chasiutung好用推薦：BIODERMA紅水 已經用左十幾年 平時我比較鍾意用卸妝油卸妝 但冬天懶得落床去卸妝就必定用佢 水狀質地 一d都吾油吾黏笠 好清爽 好濃嘅妝都卸到 眼妝都卸得好乾淨 入左眼都吾會刺眼 但卸妝後皮膚會有點乾 我係混油敏感性皮膚 用過控油版綠色嗰支 覺得卸妝後真係太乾 感覺卸妝力都是一樣的 建議吾係極油嘅皮膚都係用紅色依款比較好 敏感皮膚都適用 我平時喜歡用依種樽 方便用化妝棉卸妝 難卸嘅眼線筆眼線液睫毛膏都能輕鬆卸乾淨

Fish Tse好用推薦：相信好多人都聽過同見過BIODERMA既產品，佢係為敏感肌而設既品牌，深受敏感肌人士喜愛 如果覺得卸妝油要加水乳化哩個動作好麻煩既sis，得推介哩款卸妝水，如圖所以作係呈透明色，首先倒落棉花到跟住全面抹兩次已經卸得好乾淨又唔洗搞到隻手油淋淋同濕哂 即使再濃妝都可以卸得好乾淨，價錢又唔算貴萬寧仲經常性做特價性價比好高，抹完之後就可以直接洗面唔洗沖水都可以

cynthia_snow好用推薦：第一次試用Kiehl’s嘅皇牌產品金盞花植物精華爽膚水，你無睇錯，真係第一次用🤫雖然金盞花水好出名，但因為有啲擔心唔夠保濕，所以一直無買過嚟試🙈最近終於有機會啦🎉 近排天氣咁熱，相信大家同我一樣，皮膚都不斷經歷 強勁冷氣➡️蒸爐一樣嘅室外➡️強勁冷氣➡️蒸爐一樣嘅室外 嘅環境。雖然本身係乾性皮膚，呢排T字位都多左出油；而且兩邊臉頰都有毛孔粗大、泛紅嘅問題🫣再加上成日凌晨2、3點先訓，又撞正嚟m，呢幾日下巴都焗左粒石頭瘡，又腫又痛😵‍💫 每朝起身、每晚臨訓我都會先用金盞花水去爽膚，250ml容量嘅樽身設計比較高、窄身，都算易倒出嚟用(有啲爽膚水樽真係好難倒…)，如果有泵樽就更方便~ 金盞花水係淡黃色，有非常非常淡嘅草本香味，質地比較薄身，個人而言要倒大約5蚊銀大小嘅份量喺手心先夠拍匀全面。 拍上面之後，皮膚都好快吸收，唔會有黏膩感~我有一日放假拍完金盞花水上面之後就去左睇電話，唔記得左搽面霜，之後醒起就發現塊面無任何繃緊嘅感覺，證明保濕度都足夠！不過估計冬天就未必得啦~ 用左兩三日，下巴嘅石頭瘡已經消左腫，仲細粒左🥹兩邊臉頰嘅泛紅都有改善，的確做到產品所講嘅紓緩、抗炎功效！呢幾日出街成

iscah好用推薦：首先多謝@cosme 俾我試用Kiehl’s既金盞花植物精華爽膚水～ Kiehl’s既金盞花植物精華爽膚水都已經係多年既金牌產品，相信大家都唔陌生～主打係紓緩鎮靜、敏感皮膚都適合用，一打開有好大陣金盞花味(類似菊花)，聞落感覺好天然，無香精同酒精既味。 我試用期間每日都會係護膚品前以輕力拍打方法搽上面，期間有啲妝前時間充裕就會用化妝棉濕full 10分鐘，每次濕full完都會輕力拍打幫助吸收，有濕full過先化妝既日子明顯底妝會貼服啲同全日膚況穩定好多。我本身唔係敏感肌，但香港6月潮濕又焗既天氣都會令我間唔中出現少少泛紅敏感，用左金盞花爽膚水濕full就真係好明顯鎮靜到，可能打好左個底所以連全日膚況都穩定埋。 個人強烈建議如果用到Kiehl’s既金盞花植物精華爽膚水，濕full係可以發揮到佢最大功效。會比普通搽面感受更好👍🏻 濕full前：濕full+拍打後：

KaKi321好用推薦：一次過買左兩大支，基本上夠我用成年🫶🏻 日本薏仁化妝水 其實當初選擇呢支化妝水係因為貪佢夠大枝同埋有附送一個小噴瓶，啱晒我呢啲懶人一噴就噴晒成塊面😽 使用方法係先洗左面，之後再均勻咁噴晒成塊面🙌🏻 質地同樣地係清爽補水，我真係好怕噴完之後成塊面會好油。而呢支嘅化妝水正正就幫到我，有好強嘅保濕力肌膚真係好似飲飽水咁。 呢款化妝水最大好處係佢真係平靚正，性價比高❤️

RoseR好用推薦：呢款化妝水，好適合敏感肌膚人士用。我係敏感肌，試用過好多種唔同嘅化妝水，搽完塊面會有吉吉地嘅感覺，都唔適合；最後搵到呢一支，試過覺得覺得好驚喜。搽完好快吸收，完全唔立，好保濕。價錢又唔貴，仲要好大支，性價比好高。 

kikiwong好用推薦： 產品：礦泥潔面乳 官方介紹： 天然礦泥粉(Montmorillonite)製作而成。能像磁鐵般吸附住臉部的髒汙、老廢角質以及氧化的皮脂，並同時保留肌膚所需的油脂和水分。 - 個人皮膚狀況： 🟡夏天混合偏油 🟡T位巨油 🟡有暗粒，無暗瘡 🟡有細紋 🟡黑黃皮 - 心得： 首先，多謝@Cosme提供今次既試用品 包裝係一如既往日本包裝，簡單，白色 而採用既膠係偏淋，要細力擠出嚟，如果唔係會太多 潔面乳擠出嚟係偏水狀，非膏狀 潔面前，油淋淋 隻手潔少少水後，就可以直接洗係面到，唔洗搓到起泡 初頭都有懷疑係咪清潔到呢 上面後，潔面乳都唔算有特別味 係洗面既過程係feel到潔面乳有潤既感覺，過水後更加feel到，塊面無好乾同緊既感覺，反而係好舒服，完全做到官方講既保留肌膚所需的油脂和水分 經過連續洗14日後，塊面無乾到爆粒粒同油，同時面上時暗粒有少左，如果要我自付買，我絕對會回購。

chasiutung好用推薦：感謝@cosme 抽選到我試用嘅係b.glen 礦泥潔面乳 我係混油敏感肌 有黑頭 粉刺 暗粒 毛孔粗大同暗瘡問題 今次試用b.glen 礦泥潔面乳 係一款主打深層清潔同時高效保濕嘅潔面乳 唧出黎係灰綠色膠狀質地 依款潔面乳(無需搓至起泡)只需要手濕臉濕就可以 節省好多洗面嘅時間 潔面後感覺清爽溫和不繃緊沒有過敏 分享一下依14日我既使用情況 剛開始使用頭幾日黑頭 粉刺會慢慢浮面 過多幾日洗面時 會搓到d一粒粒嘅嘢出嚟 之後發現黑頭少左好多臉上面嘅暗粒同粉刺都少左好多 毛孔乾淨左同變細左 我曾經用錯過一款潔面產品 潔面後又痕又紅又乾 導致皮膚屏障受損 自此選擇潔面產品我好小心 只會選擇溫和嘅潔面產品 但一般此類潔面產品 清潔能力都不太夠 因為我時常會化妝 潔面產品清潔得唔夠乾淨 又會起好多黑頭 粉刺 暗粒 然後變成暗瘡 所以選一款溫和又保濕同時又夠清潔力嘅潔面產品真係非常重要 ‼️

Betsync好用推薦：🧡如果喜歡我嘅分享，可以follow instagram @betsync🧡 ✐ Bifesta高效眼唇卸妝液 🥹如果冇記錯，應該係我第一枝買嘅眼唇卸妝液，一買就買到啱用嘅產品依種感覺實在太好!! 我已經空瓶再回購咗第4枝了～～ 佢係我最愛既卸妝產品😙有效又便宜（有優惠時$36-40），周圍都好易買到，唔擔心會突然冇得用😌 依枝眼唇卸妝液係水油混合嘅，但係唔會有油膩感，亦唔薰眼。我一般會濕敷喺眼皮上面幾秒先抺，可以卸得乾淨啲。（當然，卸完妝我都會再洗多次面，乾淨啲。） 我之前都試過用其他眼唇卸妝液，但係都覺得嗰啲好油又令對眼好唔舒服😵‍💫最後回歸Bifesta嘅懷抱😚 一般卸妝產品未必能夠卸乾淨眼影、眼線、唇膏，尤其係有閃片嘅眼影同埋防水眼線。而且用一般卸妝油/水抺眼容易熏眼，又卸得唔乾淨～ 所以用眼唇專用嘅卸妝好重要！ ┈┈┈┈┈┈個人心得分享，非廣告┈┈┈┈┈┈ 適合我嘅唔一定適合你，希望依啲真實嘅用後感可以幫你挑選啱你嘅產品啦ଘ(੭ˊ꒳ ˋ)੭✧

takemyokane好用推薦：這款產品，數數手指應該已經用了超過10年⋯卸妝力極佳、性價比高、不傷眼睛、不油膩，沒有任何缺點可言。 多年來也有試用過其他卸眼妝產品，也不是沒有遇到其他好的產品，但這款實在太無敵，沒有被取代的必要。 卸妝前 一抹卸走一半的狀態 輕輕抹兩下已經完全卸妝

YY好用推薦：秋冬嘅護膚品有好多我比較鍾意嘅就係呢一支Clarins Double serum！ 買返嚟個時以為好油膩，但係其實係冇呢個問題。精華入面水油分隔，官方用法放喺手心乳化混合，用熱力喺皮膚上面按摩，而唔係直接將精華油塗上面。我比較鐘意喺功能精華之後疊加上/當面霜用於精華後。 混合性皮膚到乾性皮膚都適用，廿尾三十開始使就差唔多。clarins Double serum平和咁樣令到皮膚keep住穩定嘅狀態，唔會出現甩皮泛紅嘅問題。皮膚好咗，毛孔細咗，乾紋都少咗。真心正！ 遲啲用曬就試下clains 全新第9代 賦活雙精華! #秋冬護膚神隊友

msthea好用推薦：Clarins嘅賦活雙精華係我呢兩年冬天必用嘅精華 保濕度非常好，好適合秋冬使用 因為我皮膚係屬於缺水偏乾，好多時秋冬塊面都會抆抆緊咁，覺得有啲痛，試過好多唔同嘅精華加面霜，都減輕唔到呢個感覺 自從早兩年試用過呢個精華，發現真係好好，夜晚用完，第二日淨係用爽膚水同面霜，都仲keep到個保濕度，唔會覺得乾燥  呢個係有兩個質地嘅精華混合而成，唧出嚟嘅時候會明顯見到有透明嘅顏色，同埋啡啡地嘅顏色，混合完之後搽上面就可以 而個樽蓋上面見到有兩個唔同嘅公仔，代表「大滴」同埋「細滴」，咁可以根據返自己嘅需要而調校一泵嘅份量，我覺得係一個幾好嘅設計以5⭐️為我嘅滿分 保濕度 ⭐️⭐️⭐️⭐️⭐️ 感覺持久度 ⭐️⭐️⭐️⭐️⭐️ 減紋 ⭐️⭐️⭐️⭐️ 推薦度⭐️⭐️⭐️⭐️⭐️

Miki好用推薦：感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！ 首先申報一下自己頭髮嘅狀況：中短長度，頭皮及髮質中性偏乾，一年染髮兩次。 以逆時光至臻修護浴髮乳洗完頭同逆時光至臻修護髮膜作後續護髮，最後就用逆時光至臻香氛修護精華令頭髮保持光澤。我用2-3泵嘅份量，搽晌髮中至髮尾，再吹乾頭髮。同Kerastase 逆時光嘅浴髮乳一樣，同修護精華都帶著馥郁嘅花香，搽上頭髮好快吸收，滋潤但不油膩，減少毛躁，頭髮順滑又帶光澤✨關於逆時光至臻修護浴髮乳同埋逆時光至臻香修護髮膜試用詳情，會晌兩個產品嘅專頁再報告😊 用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎再次多謝@cosme 嘅邀請🤗

Amy好用推薦：首先感謝@Cosme邀請試用KÉRASTASE逆時光至臻修護系列產品 本身髮質細軟又自然捲，年紀越大頭髮越容易甩，所以揀洗頭水都慎重咗。 先講下試用KÉRASTASE逆時光至臻修護浴髮乳的特點先： 呢款洗頭水嘅質地偏透明，唔算容易起泡，可能要份量用多少少，味道方面係有淡淡嘅高級香氛味，聞落都幾舒服唔會刺鼻，而且香氣都long lasting。 配合埋逆時光至臻修護髮膜，於洗髮後將護髮膜塗抹於濕髮上，按摩及乳化，靜待5分鐘，再沖洗乾淨。 洗完頭吹乾之後，會配合埋逆時光至臻香氛修護精華塗抹於髮尾位置，質地輕柔不油膩，減少髮尾分叉及斷裂，依排天氣唔好成日落雨頭髮毛躁感下降咗，頭髮順滑易梳咗。而香味係玫瑰木調芳香(茶香玫瑰、淡木和麝香)，同浴髮乳味道一樣，係知性有女人味既味道！ KÉRASTASE逆時光至臻修護系列產品能夠即時改善髮質情況，持續使用使頭髮更健康更柔順，用完會繼續回購，救下我啲頭髮😆

A&R好用推薦：貪平買來試吓嘅爽膚水美顏水，用咗之後覺得好刺激皮膚，因為含有酒精，似消毒水多一點，而且味道好奇怪，不太鍾意放咗喺度好耐都用唔晒。

zetalhc好用推薦：因為有酒精比較刺激，我主要用係心口嘅暗瘡度。可以做到消炎嘅效果，但同時都會令皮膚有少少紅腫

msthea好用推薦：網上好Hit 呢個日本面霜，見到香港都有得買，價錢又唔貴就買嚟試吓啦 不過就真係好失望嘅，而且要永久back list  面霜質地好水狀，諗住夏天用搽薄啲唔緊要 不過真係只有當下有補水嘅感覺，轉個頭已經feel到塊面又乾了 最大問題係用完之後狂爆瘡… 完全覺得自己係中咗伏，直頭唔可以再繼續用落去了以5⭐️為我嘅滿分 保濕度 感覺持久度 推薦度 冇打錯，係零呀，真係一粒⭐️都比唔落手🥹

Morgan Y好用推薦：【超好用face cream 第6+次空瓶】 自從我幾年前試完一次之後完全返唔到轉頭！！！中途有fd送過一set貴啲嘅牌子(L牌) 轉用過一輪 都唔及佢好 所以都係要返返去Curél嘅懷抱 回購再回購～ 因為我係普通中性偏少少乾嘅關係 的確一開始唔會被”intensive moisture care”呢幾個字吸引 覺得好似會好痴笠笠唔舒服咁 但試完其實真係好神奇 我啲皮膚冇試過咁開心飲飽水(尤其是之前轉過一輪 發現好大分別) 覺得用呢個後 1. 少左生暗瘡 暗粒 (包括個鼻嗰啲士多啤梨位) 2. 上妝係貼妝左 唔會出現浮粉嘅情況 3. In general皮膚好左 有光澤左 我習慣夜晚搽 第二朝起身 塊面好似冇嘢咁 係乾爽feel 證明個cream所有營養都吸曬入去～ 朝早因為化妝前唔鍾意有層嘢好似會加厚左咁(?) 所以唔鍾意搽cream 但會用返同系列嘅化妝水拍一拍塊面先 感覺好似會last耐啲～ 佢唔會話好厚身 所以秋冬天最乾燥嗰幾日未必夠做😂 但春夏天用就唔會好笠 所以for香港天氣係perfect 強烈建議🫶🏻

Tobimak好用推薦：呢支洗面膏既系列我已經用過好幾款，但始終都係最愛原始藍色呢支。佢只要用少少已經可以徒手起到濃密的泡泡，如果用埋起泡網既話d泡泡更加多，所以會超級治療🥰而且潔淨力一百分，用後唔會覺得乾燥 而只係會覺得乾淨。 性價比超高，十分推薦budget唔多的小資女購買。

AmyAmy好用推薦：已回購多次❤️ CP值極高，易起泡沫，清潔能力高，但用後又冇忟緊或好乾嘅感覺，我四季都用佢👍🏻