻，係好似皮膚入面透出嚟嗰種光）。一推開……咦？好似融咗入皮膚咁！質地好水潤，但又唔會油淋淋，感覺似搽緊保濕精華多過防曬。 最正係佢有 膠原蛋白成份，搽完嗰下，塊面即刻脹卜卜，好似啱啱敷完面膜咁軟腍腍。之前我鼻翼兩邊成日暗沉，搽完佢即刻 自然提亮咗成個色階，唔係死白嗰隻，而係粉粉嫩嫩嘅好氣色，直頭好似瞓足10個鐘咁（騙人的，我明明只瞓咗5個鐘）。 上粉底嗰下先係戲肉！ 平時我上粉底，冬天成日卡粉卡到喊。但用完呢支打底，粉底係 「跣」 住去，貼到呢

Viannie好用推薦：日本一開賣即刻買黎試，因本身屬小麥色皮膚，之前粉紅色果支一路驚太白都唔敢買。ELIXIR tone up beige 妝前防曬底霜 一粒珍珠size就夠搽全面，好貼心產品背面有參考size，可跟住黎拎分量。質地都幾厚身，非常容易推開，好容易就搽得均勻唔會一撻撻，提亮效果自然，仲做到少少修飾效果。可以睇到面上斑點明顯淡色咗，利用亮白黃金折射光線，皮膚望落去即時好咗咁，勁鍾意呢個效果！！推開後會有少少黏笠感，可以加少少碎粉或晚安粉做定妝測試埋12小時持妝效果 返完一日工，返到屋企影，呢幾日30度嘅高溫天氣，喺冇中間補妝嘅情況下，用咗tone up beige打底果日嘅妝係明顯keep得好少少。總結呢支新出嘅防曬base如果你係乾肌就啱晒，上妝後都唔會乾，加埋小麥肌嘅話更加要試！ 不過質地偏潤，油肌要慎選！！ 另外本身膚色好白都唔太啱，搽完會黃咗，建議可以揀返粉紅色果支。 #火熱新品

chewyfruit好用推薦：【真心不呃Like】ELIXIR 櫻花色妝前防曬底霜用後感 🌸 黃皮素人實測 老實講，當初買呢支都係比個「櫻花」兩個字跣咗入坑，加上夏天又就嚟到，諗住搵支夠防曬又唔想成面油光嘅底霜。用咗兩個禮拜，同大家拆解下係咪真係咁神。 📦 質地：流質但唔水，似足保濕乳液 唧出嚟係淡淡粉紅色，好香好清幽嘅花味（唔係人工嗰種）。一推開好驚喜，好滑身，完全冇防曬嗰種「kick粉」嘅感覺。佢介乎於lotion同gel之間，夏天用零負擔。 🌸 重點：櫻花調色效果係點？ 我本身面黃帶暗啞，佢呢個粉紅色上到塊面 唔係死白，而係好似由入面透出嚟嗰種 自然粉嫩感。均勻膚色一流，鼻翼兩邊泛紅都修飾到七八成。如果你唔鍾意厚粉，單搽佢再加碎粉已經可以出街，直頭有種「天生好氣色」嘅偽素顏感覺。 ☀️ 防曬力：SPF50+ PA++++ 好有安全感 香港呢排又曬又焗，呢個度數啱啱好。最緊要係 唔焗痘！我搽足全日，下午鼻頭先開始出少少油，但唔會話溶到一撻撻，反而變咗光澤肌嗰種靚油，印一印就還原。 💧 保濕 vs 控油：平衡得幾好 佢有護膚成份，乾肌用夠保濕；我混合肌T字位就建議用控油碎粉定一定妝。唯一小缺點係如果爆瘡時

Fng好用推薦：Elixir 防曬妝前霜 春夏・熟齡混合偏乾肌 🌸✨ 我係熟齡混合偏乾肌，春夏最怕防曬又立又焗，搞到塊面黐笠笠。見到Elixir呢支櫻花色妝前防曬（約HK$255 / 35g，SPF50+ PA++++）好多人推，用咗一個月，分享真實感受～ 🧴 質地：輕薄易推，有少少滋潤感 · 淡粉色乳霜狀，唔會流動，但延展性極好，一推就開 · 上面後有輕微滋潤感，但唔立唔焗，春夏用都舒服 · 成膜速度算快，唔會黐頭髮 · 有淡淡嘅爽身粉香味，幾舒服 🌸 透明感實測 · 即時提升透明感：一搽上去，塊面即刻「亮咗一階」，唔係死白，係自然粉嫩光澤，望落有透明感 · 均勻膚色：可以遮蓋局部暗沉，望落塊面好乾淨、有「透光好皮膚」嘅感覺 · 膚色冇咁蠟黃：如果妳有面黃困擾，呢支可以幫手調整，令皮膚更顯透明 · ⚠️ 白皙肌限定：有評測話「本身皮膚好白淨先啱」，如果膚色偏深，搽完可能會太白唔自然 🌸 熟齡混合偏乾肌用後感 · 滋潤度夠：偏乾肌用唔會乾，仲可以即時撫平乾紋/細紋，上妝貼服好多 · 唔打架：試過配多款粉底/cushion，都冇起擦膠碎 · 懶人恩物：趕時間就咁搽佢直接出街，唔上粉底都見得人

Emily Leung好用推薦：我的防曬寶藏單品😘後悔沒多拿幾支 年初在日本逛Cosme拿下的防曬隔離霜！嘗試過後直接被這個ALLIE的新款防曬驚艷到！上臉一點不油膩，遮瑕和水潤度都超級好！一層隔離一層散粉直接偽素顏出門通勤神器！！ ALLIE有色隔離，適合混油到大油皮，超扒超持妝。 即時推塗感非常水，但後面扒得超級快，蠻考驗手法的，建議搭配粉撲分區上妝。顏色自然提亮，融膚不假白。遮瑕3分，修飾磨皮能力很棒，對我來說可以直接 當底妝。妝效是偏啞光的，不反光，不用定妝，不會粘膩。 一共有三個顏色，每一個都很實用，我最推薦紫色，可以修飾暗沉膚色！ ✔️ ALLIE潤色防曬水凝乳 01紫色：修飾暗沈，毛孔，“透明感” 02杏色：修飾黑眼圈，毛孔，“氣色紅潤” 03米色：修飾膚色不均和毛孔，“偽素顏感”

mysecretgarden好用推薦：Allie呢支調色防曬乳，我已經回購咗好多次，可以話係我日常護理嘅必備品。平時唔使化妝嘅日子，我最鍾意就係搽佢再加層碎粉就出街，個效果已經好夠用，膚色即時均勻咗，睇落精神爽利，又唔會好似化咗厚妝咁唔自然。我用開紫色同埋橙色嗰支，兩支都好好用。如果要化全妝嘅時候，我都會用佢來做底霜，佢同後續嘅粉底同化妝品都好夾，從來都冇出現過擦膠碎或者浮粉嘅情況。 質地方面，佢真係做得幾出色。夏天用完全唔會覺得黏膩，搽上臉之後好快就吸收，留下來嘅係一種好清爽、帶啲粉滑嘅觸感，就算係香港咁悶熱嘅夏天都保持到舒服嘅使用感。不過到咗冬天，如果皮膚狀態比較乾嘅時候，就要做多少少保濕打底，否則可能會覺得有少少緊。 一直以嚟我都對佢好滿意，直到最近睇到網上啲真人防曬測試，先發現佢嘅實際防曬力比想像中要弱少少。雖然日常通勤應該都夠用，但如果係長時間戶外活動，或者陽光特別猛烈嘅日子，就可能要搽得比平時厚身少少，先能夠確保有足夠嘅防曬保護。呢點算係少少美中不足，不過考慮到佢嘅調色效果同清爽質地，我依然覺得係一支值得繼續用落去嘅產品。 總括來講，呢支調色防曬乳係一支多方面都表現平均嘅產品，特別適合追求自然妝感同清爽使用

Fng好用推薦：SOFINA Primavista 持久控油防曬調色底霜用後感（春夏・熟齡混合偏乾肌） ☀️ 我係熟齡混合偏乾肌，香港又濕又熱嘅天氣下，底妝最怕溶到一撻撻。見SOFINA呢支第3代妝前乳（約HK$240 / 25ml）主打控油防汗同修飾毛孔，就買咗Beige色嚟試～ · 質地水潤輕透：偏水潤嘅霧感型，上臉順滑好推，延展性高，唔會厚重或泛白。用完有自然柔焦霧面感，清爽零黏膩。 · Beige色自然提亮：帶粉嘅裸膚色，可以均勻膚色、提亮暗沉，妝感透亮乾淨。自然融和唔假白，偽素顏必備👍🏻。 · 超強控油防汗：控油真係超班，喺悶熱潮濕環境下全日唔泛油光。我有時單搽再壓蜜粉就出門，清爽一整天😙。 · 溫和保濕唔乾燥：第三代升級後加入玻尿酸同洋甘菊精華，就算喺冷氣房待一整日，面頰都唔會感到乾燥繃緊。 · 修飾毛孔粗大：可以有效撫平毛孔凹凸位，對於一般毛孔已經好夠用（如果毛孔極粗大就要疊加其他產品）。 · 防曬力足：SPF50 PA+++，日常出門防紫外線好夠用。不過記住用前要搖勻！👈 · 升級版改善致痘：網上話新一代採用咗「不易致粉刺配方」，比起舊版出粉刺嘅風險低咗好多，痘痘肌都可以試下。 💬

Tszki好用推薦：質地水潤易推，能即時提亮膚色並修飾毛孔，可單獨使用打造「偽素顏」效果。控油效果明顯，即使在 T 字位也能長時間保持清爽，減少溶妝機會。具備 SPF50 PA+++ 的防曬系數，足以應對日常紫外線。提亮暗沉及偏黃膚色，呈現粉嫩、白皙的透明感。特別適合在香港潮濕炎熱的環境下使用。使用前可先敷面膜才用，妝容更加貼服持久！

CC好用推薦：La Roche-Posay 作為敏感肌研究的專家，絕對是敏感肌救星之一！身為超級敏感混合油肌的我，當然要試試佢旗下的防曬啦～ 🛡️ 這支粉色 Tone Up 比綠色清爽版更好用！帶少少粉色調，可以即時提亮氣色，讓膚色更有光澤珠光感✨ 雖然網友常說清爽版比較適合油性肌，但實際用落我覺得 Tone Up 反而冇咁油，質地偏向水潤杰～ 質地方面，手上試塗左邊是 La Roche-Posay Tone Up，右邊是另一隻超出名防曬，可以明顯睇到 Tone Up 流動性較弱，呈現較濃稠的乳霜感。塗開後不算很油，但油性肌還是建議之後用碎粉定妝控油💨 兩支 La Roche-Posay 比較之下，這支 Tone Up 我會打 4分，同線的清爽型就 3.5分。 不過… 油性肌膚的朋友我絕對不建議購買這一支，用完一次已經決定不會回購了😕

楊壯碩好用推薦：LA ROCHE POSAY UVIDEA ANTHELIOS TONE-UP (ROSY) SPF 50+ PA++++ REVIEW 「理膚泉每日高效提亮防曬霜 (粉色) SPF 50+ PA++++」測評 綜合評分：4.33/5，詳情如下—— 使用感：5/5 ▶️霜體流動性不高，延展性佳，質地在歐美系防曬中都算作輕盈不厚重，但未達到日韓系防曬那種水感透薄的程度，可以形容為油潤但不油膩。 ▶️使用感較溫和，沒有在我臉上導致過敏或粉刺，也沒有刺激我的眼睛導致不斷分泌眼淚（我用有些化學防曬的時候眼睛會泛紅流淚）。 妝效：4/5 ▶️肉色防曬霜（雖然產品名寫了rosy但並非粉紅色霜體），用後有提亮膚色的效果（見下附前後對比圖），並且會令皮膚看上去更加有光澤感（或可稱為「油亮」？），無遮瑕度。 ▶️由於它是oil based的防曬，有可能會令後續粉底液更易融解移位，故此需要用散粉做好定妝。 防曬效果：4/5 ▶️我是作為日常通勤防曬使用的，早上護膚後擦完這款防曬再化妝，之後一整天都沒有補擦，到了夜晚時間T區的底妝和防曬基本已經融了，不過由於大部分時間我都在室內，所以未曾發現有曬黑跡象。 ▶

lonia好用推薦：呢支水潤提亮CC護膚防曬霜，做到一支多效功能。佢嘅防曬系數已經足夠一般日常使用（SPF50+/PA++++），試用色號係02 beige，貼近本身膚色，質地好好推，搽完多咗一份光澤感，而且唔會覺得乾，望落成個人氣息好咗。係夏天懶人必備，一支做到防曬、調色，拍少少碎粉就完成一個透薄妝容可以出街喇。 #火熱新品

Sandy好用推薦：Decorte 水潤提量CC護膚 防曬霜 底粧針對膚色不均煩惱，自然微調肌膚質感。 SPF40 PA+++的防曬係數 002 HealthyRose 鍾意: 搽上面 粉嫩好氣色.自然紅潤. 眼周暗沉或增加肌膚亮度ok 質地好容易推開 修正皮膚嘅膚色 暗黃同埋膚色唔均勻 黑眼圈都可以遮到 遮到 之後佢仲有防曬功能非常之好 呢個底妝唔需要額外搽防曬非常好

Izeliv好用推薦：尚未流行調色就擁有的老員工, 質地較厚, 需要時間推開，調色效果好，有遮蓋毛孔的效果, 令後續粉底可以選相對輕薄的。唯獨防曬係數不夠高。

Kitty 好用推薦：Laneige紫色隔離霜，從舊包裝用到新包裝，差唔多用咗近十年啦～舊版質地比較厚身，新版就係乳液質地，對於乾性皮膚來講，滋潤度已經夠晒。我本身皮膚係混合偏乾，秋冬好多產品上妝會乾燥起皮屑，呢支真係一生極力推薦！👍 呢款隔離自帶防曬值，紫外線唔強嘅時候，搽完直接出街完全冇問題。夏天就要加多層防曬。我算係黃二白，平日出街防曬加Laneige紫隔離，再撲層碎粉，已經好足夠。唔知揀邊款調色隔離霜嘅姐妹們，可以試吓呢支～

natanatalie好用推薦：🫶🏻專櫃高級防曬🫶🏻 今次帶左呢一支Clarins專櫃防曬去旅行用。效果都幾滿意！🥰 首先講講呢枝防曬嘅價錢，50ml價錢$600，價錢比較貴，不過主打升級UV防護，防曬之餘仲抗污染，有護膚功效，特價時買仲有好多贈品，計落性價比都算高。🙆🏻‍♀️ 佢嘅質地係白色乳液，唔算好流質，推開會有輕微光澤感，令肌膚帶有一種自然嘅光澤，呢個效果我幾中意，因為有時如果唔想化妝，可以就咁用佢，都可以令皮膚睇落好好多！🤤 呢次去旅行，每日都陽光普照，我先用佢做底霜，再用粉底。質地唔笠，而且可以令粉底抓得更實，亦無流白汗嘅情況。幾日之後，皮膚都無黑左無出斑，防曬效果幾好！🤩

Kura好用推薦：呢款防曬真係好好用，質地係偏厚身嘅cream，搽上臉好水潤貼服，有調整膚色嘅作用，夏天搽佢出街都唔會曬黑，又容易落妝，產地係法國，價錢就偏貴小小，不過我都會繼續回購

natanatalie好用推薦：有同事推薦就購入左呢支Allie防曬！☀️ 首先佢價錢唔貴，印象中百幾蚊，一支份量都幾多，可以隨便用，而且佢有SPF50+，好適合香港咁曬嘅夏天！👍🏻 擠出嚟有微微香氣，對大汗嘅我都幾友好！質地唔算十分清爽，但一啲都唔笠。我用完爽膚水直接用佢剛剛好。🥰 佢有輕微提亮感覺，唔會泛白，我通常用完會再用蜜粉，咁就非常清爽。用完佢出汗都唔會流白汗，而且防曬力都幾強，我暴曬左好幾日都無黑到，會繼續回購。🙌🏻

LenaC好用推薦：ALLIE既防曬水凝乳一抹極易推開 薄薄一層毫不黏笠 之前玫紅色嗰隻 有玫紅色調 增添紅潤好氣息 今次呢一款白肌苿桃香☺️ 質地同樣水潤 呈乳狀 不過係白色 一樣好易推開 有淡淡優雅花香 係好舒心怡人既香氣塗勻後猶如薄薄一層極具光澤水令令既薄膜 呢款色調特別添加高閃耀度光感粒子 讓肌膚提亮效果更突出 輕鬆打造清亮自然底粧佢除咗添加玻尿酸美容保濕成份 讓肌膚保持水潤之外 仲有超強抗摩擦技術 防曬不留痕！ 不易脫落於口罩 好適合宜家日日戴口罩既炎炎夏日 ❤️💕❤️

LenaC好用推薦：ALLIE UV防曬 玫瑰水凝乳 燦爛光澤薔肌 除咗防曬之外 仲有護膚同粧前飾底效果 防曬+護膚+隔離 3效合1防曬霜 一枝搞定 💕防曬度為極高既SPF50 高效隔離UVA 阻擋陽光紫外線 仲添加左美容液護膚等成分 有助保濕唔會太乾起晒紋 亦無添加Paraben防腐劑 將皮膚負擔減至最低🌝 質地係帶粉紅色嘅乳液狀質感水潤 好容易推開 塗抹時聞到淡淡既優雅玫瑰香擠小小份量都好足夠 打圈按至薄薄一層 相比起其他防曬度同樣高既防曬乳液 佢絕對係零厚重感 一啲都唔黐立抹開後肌膚平滑光亮 滋潤均勻 略有粉紅既色調亦輕鬆打造出健康紅潤好氣色而且佢嘅無油GEL配方 有助持久清爽控油 適合夏天使用使用 防曬 護膚 修飾 一枝KO 推！

Blueblueblue好用推薦：日本旅行時係藥妝店買嘅。 ALLIE 防曬水凝乳帶有少少粉紅色光感粒子，可輕微修飾暗沉，不黏膩。

kkayinn好用推薦：夏天響日本嘅藥妝店買入呢支美白防曬霜，冬天終於可以用啦！如果平日唔需要化妝只係想提亮肌膚同埋做到防曬，淨係搽呢個都已經足夠，佢係紫色因此有提亮膚色嘅功能，而且效果比較滋潤，會有輕微量肌效果。但係如果油性肌膚嘅話可能需要用蜜粉定妝。總體嚟講特價嘅時候值得買入，最鍾意佢有一陣淡淡嘅香味，有少少似柚子味，我覺得好清新。☺️

Viannie好用推薦：淡紫色防曬霜，質地清爽容易推開，有即時提亮去黃效果，唔會好黏笠，適合夏天使用。

Tszki好用推薦：地輕盈易推、不黏膩，且具有不致粉刺配方，適合日常妝前或單擦使用。具備 SPF15 防曬系數，能築起防禦層減少紫外線傷害，同時提供即時且持久的保濕效果，預防水份被陽光抽乾。不含酒精、香料、Paraben 防腐劑，且不含會引起光敏感或刺激屏障的美白成份，臨床實證不會引起刺激。使用約四星期後可感受到膚色變透亮，痘印和色斑有淡化跡象。

Kala好用推薦： 舒特膚透亮抗敏日霜抹起來輕盈好吸收，像牛奶般滑順，超保濕不黏膩！含神經醯胺和維生素C衍生物，修護肌膚同時提亮，敏感肌用起來溫和不刺激。SPF15防曬力適合室內或短時間戶外，持效8小時，肌膚看起來水嫩透亮。缺點是防曬力稍弱，戶外需補擦。整體超親膚，性價比高，日常保養好搭檔！敏感肌救星！

Ki Lyko好用推薦： 之前可以除口罩，所以每天上班開始要化回少少低妝, 一直想找一支可以令皮膚看起來變得好像有化妝與沒化妝之間的妝效, 這支底霜可以完全滿足了我。 質地是比較滋潤的, 化上後會令皮膚嘅氣息變得很好。於我而言，因為在夏天的時候皮膚比較容易出油, 用後比較容易出粒粒, 所以我只可以在秋冬的時候使用它,現在正是一個合適的時間。價錢小貴但還是推薦的。

Ednababe好用推薦：坦白說，這個cream不是非常容易推開，但唔算太差。平時懶唔想揸粉底，淨係揸呢隻都幾好，遮到面上啲flaws，有返啲精神，又有SPF 50防曬。

格仔餅公主好用推薦：質地唔會笠同油，夏天有時出汗都無致痘或者生野，保到濕仲可以做埋高系數既防曬

JuneL好用推薦：它質地呈白色凝霜狀,清新質感, 推開後能激活並釋放水凝因子, 使隔離液質感輕盈水嫩, 用後肌膚即時感覺水潤, 清爽, 不黏膩! 

CLS24好用推薦：最有感覺就係控油，通常下午先需要印走d油/汗，但仲feel到防曬仲起度，夠晒持久！其次清爽，油肌真係0負擔感啊！佢有提亮膚色作用，少少啦，未到好明顯，岩岩上臉係白d，但之後會變番透明，不泛白，我仲會擦埋條頸！ 我就最中意夏天用佢！即使咁熱咁濕，都唔會致痘/出油脂粒！佢係SPF50+ PA++++，高效防曬，室內戶外都唔洗擔心！ 不過如果用個陣，皮膚比較缺水既話，可能會覺得難推！建議先上薄薄一層面霜打底先！隔1-2分鐘吸收左，先再上呢隻防曬！！

jaye好用推薦：近排天氣開始轉熱，追求透薄清爽又要有高防曬指數既防曬既，呢款La Roche-Posay每日高效提亮防曬霜（清爽）岩晒混合同敏感肌。質地係白色霜狀，質感潤滑易推，十分之貼薄，而且蘊含NASA研發吸油成分AIRLICIUM™ ，清爽唔油膩，唔會增加肌膚負擔及加速出面油，另外又加左La Roche-Posay既溫泉水，有埋舒緩保濕及抗自由基功效，仲要無添加香料同PARABEN，又抗污染物，敏感皮膚既我無論有冇帶口罩用左都無泛紅刺激或引起粉刺問題。不過呢款清爽版無調色功能，毛孔亦未能遮蓋到，只有輕微提亮膚色，唔會泛白，想要調色功能既佢仲有另外一款係rosy。日常落街個陣我就單獨作防曬霜用，需要化妝時我就當係妝前底霜用，由於質地透薄又保濕，所以唔會同化妝品打交，我自己就覺得好岩最近轉熱既天氣用，春夏天就更加岩啦，高度防曬又提亮度膚色，仲要水潤唔黏笠！仲有仲有，佢係2023消委會推薦既其中一款防曬產品！推！！！

SYJU好用推薦：呢支防曬係早排買的, 之前用另一牌子但不適合自己皮膚, 怕顯乾紋, 後來網上介紹防曬便去專櫃試驗吓, 很喜歡這支RMK 有肌膚色, 很水潤通爽不泛白, 唔化妝都可以改善暗沉膚色, 平日喺屋企都會有紫外光侵襲, 所以我日間任何時間都會搽防曬, 鍾意佢有60g 夠大支, RMK UV Face Protector Lucent已成為我最鐘意的其中一支基本防曬！ #今夏超強防曬 #不顯乾紋

maylam好用推薦：清爽唔油唔笠嘅防曬 好快成膜 有少少調色效果 我好鐘意呢支防曬！

Molly Chan好用推薦：已經用了超過兩枝，覺得欠它一個好評，所以現在才來補回🫣 怕油膩的我最愛用啫喱狀的防曬，手感清爽又不會油笠笠，這枝防曬塗上面的效果很清爽水潤，看上去皮膚有了一層光澤，好像水光肌的效果，而且不傷害環境，去海灘都沒有問題。唯一是份量較少，很快用完又要再買。

Kylieee好用推薦：本身因為驚呢個版本係無色 （慣左口罩期搽有色防曬再加蜜粉） 所以最初買嘅係玫瑰版本 點知呢隻上臉都有好自然地提亮面部 唔油唔笠，gel狀非常易推勻， 上臉唔易顯防曬痕，仲傳聞唔易甩/溶 大支過玫瑰版好多，一支可以用好耐，值得入手

Desse好用推薦：紫外線咁厲害..每日防曬當然少不了🧏🏻‍♀️ Kanebo Allie 特效防曬亮肌啫喱(櫻花香-粉色) SPF50+ PA++++ Allie防曬嘅賣點- 結合物理及化學防曬於一身💡 防曬系數50足夠日常所需..💡 淡粉紅色膏體.. 質地比gel厚身.. 反而比較似cream🧏🏻‍♀️ 唔泛白.. 易推開💡 薄塗一層已經可以提亮膚色💡 如果無特別瑕疵要遮.. 當bb cream用亦可 清爽唔黏立💡 🪻留意返🪻 如果仲會帶口罩嘅話.. 喱款未必太理想.. 磨得多會有少少🤏搓泥

mandy好用推薦：ALLIE NUANCE CHANGE UV GEL (ROSE CHAIRE)  燦爛光澤肌UV防曬水凝乳（薔肌玫香）  SPF 50+ PA++++  HK$149/ 60g ALLIE燦爛光澤肌UV防曬水凝乳是舊版,  新版改名為ALLIE持采亮化UV防曬水凝乳(薔肌玫香) 跟持采濾鏡調色UV防曬乳不同,  (舊版)燦爛光澤肌UV防曬水凝乳是適合同時面部及身體使用 的防曬產品, 質地相對地更水感清爽, 而且非常易推開, 同樣不油不笠, 不會覺得焗。 新版ALLIE持采亮化UV防曬水凝乳改為 具提亮及妝前底霜的上妝效果(比較適合只在面部/頸項使用)。 而新版本中適合同時面部及身體使用的防曬 分別是無色素、無香料的ALLIE 持采UV高效防曬水凝乳EX (90mL)及 ALLIE 持采UV高效防曬乳EX (60mL)。 最後, 如果大家喜歡無色素、無香料面部用的防曬/妝前底霜,  也可考慮新版的ALLIE 持采UV高效防曬亮顏飾底乳EX。 容量較持采濾鏡調色UV防曬乳多20g, 價位相對更加抵買。 想便宜一點又不是很在乎去黃提亮/修飾毛孔,

格仔餅公主好用推薦：有潤色既功效不過佢唔係走透薄路線係有少少粉感個一種，如果平時化開妝想偷懶有埋防曬佢都係差唔哂既選擇

natanatalie好用推薦：以這個價錢來說無可挑剔，質地算是比較清爽，不會黏笠容易推開，而且有微微的提亮功效。

choichoi好用推薦：因為帶有防曬係數很適合日常、上班使用，加上保濕度不錯；直接使用已經可以，非常方便

beanya好用推薦：十分滋潤，雖然比較難推開，要花少少時間搽晒全面，同埋價錢有啲貴，但真係好潤，推介！