找產品
光澤 推薦好用產品
1,285 件
Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！
<看全文>PorscheB好用推薦：第一次接觸呢個牌子就係買左呢枝油 官網介紹 KÉRASTASE 巴黎卡詩No.1美髮油*，蘊含維他命E、摩洛哥堅果油、茉莉花精油及沒藥粹取精華，為秀髮增添滋養光澤及讓髮間全日持久散發高貴醉人的玫瑰木調芳香，適合所有髮質使用。可用於日常護理，秀髮瞬間恢復絲般柔滑 平時我會吹到頭髮半乾 ，搽係頭髮近尾2/3位置。 因為呢枝護髮油可以防止毛鱗片受損而變得毛躁。 用過好多款hair spray hair oil hair serum 呢枝一定係number 1 好香 效果好好 而且唔會油lup lup 吸收好快 同埋會回購！ ！
<看全文>
🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特
<看全文>Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。
<看全文>
YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。
<看全文>Hellobeauty 好用推薦：KATE 怪獸級持色唇膏係我回購咗好幾次嘅唇膏產品,而我情有獨鍾03號暖陽奶茶色 我絕對認同呢個產品係好保濕,好顯色；我平時鍾意查一層營造有色潤唇膏嘅效果,喺無化妝嘅時候,只塗一層已經可以提升氣息,同時又唔會誇張唇色成為焦點,低調地令自己開心啲 而且我感受到佢嘅保濕技術,令到我本身偏乾嘅唇,突顯脫皮嘅情況,只會出現持久水光感的感覺 溫馨提示:因為佢係極水潤嘅唇膏,呢個絕對係佢嘅賣點,所以我從來唔會用其他唇部產品疊查上去,否則我覺得太浪費佢功用啦😂
<看全文>
Bendict好用推薦：我係敏感肌偏乾 之前天氣乾燥 用其他品牌碎粉定妝嘅時候發覺有啲位有乾紋😅 所係網度睇左咗幾日 究竟買咩品牌碎粉 因為我偏好日本品牌 忽略咗個大家都聽過嘅牌子 LAURA MERCIER 本來只係抱著試一試既心態 但估唔到盒碎粉好用到超出我預期 我用嘅色號係Translucent透明粉質好細 好滑 我用過嘅碎粉中最幼滑 我LM嘅碎粉定妝 天氣極乾嘅時間真係無顯細紋 而且修飾毛孔效果超出我預期咁好🙀 下圖 唔係誇張一秒磨皮 唔使開filter🙀🙀持久度方面 用完呢個定妝 我試過大概6個鍾多少少開始微微出油 但唔影響妝效😺 優點講咗 但真係有缺點 1. 冇附送粉撲 我另外買其他牌子粉撲放唔落 就算放到落去都係會倒太多碎粉出來 控制唔到取粉個量 2.粉盒設計好陽春 其他品牌已經有濾網設計嘞 每次倒過多出嚟 要晒好長時間 搖返啲碎粉落底層🫠如果佢有濾網設計 真係值7粒星100分✅冇濾網加粉撲所以扣左星星😿 不過性價比真係好高 29g 其實價錢等於兩盒其他品牌嘅碎粉 妝效亦真係非常好 所以推薦👍😺
<看全文>chewyfruit好用推薦：Laura Mercier 蜜粉：真係「啞緻」界嘅天花板？ 如果你有化開妝，幾乎冇可能未聽過Laura Mercier呢盒「神級蜜粉」。個個化妝師都有一盒，網上吹到天上有地下無。等我同你拆解，佢係咪真係咁把炮！ 第一印象：簡約大方，但係... 一拎上手，個包裝係幾有質感嘅，經典嘅黑色蓋配透明罐，睇落幾專業。不過！要彈嘅係，原裝係冇跟粉撲嘅！呢下真係有啲「吊頸都要透氣」嘅感覺，你要自己配個掃或者粉撲，有少少麻煩。 粉質：真係幼過BB仔嘅皮膚 講到粉質，呢樣真係要寫個「服」字。啲粉真係幼到呢……好似煙咁，一倒出嚟好似一陣輕煙，唔會飛到成個枱都係，但質地極度幼滑。摸落去好似絲綢咁，完全冇顆粒感。 上臉效果：即刻「磨皮」唔係講笑 1. 啞緻度： 一撲上塊面，嘩！真係即刻啞緻！個妝效係好高級嘅霧面感，完全冇咗啲「油立立」嘅反光，好似開咗美顏相機嘅「磨皮」功能一樣。尤其係T字位，啲油光即刻收皮！ 2. 透薄度： 雖然係全霧面，但佢一啲都唔厚粉。完全唔會好似戴�個面具咁，唔會加重粉感，能夠保留返你本身底妝嘅光澤同質感，只係將油光抹走咗，呢點好高分。 3. 持久度： 呢個係佢最犀利嘅地方！我係
<看全文>
布吶吶好用推薦：好！今次同大家做一個 NARS 胭脂嘅測評，重點講吓經典色號 Deep Throat。佢同 Orgasm 一樣咁出名，但係有啲微妙分別㗎！ 整體評價： Deep Throat 係 NARS 最受歡迎嘅色號之一，屬於 帶細緻金閃嘅蜜桃粉紅色。相比 Orgasm，佢更低調、更日常，閃粉無咁誇張，顏色也更偏蜜桃一啲，被唔少人稱為「更貼膚、更自然嘅 Orgasm」。 詳細測評 1. 顏色與質地 · 色調： 係一隻 暖調蜜桃粉，帶有細細嘅 金色珠光。上臉後顏色非常貼合皮膚，唔會突兀，好似本身皮膚透出嘅紅潤感。 · 珠光： 金色珠光好細膩，唔會好誇張，光澤係 低調嘅絲緞光，唔會顯毛孔，反而有種皮膚好好嘅感覺。 · 粉質： NARS 嘅粉質出名幼細、順滑、貼服。壓粉實淨，但唔難取粉，顯色度屬於 中等，可以慢慢疊加。 2. 上妝效果 · 自然度： ★★★★★ 融合度極高，顏色同光澤都好自然，偽素顏神器。就算係化妝新手都好易掌握。 · 光澤感： ★★★★☆ 金色珠光低調得嚟又有效提亮蘋果肌，營造健康光澤感，唔會好似「十八銅人」咁金閃閃。 · 持久度： ★★★★☆ 持久度非常好！一
<看全文>莓莓好用推薦：提起NARS胭脂，好多人會即刻諗到「高潮」、「深喉」呢啲大熱色。但其實佢哋仲有一隻「Sex Appeal」，係資深化妝友同新手之間一個心照不宣嘅秘密。 望個名好有遐想，好似好熱情？錯啦。打開盒一睇，顏色淡到呢……「吓？有冇擺錯色啊？」係好多人心入面嘅第一個疑問。 但呢份「淡」，正正就係佢嘅魔法。佢唔係要你一眼睇到嘅鮮豔，而係要俾你一種 「睇唔出但有咗就唔同晒」 嘅感覺——好似晨跑完微微泛紅嘅面珠，又或者係冷氣房坐耐咗，面頰自然透出嘅一絲血色。 冇閃粉，冇珠光，就係一舊純粹嘅啞緻蜜桃粉。如果你成日覺得自己一搽胭脂就變「一嚿」、或者永遠失手變關公，咁呢舊嘢，可能會成為你化妝袋入面，最唔起眼但又最唔捨得冇咗嘅寶藏。 包裝： 典型NARS黑膠盒，型係型，但好黐手指模同塵，要成日抹。細細個易拎出街，但冇跟掃，要自己配。 顏色： 真係好靚好自然嘅蜜桃粉，帶少少杏色。望落去好似好淺，但搽上塊臉度，係一種「好似自己面色咁」嘅紅潤，睇落好精神，完全唔會「一嚿嘢」或者誇張。啞面嘅，冇閃粉，好日系feel。 粉質： 粉壓得幾實，好幼細，唔會飛粉。上臉好易推勻，同皮膚融合得好快。 效果同點用：
<看全文>
Suki好用推薦：Laura Mercier 柔焦保濕蜜粉用咗幾次之後，真係無得彈，十級好用！呢款蜜粉唔單止柔焦效果一流，仲可以做到保濕，真係完全符合對蜜粉嘅所有期待。 首先講佢嘅柔焦效果，蜜粉質地極度細緻，輕輕掃喺面上，就好似畀皮膚加咗一層濾鏡咁，毛孔即刻被隱形，皮膚變得好平滑，絕對係「磨皮神器」。但更加值得一提嘅係佢嘅妝感非常自然，完全唔會有假白或者扁平嘅感覺，仲會保留住皮膚嘅若隱若現嘅光澤感，靚得嚟好低調。 再嚟就係佢嘅保濕度，呢款蜜粉完全唔會令皮膚覺得乾燥，反而有一種輕盈嘅水潤感，特別適合乾性同混合性肌膚。即使化完妝幾個鐘，皮膚都仲保持住一個柔軟水潤嘅狀態，無卡粉，亦無浮粉，真係好貼服！ 而且，定妝效果亦非常優秀，輕輕掃一層就可以牢牢鎖住底妝，控油力適中，唔會令妝感過於乾爽，但可以有效防止底妝脫落，連戴口罩都唔怕底妝移位。
<看全文>Kala好用推薦：LAURA MERCIER透明蜜粉真的神！超細緻如空氣，一撲上去毛孔直接消失，肌膚瞬間變得霧面絨緻又透亮～混油肌用半日會開始出少少油， 用紙巾印走油就可以保持妝感，唔會浮粉，少少奶油肌感覺。已經用緊第二盒，會繼續使用。
<看全文>
Desse好用推薦：多謝@cosme送咗第一盒俾我.. 然後我從此入坑…🤣 KÉRASTASE 逆時光至臻修護髮膜 逆時光喱條line我基本上都買過.. 最欣賞係喱個髮膜💓 Kérastase Chronologiste Masque 係一款針對乾燥、受損同老化髮質的嘅深層修護髮膜💪🏻 產品可以滋養髮絲，恢復髮質嘅光澤同彈性，同時提供抗老化效果🤩 質地同香味🌷 💡髮膜質地係濃稠嘅乳霜狀.. 容易塗抹且唔會感覺油膩💓 💡髮膜基調有輕木同雪松 氣味優雅且持久，讓人感覺放鬆😌 主要成分 💡有透明質酸、活性海源精華、維他命E 深層滋養頭皮同髮絲 抗氧化同時鎖水 令頭髮即時柔順有光澤💓 💡用法簡單 洗髮後塗抹髮膜於髮尾 靜待5分鐘再沖洗 使用效果評價🧏🏻♀️🧏🏻♀️🧏🏻♀️🧏🏻♀️ 💡深層滋養 髮絲感覺明顯滋潤..乾燥同毛躁嘅情況有所改善 髮膜能夠深入髮絲..提供長效滋養效果💓 💡改善髮質 髮絲變得更加柔順，易於打理，並且光澤感明顯提升⭐️⭐️ 對於受損髮質.. 喱款髮膜能夠有效修復，令髮絲睇起來更加健康 💡抗老化效果 髮膜喺改善髮質嘅同時，仲能夠減少髮絲嘅斷裂同分叉，延緩髮質老化嘅過程，
<看全文>Fng好用推薦：KÉRASTASE逆時光髮膜｜熟齡髮絲嘅時光機 KÉRASTASE呢瓶逆時光髮膜（定位$500+中高價位），專為老化髮質設計，同品牌其他系列及開架髮膜比較，究竟係咪真係值得投資🤓 配方解密： 海源精華(Abyssine)、透明質酸和維他命E，並結合了珍貴油組合（如Amla、玉米、山茶、摩洛哥堅果油）和神經醯胺。 相比開架產品如Schwarzkopf玻尿酸髮膜只做表面補水，它真正深入修復。 夏日使用： 1. 嚴格避開頭皮與髮根，只塗抹在髮尾及中段 2. 在冷氣房內敷10-15分鐘，避免高溫濕氣影響吸收 3. 每次用量不需多，一週2次比一週1次厚敷更有效 用後感： 質地是輕盈的乳霜狀，推開時有種絲絨觸感，不像傳統髮膜般厚重。沖水那刻最驚喜——順滑度爆錶但零油膩，吹乾後頭髮依然保持空氣感，不會扁塌貼頭皮。最明顯是光澤感提升，毛躁撫平，髮尾的乾枯感大幅改善，觸感就像做了salon級護理！ 同價位比較： •vs Oribe黃金髮膜：KÉRASTASE更專注抗老修復，Oribe香味與即時柔順度更勝 •vs Moroccanoil強效保濕：KÉRASTASE質地更輕盈，適合怕厚重的細軟髮
<看全文>
Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！
<看全文>lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～
<看全文>
Chloeincosme好用推薦：呢排終於試咗傳說中嘅 Charlotte Tilbury 四色眼影盤（買完平替excel1最後都係忍唔住入手CT😂），果然名不虛傳，易上色唔飛粉，閃粉比Excel大粒少少，歐美感重啲，但又可以輕鬆畫到近期好興嘅「白開水」妝容♥️ 🤍 粉質與顯色：5/5 粉質細滑如絲，一掃就上色，暈染度超順手～深色夠實淨，淺色透薄有層次，即使新手都輕易畫出專業感！ 🤍 閃粉效果：4.5/5 閃片比Excel更璀璨，顆粒稍大但唔會飛粉，厚搽光澤偏歐系華麗感，但用指尖輕拍眼頭或臥蠶，即刻變溫柔韓系水光～ 🤍 實用度：5/5 配色設計聰明，跟住官方教法三步驟就完成日常妝，濃淡皆宜！想要「白開水」妝容的話，用啞光色打底加少少閃片點綴已經好清透！ 🤍 持久度：4.5/5 帶妝10小時都冇積線或褪色，閃片依然緊貼眼皮，油眼人都撐到一日！ 總結： 如果預算允許，CT眼影盤絕對值得投資！佢完美平衡咗歐美顯色度同亞洲清淡妝感，一盤搞定多種風格♥️
<看全文>pinky好用推薦：自購左2次，買黎送比朋友1次😆 以前覺得眼影唔使買專櫃級 但CT眼影系列質地好幼滑 顯色度高 好易攞粉🎨 而且每盒顏色配搭都十分好看😍 一盒就輕鬆化曬成個眼妝 岩曬d對眼妝無咁熟練既靚女們♪( ´θ｀)ノ 而家佢地既閃粉格真係好sharp好出色！！ 拎黎做highlight都得 雖然價錢貴少少 但經過呢2年使用後又覺得都值得 好過買左盒平野完全唔用/唔記得左 因為好用既產品唔使刻意自己都識搵出黎用呀🫶🏻😆 黎緊年尾咁多party 各位可以考慮入手haha(≧▽≦)
<看全文>
Paris merci 好用推薦：Dove 勝肽修護髮膜（小金碗），其實係一大罐🤣一開盒就好香。雖然髮膜係濃稠膏狀，但係搽上去好容易，能夠均勻覆蓋到每一根髮絲，就算只搽少少都容易推開。 過水嘅時候已經感覺到頭髮順滑，非常好用，可以深層滋養同修復受損嘅髮質，真係令到頭髮有返光澤同柔順。等我吹頭之後，效果更加明顯，乾嘅髮質都可以keep得順滑，毛躁感減低，髮尾都修復得唔錯。 對於日常護髮嚟講，相比其他高端品牌，呢款髮膜嘅價錢適中，但效果真係唔差，總體合格💕
<看全文>Fng好用推薦：Dove勝肽修護髮膜｜ Dove呢個「小金碗」（幾十蚊有交易)，加入咗護膚界大熱嘅勝肽成分。 配方： •奧泰米爾勝肽：聲稱可以幫頭髮「補膠原蛋白」 •角蛋白複合物：填充受損髮絲嘅「窿窿」 •玻尿酸：基本補水，對抗毛躁 同Fino髮膜比，Dove呢支質地更輕；同Aussie 3分鐘奇蹟比，就溫和唔少！ 用後感： 一打開個碗，個質地似融化咗嘅雲尼拿雪糕，推落頭髮度零黏膩。沖水那刻有驚喜——手指一梳到底，個順滑度拍得上貴價貨！吹完頭最明顯係毛躁隱形咗七八成，個觸感似絲綢咁滑，最正係唔會令頭髮扁塌，keep到蓬鬆感～ 同價位大比拼： •vs Fino髮膜：Dove贏在清爽度，Fino就潤啲 •vs Aussie 3分鐘：Dove溫和啲，適合敏感頭皮 溫馨提示： ✨油頭姊妹可以一星期用一次就夠 ✨記住要沖得乾淨，唔係會阻塞毛孔 ✨開咗之後要快啲用，唔係會乾 總結： 一支抵食夾大件嘅開架神器！特別適合又染又燙、成日覺得頭髮乾嘅sis。雖然唔會用完變廣告模特兒，但作為日常護理，絕對交足功課！記住要用得聰明，集中火力對付受損髮尾，咁就唔會浪費咗呢個平民享受啦！
<看全文>
wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！
<看全文>🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品
<看全文>
Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。
<看全文>TsuenMa好用推薦：#SHUUEMURA 植村秀 Unlimited 無限輕透持妝粉底液 ✨小方瓶2.0✨ 磨砂瓶身，黑色蓋子，瓶身沒有其他文字/訊息，LOGO就以黑底白字印製，日系的簡約風格。 粉底液本身就有防曬系數 SPF 46 / PA +++，係我用過甘多隻粉底液入面防曬系數最高的，為左讓妝感可以輕薄，可以直接省略防曬呢個步驟，減輕面上要搽嘅porduct，令妝感更輕薄貼服，係夏天嘅好選擇。（但可能只係岩個日係室內活動嘅時候用，如果淨係靠產品本身入面嘅防曬，可能吾足夠抵擋到室外活動嘅UV） 色號：584 #會呼吸的霧光肌 一泵就可以上晒全塊面，出嚟嘅量算係偏多，質地係屬於比較易乾嘅，所以可以留意返盡量唔好將粉底攤太耐，同埋要局部上妝，避免粉底乾咗之後難推開。 呢款粉底好適合香港潮濕翳焗嘅天氣使用，佢能夠有效控油，但同時唔會抽乾晒面部嘅水份，保持適當嘅濕度，令到底妝可以持久度高啲💕 同埋吾會甘易因為出油而脫妝。 呢隻粉底最可取之處在於雖然控油力強，但不至於抽乾晒你面上面嘅油水，皮膚負擔會較低；遮瑕度就都算中上，但又未至於令到你成個面具甘，保留返自然嘅妝感。不過因為我係混合肌，有啲面部
<看全文>
Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️
<看全文>Kitty 好用推薦：包裝係厚實塑膠樽，入面係粉紅色嘅液體。一打開陣味係好清新嘅果酸味，有少少似樹莓或者莓果咁，唔會俗氣，沖完涼成個浴室都係香噴噴，好舒服！ 🧴使用方法🧴 好簡單咋，洗完頭，將洗頭水同護髮素沖乾淨之後，揸住個樽係頭頂繞三圈，用量剛剛好。髮醋從頭頂開始按摩，均勻搽喺濕頭髮上面，如果想清潔止癢效果好d記得按摩埋頭皮！輕輕按摩下等佢吸收，跟住沖水！ 💖用後感💖 第一次用完已經覺得好神奇！啲頭髮即時順滑咗好多，用手指梳開打結嘅地方完全冇難度，好似幫頭髮做咗個SPA咁！沖水嗰陣感覺到髮質好軟熟，唔會鞋掹掹。 吹乾頭之後個效果更加明顯！頭髮光澤咗，睇落健康啲，而且摸落去真係滑捋捋，自己都忍唔住成日摸😂！之前啲髮尾好乾，而家感覺有咗層保護膜咁，冇咁易打結，朝早起身都冇咁毛躁。 👍優點👍 - 即時見效，用一次就feel到順滑 - 氣味清新 - 平價！一支可以用好耐 - 漂染受損、毛躁頭髮都岩用 👎缺點👎 - 如果你頭髮本身偏幼細，可能唔可以次次用，否則會有少少扁塌 - 一定要徹底沖洗乾淨，留香不太持久 總括來講： Yves Rocher呢支髮醋絕對係性價比高之選！尤其適合頭髮受損、經常打結、缺乏光
<看全文>
oy 好用推薦：講完藍色就要講埋橙色呢款受損修護型，如果你係成日染燙或者漂完頭搞到把頭髮爛晒嘅話，呢隻就啱哂🤣 佢嘅質地明顯比藍色嗰款更加濃稠，擠出嚟好似杰身嘅cream咁，同樣有嗰啲黃色爆珠精華，搓開之後搽上頭會覺得每一條頭髮都俾啲精華好厚實咁包住，滋潤度好高 我自己試過染完頭之後用，本身洗頭嗰陣仲係鞋熠熠好乾旱咁，用完佢即刻順滑翻，手指一梳都完全冇打結。 雖然佢係比較潤身，但又唔會話搞到個頭好油膩，沖水之後你會feel到髮質變軟熟咗好多。吹乾頭之後啲髮尾分叉雖然唔會話即刻消失，但明顯撫平咗好多，成個頭睇落好有光澤好貼服，唔會再係爆炸頭咁樣亂飛。 呢款就特別推介俾嚴重受損髮質、或者本身髮質比較粗硬乾燥嘅人，尤其係啱啱漂染完急需深層修護嗰陣，用佢黎做treatment個效果真係拍得住做焗油，keep住用你會覺得髮質真係有一點點慢慢養返好嘅感覺，不過就味道嚟講個人就唔太鍾意 水潤度：⭐️⭐️⭐️⭐️⭐️ 清爽感：⭐️⭐️ 味道：⭐️⭐️ 價錢：⭐️⭐️⭐️⭐️ 推薦度：⭐️⭐️⭐️⭐️爛髮急救
<看全文>Elaine好用推薦：三款之中係最香，用完好潤但又唔會太笠 頭髮仲有光澤好多，會keep住買！
<看全文>
布吶吶好用推薦：Laura Mercier水光粉底霜 轉季皮膚乾燥，入手了這個粉底霜！ 上臉是水光妝感，很滋潤！ 乾皮用肯定夠了 油皮估計不行 會有點過於滋潤 我是正常膚質 對我來說滋潤度很好不會乾也不會油 遮瑕還是有一丟丟的 不過就真的是一丟丟 只能遮點鼻翼的泛紅和不嚴重的黑眼圈 但它毫無粉感 塑造的是自然好皮的感覺 我覺得這個不需要用粉撲 直接用手擦一擦就搞定 因為我買這個本身的訴求就是不想那麼麻煩擦防曬擦粉底的時候擦一擦就出門 目前用下來非常滿意 我臉上基本沒有瑕疵 所以我覺得這個比較適合本身膚色、皮膚狀態都很好的盆友 是不能指它能有太大的作用的 我用下來沒有悶痘、閉口，兩片卸妝棉就可以擦的很乾淨 我買的顏色是最白色 也不會太白 （我本人很白 色號是櫃姐給我選的 不是我自己要最白色的）擦上很自然 總結一下 皮膚好的小姐姐不想化全妝、想隨意出個門、想氣色看起來好點、像偽素顏可買！ #轉季#換季#水光妝
<看全文>Emma W好用推薦：潤色粉底的1N Birch 好適合我的膚色。一搽上面上，質地輕盈，水潤，易推開。搽後感覺自然透亮，有種「偽素顏」的感覺。另外，其有防曬功能，SPF30+++，提供基本防曬，減少塗抹額外防曬的需要，減輕肌膚負擔。 但是，遮瑕力度有限。如毛孔、黑頭、黑眼圈就覆蓋唔到。持妝力也一般般。夏天出汗大，要經常補妝，都係一種唔太方便的因素。可能秋冬天使用會好少少 #火熱新品
<看全文>
Wuxx好用推薦：遲左少少系列～ 因為手上太多粉底未用哂所以遲遲未開黎用， 終於可以打使用心得～ 產品初上市嘅時候已經即刻去左專櫃試色， 當初已經對佢個外形設計超級心心眼！ 打開仲要係我最最最鍾意嘅濾網設計！ 所以二話不說入手左！ 開封到依家使用約一星期左右， 打開第一下係睇得出嘅水潤感， 而粉撲都幾好用，夠軟身， 不過都係有少少食粉情況， 但對我黎講問題不太大。 氣墊濾網個人認為有發揮好作用， 按壓出嘅粉質非常幼滑， 平時用氣墊粉撲需要費時去修飾毛孔， 依隻水潤粉質更容易自己填入毛孔，非常加分！ 而遮瑕方便都去到6-7成，上面係半水半霧面， 鍾意自然肌感嘅朋友可以考慮下依隻粉底。 冷氣房每日持妝約10小時，未見有收乾情況， 不過室外用就唔係好控油，需要注意。 另外暗沉方面唔明顯，約暗0.5色階。 整體使用感滿意，但如果有埋防曬功效會更好～ 咁就可以帶埋出街補防曬😗**是次購入色號為1C色
<看全文>Fng好用推薦：Charlotte Tilbury 的夢幻柔光粉氣墊妝效主打光澤感，而非全霧面，增加肌膚光澤感，沒有粉感過重，質地較水潤，妝感薄透自然。它屬中度遮瑕，可疊加，我覺得對日常妝容足夠。我混合偏乾肌膚，沒有卡粉，自然光澤，提升肌膚飽滿感，視覺上減輕乾紋。 夏天炎熱天氣下，我會定妝，用控油型透明蜜粉（如 Laura Mercier)，在濕度相對低一點，溫度涼爽些的日子，這款氣墊對我混合偏乾肌會更為適合，持妝挑戰較小。 在香港炎熱潮濕下，如果是油肌，較容易出油，這款氣墊的光澤感可能會讓T區在幾個小時後看起來更油亮，甚至可能加速脫妝，尤其在沒有做好妝前打底和定妝的情況下，T區可能較快融妝。 總體來說，這款氣墊對混合偏乾肌比較啱用，但在夏天使用，需要搭配額外的控油和定妝步驟來應對。如果怕麻煩或對持妝度要求極高，可能需要考慮更控油持久的產品，或者只在秋冬季節使用它。 #夏天
<看全文>
Kmggigi好用推薦：Pantene 新升級3分鐘奇蹟護髮精華素 — 高性價比，每日柔順奇蹟✨ 產品: 護髮素嘅香味非常濃郁，而且留香時間非常長， 洗完頭之後頭髮散發自然香氣， 令人聞住都覺得舒服，香味控一定會鍾意！ 效果: 呢款護髮精華素性價比非常高， 只需3分鐘，就可以令頭髮變得柔順有光澤， 效果媲美髮廊護理！ 因為效果咁好，我而家每日都會使用， 而髮膜反而變成偶爾先用嘅額外加強步驟。 總結：柔順護理的平價之選 Pantene 新升級3分鐘奇蹟護髮精華素以高效護理效果同持久香氣，成為一款高性價比又容易使用嘅護髮產品。 如果你追求柔順光澤同方便快捷嘅日常護理， 呢款護髮素絕對係唔容錯過嘅選擇！✨ #火熱新品
<看全文>Joyce好用推薦：呢支Patene3分鐘奇蹟護髮精華素好有驚喜。首先係牙膏裝的包裝，使用上十分方便。其次，護髮精華質地係易推開的乳液狀，使用起來容易均勻地塗抹髮絲，沖洗也十分容易，沖洗後也不油膩厚重，完全不像市面上一些護髮髮膜會殘留髮絲要沖洗很長時間，令我十分滿意。 更令人驚艷的是它的香氣，小蒼蘭的香氣很有高級感，香氣也十分清新，使我心情愉悅。 我的髮質是油性，髮絲比較粗的，會染髮，但平日欠缺護養，頭髮比較毛躁，摸起來不順滑和容易打結。使用7日已經明顯見到分別，頭髮觸感更柔軟順滑、易打理，頭髮也變得比較服貼不毛躁，髮絲更比以前更水潤。使用感上的水潤而不油膩厚重，我未來也會回購❤️
<看全文>
布吶吶好用推薦：今次同大家分享我嘅新寵——日本Excel四色眼影盤SR04！✨ 真係要講句：呢盤簡直係我嘅「本命眼影」！作為每日返工必備嘅裸色系，佢嘅溫柔感真係驚艷到我啊～每個顏色都靚到「絕絕子」，點搽都唔會出錯！ 我前排成日見到人推，忍唔住手即刻入手🤭 用落真心覺得太方便！粉質細滑到呢～連手指都可以輕鬆暈染開，趕時間嘅朝早真係救星！懶人同新手必備！ 整體色系：暖調裸米色系，帶極細微嘅粉調，偏向「日常氣質型」 1. 左上角（A）： 啞光米白色 · 近乎膚色嘅淺米白，主要用作打底均勻眼皮色，或者提亮眉骨。粉質非常薄透。 2. 右上角（B）： 緞光淺膚棕色 · 帶極細微珠光嘅暖調淺棕，係全盤最常用嘅「主色」。上眼自然加深輪廓，有微微光澤感。 3. 左下角（C）： 微閃深棕色 · 帶少少金閃嘅暖深棕，適合暈染眼尾或當眼線色。閃片極細，唔會誇張。 4. 右下角（D）： 細緻香檳珠光色 · 低調嘅香檳金閃片，濕潤感強。點綴眼皮中央或眼頭，增加立體感。 粉質特點： 1. 絲滑軟糯似「牛油」 · 摸上去係一種 濕潤又綿密 嘅觸感，完全唔飛粉。日系開架中少見嘅高級粉質。 2. 顯色度恰到好處 · 屬於 中度顯色
<看全文>Fng好用推薦：日本開架王者Excel 4格眼影一直係OL同學生黨最愛，號稱「平價版Lunasol」，主打「零技巧都能畫出日系透明感眼妝」！我買咗SR06，暖調玫瑰棕，熱賣色。 我上妝無打底直接上，手指+附送海綿棒 。 💟優點: 粉質軟糯似專櫃，摸上手似「濕粉」咁順滑，完全唔飛粉。日系清透光澤，最淺格嘅珠光超細緻，唔會閃到盲，偽素顏心機妝首選！ 冷氣房8小時冇積線，出街2小時微微溶妝但冇變熊貓眼。趕時間用手指亂抹都均勻，深色格畫眼線仲唔甩色，懶人恩物～ ❌ 缺點:顯色度偏自然，想要歐美cut crease效果會唔夠力，要重複疊擦3-4層先明顯。 深色格較乾，最深色格粉質冇其他3格咁軟，乾肌用可能少少卡雙眼皮摺。 🌞 香港夏天適用度 - 混合肌：直接上妝已夠用，持久度合格！ - 油眼皮：一定要打底，否則半日後漸消失 📢 總結 Excel 4格眼影絕對係「開架價錢，專櫃質感」！尤其適合香港夏天追求快速+自然妝效嘅女生。雖然油眼皮要打底，但整體性價比超高，難怪長期霸佔cosme排行榜！ 開架中無敵手！真係平靚正～ #日系眼影
<看全文>
Kmggigi好用推薦：Moist Diane 髮質重構深層導入髮膜好值得入手🤣👏🏻 呢款髮膜係white musk香味， 每次洗完頭都可以令頭髮散發出高級香氣， 持久度都幾高，足以留香一日， 令人心情愉悅🤣 髮膜能夠深入髮芯鎖水， 有效強化受損嘅頭髮纖維， 連分叉嘅髮尾都可以得到修護 用完之後，頭髮即時變得柔順滑溜， 睇落更加健康有光澤！ 不過要注意，沖水嘅時間唔可以太長， 否則護髮成分會被過度沖走， 髮質可能會逐漸回復受損狀態 掌握好沖水時間，就可以保持最佳修護效果！
<看全文>Cole Cole 好用推薦：之前見到呢款髮膜喺@Cosme有好多好評，但係之前一直都冇減價，而家突然做緊大特價， 呢款係Minion聯名新出，$59，差不多半價，好抵！即刻買來用。 @Cosme嘅用家嘅評價都好中肯，首先香味好正，洗完頭之後都仲有，確實係香水髮膜，洗完頭之後擰乾水，搽上髮膜等一陣再沖，頭髮好柔順，吹完頭之後頭髮都好蓬鬆，感覺好好，應該要買多幾樽放喺屋企慢慢用。😉
<看全文>