物理防曬 推薦好用產品

chewyfruit好用推薦：講到 Fancl 長效防曬露 50，唔少人一聽到「Fancl」就覺得安心，事關佢出名無添加、溫和。但呢支防曬係咪真係咁神？今次唔講參數，講下實際用落塊面嘅感覺。 質地： 唧出嚟係偏水嘅乳液，推開嗰下好滑，有少少似搽緊防曬水。佢唔係嗰種一搽就啞緻嘅類型，初頭會有輕微光澤，等三五分鐘先慢慢收乾。收乾之後摸落係爽嘅，但唔係粉感，係有層薄薄嘅膜包住塊面。 上臉感受： 搽完之後塊面係有存在感嘅，唔算話完全隱形。如果你慣咗好輕薄嗰種防曬，可能會覺得佢有少少「焗」。但佢又唔會話好黐立，出汗之後都唔會話變到一撻撻。眼周搽都冇刺眼，呢點對敏感肌嚟講好加分。 防曬力： SPF50+ PA++++，日常出街絕對夠。但佢唔係好防水，如果游水或者爆汗，一定要補搽。佢個設計係偏向溫和、唔刺激，所以防摩擦同防水能力都係一般般。 適合邊個： · 敏感肌、乾肌會幾鍾意 · 鍾意搽完有少少保濕感嘅人 · 日常通勤、唔多戶外活動嘅人 唔啱邊個： · 油肌夏天用可能會覺得有啲潤 · 追求完全隱形、零存在感嘅人 · 需要強防水防汗嘅戶外活動 總結： Fancl 呢支防曬露 50，係一支「穩陣型」防曬。唔會話好驚喜

Lindabb好用推薦：Fancl支長效防曬露50真實用後感 質地： 水狀乳液，流動性好高，一推開就化水。但記住一定要搖勻，唔係會出白水。上臉初頭有少少油光，但等30秒吸收後就變乾爽，唔黺立。 泛白情況： 物理防曬預咗會白，但呢支算係「提亮」多過「死白」。均勻拍開後，似搽咗層薄薄嘅素顏霜，黃皮用會覺得面色靚咗。不過如果手殘捽得太勁，鼻翼同眉間會積白線，建議用拍嘅方式上。 清爽度： ⭐⭐⭐⭐（混合肌夏天OK，大油皮可能要壓碎粉） 控油： 中上，頂到半日唔出油，但冷氣房下顎位會少少乾。 防曬力： SPF50+ PA++++，戶外行山流大汗都冇變黑，防水耐汗真係堅。但記住要補塗，尤其抹汗之後（佢有少許防水，但唔係超強防水嗰種）。 卸妝： 佢話用潔面乳就甩，但我實測過，普通起泡潔面會殘留（摸落有層膜）。建議用返卸妝水/油，或者佢自己支潔面粉，唔係會塞毛孔生暗粒。 優點： · 敏感肌友好（無酒精、無香味、物理性） · 唔刺激眼，流眼淚都唔澀 · 包裝細細支，帶出街補塗方便 缺點： · 價錢偏貴（$2XX/60ml），用得快要成日回購 · 開封後保質期得6個月，要用密啲 · 冬天用會覺得稍乾，保濕打底要做

Akassoo好用推薦：之前因為變咗敏感肌之後就開始將產品轉晒敏感肌適用，亦都第一次用咗Sunplay Skin Aqua 嘅防曬調色霜，因為用過覺得幾好之後今次就再買埋Sunplay Skin Aqua 純物理礦物防曬 SPF50+ PA++++無色版。 呢款防曬係100%物理防曬，亦不含六大致敏成份。好處係真係易推同埋唔黏笠，但雖然佢係白色，不過如果唔覺意搽多咗其實會有少少泛白。 不過因為呢款有最高防曬基準PA++++及SPF50+，所以如果純粹係想防曬而唔係想有咩調色功能嘅話其實呢隻就OK。 作為敏感肌嘅人士，可以放心使用，已經用完一支都冇任何敏感情況。

Cosmeemee好用推薦：呢款Skin Aqua 純物理礦物防曬已經用咗好多支空瓶☀️☀️☀️尤其是係夏天，有時懶就會搽埋手手腳腳🤣 我係藍色同粉紅色都有買，兩款都經常使用～ 💙藍色vs 粉紅色🩷 藍色質地比較輕盈水潤，冇粉色咁Matt，係純防曬，冇調色效果，仲有少少薰衣草香味；而粉紅色就係屬於防曬調色霜，質地比藍色厚，好似係因為兩款防曬用嘅精油唔同，所以有唔同香味，但兩者都絕對唔會有刺激或者化學嘅味道，搽落都覺得佢完全唔刺激皮膚🤣 🔽使用心得如下🔽 ️🕒使用時間：使用一年，幾乎每天使用 💆🏻‍♀️個人皮膚狀況：混合乾性肌膚 使用產品後沒有任何過敏反應 🌟似護膚品，用完皮膚仲靚咗 我塊面皮薄🤣成日好易紅，夏天熱到紅，冬天乾到紅🥹 雖然佢係防曬產品，唔係啲主打降紅嘅護膚品，但我每一次用完都會令到我塊面冇咁紅，同有舒緩嘅效果💧 🌟令皮膚提亮光澤 雖然佢冇調色效果，但用完之後會明顯收細咗毛孔同埋提亮膚色，令皮膚睇起上嚟膚色比較均勻有光澤～仲有防曬效果，皮膚狀態好嘅時候，就咁薄薄搽一浸再拍少少碎粉就已經出得街🤫 🙌總結評分🙌 產品質地：♥️♥️♥️♥️♥️ 均勻膚色：♥️♥️♥️♥️🤍 撫平毛孔：♥️♥️♥️

Kelly Wong好用推薦：《底妝防曬篇》 早前介紹過嘅幾款都屬「化學防曬」，但其實仲有「物理防曬」，如果非常重視Clean beauty 溫和安全既朋友仔就要留意喇。 日本 肌研（Hada Labo）極潤系列的保濕產品，主打「高效透明質酸保濕」，所以呢個系列嘅產品好多產品都好高分，以簡單、安全、有效果的配方聞名。 低敏配方，無香料、無色素、無礦物油，無刺激性，好適合敏感肌。有時候唔想畀皮膚每日都吸收咁多「化學」負擔，單純簡單用「物理防曬」保護下皮膚就輕鬆出門口，呢款產品非常合適，仲可以減省落妝步驟，啱晒想偷懶嗰日用！ 質地屬於乳液/霜狀，延展性佳，吸收快，不黏膩，不過缺點就係會出大汗出油時，應該會減弱防曬力，有需要就要補一補防曬喇～

GinGin好用推薦：依款防曬比較濃稠，莎難推開，而且會泛白，不過可以接受，因為只係出門半小事，所以未知會否曬黑

Akassoo好用推薦：我最近皮膚出現咗問題，突然之間皮膚敏感，唔知咩原因搽咩都會敏感，就算係以前用開嘅化妝品或者護膚品都出事，所以最近開始要將所有護膚品都轉做敏感肌適用🥲。 今次係第一次用Sunplay嘅防曬，呢排都成日見到佢啲廣告，見官方同埋好多人都話適合敏感肌，而我最近因為敏感都唔敢化妝，所以就試買咗呢隻Sunplay Skin Aqua純物理礦物防曬調色霜 SPF50+ PA++++ ，搽完就直接出街。 呢款調色霜係粉粉地色嘅，覺得都幾啱普遍香港人嘅膚色，都幾自然提亮，唔會搽完之後塊面白咗一度、個質地亦都唔會話特別厚，都算易推。 作為突然變咗敏感肌嘅我，平時用過嘅防曬都即刻敏感爛面，最近轉咗用呢隻又真係冇敏感，因為佢講到明不含6大致敏成分，所以都叫放下咗心頭大石。 官方指呢支純物理防曬有新升級5倍護膚成分，加倍保濕同高效修護肌膚，可以舒緩曬後引致嘅泛紅同乾燥。當中嘅Betaine、Moringa Seed Oil同Ceramide係可以幫助皮膚維持水分平衡、防止水份流失同提供深層保濕滋潤，所以我而家為咗養好返啲皮膚如果搽防曬嘅話就會搽呢支出街。

Paris merci 好用推薦：首先我就幾鍾意用，尤其是夏天高溫唔想搽粉底液嘅時候就用佢，一支搞掂防曬及粉底。 佢係標榜係物理防曬，所以係對海洋系友善。另外物理防曬好似比化學防曬嘅成份冇咁容易致癌。 仲有佢嘅物理防曬比其他物理防曬係冇咁厚身，就算上面都冇咁容易長暗瘡。佢質地有啲似gel，唔會有防曬嘅油膩，依款粉紅色係調霜，上面好似有啲假白，嗰一陣就冇咁白，變返自然。 直接全面查運用手指推開，再喺顴骨位置查多層全日防曬好足夠。用呢支調色物理防曬，直程唔需要用碎粉定妝💕

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！

Paris merci 好用推薦：Sunplay 純物理防曬，milk質地輕盈唔會泛白，純物理防曬對皮膚較好，冇咁多化學成份。 粉紅色嘅gel同呢支兩支我都有用，milk呢一款係新版本，但冇gel咁清爽，我自己搽面就好鍾意用gel嗰款嘅質感多啲，上面較為舒適。 Milk用完之後會有層粉感，雖然佢係比較控油，但用完有一種假乾燥嘅感覺，類似傳統防曬嘅搖搖樂，我用完佢感皮膚有點兒侷促嘅感覺💕

natanatalie好用推薦：一支性價比非常高的日常防曬❤️ 這一支防曬是新的版本，它比舊的版本質地更為輕盈和透薄。我最欣賞的是它防曬係數非常高，很適合在香港夏天太陽非常猛烈的天氣使用。雖然它的防曬系數很高，但它一點也不厚重，也不會泛白，用了它感覺恍如無物，不會對毛孔和肌膚造成負擔，而且夏天流汗時也不會出現一般防曬會出現的留白汗的情況！🥳 通常我會用完它之後再化妝，就把它當作是底霜一樣，之後的粉底也是非常貼服。😍 有時在個人護理店會有買一送一再有折，計落$100一支也不用，非常適合小資女。🤪

Tiffany好用推薦：AHC防曬棒真係幾好用，超方便，塗抹嘅時候唔需要整污糟對手。純物理防曬亦都唔會太死白，對敏肌友好。

Joannefan好用推薦：物理性防曬，市面上有很多牌子 但是膏狀的物理性防曬比較少，而且這個形狀size比較細，帶出外 比較方便. 特別適合敏感皮膚質感清爽唔黏立

ying好用推薦：✨ WAKEMAKE 純素輕透無暇啞光氣墊 純素・輕透・唔焗 12g*2 / HK$280 SPF38 PA++ 「薄薄上一層已經均勻到膚色，唔會面具感，仲要唔焗。」 ✅ 輕透清爽，唔焗 呢個係最大優點。 香港天氣又濕又熱， 好多氣墊用完塊面好似「漿住」。 呢個用完係清爽嘅， 唔會覺得塊面有層嘢。 ✅ 妝感自然，唔會假面 薄薄一層已經均勻到膚色， 唔會白到「面具感」。 妝效係自然啞光， 望落似「本身皮膚就係咁」。 ✅ 持久度ok，唔會暗沉 朝早化完，到下晝都keep到。 唔會變灰變黃， 出油之後用紙巾印一印就靚返。 ✅ 純素＋養膚成分 92%天然成分， 化妝同時護膚， 用落安心啲。 敏感肌都用得（通過皮膚刺激測試）。 ✅ 環保包裝 氣墊容器係用環保回收塑膠製成， 用完都唔會咁 guilty。 ✅ 補妝方便 細細盒，帶出街補妝好方便。 一扑上去，即刻變返清爽啞光。 ⚠️ 注意： 遮瑕力中等， 痘印、黑眼圈要另外遮。 極乾肌冬天用可能會覺得乾。 WAKEMAKE 純素輕透無暇啞光氣墊，輕透清爽唔焗，薄薄一層已經均勻到膚色，妝感自然唔面具。持久度ok，補妝方便。夏天／潮濕天氣

Ruby好用推薦：這款氣墊真的很強！ 妝感輕簿不黏笠，油肌使用10小時後0補妝也不脫妝！出油後是很好看的奶油肌！大推！

Fng好用推薦：DECORTÉ 美白防曬護膚霜｜ ✨ 質地與使用感 呢支CC防曬霜質地係絲滑奶油慕絲，推開瞬間化水，完全唔會黏笠！ 最加分係佢鼻翼位唔會卡粉，呢點好多防曬都做唔到。質地夠輕薄，真係有磨皮效果但係一啲都唔乾，On top再上粉底都好貼，唔會同粉底打交。 🌟 防曬力：SPF50+/PA++++，最高級別防禦，足夠應付香港夏天猛烈陽光。 💧 保濕與持久度 出街8小時都仲保持光澤感，唔會變黃同埋溶妝，鼻翼位置都冇浮粉嘅情況。 💔 注意事項 1. 需要卸妝：記得要用卸妝產品卸除 2. 油肌夏天要留意， 質地保濕，不控油 💡 混合乾肌夏日使用攻略 1. 懶人出街法：搽完防曬直接出門，薄薄一層已經有偽素顏效果 2. 妝前打底法：等1分鐘成膜再上粉底，完全唔會同粉底打交 3. 重點遮瑕法：有瑕疵嘅位可以on top加少少遮瑕膏，快手完成底妝 4. 用量控制：一粒珍珠大小就夠全面，唔使貪心 推薦度：★★★★☆（4.5/5，懶人必備！） 適合：趕時間返工返學、追求自然透亮妝感、混合肌/乾肌用家～ #DECORTÉ防曬 #水潤提亮CC #防曬底妝二合一 #火熱新品

Angie好用推薦：用咗3個月左右，天氣熱嘅時候用有少少笠🤏🏻 最近比較涼同乾燥，用落好舒服👍🏻 調色效果明顯，搽嘅時候要慢慢推，如果唔係會容易唔平均。搽完明顯氣色好咗，有時懶唔上粉底都ok🤭 化妝當base用都唔會同粉底液打架，都幾易用👍🏻

Milo101好用推薦：🌟左邊這款偏白色帶微微粉，質地比較濃稠，有提亮作用 🌟覺得較難推開，個人比較喜歡右邊款比較水潤的

Hchan好用推薦：由於最近天氣不穩定，加上長期戴口罩，皮膚一直敏感泛紅，所以日常改用了物理防曬避免皮膚問題加劇。 這個透明礦物物理防曬乳屬嬰兒品牌，嬰兒及敏感肌適用。它有防曬度SPF50，可維持80 分鐘防水防汗，適合户外用。它的質地相對於化學防曬不夠透薄，需多花時間均勻推開，否則會有白痕。完全推開後是透明，有少少黏及光澤感，因皮膚敏感問題我不會上妝，所以習慣出門前用面紙輕印減少黏膩感。 對於敏感肌的我，它標榜的物理防曬、無香料及防腐劑、植物性等成分能有效減少過敏的風險，而且上臉後也沒有感到不適，讓我可以放心使用。 我每天通勤前使用，在現時酷熱暴曬的天氣下也沒有明顯曬黑，防曬效果出色。此外這款產品為海洋友善配方，減低對海洋生態造成傷害，令人更加安心購買。 雖然物理防曬在質地上不如化學防曬滑順好用，但已比起其他品牌輕薄。它對敏感肌膚的友好性能穩定夏日肌膚，環保特性亦吸引我繼續使用，推薦給大家。

Milo101好用推薦：🌟🌟 這個是Babo Botanicals 護膚級礦物防曬乳液 SPF50 (無香料）50ml 🌟🌟圖二：需要搖勻才倒出來，防曬乳液是淡黃色的，旁邊是推開的狀態，可見是呈液體狀的 🌟🌟圖三：塗勻後是透明無色，有輕微光澤感，非常適合塗在手腳頸部皮膚 🌟🌟無添加，塗抹時有一股呈鹽味的氣味，喜好就見人見智，我自己就不太習慣 🌟🌟成份天然，低敏配方，而且環境友善，所以如果我皮膚狀態比較差時我會優先考慮這支防曬

Ariel好用推薦：自費購入～ 覺得2.0係有比第一代好用咗嘅！第一代實在係太難推，好易卡住一撻撻😂😂😂但2.0就解決咗呢個問題～ 遮瑕度都幾夠！我通常用佢就唔會再用粉底🌞有提亮效果，用完睇落會精神咗～ 不過我混合性油肌，用完一定要加碎粉定妝，如果唔係就會有少少易出油><

Bchonfrise 好用推薦：一路都覺得小嶋陽菜係世界級既靚！所以好開心cosme入咗佢個brand！佢啲香水都係勁正！勁襯佢！用咗就好似有個小嶋陽菜vibe咁！一樣咁靚！ 今次試咗佢個防曬～防曬係淡淡既薰衣草香，都幾療癒，而且膚感好好！就好似面霜質地，補濕得嚟又唔會太笠，後續上粉底遮瑕都唔會打交，如果做好妝前補濕，冬天既使用感都好良好！又有好輕微既提亮！之後已經買咗大size ！用曬手頭上既防曬會想回購！ 下面張圖係用完防曬之後再搽咗遮瑕，同用埋同品牌既highlight stick！好有光澤感！希望cosme會入埋佢哋遲啲出個lip serum啦！

Hamiii好用推薦：套裝跟既 呢個防曬度數比較雞肋 一般黎講唔過50度我都唔會上面 呢個度數套太低 就搽手腳用 唔算立 但黏黏地 個人黎講麻麻

LPM好用推薦：好用 唔敏感 無怪味 清爽唔lup 防曬效果普通出下街都夠用 係台灣買勁平勁抵用