去黑頭 推薦好用產品

Kitty 好用推薦：講起卸妝油，以前後生嗰陣成日覺得用落個面笠黐黐，好驚生粒粒。但自從遇到Fancl MCO納米卸妝油之後，我真係要同佢講聲：對唔住，相逢恨晚！ 首先，佢個質地喺油嚟講算係偏輕薄，唔會漿住塊面。我一倒出嚟就即刻上臉，乾手乾面咁捽。最正係佢嗰種納米技術，感覺一上臉就好快可以深入毛孔，連鼻翼兩邊啲黑頭粉刺位，打圈捽多兩下都feel到有少少顆粒浮出嚟，好有成就感！ 呢支嘢最令我驚喜係佢嘅乳化速度。好多卸妝油要加好多水慢慢乳化，但Fancl呢支一遇水就即刻變白，成塊面變咗牛奶咁，過水超級快。最緊要係洗完之後，塊面係爽嘅！冇嗰種洗極都洗唔乾淨、有層膜嘅感覺，有時懶起上嚟唔即刻用洗面膏都得（當然最好就唔好啦，雙重清潔穩陣啲）。 我成日化全妝，用嗰啲超防水、超難卸嘅睫毛液同eyeliner。平時用開眼唇卸妝液先搞得掂，有次大膽淨係用佢喺眼周輕輕打圈（一定要合埋眼慢慢捽），竟然卸得乾乾淨淨，完全冇殘留，而且唔澀眼！呢下真係大加分。 我係混合性偏乾肌膚，用咗呢支油之後，反而覺得水油平衡好咗。因為佢落妝落得夠徹底，冇塞住毛孔，皮膚反而冇咁易亂爆瘡。而且佢無添加防腐劑，用落好安心。 唯一要挑剔嘅係，因為

Emily Leung好用推薦：適合敏感肌孕婦無添加納米卸妝油！卸妝強 今天要推薦一款我最近超愛用的卸妝油——FANCL 卸妝油！用過不少卸妝產品，但這款真的是太溫和又高效，特別適合敏感肌，孕媽也可以放心使用 它的配方超級溫和，沒有香料、酒精和防腐劑，非常適合敏感肌的小夥伴。它不僅能輕鬆卸掉眼妝、唇妝，甚至是防水睫毛膏那種比較頑固的彩妝也能秒卸，而且用完臉一點也不緊繃，超滋潤的！ 首先我的膚質是混合偏油，換季會變敏感肌！我的使用感受如下： 卸妝能力：⭐⭐⭐⭐ 日常妝容完全可以卸的乾乾淨淨，但防水彩妝卸的不太乾淨，畢竟防水產品還是要用眼唇卸妝液。 溫和程度：⭐⭐⭐⭐⭐ 成分安全無刺激感，之所以會一直回購我還是信賴它的無添加，並且溫和。用了也不會悶痘。 缺點： 會長閉口！所以一定要乳化洗乾淨！

ying好用推薦：✨ PAULA'S CHOICE SKIN PERFECTING 2% BHA LIQUID EXFOLIANT 毛孔通暢・皮膚平滑 黑頭粉刺剋星 All Skin Types ✅ 暢通毛孔，黑頭粉刺消失 呢個係2% BHA嘅最大賣點！ 水楊酸係脂溶性， 可以滲入毛孔深處溶解油脂同老廢角質。 用完一段時間， 黑頭、白頭、粉刺明顯減少， 毛孔望落乾淨清爽。 ✅ 平滑膚色，皮膚變細緻 唔止清毛孔， 皮膚整體質素都會提升。 表面粗糙嘅感覺消失， 摸落去滑溜咗， 望落有光澤。 ✅ 質地清爽 水狀質地， 好輕盈，好快吸收。 唔笠、唔黐， 夏天用都舒服。 ✅ 用法簡單 洗完面，拍上臉， 等吸收就可以後續護膚。 唔需要洗走， 好方便。 ✅ 對抗暗粒／閉口好有效 好多用家分享， 下巴、額頭嘅暗粒（封閉性粉刺）， 用完之後慢慢平咗、消失咗。 #PAULASCHOICE #2BHA #SKINPERFECTING #寶拉珍選 #水楊酸 #黑頭粉刺剋星 #暢通毛孔 #平滑膚質 #化學去角質 #skincare #hkbeauty #會回購

Lydia好用推薦：Product: Paula's Choice 2%水楊酸精華液 呢支精華液係我專門買嚟對付暗瘡同粉刺問題嘅(一直都受嚴重暗瘡問題困擾)，用咗大概兩三個月左右。 質地同使用感：佢係流質嘅精華液質地，有少少似爽膚水，拍上臉之後吸收得幾快，唔會笠痴痴。因為我一向都有用開酸類產品，所以直接用呢支都冇出現敏感或者刺激嘅情況，但有時天氣好乾燥嘅話上面嗰下會有少少揦。 抗痘效果：用落最明顯嘅感覺 係塊面真係平滑咗同緊緻咗。尤其係第二日起身摸塊面，會覺得皮膚冇咁粗糙，毛孔睇落好似冇咁明顯。暗瘡同粉刺嘅生長速度感覺上慢咗，就算生都冇之前咁嚴重，復原得比較快。暫時用過咁多抗痘類產品呢支係令我最有感嘅。 不過我都聽過朋友講，話呢類產品用用下效果會冇一開始咁明顯，或者係用得太密可能會令皮膚屏障受損。暫時用咗兩三個月嚟講效果都仲keep到，但都會繼續觀察皮膚狀態，睇下有冇需要調整用法。 總結：整體嚟講，我覺得呢支精華液對改善暗瘡肌膚同粉刺問題係有幫助嘅，特別係用咗之後皮膚變得平滑同緊緻呢點幾明顯。但係用嘅時候真係要注意頻率同皮膚反應，可能唔好一開始就用得太密，等皮膚適應咗先慢慢調整。

Fish Tse好用推薦：我平時都會用開fancl既深層清潔面膜，我覺得效果非常好，但始終人係有惰性，敷面膜其實都真係幾麻煩 所以我見到哩款黑炭酵素深層清潔洗顏粉即刻心郁郁入手，佢一細盒好方便一次使用倒出黎係灰色好幼既粉，之後再加水就會有泡泡出現，好似洗面奶一樣係塊面都打圈 我多數會針對T字位同鼻翼旁邊加下巴比較容易出黑頭粉刺既位置清洗，洗完之後就可以沖水，用完之後唔會覺得皮膚好乾燥，因為佢含有玻尿酸同獨家氨基酸既成分係清潔既同時可以保留肌膚既水份 仲含有竹炭、吸附泥精華等成分徹底洗潔毛孔既污糟野、角質、黑頭同粉刺，比起用mask真係方便好多，真心推薦

Bear好用推薦：2025可能回購的產品！ 同朋友旅行時購入，買左最popular的Suisai金色比媽媽，自己就想試Fancl的產品。 帶去旅行真係好方便，通常1個星期的trip我就執2粒（如果想預比朋友試當然可以帶多d）用的時候好舒服，皮膚不會繃緊。 都keep到皮膚完全無粒粒，但係如果想絕對清除黑頭的話就要配合其他泥款面膜同油類清潔產品。

莓莓好用推薦：Kanebo Suisai 藍色酵素洗顏粉測評 喂，講到皮膚『還原靚靚拳』，好多人都會諗起日本呢款神級洗面產品——Kanebo Suisai 酵素洗顏粉。尤其係藍色呢盒，由細包到大，成日斷貨。 成日覺得鼻頭『士多啤梨』點清都清唔走？又或者怕磨砂太傷皮膚？呢粒藍色波仔話你知，用『酵素』溶解角質，可以溫和過磨砂，但又乾淨過普通洗面奶。 今日同大家實測，洗完係咪真係做到『光滑剝殼蛋』，一次過睇晒。到底佢係『毛孔救星』定係『乾燥兇手』？即刻去睇！ 包裝設計：⭐️⭐️⭐️⭐️⭐️ (5/5) 呢款洗顏粉最大嘅賣點就係獨立包裝，一粒粒好似「迷你布丁杯」咁。無論係去旅行定係去Gym，帶幾粒就搞掂，完全唔驚漏到成袋都係。而且粉狀唔會受潮，每一日都用新鮮嘅份量，夠晒衛生。 質地：⭐️⭐️⭐️⭐️ (4/5) 倒出嚟係好幼細嘅白色粉末。雖然睇落好似好少，但其實一粒絕對夠洗晒成塊面同頸。倒上手個感覺好輕身，唔會話好大陣味，係好淡好淡嘅皂香。 起泡力：⭐️⭐️⭐️⭐️ (4/5) 如果就咁用手捽，佢啲泡未去到「Cream」嗰種豐厚；但如果你用起泡網，佢嘅泡量係會倍增，變到好綿密。 總結來講：

Emily Leung好用推薦：Kanebo Suisai 藍色酵素洗顏粉：一粒有幾乾淨？ 講起深層清潔，好多人會諗起磨砂或者泥膜，但係咪一定要「磨」或者「焗」先得？今次試呢粒Suisai藍色酵素洗顏粉，就係標榜用酵素「消化」多餘角質同油脂，聽落好似科學啲、溫和啲。 佢喺日本藥妝店長期熱賣，藍色款好似話係加強咗啲清潔力。咁究竟係咪真係work？定係又一件被吹大嘅「旅行必買」？我就試咗一排，同大家分享下真實用後感！ 第一眼睇落佢係細細盒，入面一粒粒好似「迷你布丁杯」咁嘅獨立包裝，藍白色，睇落幾清爽。一粒嘅份量睇落好少，但其實夠洗全面同頸。去旅行帶幾粒好方便，唔會漏液體，加分。 倒出嚟係幼身嘅白色粉末，手心加少少水，好快就搓到泡。泡唔係「梳乎厘」嗰種勁厚實，而係比較細密、有彈性嘅，上臉唔會好快塌。有陣好淡好淡嘅皂味（似舊式靚番梘味），唔算香，但唔難聞。 藍色款上面冇明顯涼感，但沖水後感覺好乾淨，有種「毛孔識呼吸」嘅感覺——即係唔會乾到崩緊，但摸落去有啲「咕𠱸」滑，唔係假滑。 如果你係黑頭多、鼻翼兩邊有啲粒粒嘅，用完會覺得毛孔好似「通咗啲」，不過唔好期望一次就全部消失，當係定期做啲輕量大掃除咁。 👍適合咩人

940727.0好用推薦：呢一款卸妝膏係店務員介紹俾我，我之前有用過佢哋潔面啫喱，佢哋潔面啫喱，都幾好用。依款卸妝膏嘅特質係10秒溶解頑固妝容。另外可以針對黑頭粉刺，我用完的確粉刺會少咗好多.

rainbow好用推薦：很推薦，已經用了第三盒。用小匙將膏狀放在手心按壓就會變油，之後的用法同缷妝油一樣，在臉上打圈。有好多粉刺黑頭會走出來，有很好的清潔作用。而且佢成份温和，專比敏感皮膚使用，連眼唇都用用得。

Tung好用推薦：有排皮膚狀態極差，於是的起心肝想買返支重手嘢頂下！呢支大概$34X（如果冇記錯） 由於我會當佢真係保養精華咁滴全面，都幾易吸收同滋潤，所以都用得幾快（但都真係有預防效果！冇再復發爛額頭啦）我應該用曬都會keep住買呢隻用住lu。 如果正常按照佢講嘅淨係搽痘痘位，應該可以用耐啲。但以佢嘅成效嚟講我覺得係抵玩嘅，好適合想一晚瞓醒消炎、止痛、撫平痘痘嘅人🙌🏻

zetalhc好用推薦：超級推薦嘅去暗瘡精華，夜晚用一次第二日會見到即時嘅效果。可以即時去膿同消炎，對石頭瘡或者有膿嘅瘡都有效果，而且唔會皮膚唔會「la」或者覺得刺痛

Kmggigi好用推薦：Curel 深層控油保濕泡沫潔面乳係一款專為油性肌膚設計嘅潔面產品 相比起同系列嘅豐盈泡沫洗面乳， 呢款潔面乳喺控油方面表現更加優秀， 專為容易出油、毛孔堵塞嘅肌膚設計， 有效清潔多餘油脂並維持肌膚水油平衡， 令面部更加清爽乾淨。 泡沫質地同樣綿滑豐盈，能輕柔包裹肌膚， 溫和去除污垢同油脂，用後肌膚感覺潔淨清爽， 但唔會出現繃緊感，保持舒適嘅潔面體驗。 潔面乳特別針對毛孔問題設計， 能有效預防黑頭同粉刺， 日常使用後，明顯感覺到毛孔更乾淨， 油脂分泌減少，肌膚變得更平滑健康。

Wendy好用推薦：Cruel 呢支洗面奶適合敏感肌膚使用 泡泡好綿密 好溫和 夏天使用可以控油而且用後吾會感到好繃緊 會再購

chasiutung好用推薦：Fancl清潔泥膜 灰黑色色泥狀質地 有淡淡嘅香味 洗完臉直接搽係鼻上厚敷5分鐘左右 用暖水洗乾淨 洗嘅時候用洗臉巾搓下 洗完臉吾乾 清爽無繃緊感 用完鼻頭乾滑左黑頭粉刺會浮曬出嚟 平時洗臉會慢慢洗走 用多幾次之後 黑頭 會生少左 而且出油少左👍使用後可以用收毛孔嘅產品/敷返d保濕收毛孔嘅面膜 效果會更好 一星期用一兩次就足夠 推介👍

格仔餅公主好用推薦：要keep住用先見效，好似男仔咁心急個d應該覺得無用，佢可以去到淺層污糟野，用完之後係特別嚴重既位再搽少少海泥mask堅work

bearbear246好用推薦：塗上面有涼涼地既感覺 對於改善暗粒似乎冇咩效果 但對於下巴粗糙有少少改善 希望搵到一款更強力既產品

Jan好用推薦：因為想改善毛孔+粉刺+暗瘡問題 之前曾購入caudalie 的葡萄籽毛孔淨化爽膚水（這瓶在@cosme 上面似乎暫時找不到資料） 相比起來個人更愛Tunemaker 這瓶 有清新的柑橘類香味，質地像水很清爽 用到空瓶大概有兩個月左右 暗瘡少出現了也穩定下來了 很開心 目前在用的化妝水也是@cosme 買的 大瓶便宜好用 如果那瓶沒有貨了這瓶是應該會回購 但tunemaker 系列好像也常常斷貨不齊全 整體來講，值得一試

Fish Tse好用推薦：市面上有好多不同品牌既清潔mask，但我用過唔同既牌子覺得最好用既係fancl哩枝 皮膚有油脂就會容易產生黑頭粉刺唔想鼻一點點，一個禮拜最少要用一次清潔mask去清潔重點部位，就係T字位同下巴，如果想皮膚好d就最好敷夠兩次 哩款mask裡面有兩種成分軟化同溶解頑固油脂、黑頭，另有三種成分可以溫和地帶走黑頭同油脂，敷完之後感覺到乾淨左好多 我習慣清洗完面之後先用棉花搽一層爽膚水保護皮膚再厚厚地搽上去相應位置，一定要厚厚地搽如果唔係效果就會唔理想 哩款mask因為太快乾(大概5分鐘)就一定要濕水打圈清洗乾淨，千其唔好等到乾哂先洗咁樣黑頭同油脂仲會留係皮膚到，洗完面之後就可以用粉刺夾清埋剩餘既粉刺咁就乾淨哂啦 記得事後最好敷返塊保濕mask等毛孔收細返或者懶既都要搽返相對地保濕既精華同面霜

GinGin好用推薦：依款去黑頭軟膜已經係出過幾代，最新最有效，最初期要每日用，去清理陳年黑頭，其後慢慢鼻子乾淨好多，毛孔都細埋

Kmggigi好用推薦：CNP Laboratory 毛孔潔淨黑頭淨鼻套裝 — 溫和清潔，短暫見效✨ 產品設計: 呢款黑頭淨鼻套裝分兩部份設計: 1. 1號貼片:溫和溶解黑頭，幫助深層油脂浮出。 2. 2號貼片: 收縮毛孔，減少清潔後毛孔粗大的問題。 使用時搭配棉花棒輕輕清理黑頭， 手法比傳統撕拉式黑頭貼更加溫和不傷皮膚， 非常適合敏感肌同追求溫和清潔嘅用家。 效果: 整體效果雖然短暫有效， 但亦正如其他去黑頭產品一樣， 過幾日黑頭會慢慢再冒出嚟。 我略嫌棉花棒清潔黑頭嘅效果不夠明顯， 如果想更加徹底建議配合黑頭鏟使用，效果會更好。 產品設計中2號貼片可以幫助收縮毛孔， 算係貼心細節，但長遠效果有限。 總結：溫和清潔，短效黑頭管理工具 CNP Laboratory 毛孔潔淨黑頭淨鼻套裝係一款溫和不傷肌膚嘅黑頭清潔產品，適合敏感肌或初次使用去黑頭產品嘅用家。 不過整體效果偏向短期，需要定期使用。 如果你追求溫和清潔而唔介意短暫效果， 呢款係唔錯嘅選擇！✨

Chloeincosme好用推薦：我最近試咗CNP的黑頭貼，一set有兩份，使用方法都幾簡單。日常洗乾淨塊面之後，將黑頭貼敷上鼻，等大約10至15分鐘，就可以佢送嘅棉花棒輕輕將黑頭推出，效果都幾明顯，可以去到七成左右嘅黑頭同埋白頭。 不過對於頑固小小既黑頭就未必能夠完全清除，但整體效果都算中上。 而且呢一種去黑頭嘅方法比較溫和，對比物理性撕出黎果種原理嘅黑頭貼冇咁傷毛孔！ 最後，記得埋Step2: 收縮毛孔貼，可以再幫助收縮毛孔。用法都係敷10-15 分鐘，之後就可以做日常嘅護膚程序♥️ 整體來講，CNP呢款黑頭貼算溫和有效，如果你想改善黑頭問題，值得一試！

Paris merci 好用推薦：Kose藥用雪肌精潔臉轉換了新版本，佢嘅味道同以前一樣都係好好聞。雪肌精系列咁多產品都有甘草萃取同埋多種和漢植物成份，佢嘅產品嘅味道係獨有嘅。 潔臉乳嘅泡沫好綿密，喺手心起泡之後，可以好輕鬆咁推開，感覺包住晒個面，真係洗得好淨！對於我呢個乾肌嚟講，都冇一種假滑嘅感覺，洗完後皮膚唔會緊繃，而且有種柔滑嘅觸感！新版本嘅膚感比舊版好。 雖然洗面之後皮膚唔會好大變化，但皮膚冇咁乾澀，係好輕盈既狀態方便續後skincare。 我覺得唔單止係乾肌，其他膚質嘅女仔都有機會適合呢款潔臉乳，尤其喺冬季使用。我係覺得即使油肌或者混合型肌膚嘅朋友都可以試下，因為佢嘅賣點係標榜洗走暗瘡肌，幫助清除多餘油脂💕

Chloeincosme好用推薦：令人想買正裝的KOSE雪肌精洗面奶🤍🤍🤍 使用心得： 🤍 **清潔效果**：5/5！KOSE雪肌精洗面奶的清潔效果非常好，能夠輕鬆去除污垢黑頭。 🤍 **質地**：5/5！質地柔滑，泡沫豐富，使用時非常舒服🤍有去美容院做SPA既feel🤣 🤍 **滋潤度**：4/5！洗完臉後，肌膚不會感到緊繃，反而水潤滑順，特別適合敏感肌膚。 ### 總結： KOSE雪肌精呢支洗面奶雖然價格稍高，但因為使用感好好，所以用完即時想買正裝🤍🤍

Kura好用推薦：呢款洗臉膏有粉紅色細微磨砂粒子，我通常一個禮拜會用兩次，用完皮膚會變得滑d，但唔會覺得乾，清潔力唔錯，係溫和去角質唔錯嘅選擇，值得一試 @cosme

Giselle 好用推薦：Biore 柔滑磨砂洗面膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列算係Biore入面最出名嘅洗面膏系列˚₊*୧⃛(๑⃙⃘⁼̴̀⁼̴́๑⃙⃘)୨⃛*₊˚我好細個嘅時候有接觸過呢一款產品❤︎(｡☌︎ᴗ☌︎｡)呢款產品只要加少少水就已經好快搓到好綿密嘅泡泡(✿︎´ ꒳ ` )♡︎ 同埋佢入面有一啲磨砂粒粒，洗面嘅過程中可以清除面上多餘嘅角質( •̀∀︎•́ )✧︎不過洗完面之後對我呢個乾肌人士來講會太乾(⌯︎˃̶᷄ᗝ˂̶̥᷅⌯︎)所以同我一樣皮膚偏乾嘅小伙伴一定要做好後續補濕程序⸜( ´ ꒳ ` )⸝我覺得用完之後皮膚有變滑咗( •̀∀︎•́ )✧︎不過因為太乾嘅關係，所以我唔會日日用( ˙༥˙ )

Tulip Chan好用推薦：活性炭深層清潔面膜 (黑鑽潔淨面膜)是屬於油性肌膚的產品 但如果你同我一樣係乾性/薄皮及敏感肌，平日一定選用乾性肌及溫和嘅深層清潔面膜。 但因為每月生理周期而皮膚變得…毛孔粗大、泛油、暗啞、暗瘡、白頭，而用返平日嘅深層清潔就知道不夠力，就可以每月生理周期後即用「活性炭深層清潔面膜 (黑鑽潔淨面膜)」用一次啦！雖然塗於面上第一下會有少少拮嘅感覺，但大約塗滿全面後感覺便會消失，效果非常好，由於膚質不同，所以使用方法與品牌方法不同。 我的使用方法 潔淨臉部後，用納米離子蒸面機6分鐘（因為我閉塞毛孔白頭較多，使用毛巾暖敷不夠力），化妝水倒入化妝綿輕輕搽抺面部，取出適量面膜敷在臉上停留約10 分鐘，再用溫水沖洗。（不要超過10分鐘，因為佢嘅質地真係好快乾架） 當然我哋乾皮肌更加要記得即時敷返保濕面膜呀！

Kura好用推薦：我由中學開始就用呢款面膜，呢款ORIGINS活性炭深層清潔面膜, 主要成分為活性碳, 佢能夠如磁石般把我閉塞於毛孔內的有害雜質和污垢吸出，大大減少暗瘡、酒米、油脂粒及黑頭形成, 另加入多種天然高效成分,能徹底清理和淨化我毛孔內嘅雜質污垢, 讓肌膚回復潔淨和光澤，我每次都係敷10分鐘左右，同埋佢容易變乾，但都容易清洗，推薦油性皮膚用，呢款面膜係我嘅毛孔洗塵機

Fng好用推薦：有日見自己鼻頭毛孔粗大，有啲黑頭，走咗去買呢支新品 Decorte AQ毛孔美容油。BA話產品針對黑頭脂質，滲透瓦解，溫和清除毛孔深層污垢，含植物油，如荷荷巴油、乳木果脂，兼具💖溶解力與🩷保濕修護，用後肌膚不繃緊。 我混合性偏乾肌膚 ，🌿 質地輕盈 ，清爽不黏膩，延展性高，可局部（如鼻翼、下巴）或全臉使用，支援三種用法： ▶️ 局部清潔 ▶️ 全臉卸妝 ▶️ 替代洗面乳(無需二次清潔，節省步驟，接睫毛者亦適用。) 質地輕盈且沖洗後不黏膩，適合香港高溫悶熱天氣；溶解皮脂效果有助對抗「溶妝」導致的毛孔堵塞，#夏天我用它作晚間深層清潔。 秋冬季節，植物油成分能補充肌膚脂質，緩解空調房或冷風造成的乾燥緊繃。 🤐🙅‍♀️未必適合極油肌，雖標榜清爽，但七重植物油基底在濕熱環境下，對油性肌或易生粉刺肌膚仍有過潤風險。 💡 📌 此款清潔油在溶解黑頭與保濕力上表現出色，特別適合香港混合肌至乾肌；油肌需控頻使用，並留意夏季用量。若預算充足且追求溫和深層清潔，值得入手試用！ #保濕 #夏天

Kitty 好用推薦：Decorte呢支新品AQ毛孔精華油真係好鬼特別，而且周圍斷貨！完全打破咗我對毛孔隱形嘅認知，佢話用咗量子電腦配方精準計算㗎喎～質地清清爽爽完全唔黐笠，捽落毛孔位吱吱聲咁滑捋捋，睇落毛孔真係細咗成個碼！Decorte真係得嘅！🐶🐶 👉點樣用先最夾？ ba話每晚卸妝時： 1️⃣ 擠少少集中按摩T字位同下巴位（捽下捽下就得，唔使沖水住） 2️⃣ 再用其他卸妝產品清全臉 3️⃣ 過水→洗面 重點：當T區特別護理咁用，每日多幾秒搞掂！ 用咗幾日，我覺得黑頭真係有溶解，千年毛孔終於有救！仲要簡單到笑～🌱🌱 #火熱新品

Hchan好用推薦：#夏日必備保養 本身屬混合偏油肌，尤其現時炎熱的天氣令黑頭粉刺更易產生，大概一週要清潔一次，所以被這枝主打洗臉同時去黑頭的產品吸引，剛好做優惠價格也便宜。 質地是透明啫喱狀，洗臉時慢慢按摩，聲稱以日本角質分解技術即可溶解黑頭，持續使用能減少角栓形成。臉部用後不會緊繃，保濕度高又温和，但我不太習慣不起泡潔臉產品，以及用量頗大，我大概一次用5元硬幣大小的份量，省用量按摩就會拉扯到皮膚了。 去黑頭的效果不是太有感，可能我的黑頭都比較強韌(笑)，至於改善毛孔我想應該要長期使用才看到效果，但整體來說是款相當温和的去角質潔臉產品，敏感肌很推薦，去黑頭效果就須視乎個人膚質。

TsuenMa好用推薦：#BIORE 潔面凝膠 想要護膚品吸收得更好，其中一個步驟就係要去角質，去除左d dead skin先，所以先會買左呢枝洗面Gel。 用左一段時間，無乜點感受到佢嘅清潔力，不過用完吾會太乾，皮膚係米真係因為佢而好左就真係可圈可點。 因為係凝膠，所以吾會點起泡，個人黎講都會鍾意起泡嘅潔面產品多啲。

葉子🍃好用推薦：淡橙色洗面乳，入面仲有橙色粒粒，起泡快，可日日使用，黑頭唔算清得太乾淨，不過去角質同控油方面都做到，洗完都唔會乾，不過粒子粗身，磨擦感覺會強啲

Hazel好用推薦：尼一支係透明管身裡面有亮晶晶嘅洗面乳同橙色顆粒，擠出嚟加水可以起泡，洗得乾淨唔崩緊，塊面仲滑滑嫩嫩咁，又平，cp值極高！

貓餅好用推薦：學生時期的恩物，便宜又好用，按出來就是泡泡，能夠保濕皮膚，溫和不刺激，用完不會繃緊，好用

Karman28好用推薦：因為懶，所以買左支一唧就係泡泡既洗面，真心唔太鐘意，唔夠同款洗面膏起泡棉密，使用感無洗面膏咁好。

Giselle 好用推薦：水橋保壽堂 去油脂黑頭噴霧 200ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 係我最近幾鍾意嘅產品*ˊᵕˋ)੭用佢去濕敷一陣後有敷到嘅皮膚都會feel到一種嫩滑嘅觸感⸜( ´ ꒳ ` )⸝♡︎瞬間返到去BB嘅狀態(✿︎´ ꒳ ` )♡︎而且敷完後明顯見到化妝棉變黃咗，應該係因為佢做埋深層清潔幫我去油"(⌯︎¤̴̶̷̀ω¤̴̶̷́)✧︎佢陣味係有少少似鹽水海水嗰陣味，屬於比較天然嘅香味( ⸝⸝•ᴗ•⸝⸝ )੭⁾⁾所以敏感肌嘅小夥伴都會適合用₍ᐢ⸝⸝› ̫ ‹⸝⸝ᐢ₎不過佢標榜嘅去黑頭我好似唔太覺( ˙༥˙ )不過淨係肌膚變嫩滑就已經想回購₍˄·͈༝·͈˄₎◞︎ ̑̑ෆ⃛

Bobo297好用推薦：很神奇的一支水，噴時無色無味，但又確實能溶解油脂。當我臉上出油情況嚴重時會噴上化妝棉，然後印印皮膚。有時頭髮稍油的時候也會噴上頭，乾後會清爽點。

Angie好用推薦：淸潔力比想像中強，用咗之後明顯鼻頭乾淨咗，刺激性低，皮膚無出現敏感問題，值得一試！

格仔餅公主好用推薦：用左等於無用一樣，個鼻仲拿拿地，唔好講黑頭，連面頭嗰一浸都唔知整唔整就到，我誤中地雷既product