SUNPLAY

純物理礦物防曬調色霜

我最近皮膚出現咗問題，突然之間皮膚敏感，唔知咩原因搽咩都會敏感，就算係以前用開嘅化妝品或者護膚品都出事，所以最近開始要將所有護膚品都轉做敏感肌適用🥲。 今次係第一次用Sunplay嘅防曬，呢排都成日見到佢啲廣告，見官方同埋好多人都話適合敏感肌，而我最近因為敏感都唔敢化妝，所以就試買咗呢隻Sunplay Skin Aqua純物理礦物防曬調色霜 SPF50+ PA++++ ，搽完就直接出街。 呢款調色霜係粉粉地色嘅，覺得都幾啱普遍香港人嘅膚色，都幾自然提亮，唔會搽完之後塊面白咗一度、個質地亦都唔會話特別厚，都算易推。 作為突然變咗敏感肌嘅我，平時用過嘅防曬都即刻敏感爛面，最近轉咗用呢隻又真係冇敏感，因為佢講到明不含6大致敏成分，所以都叫放下咗心頭大石。 官方指呢支純物理防曬有新升級5倍護膚成分，加倍保濕同高效修護肌膚，可以舒緩曬後引致嘅泛紅同乾燥。當中嘅Betaine、Moringa Seed Oil同Ceramide係可以幫助皮膚維持水分平衡、防止水份流失同提供深層保濕滋潤，所以我而家為咗養好返啲皮膚如果搽防曬嘅話就會搽呢支出街。

一開始有擔心係開架產品，又係物理防曬，會懷疑個防曬係咪易推，因為我怕一啲痴lup lup嘅產品 用咗半年，接近日日用，我覺得效果好，揸咗會膚色白啲，但不泛白，普通揸完出街都可以，平時我會用嚟打底，再薄揸粉餅上妝。 呢個防曬易推，香味係橘子味。 我係T字位容易出油，但呢枝防曬無令我出油乜滯，用完亦無敏感、生粒粒。 同埋，佢係物理防曬，對身體負擔無咁大。 真心推俾大家用，性價比高，唯一壞處係用咗半年仲有三分一，未用得晒🤣

之前屈臣氏做緊特價175兩枝，見有好多人都推介，所以我就買咗兩支嚟試吓。 之前上網睇物理防曬好似係冇咁傷皮膚，啲UVA UVB係直接反射，而化學防曬就係吸收咗之後再釋放出嚟，感覺好似物理防曬好啲，所以我就嘗試轉用物理防曬。 粉紅色呢支係有調色嘅，顏色偏白少少同埋紅少少，對於我嚟講，呢隻顏色係適合嘅。 本身我嘅皮膚比較乾，搽防曬之前我會搽精華同埋面霜。查完咁多嘢洗面之後再搽防曬我塊面都冇出擦子膠碎，而且佢都算幾容易推。用咗八個鐘左右，都冇覺得皮膚乾，只係有少少出油。我諗加埋碎粉用應該效果會好啲

呢支係由唔識化妝嘅時候盲買嘅防曬，到宜家空瓶咗最少4支~ 物理防曬最大嘅缺點係相對比較厚重難推，所以搽佢之前我會揀潤少少嘅護膚品，會比較好推開+唔會一達達~ 就算出汗都唔會滴出白色嘅汗~ 呢款texture尚可以接受，上面唔會有黏笠嘅感覺，但因爲我個人有劉海所以用完都會用碎粉再上一層面，所以都算清爽~ 呢款有調色效而且都算好有色，對我黎講一支可以做埋半粉底效果，所以一般返工朝早趕時間唔想化妝我就會用呢款防曬~5分鐘搞掂底妝，懶人必備XD —————— ♪ 流動性：★ ★ ☆ ☆☆ ♪ 調色：★ ★ ★ ★ ☆ ♪ 性價比：★ ★ ★ ★ ★ （0寧/屈0氏經常打折超划算！！） ——————

搽上面感覺唔錯，唔會覺得焗同厚，不過我本身膚色偏黃，依款防曬搽上面後色調唔夾我，睇落會偏粉偏白，同條頸嘅顏色唔夾，但如果搽埋落頸效果都會唔好，因為佢同我本身偏黃嘅膚色唔夾，就咁搽上面會有違和感 我試過上粉底，但用手推嘅時候覺得好似係層膠上面推，無起擦膠碎嘅，不過就難推啲，同埋我上返啱色嘅粉底都係覺

淡淡地嘅肉色，查完上面會白左，所以要查得均暈啲 因為係物理防曬而買嚟試，so far so good,但會再試其他防曬，未必會再購入呢隻有色嘅。

試過唔少物理防曬，呢一支我覺得中規中矩，texture 唔算太杰，搽完笠一陣就會正常返（我係乾燥肌），調色效果我個人就覺得唔太明顯。

唔需要卸妝非常方便 一支唔會好快用晒 仲有調色 只係價錢偏貴 會再買

很清爽，秋冬天用會覺得小乾，有少許泛白/均勻膚色，膚色深人士未必喜歡，精油味有點明顯，敏感皮膚要小心。

學生時期第一次購入，一枝可以用到1年都有多！顏色粉粉的，可以調校陰沉黃皮臉，不過質地塗上面的時候有少少潔身，可以輔助少少乳液或者精華液使用，不用化妝簡單出街/去露營戶外過夜時的代替品，由於佢係物理防曬，所以防曬效果我認為不算很強勁，如果是戶外很強太陽的時候建議可能要用其他防曬乳液打底，這個就

呢隻防曬有分兩個版本，一個係粉紅色有潤飾效果嘅，另一支係藍色透明嘅。兩支我都有，粉紅色呢支用咗起碼半年，多數我都係朝早趕時間嗰陣，諗住快快脆脆搽個防曬又想要少少調色效果嗰陣就會用，我本身膚質係T區會出油，但兩邊面好易敏感泛紅！面且試過好多隻防曬，但淨係得呢隻唔會敏感，所以我之後會繼續回購！🥹

因為有打折才買的，但意想不到地好用，我是油皮，上面後不會很黏成膜快！但就開架貨品來說有點貴，性價比不太高，可等特價才入手

輕薄絲滑的乳液質地，好推開不黏笠，成膜速度非常快，之後再上底妝都不會搓泥。 膏體是淡粉色，這個粉色是剛好能夠提亮膚色。

防曬同時可以微微修飾皮膚，上面之後睇落精神咗，有少少厚重感，不過可以接受，天氣太熱嘅話會上多層碎粉，如果唔係會有少少黐笠笠

SunPlay 物理調色防曬，SPF50+ PA++++，防曬系數很足夠，亦帶微微潤色效果，可參考圖四👌而且防曬乳霜的質感很滋潤，膚感很好，乾肌 friendly❗可惜我只用了五次以下，因為產品既味道有點難聞，化學味道有點似爛橙的怪味... 每次上面也要待三、五分鐘，讓味道散去... #BA照 #