胺基酸 推薦好用產品

橘子貓好用推薦：霜包油的質地，上臉很易吸收，不過要小心會跟啫喱狀的精華打架起屑屑，所以我一般在晚上用。 額頭皮膚因為青春期曾經長期長痘後一向比較粗糙，用多少護膚品都改變不了狀況。用了一個月左右活膚霜後，額頭皮膚光澤好多了，朋友更笑稱我開始「印堂發光」🤣！全面皮膚柔軟了，護膚品比之前易吸收。下巴經常長小痘痘、黑頭，摸上去凹凹凸凸，現在也平滑不少。 很多護膚品的功效都是維持肌膚狀態，或者補水滋潤，而ReVive的活膚霜則是我用過少數能突破肌膚現況，令皮膚更上一層樓的面霜！ 推薦混油肌或油肌試用。

Kura好用推薦：今個秋冬轉季我最鍾意用嘅潔面乳，轉季我嘅皮膚會偏乾少少，但用呢款保濕潔面乳令到我好有驚喜，每日用皮膚都覺得保濕度足夠，清潔力唔錯，用咗一段時間暗粒痘痘都少咗，係秋冬好用嘅保濕潔面乳

choichoi好用推薦：超級香氣大來襲，香味控一定非常滿意。柔潤的質地塗抹於頭髮稍為放置一會，已被稍為吸收，再過水頭髮不會笠之外也非常亮澤，乾燥感有大大下降，能以相宜價錢得到即時焗油效果 #火熱新品

格仔餅公主好用推薦：超級香而且個香味可以keep到好耐，係嗰啲日本傳統甜香，潤係好潤不過要留意過水一定要過得乾淨啲，否則好易起頭瘡

Kitty 好用推薦：如果你同我一樣，天生睫毛又直又短，搵一支堅挺、捲翹、持久嘅睫毛膏好似尋寶咁難，咁呢篇心得一定要睇落去！講緊嘅就係美寶蓮呢支飛天翹防水睫毛膏，最近真係成為我個化妝袋嘅新寵！ 首先，個刷頭已經好有驚喜！ 支刷係弧形嘅設計，好貼合眼形，由上睫毛根部Z字形咁掃上去，好輕易就沾到每根睫毛，連眼頭、眼尾啲死角位都掃到，完全唔會一舊舊或者結塊，對於我啲手殘人士來講，真係救星！ 效果：真係飛天咁翹！ 最誇張嘅係，我夾完睫毛再搽，佢真係可以將個捲度定到成日都唔落嚟！平時用開其他牌子，可能晏晝就開始塌，但呢支真係堅挺，到收工對眼都依然精靈，好似識講嘢咁！而且佢唔會好似啲假睫毛咁硬掘掘，係自然向上揚嘅弧度，好有精神。 防水防油力掂唔掂？ 講到防水呢個功能，我真心俾滿分！前排打風落雨，把遮都吹反埋，成塊面濕晒，但對眼一啲事都冇，完全冇變熊貓！至於油眼嘅問題，我係混合肌，T-字位會出油，但佢都頂到七、八個鐘，只係眼尾有少少溶，但絕對唔會暈開一撻黑，已經收貨！ 有冇缺點？ 唯一要講嘅就係，因為佢咁防水，落妝嘅時候就要花多少少心機，一定要用眼唇專用卸妝液，敷多幾秒先抹得乾淨。如果唔係，會扯甩幾條睫毛，好心痛㗎

Kpl6be6好用推薦：平時化完個妝覺得仲係差咁啲嘢嘅時候～就應該使出呢支bling bling眼神器啦👀輕輕一夾睫毛～再用佢掃一掃～就能輕易擁有捲翹持久睫毛一雙✌🏻能夠使睫毛做到根根分明效果！而且真係全日唔塌！即時為眼妝大加分！(成個人精靈哂😂)難怪連化妝師友人都讚口不絕❤️

shirley好用推薦：睫毛膏嚟講，近期最愛就係ettusais 有唔同顏色揀之餘， 持久力強啦 防水力又強啦 而呢枝可以自然咁增長睫毛 唔會太多纖維，搞到一舊舊咁，容易控制

Jcxjessie好用推薦：呢個牌子嘅睫毛膏打底同埋睫毛膏都係我暫時覺得幾好用嘅一set! 我隻眼會出油，所以有時用唔同牌子嘅睫毛膏都會甩咗落眼底，不過呢個牌子就冇出現呢個問題 同埋佢嘅刷頭係幼細嘅，睫毛膏打底嗰個就係好似梳咁，查完出嚟根根分明👁️👁️ 而睫毛膏嗰個係細刷頭，可以連眼尾嗰啲細細嘅毛仔都搽得到

Chloeincosme好用推薦：用完紅字銀底個款髮膜，即刻入手左呼聲好高既TSUBAKI髮膜試下！用咗幾次真係驚艷到，而家頭髮望落健康有光澤，摸落柔順但唔會太扁塌！ 🤍 修護力：4.5/5 珍珠蛋白同山茶花精油既功力？用完即時撫平毛躁，連最乾旱嘅髮尾睇落有光澤！ 🤍 吸收度：4.5/5 獨家AMP技術讓養分快速滲入髮絲，沖水時已經感受到頭髮變得軟滑～ 🤍 方便度：5/5 懶人恩物！啲人話搽勻後等1-2分鐘就可以沖洗，效果依然係到！ 🤍 光澤感：4.5/5 頭髮即時有種水光感，香味持久！ 總結： 喜歡！ TSUBAKI髮膜可以做到令乾旱嘅頭髮即時復活，而家我染完頭都唔怕摸落似草😂 推薦俾所有電染愛好者同受損髮質嘅你！

chewyfruit好用推薦：🌟護髮困難戶救星髮膜！真係可以養好髮質！ 我本身已經髮質乾旱受損， 仲超級鍾意電染，仲要鍾意啲特別傷髮質嘅顏色！！ 每次想轉顏色，髮型師都叫我好好養下頭髮先。 返屋企做咗一輪功課，俾網上呼聲極高嘅 👉TSUBAKI髮膜👈種草咗！ 買返屋企用咗幾次真係驚艷到～ 係真真正正可以養好髮質，用一次順滑好耐！！ ✅AMP膨潤成分同雙重氨基酸 可以擴張CMC通道，等頭髮更快更好吸收養分！ ✅珍珠蛋白 + 穀氨酸 + 蜂王漿，再加甘油 + 山茶花精油 滿滿嘅修護受損成分，毛躁髮質被溫柔撫平！ 頭髮順滑又有光澤✨！ 而且營養分子細到可以直接滲入頭髮， 養分真係實實在在被頭髮「食」進去！ 佢真係好方便，搽完可以直接沖水💦，真係嚇親我～ 對懶人黨嚟講太友好啦！ 喺屋企輕鬆就可以做到高級saloon級護理！ 香味亦都好舒服，護完髮真係會忍唔住猛咁聞自己～ 成個美女氛圍感即刻出晒嚟hhh🤣🤣 重點嚟啦！佢真係可以救返啲乾旱頭髮～ 之前梳頭唔係甩就係斷，而家一梳到尾， 完全唔會打結或者斷開～ 我呢個又電又染又漂嘅人，終於感受到咩叫「枯髮回春」！ 姊妹們快啲去試下！真係超好用啊啊啊！👏🏻

mssylviaa好用推薦：第一次用SUQQU嘅產品，揀咗胭脂入手 日本嘅專櫃姐姐俾咗幾隻色我試，有特別提到6號色嘅漸變色可以多啲用法，可以撈埋嚟掃營造均勻嘅胭脂色，單用最淺色嗰邊亦可以用嚟做highlight 胭脂盒好薄，盒入面附送一個細掃，出街用都好方便。啲粉好滑，上一層已經好上色，係櫻花妹嘅淡粉紅，伴侶大讚出色，話有令人心動嘅感覺😝個妝化咗一日都keep到～ SUQQU不愧為日本必買嘅化妝品，我已經諗好下次要試埋佢嘅皇牌粉底！😬

wintonggg好用推薦：超靚嘅漸層，黃皮掃上去好提亮，好靚，不過有小小飛粉，但整體來講幾好

Emily Leung好用推薦：日本Freeplus洗面奶，敏感肌最愛的洗面奶！ 這款日本氨基酸洗面奶，讓肌膚感受真正的潔淨體驗，用後肌膚細膩水潤，零刺激。深層清潔的同時，讓肌膚補充水分。洗後一點都不繃緊，毛孔清透，皮膚水潤通透！ 🫧氣味：不含香精和酒精，沒有很刺激的味道，淡淡的味道。 🫧泡沫：輕輕搓揉就能打出細膩泡沫，霜狀質地很綿密。 🫧清潔度：洗得乾淨，洗完臉上是潤潤的，沒有油感。 🫧乾澀：洗後不乾澀，很舒服的。 混油敏感肌用這支真的很安心！臉洗乾淨了，且不會過度清潔。用了半年狀態變好，不長痘痘了，肌膚敏感的狀態也好轉許多，十分推薦！😘😘😘

楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5

Noel好用推薦：由2019年起，每次洗頭都會發現很多掉髮，實在非常擔心。後來請教護髮有道的姊妹，先知道 Return 這個日本品牌，結果就一直使用至今👍 洗髮露呈透明，流動性很高，亦容易起泡。我的頭髮及腰，需要使用兩泵左右。洗髮後，我比較喜歡將頭髮盤起，大約2️⃣分鐘，讓泡泡多留在頭皮上一點時間，之後才沖洗。 雖然，沒有發現長出更多頭髮或 bb毛，不過，洗頭時的掉髮問題大大改善‼️只有原來掉髮的 1/3，實在太值得了❤

shadow影子好用推薦：用嘅時候，會一陣陣花香味，泡沫唔算豐富，不過清潔力OK嘅。用左大半支覺得真係有減少掉髮。

Chloeincosme好用推薦：🤍 清潔力：5/5！酵素洗面粉黃金版嘅潔淨力依然超強～粉末細緻，加水後能快速起泡，輕輕按摩就能帶走毛孔深層污垢同老化角質，用完即刻覺得皮膚乾淨又透亮 🤍 保濕度：4.5/5！比起普通版，黃金版真係保濕好多～用完完全冇緊繃感，皮膚反而有種水潤軟滑嘅觸感，乾肌用都完全冇壓力，絕對係升級版嘅享受 🤍 溫和性：4.5/5！配方更加溫和，添加咗保濕成分，即使敏感肌用都唔會刺激～一星期用2-3次都唔會覺得過度清潔，皮膚狀態保持穩定 🤍 使用感：5/5！泡沫依舊綿密柔軟，按摩時好舒服，容易沖洗～淡淡嘅天然香味令人放鬆😎 總結： 如果你係乾肌但又需要深層清潔，酵素洗面粉黃金版絕對係完美平衡！佢保留左強效潔淨力嘅同時，加入保濕成分，用完皮膚又乾淨又水潤，唔再怕清潔過度～已經成為我每周必備嘅深層清潔好幫手，一定會回購！推薦比所有乾肌、敏感肌，或者追求溫和深層清潔嘅你！

Milo101好用推薦：🌟在日本的藥妝店購入的 🌟加水起到大量泡沫 🌟三款都是洗完臉清潔之餘不繃緊的，這款格外有一種小滋潤的感覺 🌟獨立包裝很方便出門旅遊用 🌟如果一盒分兩次用，錫紙面蓋的設計是可以簡單蓋住又不會漏出來的 🌟小膠盒和錫紙面蓋可以分開回收

Poyobb好用推薦：N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。 質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️ 另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。

Wuxx好用推薦：YO! Me again! 但我搵唔到想分享嘅個個產品page🧐難道未更新嗎~~? 今次想分享嘅係Maybelline嘅Superstay超持久30H空氣感粉底液「月光小紫瓶」 & SUPERSTAY 超持久30H氣墊粉底霜「月光小忌廉」～ 其實開架彩妝品牌黎講，「月光小忌廉」嘅售價係有啲令人卻步， 不過佢膏狀嘅粉底又引起左我好奇，所以就一齊入手～ 今次買嘅色號係N10（液）同C20（膏）。 本來都無話好大期望，淨係貪新鮮買黎用下，點知又出奇地幾好用喎🤣 首先講下粉底液先。 依個價錢黎講性價比都幾高，持妝中規中矩， 流動性超強，遮瑕都去到7成， 不過上妝嘅速度要快，以為咁水會要啲時間成膜，點知都幾快乾。 然後講下粉底霜。 買前見好多Youtuber嘅感想都係鬧粉底霜個粉撲好垃圾，當然我嘅好奇心係會去到盡， 果然！真係好難用，唔好用，唔知點用。 但轉左平時用開嘅粉撲上就無事，我諗佢嘅粉撲可能會令大家試唔到佢粉膏嘅美好之處。 佢嘅使用方法強調到要係粉蓋印下從而去激活個粉膏，雖然個動作好似好多餘，但真係有原因！ 試過有次趕時間無做好個手勢印薄佢，翻到公司照鏡塊面好似曬傷左粉紅色一撻撻

Chloeincosme好用推薦：睇相見我未用完已經囤多枝就知我好鍾意bifesta呢枝保濕卸妝水♥️ 其實以往一直用開紅水，用到好悶就轉新野試試。Bifesta卸妝產品口碑不嬲好好，所以就揀咗佢，用完覺得試過返唔到轉頭😂 用法簡單，倒濕成張卸妝棉→ 輕力抹走面部妝容。 以下係示範圖，隻手上左粉底+眉筆（1）+ 眼線液（2），只係輕輕力抹走一下，連眼線液都輕鬆抹走😂，卸妝力真係好夠！ 另外，用完膚感唔錯，唔會太過緊繃，佢簡介寫明無須過水，不過我嘅習慣係照過水再用洗面奶，基本上佢冇令我皮膚差左。 聞落無香料味，擦拭完乾敏肌既我都冇紅冇過敏感情況，的確係溫和唔刺激。 佢叫保濕型，的確係做到保護肌膚果隻保濕（但卸妝水又唔好要求佢用完塊好滋潤，係冇可能的😂），最緊要係做到佢既本份：溫和卸妝無負擔！ 價錢方面，一個字：平！ 總結： 95/100分。5 分扣左係個樽頭噴力太大🤣成日唔小心射走左🤣 #卸妝

Kayyan22好用推薦：已經用幾年既卸妝水～呢枝bifesta卸妝水我已經使用左好耐，我最中意就係保濕型呢枝！bifesta卸妝水既流動性十分高，就算單用都好適合。我自己最中意就係配搭住卸妝棉使用，因為可以帶走埋全日落嚟既灰塵～

Fng好用推薦：Kérastase 保濕滋養護髮膜｜混合偏乾肌の水光髮絲術 ✨使用感與效果 奶油乳霜質地推開即融，藍色鳶尾花清香高級不濃艷！最大驚喜是雙重保濕科技真能做到滲透修護，吹乾後頭髮有種「喝飽水」的垂順感，髮尾分岔立即隱形～香港夏天使用後，頭髮依然輕盈不黏膩，連最難搞的沙發髮質都變服貼！ ✨性價比擂台 VS Moroccanoil滋養膜：摩洛哥油較潤但清爽度輸 VS Oribe黃金修護膜：兩者修護力持平但Kérastase保濕更持久 VS 資生堂絲蓓綺髮膜：日系滲透快但長效滋潤不及 ✨注意 ▸ 油性頭皮請避開頭皮5cm使用 ▸ 細軟髮質敷5分鐘即可（過時會扁塌） ▸ 染燙受損髮可配合熱毛巾加強吸收 總結：4百幾蚊 の「沙龍級水光機」💦 除了價錢令人心跳加速，修護效果絕對物有所值！適合經常造型的受損髮質，回購指數85%！

Circlecyy20好用推薦：滋潤保濕度 高沖水後髮質有明顯嘅改善 毛燥感減少 而且本身有香氣 使用感良好

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

jellybeanyay好用推薦：呢盒粉餅是從@cosme STORE購入❤初初係比佢個包裝吸引，估唔到有驚喜！ 我買嘅係01色，係一隻淺米色、幾乎透明。包裝好高貴feel，好欣賞佢有粉撲同鏡，可以拎出街補妝！靚粉質非常幼滑，唔會飛粉/結塊。上面後有輕霧面嘅妝感，自然唔會死matte。用喺眼底唔乾，唔會點卡粉令眼紋睇落明顯，好貼服。我皮膚有時會乾到出少少油，呢隻粉餅都兼顧到控油同保濕，不過我出油唔勁所以唔肯定油肌用嘅話夠唔夠力。 So far呢隻係我用過最好用嘅日本開架粉餅！

kameari好用推薦：一用過就返唔到轉頭，質地透薄，唔會黏笠，油肌的我都放心使用，上臉後一直有着保濕感不會很快出油，妝容都明顯貼貼服服。最讚是不焗促沒導致敏感。整體滿意效果很好。

choichoi好用推薦：Addiction的產品有著很多日本女生的支持，在使用過其粉底後我也是讚不絕口，那麼底霜我又怎能錯過呢（配一套XD ）而且這個也是明星商品呢，只是我買的是30ML方罐型版本。 質感帶點清涼的霜狀，看著很厚重但延展度超優而且感覺很。保。濕！真的保濕到帶種錯覺在使用保養面霜XD（經歷過脫皮時期要化妝後用上它表示得到解救） 完全吸引後臉部感覺毫無負擔，後續的上妝亦變得更貼服，感覺它跟很多粉底都能搭並使其效果昇華，比方說： 粉餅=更貼服令粉感降低不會產生厚重感 使用帶光澤感粉底液=會令其更美麗妝容更立體 絕對不會輕易出現卡粉的情況，那是保濕功效同時發揮的關係吧！

LorraineTsung好用推薦：我係搭飛機見到覺得好靚買既！ 原本無乜太大期望 而且當時去旅行覺得有啲乾！ 但返香港用之後覺得勁好用！ 持妝到可以8個鐘以上都唔太出油！ 而且仲有一個掃掃係入面方面補妝！ 但係香港已經買唔番😭

bibikiu好用推薦：我見近排好多人都突然在2024年讚One by Kose 嘅護膚品好好用所以見到呢支保濕導入精華有試用裝自己又買支試吓. 呢支係做完潔面後就即刻用的喺Toner之前. 透明色,質地遍向水狀容易推開. 皮膚吸收後覺得好補水,令到之後塗上護膚品更加吸收而且能夠保持全日保濕. 如果主要想保水的朋友們呢支非常適合,我甚至連中間支精華都冇用.

JL好用推薦：我喜歡DECORTÉ這瓶手部精華，就如它的名字一樣，它完全是精華液的質感，流動性很高，十分幼滑易吸收而不黏膩，用後肌膚很有光澤！ 購買時櫃姐說即使洗手後亦不會影響精華的功效，很適合疫情期間經常洗手的我。不過我並不是經常補搽hand cream的人，所以暫時未見到它改善皺紋的功效。 雖然它的價格頗高，$355/50ml，但我覺得它圓滾滾的外型十分可愛，放在手袋也很方便！

Fng好用推薦：Dermacept 維C多效修護化妝水｜夏日透亮 ✨ 質地同使用感 呢支化妝水清爽似離子水，拍上臉嗰陣吸收速度超快，完全唔會黏笠！淡淡柑橘香味好醒神，朝早用即刻精神晒～ 用完皮膚摸落去滑溜咗，後續搽精華都吸收得快啲！ 🌟 修護同透亮效果 主打維他命C衍生物同多重植物萃取，試過連續用一星期，額頭同下巴嘅暗沉真係有改善！最驚喜係鼻翼毛孔睇落細緻咗，就算素顏出街都冇以前咁尷尬～ 不過要達到明顯美白效果，可能要堅持用多幾支先得！ ⚠️ 注意事項 · 記住要日頭用就要加防曬，否則維C會見光死 · 開封後要放陰涼處，避免成分氧化失效 · 如果皮膚極度敏感，建議先試耳背位置 🆚 同級產品比較 · VS Melano CC美容液：Melano更濃稠針對斑點；Dermacept全面調理膚質 · VS Hada Labo白潤水：白潤水溫和保濕；Dermacept透亮效果更明顯 · VS Some By Mi果酸水：果酸水主打煥膚；Dermacept溫和修護 💡 使用小貼士 1. 化妝棉輕拍：倒$2銀分量，由內向外輕輕拍打 2. 重點濕敷：用化妝棉局部敷暗沉位3分鐘 3. 冰鎮用法：放雪櫃

ChingLam好用推薦：含維c成份，主打美白嘅化妝水 我只係晚上嘅時候搽，但依支就快用完 我嘅感覺不大，唔覺得有明顯白左🫠 所以我都係夜晚用嚟當滋潤嘅水搽完就算

劉肥貓好用推薦：粉質非常幼細 有淡淡的粉紅色 用嚟定妝效果非常唔錯 透薄自然

Kura好用推薦：呢一盒定妝碎粉又係我的最愛，粉質細膩，閃粉搽上臉超靚，定妝效果超好，係日常妝必備