Kanebo SUISAI

酵素洗顏粉N

Kanebo Suisai 藍色酵素洗顏粉：一粒有幾乾淨？ 講起深層清潔，好多人會諗起磨砂或者泥膜，但係咪一定要「磨」或者「焗」先得？今次試呢粒Suisai藍色酵素洗顏粉，就係標榜用酵素「消化」多餘角質同油脂，聽落好似科學啲、溫和啲。 佢喺日本藥妝店長期熱賣，藍色款好似話係加強咗啲清潔力。咁究竟係咪真係work？定係又一件被吹大嘅「旅行必買」？我就試咗一排，同大家分享下真實用後感！ 第一眼睇落佢係細細盒，入面一粒粒好似「迷你布丁杯」咁嘅獨立包裝，藍白色，睇落幾清爽。一粒嘅份量睇落好少，但其實夠洗全面同頸。去旅行帶幾粒好方便，唔會漏液體，加分。 倒出嚟係幼身嘅白色粉末，手心加少少水，好快就搓到泡。泡唔係「梳乎厘」嗰種勁厚實，而係比較細密、有彈性嘅，上臉唔會好快塌。有陣好淡好淡嘅皂味（似舊式靚番梘味），唔算香，但唔難聞。 藍色款上面冇明顯涼感，但沖水後感覺好乾淨，有種「毛孔識呼吸」嘅感覺——即係唔會乾到崩緊，但摸落去有啲「咕𠱸」滑，唔係假滑。 如果你係黑頭多、鼻翼兩邊有啲粒粒嘅，用完會覺得毛孔好似「通咗啲」，不過唔好期望一次就全部消失，當係定期做啲輕量大掃除咁。 👍適合咩人

佢嘅潔顏粉係好似有少少粗粒，即使唔用起泡網可以起到泡泡，泡泡綿蜜。用完皮膚清潔度好夠，洗到好乾淨，皮膚感覺清新可以呼吸🎐而家換季天氣轉涼，洗面乳嘅強度唔需要太勁，幾鍾意呢款酵素洗面粉，洗完面唔覺得乾👍🏻 佢係一粒粒獨立包裝，我男士塊面可能大啲，一粒差少少份量有丁點唔足夠，多少少就好喇🤣帶去旅行好方便，就算擺喺屋企浴室位置都唔會怕潮濕結塊🫶🏻

呢隻酵素洗面粉紅左咁耐，終於入咗手😂 🤍 清潔力：5/5！酵素洗面粉嘅清潔力真係好勁😂起泡後輕輕按摩就已經感覺到毛孔污垢同多餘油脂被帶走，用完皮膚即刻光滑咗，摸落去冇咁粗糙！ 🤍 溫和度：3.5/5！雖然清潔力強，但比想像中溫和～冇添加香料同刺激性成分，用完之後唔會緊繃或者乾到癢，乾肌一個星期用1-2次完全冇問題！ 🤍 改善膚質：4.5/5！持續使用覺得皮膚冇咁易生暗粒同粉刺，毛孔睇落亦乾淨咗～尤其係鼻翼位置嘅黑頭有明顯減少！ 總結： 如果你係乾肌但又想深層清潔，酵素洗面粉絕對係驚喜之選！清潔力強得嚟又唔會過度抽乾水分，用後皮膚光滑細緻～一星期用1-2次做徹底清潔已經足夠，會繼續回購！推薦比所有想溫和地去角質同深層清潔嘅朋友！

其是酵素粉界的No.1。不斷地拿第一，一定有其原因。其添加了蛋白分解酵素、皮脂分解酵素、胺基酸，能清潔毛孔、黑頭、角栓污物。另外，也加入玻尿酸，係清潔之餘，都要注重保濕。 加水混合後好易起泡，用後面不會好乾、好崩緊，摸到好似冇凹凸不平的感覺。但由於係清潔洗顏粉，建議一星期2-3次使用，以作特別護理。 推薦對象：皮膚粗糙者 起泡時間：非常快 泡泡質感：空氣感泡泡（輕柔蓬鬆） 乾淨度：5/5 保濕度：3/5

Kanebo Suisai 除了酵素洗顏粉N以外, 另推出了更能清除黑頭粉刺的好評新作黑炭泥淨透酵素粉, 連男士油性肌也可使用，直接迎戰小黑鑽! SUSAI酵素洗顏粉N用起泡器起出來的泡沫 不算企身，比較水感柔軟，泡沫量也不少。 保濕力很好，潔面後非常乾淨，可以深層清潔毛孔。 使用感舒適。 使用後，肌膚不感乾燥，不會緊綳。

這款櫻花版酵素洗顏粉是粉紅色的細緻夥粒，除了使用上有淡淡櫻花香氣，其效果和傳統藍色的一樣好。加水起泡泡很容易，泡泡質感輕柔蓬鬆，有助更深層清潔，洗後覺得皮膚清爽乾淨而又不會太乾，長期用更覺得皮膚更平滑明亮，有助後續上妝更貼服。如果乾燥天氣，我會用金色那款，洗後感覺更加滋潤。總括來說，這個酵素洗顏粉真的很適合整理毛孔堵塞和黑頭粉刺問題，粗糙皮膚等等。如果去日本一定會掃幾盒團貨，常備家中。

🌟在日本的藥妝店購入的 🌟加水起到大量泡沫 🌟清潔力很強之餘，洗完臉不繃緊 🌟獨立包裝很方便出門旅遊用

從日本藥妝店購買，一次用一粒，量度份量好方便，粉狀好容易起泡，清潔力非常好，但係皮膚會有稍稍繃緊嘅感覺，建議一個禮拜用兩三次就夠

以前用過覺得洗到塊面好乾，依家用有另一個看法， 呢種洗顏粉需要睇肌膚狀態時用，我會係皮膚好需要清潔力高時用，將粉加水會有d泡沫，上臉按摩好絲滑，清潔完塊面好乾淨，白淨同埋有彈性。只要係適當時間用，就唔會覺得佢太乾，我認為呢款粉乾肌唔可以每日使用。

好似有D太乾，麻麻地，不過帶去旅行幾方便，又唔係話好貴嘅，一般啦

非常好用，本身混合偏油肌膚。 洗得好乾淨，洗完不會有繃緊， 清爽舒服，塊面明顯滑咗。 每次旅行都一定帶佢，計住日數每次帶幾多粒， 好方便！ 不過價錢少貴，唔會日日用🙈

呢隻酵素洗面粉嘅清潔力好高 我會特別捽鼻頭呢啲毛孔比較大嘅位置 洗完之後會見到啲粉刺浮嘅上嚟 然後可以好輕易咁刮走佢 不過亦因為佢清潔力高，洗完洗完塊面會比較乾，所以一定要做返好保濕

呢款洗面粉喺日本旅行時購入，因為貪佢細細粒方便而袋，使用之後覺得效果不錯，但係清潔力還袋有改善，唔可以直接卸妝，只可以卸妝之後使用，洗完之後塊面有些少乾爽，但係唔會掹掹緊。

清潔力十分好，用後感覺油脂粉刺都被清乾淨了！而家小小一顆十分方便，出外旅遊可以用！

鍾意用酵素洗顏粉同毛孔做深層清潔，每週用一兩次。呢款潔面粉易起泡，清潔後覺得特別乾淨，但又不會乾