找產品
脫妝 推薦好用產品
32 件
Emily Leung好用推薦：Bobbibrown無重輕霧粉底液，打造零粉感原生好皮！ Bobbibrown家的新品粉底液真的讓我狂喜！！太適合油皮了！新品主打一個輕透無粉感的妝效，裸感舒適的同時遮瑕力也足夠，打造一種原生皮膚的自然光澤感！ 👍質地：流動性很好，很水潤，上臉很容易推開！！ 👍妝效：上臉的妝效是那種清透霧光奶油肌，完全沒有厚重的粉感！！ 👍持妝效果：一整天帶妝下來，都沒有斑駁浮粉脫妝!!油皮快衝！！
<看全文>lingbb好用推薦： 呢枝被吸引係佢以輕霧做主打，令底妝輕盈薄透，雖然顏色看似好深但上面係白啲，妝效係半matt finish，防曬得15所以妝前需疊加層防曬，遮瑕度不錯可以遮到7成，整日落黎妝效多次補妝都唔會太厚重，但面上有輕微卡粉，所以係選擇防曬同妝前時要考慮埋同底妝夾唔夾。 #火熱新品
<看全文>
Suki好用推薦：定妝防水噴霧 EX 使用心得 🌟💦 用後感：❤️❤️❤️❤️❤️ ✅ 無限回購：呢款噴霧係我已經無限回購嘅產品，效果真係好過植村秀，我自己用植村秀防水噴霧係會甩妝甩到好勁，呢款保持好耐都唔甩妝！ ✅ 噴霧細膩：噴霧質地非常細緻，噴上去輕盈舒適，完全唔會有重噴霧嘅感覺，感覺好自然。 ✅ 適合乾性肌膚：我係乾性皮膚，通常都易出現卡粉或浮粉，但用咗呢款噴霧後，妝容完全唔會卡粉，保持得非常好，真係驚喜！ ✅ 保濕效果：呢款噴霧唔單止可以定妝，仲有保濕效果，令底妝更加服貼，肌膚感覺潤澤，冇乾燥情況。 ✅ 使用時機：我習慣喺搽妝前乳同防曬之後即刻噴一層，咁樣底妝會更加緊貼，效果特別好，真係唔會失望！ 總結：CP值超高🌹 ⭕️ 回購意願：出街6-8小時後，妝容依然靚，完全冇浮粉，輕微有啲卡粉但好容易補妝，以呢個價位嚟講，我已經十分滿意！ 如果你想要一款持久又唔會卡粉嘅定妝噴霧，呢個真係必試，無論係日常定係特別場合都超適合！ 效果展示📸 出完街六個鐘冇溶妝！
<看全文>グラディス好用推薦：這款定妝噴霧除了常規的花香版本，還不時推出限定味道，可隨季節和個人喜好選擇 。噴出來的噴霧幼細，不會留下大滴水珠影響妝容 。相片是噴在手上的效果，幾乎看不到任何水珠殘留。不過噴灑範圍小，需要如包裝上所示，大約 5 至 6 下才能夠完成整塊臉。 使用後，脫妝和口罩沾粉的情況皆有改善，口罩內的粉痕明顯減少，但又未至於完全沒有 。我把遮瑕膏畫在手上，圖中右邊的是原來的狀況，左邊和中間則是在有和沒有噴霧的情況下各拭五下，可見沒有噴霧的遮瑕膏已化開，而有噴霧的雖然也有少許化開，但仍能維持一定的顏色和完整度 。 就功能而言，定妝力是有的，雖然尚可更好。不過以這價格來說，其實我已沒有什麼投訴。
<看全文>
Kitty 好用推薦：前排去商場掃貨，見到Sofina Primavista「妝前打底」出咗新升級版！身為混油皮嘅我即刻心動，諗起舊版嗰支真係幫我捱過唔少「回南天」🥵 即刻科水買返支返屋企試，同大家分享吓試用感受先～ ✨包裝同質地✨ 樽身少女心即刻爆棚！質地同舊版差唔多，都係水潤嘅乳液狀，吸收速度幾快，唔會好似某啲控油產品咁「拮拮吓」，我敏感肌都頂得順～ ☀️上妝效果☀️ 最驚喜係佢個提亮效果！平時用開嘅控油妝前打底多數會令塊面灰白，但呢支薄薄搽一層已經有「偽素肌」嘅透亮感。試過單用佢再撲層碎粉，同事仲以為我打咗燈😂 遮毛孔方面都交到功課，鼻翼兩側啲凹凸位平滑咗好多～ 🔥持妝力實測🔥 重點嚟啦！琴日特登唔補妝去挑戰： - 8:00am：薄搢妝前打底＋氣墊粉底 - 12:00：食完lunch塊面得少少油光，用紙巾印一印即啞緻 - 3:00pm：開會焗足兩個鐘，額頭開始有少少笠，但無溶妝 - 7:00pm：放工跑住追巴士，返到屋企照鏡...嘩！T位油光明顯但粉底無斑駁，無出現「芝麻粒」真係感動到喊😭 ⚠️注意位⚠️ • 乾肌姊妹可能要加強保濕，試過皮膚狀態差時用會有少少「緊繃」 • 遮瑕度屬中等，大紅痘印
<看全文>popocarcar好用推薦：唔經唔覺，原來自己都買咗幾款Sofina Primavista 底妝產品。 天氣太熱或者預計會出大汗時，我會用呢款底霜，底妝會long lasting 好多。
<看全文>
applepie好用推薦：朋友力推所以買黎試吓，廣告標榜可以18小時持妝鎖色、保濕柔潤感，展示自然完美底妝，噴霧出得好平均，噴上面吹吹風扇好快就乾，用左會有微微光澤，用咗一段時間都無爆瘡，而且用了之後控妝持久之餘沒有出乾紋，會回購～
<看全文>Fng好用推薦：Shu Uemura unlimited 定妝噴霧👀混合偏乾肌嘅夏日溶妝救星 🌟 ✨使用感與效果 噴頭設計出色！水霧細密均匀，唔會射花底妝～帶淡淡花香好高級！成膜速度中等，但完成後真係有層隱形保護膜！實測香港34°C出門，溶妝時間推遲3-4小時，鼻翼同下巴這些易脫妝位依然貼服～保濕力不錯，唔會抽乾皮膚水分，帶妝8小時都無繃緊感！ ✨同價位比較 VS MAC Fix+：MAC保濕更強但定妝力輸幾條街； VS Urban Decay All Nighter：UD控油更強但偏乾，呢支水油平衡更好； VS Make Up For Ever定妝噴霧：兩者定妝力接近，但Shu Uemura噴頭更細緻！ ✨缺點提醒 成膜後有輕微存在感，極敏感肌可能要試用～ 總結：除了少許貴冇缺點！💎 香港夏天必備神器，會回購！
<看全文>
Kitty 好用推薦：【真心分享】Estée Lauder Double Wear 粉底液：油皮嘅“鐵打江山”！ 講真，我係油皮，尤其係夏季，個面真係可以油到煎蛋！試過無數粉底，唔係未夠晏就溶咗一達達，就係遮瑕力唔夠，塊面啲瑕疵（暗瘡印啊、毛孔啊）原形畢露。直到俾朋友推坑試咗呢支Estée Lauder Double Wear (DW) 粉底液，真係有種終於搵到你喇嘅感覺！ 先講佢嘅勁正優點： 1. 極貼膚，持久力超班！ 呢個絕對係佢嘅皇牌賣點！大夏天朝早9點上妝，落街食lunch、返工對住電腦、放工仲要同朋友打邊爐（仲要係麻辣鍋！）... 到夜晚10點返到屋企照鏡，個妝仲喺度！冇誇張，真係冇乜點溶妝，冇浮粉，冇變地圖臉。T位係有少少油光，但係係好自然嘅光澤感，唔係油淋淋嗰隻，用紙巾印一印，個妝仲係好完整。對我呢啲油皮嚟講，呢種持久力簡直係救星！ 2. 遮瑕力強到冇朋友！ 我塊面有啲陳年暗瘡印同毛孔，平時要用遮瑕膏先搞得掂。但用 DW 呢，薄薄一層已經遮到7、8成！如果你有啲好深色嘅印或者好大粒嘅暗瘡，可能都要加少少遮瑕，但整體嚟講，佢嘅遮瑕力真係數一數二咁勁，出街完全夠用，塊面即刻乾淨勻稱好多。
<看全文>糯米喵好用推薦：呢枝dw係眾所周知遮瑕度極高，而且係十分之控油既粉底，亦都係我第一支用嘅粉底。當初買係因為佢遮瑕能力，但對於乾性皮膚嚟講，一定要做好妝前保濕，如果唔係會容易卡粉，尤其係法令紋，冬天亦都唔適合用。 所以買咗之後基本上都係夏天先會用到呢支粉底，佢嘅好處係會掹到皮膚好實，唔驚會脫妝，但係亦都因為咁，隨着時間會越嚟越乾，呢樣嘢應該會十分適合混油/油性皮膚使用，下面係我夏天使用嘅狀態，出街大約兩三小時就會卡粉，需要補妝。 呢枝粉底未必好適合我呢種乾性肌膚，所以我未必會回購，但我會推薦混油/油性皮膚使用，因為佢控油能力同埋遮瑕度都真係好好！
<看全文>
Kaze13579好用推薦：之前試過好多其他日本同韓國品牌嘅持妝噴霧，效果都係普普通通⋯⋯ 跟住上網睇吓仲可以試吓乜嘢牌子啦就見到urban decay呢支all nighter long lasting makeup setting spray好似幾多好評，就決定一於試吓。 佢個噴嘴唔係壓縮噴霧，所以噴出嚟嘅唔係霧氣而係水珠比較大嘅汁汁。所以要適量咁樣控制距離，同埋唔好係咁狂噴。但係效果真係好唔錯！成膜速度都快！噴完同未噴過妝咁差好遠，即時見到水潤同埋貼服嘅效果。不過美中不足嘅係，如果佢嘅味道清香啲或者冇味就好啦。
<看全文>TsuenMa好用推薦：URBAN DECAY All Nighter 持久定妝噴霧 首先佢個瓶身紫色底白色字，對我嚟講覺得好靚，時尚感拉滿，但係有少少唔明點解，大概入邊會有個細蓋，趕時間嗰陣要開兩次個都覺得少少煩。🤣 效果方面，佢唔係啲好細嘅噴霧，如果太靠近面去噴，同埋因為佢呢一個唔係透明而係有啲乳白色嘅噴霧，太近面去噴的話會好容易有白色一點點。 🫢 整體而言佢都係一個中上嘅Fixer，成膜速度都算快，可以有效甘保護到個妝。 除咗完成晒成個妝之後噴，有時候我都會將佢Mix埋foundation上妝，會定到個妝更貼服。😉
<看全文>
bbbcls好用推薦：膚質：混合性（T字位出油，面頰偏乾） 控油 ★★★☆☆☆：控油效果一般，下午T字位已現油光，對於呱呢個價格，控油效果唔符合期望。 調色 ★★★★☆☆：自然裸妝感，輕至中度遮瑕，1號色惟偏白欠血色。 香味 ★★★★★☆：溫柔玫瑰香，非常討喜。 方便度 ★★★★☆☆：大粉撲好用，但size偏大不便攜帶。 呢款粉餅香味出色，調色自然，適合中性至乾性膚質。油性膚質不建議，對於濕熱既香港氣候略顯控油力不足且size偏大，不便攜帶。
<看全文>Gtam 好用推薦：Elegance 定妝蜜粉餅真的是一款讓人驚艷的化妝品❤️它的細粉質地非常👌，能夠輕易地融入肌膚，妝容看起來更加自然、細緻，而且不會造成厚重感或浮粉現象，讓你的肌膚看起來更加🌟光滑、柔軟。 此外，Elegance 定妝蜜粉餅的控油效果也非常出色，能夠有效地吸收肌膚上的油脂，讓你的妝容更加持久，不易脫妝。它能夠減少肌膚的油光，讓你的肌膚看起來更加清爽、乾淨，讓你一整天都能保持完美的妝容。 此外，Elegance 定妝蜜粉餅的外觀設計也非常👍，精美的包裝和可愛的盒子讓人一看就愛不釋手。它還有多種不同的色號可以選擇，能夠適應不同膚色和妝容需求。 總之，Elegance 定妝蜜粉餅是一款非常值得推薦的化妝品，它的細粉質地和出色的控油效果能夠讓你的妝容更加自然、持久、細緻，而且它的外觀設計也非常可愛，讓你愛不釋手。如果你正在尋找一款能夠幫助你打造完美妝容的優秀化妝品，那麼 Elegance 定妝蜜粉餅絕對值得一試！💁♀️
<看全文>
bibubibu好用推薦：一向都知道呢款粉餅喺開架彩妝嚟講好受歡迎 sofina成日都會推出好多期間限定嘅外殼 粉紅色外殼好有少女心  我揀咗一個比較自然嘅顏色 佢上面唔算太修飾毛孔 都有明顯嘅妝感 持久力尚可 唔算甩得勁 當然用紙巾抹汗嘅時候都會見到佢有甩 氧化程度一般 以佢嘅價錢嚟講，佢表現都算唔錯 不過唔知點解我冇跌過佢落地 佢自己就無啦啦碎咗
<看全文>格仔餅公主好用推薦：用佢好少浮粉，超趕時間出門都會簡佢，可能佢同我皮膚好夾，所以我keep住有再買用完一位又一盒。如果冬天用佢之前噴一噴保濕噴霧之後就好貼唔會話好乾。薄薄地都夠力遮到眼圈同痘印，但紅卜卜既痘印最好用返遮瑕膏會無咁明顯。 個價錢都唔貴所以大力推薦比返學黨啦同埋貪靚又要慳錢既靚女。
<看全文>
糯米喵好用推薦：呢款canmake粉餅係我化妝時十分喜愛既產品！佢可以提亮膚色，而且有一秒磨皮既效果！ 平時化完啲水光感勁重既粉底，覺得太油就會搵佢壓一壓，即刻就冇曬，仲呈現一種好柔和既膚感，每次用完既效果真係心心眼！我暫時未搵到有其他嘅取代品，但佢就真係比較容易碎，所以難帶出街補妝。 同埋雖然佢可以直接素顏上面，但係可能因為我係乾肌，就咁單用會卡粉，所以我就唔推薦呢個用法，但係化妝就真係好好用，新手都十分之適合！
<看全文>Kayyan22好用推薦：Canmake 透亮美肌蜜粉餅 Mo 係我每次化妝必用既item!上臉後能提亮膚色但不泛白，中性膚色用剛剛好，像是天生好皮膚的透亮。 用刷子或粉撲輕拍可以均勻上妝，不會卡紋或顯毛孔，適合日常快速定妝，我自己中意用佢本身嘅粉撲上。 混合肌用剛剛好，T區出油能輕微吸附，但不會讓臉頰變乾，夏天用也OK。而且佢自帶鏡子和粉撲，出門補妝超方便，價格親民，CP值高！ 但佢只可以純粹定妝提亮用，痘印或泛紅遮不住，需搭配遮瑕產品。 油肌既話可能3-4小時後需要補妝，建議搭配控油妝前加強。
<看全文>
Fng好用推薦：Benefit 強力無重定妝噴霧，聲稱能16小時鎖妝，喺香港夏天對抗焗熱溶妝，我覺得佢效果屬中上。 噴頭與水霧：👍👍 (中規中矩) 噴頭力度適中，水霧算細密，但未到最幼細級別。建議離遠少少噴，等佢自然均勻落塊面，咁就唔會弄花底妝。 定妝持久力：👍👍👍👍 (確實有料到) 呢點係最大賣點！實測喺三十幾度又濕又焗嘅戶外，個底妝真係「黐」得好實，冇平時咁易因為出汗而溶妝或浮粉。T位出油有減慢到，成個妝容嘅完整度keep得好好，持久度確實比冇用噴霧明顯提升，冇呃人！ 膚感與保濕度：👍👍👍 (混合肌接受到) 完成後係自然光澤嘅啞緻感，唔會令皮膚有繃緊或者黏膩嘅感覺，對混合偏乾肌來講幾友好，冇加重兩頰負擔。 總結： 一支效果對得住名氣嘅強力定妝噴霧！特別適合需要長時間帶妝、對抗日曬同汗水嘅場合，能真真正正幫你鎖實個妝。雖然價錢唔算平，但如果你受夠咗夏天一出街就溶妝，佢絕對係一個可靠嘅投資。記住，妝前保濕都要做足，效果先會最理想！
<看全文>mandy好用推薦：Benefit Porefessional Super Setter 強力無重定妝噴霧 $315 強力無重定妝噴霧蘊含少許美肌成分， 添加了保濕及抗氧化等成分。 強力無重定妝噴霧的厲害之處是噴霧的水不會太多或太少，而且噴灑得非常均勻完美。 可以在每次完妝後或補妝前使用， 用作定妝及為肌膚保濕。 此外，瓶身不算太大枝，隨身攜帶也十分便利。 含保濕成分: 丁二醇 及 辛乙二醇 控油成分: 矽石 抗氧化成分: 季戊四醇四（雙-t-丁基羥基氫化肉桂酸）酯 及 維他命E 抗衰老成分: 維他命E 鎮靜消炎成分: 維他命E 美白成分: 維他命E
<看全文>
robinsbk好用推薦：已經空瓶咗3枝🤣 因為我都算係沙漠肌 就算係夏天 個妝全日都唔會點出油 反而係帶妝8-9個鐘後可能會開始變乾🥲 完成哂skincare routine會用呢枝spray打底 再用嚟噴濕個sponge嚟上foundation 搽埋concealer同cream contour之後 會全面再噴多幾下 成膜之後落少量碎粉 用完真係set得貼貼服服 個妝同啲coverage都唔會點溶點郁 仲要唔點變乾!! 但其實佢都係會transfer 如果呻鼻涕個啲抹到都係會甩 不過只要唔掂塊面就無事! 佢補妝用都好好!! 放工前輕輕印一印面啲油/甩咗嘅妝 噴一噴spray再上返啲concealer又靚返✨ 不過有樣嘢仲想提嘅係佢個噴嘴都幾參差xd 佢本身噴出嚟已經唔算幼細 我都覺得尚可接受 但有次我買咗枝唔知點解噴出嚟直線咁打落塊面度LOL 學有個會員咁講:好似用緊消防喉 所以我就擰返上一枝個噴頭落新個枝度 到之後新買個啲都無事 應該只係個別狀況xd
<看全文>Heychauchau 好用推薦：要讓妝容維持最好的狀態，我的秘密武器是用Make Up Forever 水氧定妝噴霧。噴上定妝噴霧，可以在皮膚上形成薄膜，隔絕暴露在陽光下，繼而令妝容溶化。是作為我妝容維持持久的最後一道程序。 完成底妝後，我會先用Make Up Forever的超高清無瑕蜜粉作第一步定妝，之後再噴在水氧定妝噴霧，加強妝容的保護。的確，底妝真的變得牢固和貼服，而且能夠明亮肌膚，去除暗啞膚色，讓皮膚能夠持久地維持水潤狀態，減水出油所導致浮粉和脫妝的問題。由於皮膚狀況偶爾不穩定，會擔心產品會導致肌膚過敏，而定妝噴霧成分主要以水份為主，不含酒精，相對也比較溫和。上妝前用作保濕噴霧，讓妝容更貼服，化完底妝後，用作定妝噴霧，夏天一整天妝容還是維持好好的，也不用頻密補妝，也不會大量出油，是我夏天的妝容秘訣。
<看全文>
auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base
<看全文>Wuxx好用推薦：今次分享依枝冷門嘅粉底液我覺得岩一啲新手/唔係好熟上妝技巧/唔知自己咩訴求等等嘅人用， 係一枝幾大愛嘅粉底液~ 入手當時處於冬季轉春季嘅尷尬期，上網搵有咩好粉底液之際就睇到一位YouTuber介紹佢， 然後就網購盲買左佢番黎~ 首先，佢絕對有日妝嘅通病，就係點都有少少黃， 由於我無去專櫃試色，所以就。。。🌝 不過撇開色號黎講，佢係真係幾上手易用。 上完面要隔一陣先會成膜，成膜後持妝都耐， 而佢裏面有樣嘢叫「Clear Smoothing Gel 清透平滑啫喱」， 聲稱可以撫平及修飾毛孔等凹凸位置， 我對依個技術係表示歡喜！ 平時用啲粉底液厚身少少，八字位都會卡粉， 成日要間唔中卒開佢， 用依枝粉底液就無依個問題！好神奇！ 整體感覺不錯，不過因為轉季時間唔長，一到夏天就唔係好頂得住，所以好快就唔岩用🥲
<看全文>
Ressie14好用推薦：我大支細支都有。 一支係大貨裝（200ml），一支係2023年倒數月曆既內容之一（50ml）；暫時我仲用緊細嗰支。噴嘴口冇乜分別。 我化全妝會用佢，上完matte finish foundation之後就噴一次面，so far 喺咁既天氣（2月至4月）冇溶過妝、冇乾到脫皮，效果唔錯👍 我欣賞佢霧化效果，噴完個刻有水份感覺但又唔會見到有小水珠💦 快成膜。 同埋我係鍾意玫瑰金色嘅產品 🥰 所以點解帶咁多CT產品唔多唔少都係因為鍾意個包裝。
<看全文>Fng好用推薦：Charlotte Tilbury Airbrush定妝噴霧， 細細枝試用裝放喺手袋勁方便，用後感👇👇 ✅ 優點： · 超強鎖妝力：高溫濕熱下實測，底妝堅挺8小時以上，口罩摩擦都唔點脫妝！ · 霧面高級感：一噴即時柔焦毛孔，變啞緻絲絨妝效，油肌救星 · 噴頭出色：水霧細密均匀，唔會射花底妝 ❌ 缺點： · 價錢進取，同級產品中偏貴 · 偏乾繃感：乾肌用後可能覺得繃緊，要加強妝前保濕 · 香味濃烈：玫瑰香較人工，敏感鼻可能頂唔順 💡 總結：香港夏天油肌／混合肌必試！控油同持久度無得輸，但乾肌同香味敏感者請試用先～
<看全文>
Kelvin好用推薦：M.A.C出過四款唔同嘅定妝噴霧比唔同嘅膚質用，2024年我新買咗呢支👉🏻 長效定妝噴霧 (紫噴) 紫噴主要用於化妝後，噴係成份俾無酒精成膜劑！所以敏感肌都可以用～ 呢支噴頭做到霧化效果，比基本透明黑蓋嗰支更加好。噴出嚟清新香味，好似成個妝高質咗。 我係用完蜜粉之後疊加setting spary，延長帶妝時間。噴完之後有微微嘅水光感。噴完全日真係冇乜點甩妝，定妝效果強！ 新手用setting spray請先搖勻，然後離遠面部10至20公分，以T字加X字方式均勻噴上，全面就可形成防護膜。 質地有少少笠，偏保濕，中性肌至乾性肌會較鐘意。歲未通頂岩曬無甩妝👍🏻
<看全文>zzzhelen好用推薦：噴頭做到霧化，但都有小水珠出現，需要用手幫忙拍打開先快啲乾。乾後，會係面上形成一層光澤感表面。 以往夏天一出街就成面油，噴完之後，可以keep3個鐘（室外加冷氣凍既地方）先出油。不過由於我毛孔粗大，光澤面會突顯毛孔問題，所以就唔考慮回購了
<看全文>
Giselle 好用推薦：Canmake 棉花糖美肌粉餅 PP色 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係好耐之前嘅限定色(●︎´ϖ`●︎)佢係主打可以化出透亮有血色感嘅底妝( ` ･ω･ ´ )所以同一般嘅粉底會用唔同色調嘅膚色好唔同，呢款嘅粉餅顏色係粉紅色₍ᐢ⸝⸝› ̫ ‹⸝⸝ᐢ₎但佢上妝之後唔會好似胭脂咁粉咁紅⸜( ´ ꒳ ` )⸝♡︎反而係真係有令你嘅膚色白咗一度嘅錯覺*ˊᵕˋ)੭至於增加血色調方面可能因為我唔係屬於皮膚偏白or青調嘅人，所以搽上臉後唔太見到有明顯增加紅潤感( ˙༥˙ ) ❤︎ ❤︎ 另外佢呢款係有添加好細微嘅閃粉，我自己覺得係燈光下啲閃粉反光嗰陣更凸顯出肌膚嘅透亮感(◍︎•ᴗ•◍︎)持妝效果算係中規中矩，我混合偏乾嘅膚質係用咗散粉同定妝噴霧大約keep到3-4個鐘就需要補妝( ･᷄-･᷅ )油肌嘅小夥伴應該要2個鐘補一次妝(꒦ິ⌑︎꒦ີ)不過佢細細盒而且入面有鏡包埋所以都算容易帶出去補妝(◍︎˃̶ᗜ˂̶◍︎)✩︎比較可惜嘅係呢隻色已經停咗產(っ◞︎‸◟︎c)而且本身canmake呢個系列嘅粉餅顏色只係得3-4隻色，好多時都搵
<看全文>Angie好用推薦：粉質好幼滑，上面嘅即時效果唔錯，不過持妝度唔夠，過幾個鐘就會變到好似面具咁，面頰位置會一撻撻浮粉😟
<看全文>
