CLARINS

[5P] 抗污染防曬霜 SPF 50

Clarins UV Plus [5P] Anti Pollution SPF 50 [5P]抗污染防曬霜 $420/ 30ml; $570/ 50ml 功效: 防曬、抗污染及抗老化 5P=隔絕空氣污染、藍光、光污染、甲醛、花粉等5大肌膚污染 [5P]抗污染防曬霜是一款具調色功能的防曬，分透明、粉紅色、粉紫色及裸膚色。 不需要調色的可以用透明；粉紅色有紅潤感；粉紫色可以提亮去黃；裸膚色可以遮瑕。 [5P]抗污染防曬霜加入調色功能，即使不化妝也能調整膚色美美出門，十分方便快捷。不用上底妝，面部冇咁焗又省時。 [5P]抗污染防曬霜呈乳液狀，延展性OK，可以推開，但不是很水感。 有明顯香味, 保濕力一般，可以在早上的護膚程序中加入清爽型保濕護膚品，便可保濕又不悶熱。 均勻塗抹面部後感到清爽不黏笠，使用感非常舒服，夏季天天用都可以。 使用後，毛孔變得不明顯，粉紫色令面部美白去黃帶透明感，而且肌膚觸感更柔滑。有少少柔焦效果，不化底妝上鏡也美美的。 抗污染切合現時都市人的需要。 加入護膚成分，防曬、護膚(控油、美白、抗衰老)及調色一瓶完成。 含防曬成分: 歐托奎雷, 水楊酸鹽, 二乙基

SPF50足以應付到日常甚至去沙灘🫶🏻 質地易推 不過夏天用會有啲焗 ,可能我係混合肌膚,我通常除咗夏天其他季節都會用佢

呢款防曬真係好好用，質地係偏厚身嘅cream，搽上臉好水潤貼服，有調整膚色嘅作用，夏天搽佢出街都唔會曬黑，又容易落妝，產地係法國，價錢就偏貴小小，不過我都會繼續回購

因為佢既5P賣點所以入手(๑•̀ㅁ•́ฅ) Clarins抗污染防曬，可以對抗紫外線同多種污染物對皮膚既傷害，而且有最高既SPF50，非常有信心唷(≧ω≦)/里隻防曬係白色乳霜質地，搽到上面會變無色，唔會泛白，又唔怕影響底妝既色tone (＾▽＾) 仲有佢既保濕效果都幾好，唔會令皮膚變乾，用後鼻頭都不會甩皮very nice*\(^o^)/*但係就略為帶d化學味道，最好先去counter試用。

幾潤。但敏感肌膚如我上面嗰陣覺得有啲刺痛 ，不過並冇泛紅嘅現象，後續上妝亦冇問題。overall認為係適合秋冬天嘅防曬，但敏感皮膚請三思。

自從戴口罩之後，出街通常都係揸有色防曬+碎粉就ok :) clarins 尼支防曬有SPF50, 防曬效果對我嚟講絕對足夠，顏色亦都好自然，唔會好似面具咁，最重要係，唔會甩到成個口罩都係！佢係冇遮瑕效果，但作為潤色嘅效果就好滿意啦！仲試埋佢試用裝嘅紫色同粉紅色，但都係呢隻膚色效果最理想！

香港的夏天越來越炎熱，要對抗陽光，就要乖乖塗足防曬，保護皮膚，避免紫外線侵害。Clarins 的 5P Anti-pollution Multi-Protection Moisturizing Screen SPF50 PA +++ 成為我今個夏天的好幫手 💕 特意查看了產品指的 5P ： 有效隔絕空氣污染、藍光、光污染、甲醛、花粉等5大肌膚污染 防曬霜帶淡淡祼粉色，乳霜狀且不帶流動性，塗抹容易，能夠在面上推到很薄。雖然這枝防曬寫 Translucent 無色，但是塗到面上，感覺有點修飾膚色，讚啊❗ 而另一主打保濕度方面，對大乾肌的我而言，感覺很好。防曬沒有抽乾皮膚水份之餘，亦不需要用保濕霜打底 👍 對於炎炎夏日可以 “輕妝上陣” 實在太好了 🤍 使用後皮膚都感到清爽，沒有油膩或焗促感，帶囗罩的日子絕對係恩物啊！ 美中不足係防曬的味道有點大，像從前的防曬產品，帶化學味道。

[5P]抗污染防曬霜, 防曬同時5重防禦肌膚老化。質地好似乳霜，化妝前用會唔係好貼服，但係呢個勝在多功能。 有效隔絕5大肌膚污染，真正全面抗UV 、抗污染、抗老化，肌膚嫩白更年輕 #抗黑美白對策

舊版時已用過2-3支，依家改咗新版。我用依支粉紅色，搽左令膚色提亮啲。用左冇起擦膠碎、白色一粒粒。易吸收，味道可接受。

防曬的質地容易推開及塗抹均勻，有小許香味，塗抹後沒有黏笠感，亦不會泛白。沒有出現敏感情況。 冬天使用不會覺得乾燥。 不過與clarins的煥顏緊緻亮肌日霜後使用，會出現擦膠碎情況，用其他面霜側未有發生。 價格偏高。用完後暫時不會回購。

呢款防曬有三個色，我呢枝係粉紅色。質地係偏gel狀，唔算笠，帶有淡淡香味。但對我嚟講，搽到眼部周圍會有啲乸。價位唔算平，所以我唔會回購

質地係水狀，用後面部會有微微一層白色，我習慣夏天上防曬後，就咁上粉底，就唔會太厚。但因我非用單一防曬，所以好難定佢有冇好強spf效果，但作為打底，不過不失。

同抗污染透白防曬霜一樣有SPF50+，都已經足夠户外使用，質地係偏水狀，但係冬天用就好容易有出油嘅情況，唔建議油性皮膚嘅朋友仔使用！

我購入的是透明色防曬，質地介乎乳狀霜狀之間。用起來有陣頗強烈的香味，而這種香味我會定義為人工香味（我不喜歡）。 最意想不到的是上臉的時候，防曬會和他們品牌的其他產品（煥顏緊緻系列）撞到起「擦膠碎」，兩者要隔至少35分鐘左右「擦膠碎」的情況才會比較不嚴重。

粉紅色霜狀質地，粉紅色比較淡，調色效果唔明顯，防曬易推，都算幾清爽，搽完唔會覺得太笠