找產品
開架身體乳液 推薦好用產品
28 件
Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰
<看全文>Eunice好用推薦：CareVe Moisturising Lotion 當時因入秋轉季開始皮膚敏感又脫皮，所以入手左一支 見佢針對濕疹皮膚，成份簡單，仲可以拎黎搽面 質地清爽、不黏笠，又好搽易吸收 為一缺點就係保濕力對我黎講唔夠 晚上沖完涼搽完， 隔三至四個小時又開始身體癢癢的 不過Eunic💩有個小貼💩 如果面部皮膚真係好乾燥又甩皮 可以薄薄地搽係面仔先，再ontop加塊廢面膜😂 三文治夾法敷二十分鐘至半個鐘， 皮膚會柔軟好多同無咁甩皮，大家可以試下 (只針對皮膚乾燥者)
<看全文>
莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！
<看全文>Sakura醬好用推薦：原來護膚嘅盡頭真係Cerave！ 我正式宣布！Cerave面霜就係本人今年嘅天命面霜！由身體乳跟到面霜，老實講真係用一次就返唔到轉頭！！ 秋冬啲風真係利過刀，之前出街塊面吹到又紅又痛，搵其他面霜唔係焗到癲就係好似搽咗層蠟咁唔吸收，塊面乾到甩皮兼化妝卡粉，真係想死！直到摷返呢罐面霜先至知咁叫驚為天人。 第一次厚敷得一個字：爽！！！ ⭐️質地： 質地似軟綿綿嘅雪糕，望落去厚身但一推就化水，瞬間吸收，完全唔黐枕頭唔癡面，吸收完係爽身啞光感，一啲都唔膩！最緊要係裏面三重神經酰胺真係堅有效，好似同你啲受損皮膚補磚加水泥咁，將個屏障修到實一實，搽完即刻覺得塊面冇咁難頂，泛紅都慢慢退減，修護效果爆燈！ ⭐️成份安全： 作為皮膚科醫生都推薦嘅專業修護品牌，佢啲成分做得乾淨安心，冇香精酒精啲亂七八糟嘢，敏感肌同爛臉期用都超放心。前排每次熬夜泛紅或者皮膚出事，我就即刻厚敷一層當急救面膜，十零分鐘就感覺到降溫同舒緩咗好多，第二朝起身塊面軟淋淋，一啲都唔繃緊，之後化妝貼服到似焊住咗，永世唔再搓泥卡粉！ ⭐️使用效果： 堅持用咗大半個月之後，無論轉季定係吹成日冷氣，塊面發脾氣嘅次數都明顯少咗好多，而且
<看全文>
mysecretgarden好用推薦： 對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。
<看全文>YYeman好用推薦：秋冬季至愛身體潤膚乳分享 𝙉𝙞𝙫𝙚𝙖～ 𝙉𝙞𝙫𝙚𝙖 敏修復潤膚露 🤍 我本身已經係 Nivea 嘅用家 ❤️ 由防曬到潤膚乳都係用緊呢個牌子 ✨ 我好鍾意呢個牌子佢獨有嘅氣味，聞落好舒服好放鬆 😌 同佢自己牌子另一個系列（藍色樽嗰款）🔹 比起嚟 呢支明顯杰身啲、濃稠啲，但又比想像中容易推開 🉐 我一直用開 Nivea 最主要原因， 係因為佢嘅質地可以好快被皮膚吸收 👍🏻 而呢支都無令我失望！ 推開嗰陣覺得佢幾潤，仲以為會好黐身， 點知出奇地又無喎 👏🏻 踏入秋天開始用，已經明顯感覺到皮膚無咁痕！
<看全文>
mysecretgarden好用推薦：呢支Nivea深層潤膚乳液我已經用咗一段時間，主要係貪佢價格親民又大支，用嚟搽手同身體都非常經濟實惠。 首先要讚既係佢既質地真係相當輕薄，吸收速度特別快，呢點確實令人印象深刻。尤其適合夏天使用，或者係剛洗完手想即刻保濕既時候。只需要唧少量乳液，輕輕推開就已經迅速被皮膚吸收，完全無黏膩感，用後雙手會變得軟滑，帶嚟清爽既水潤感，感覺相當舒服。如果你或者偏愛輕盈質地護膚品，應該會幾欣賞佢呢種清爽特性。 至於保濕效果方面，我既感覺係：如果係日常一般使用，例如在辦公室或其他室内環境，佢提供既即時補水同軟化效果確實唔錯。但若果對滋潤度有較高要求，比如皮膚本身偏乾，或者遇到秋冬較乾燥既季節，就可能會覺得佢既滋潤持久度未如理想。 產品宣傳既48小時長效保濕功能，根據我個人經驗，就唔係太感受到。洗完手之後，原本既潤滑感會減弱，需要補搽先可以保持滑溜狀態。而且係秋冬季節都明顯唔夠潤。所以對我嚟講，佢更加似一支出色既日常補水型乳液，特別適合用嚟維持皮膚基本既水潤同柔軟度，夏天用就好啱冬天就一定唔夠。 對我嚟講，佢係一支主打清爽、快速吸收嘅產品。味道少少清香可以接受。如果你追求快速吸收、唔黏膩既使用感，
<看全文>Paris merci 好用推薦：近排天氣轉涼，濕度低，皮膚即刻變乾燥。Nivea出咗多款嘅body lotion，呢款係深藍色，係最滋潤度高嘅body lotion，有牛油果成份，佢仲有一款係淺藍smooth，另外仲有一款白色hydrate 佢質地水潤，而家乾燥一定揀最滋潤嘅版本。body lotion好容易推開，滲透力強，快速舒緩乾燥同埋痕癢，仲可以減少因為乾燥而出現嘅細紋。通常我朝晚外出換衫之前，沖涼之後用一次，咁就已經可以保持成日滋潤。如果真係太乾，就要再用深籃鐵罐版body cream🧴 持續用皮膚會變得好滑，加上吸收得好快。另外都唔會因為乾燥而出現皮膚龜裂嘅情況，平價有效，真係貴為身體護膚必備產品💕
<看全文>
Fng好用推薦：NIVEA呢支開架身體乳，標榜美白+保濕，喺香港夏天用，性價比確實唔錯！ 質地與黏膩度：👍👍👍 (合格過關) 佢係輕身嘅乳液質地，非常容易推開，吸收速度算快。完成後皮膚有即時滋潤感，但唔算厚重。喺冷氣房下使用，膚感舒服，冇黐立立。 保濕度：👍👍👍 (中規中矩) 對於混合偏乾肌，佢嘅保濕力夏天用係足夠嘅，能解決日常乾燥，令手腳皮膚摸落滑溜咗。但對於極乾燥部位（如手肘、腳踝），就要補多層。 美白效果：🤔 (要耐心) 用咗一支，感覺皮膚有輕微提亮同均勻膚色，冇之前咁暗啞 🎯可能係我心理作用🔍。但真要見到明顯「美白」效果，相信要持續使用更長時間，唔好期望用一支就白幾個度。 總結： 以開架價錢來講，佢係一支唔錯嘅夏日日常Body乳液。保濕力夠，質地算清爽，兼有少少提亮效果。最緊要係平價大支，點用都唔肉赤！適合追求基本護理、怕黏膩但又需要保濕嘅用家。
<看全文>維他他好用推薦：講下NIVEA支美白乳液先～我用咗三支左右啦，美白效果就唔算好出眾囉，不過咁嘅價錢（大概五十零蚊）都算抵用嘅！質地的確幾輕薄，搽完吸收得快，唔會黐立立，當日常保濕乳液用都OK嘅。保濕度普普通通，正正常常咁啦。希望繼續用落去會睇到透亮效果啦，畢竟佢話有80倍維C同8種果萃精華～平平哋keep住用都抵！
<看全文>
Emily Leung好用推薦：凡士林蘆薈潤膚露測評 話時話，一支幾十蚊嘅潤膚露，到底有冇可能又清爽又保濕？今次就同你開箱呢支凡士林蘆薈潤膚露，睇下佢係咪真係咁打得？ 質地：乳液狀，推開化水，吸收快唔黏膩，夏天用超舒服！ 香味：清新蘆薈味，似青瓜加少少花香，唔濃唔俗氣，聞落乾淨清爽。 滋潤效果： · 保濕力中等，皮膚即時變軟滑 · 乾燥手腳用咗會明顯柔潤，但極乾燥部位可能要補多層 · 持久度一般，冷氣房大概頂到4-5個鐘 總結：$50樓下大支裝，清爽度同香味夠晒加分，適合日常簡單保濕，追求輕盈感嘅人必試！
<看全文>Shirlin Ho好用推薦：Vaseline蘆薈舒緩潤膚露非常適合香港夏天又熱又潮濕嘅天氣用,佢質地非常清爽,揸咗都唔會有黏笠感,而且有可以穩定肌膚,用後唔會有乾燥感,因為熱天經常都係冷氣房,所以夏天定會買一支係屋企每晚都用佢。
<看全文>
Paris merci 好用推薦：NIVEA 舒敏修護雙管精萃凝乳用軟管裝，透明 包裝，感覺比其他支裝body lotion高質，而且價錢都貴少少，一支賣$13x。手上呢款係舒敏修護雙管精萃凝乳，舒敏修護款有專利成份Symsitive，主要舒緩乾燥、敏感、泛紅同埋癢嘅問題。 軟精水凝乳有兩層成份，外面透明係修護精華液，入邊白色係舒敏精華液，一按就兩種成份就會一齊出嚟。包裝背面有個手指模位，好清楚話你知邊個位咁精華出嚟係最適合。但如果用到未知出嚟就會唔平均，好似我第三張圖一樣。 精華質地清爽，吸收快，無任何黏立感。夏天用完非常舒適。用完之後，感覺皮膚充滿水分，仲有光澤，就算皮膚有啲敏感，都唔使擔心，可以安心用。用佢俾用膠罐裝各種蘆薈啫喱更有舒緩作用💕
<看全文>Kelvin好用推薦：內外管設計好得意，透明加白色啫喱。即使係啫喱狀凝乳，呢支係敏感肌都適用👶🏻 好易吸收，全身都好舒服，一啲都唔黏笠。沖完涼茶身開冷氣有冰涼感💨香香地幾好聞👻夏天好怕搽一啲黏立咁重嘅lotion ，呢支保濕得來又清爽，仲要搽上身之後皮膚快速吸收，正👍🏻 睇起來水潤、有光澤，皮膚水潤自帶透明感😍 不過就得200 mL ，加上啫喱質地容量較多，比其他潤膚乳份量就少咗啲😬
<看全文>
Verna好用推薦：我讀書時就已經用這個品牌的潤膚乳了，總覺得它的產品CP值很高，價錢大眾化，品質又好 逛個人護理店時，看到它有新產品，有特價，而且這款身體潤膚乳不再只是滋潤，它加入了維他命C和A，有亮白膚色的功效，而且還有近年火熱的抗氧化成份--谷胱甘肽，而且一支有300ml，大大支，感覺很划算🤭 當然要捧場試試 這款身體乳液的質地是比較流質水狀，它的延展性很高，很容易推開，皮膚也吸收得很快，搽完後的觸感也沒有黏笠感，相比它以往的產品，感覺輕盈清爽得多 我通常是每次沖涼後搽的，所以我覺得如果它是泵頭的話，會比較方便，用了一個月左右，就發現膚色變得均勻白淨了
<看全文>Rin好用推薦：之前嘗試過用另一款,但是用完一枝後沒有效果 我的手色差非常大，這平用了大半個月的時間感覺是有變白一點點，但是之前沒有特別想做測評，所以沒有拍照 前陣子因為佢外活動曬黑了亦有改善 加上他的價錢不貴（以美白來說） 味道有種果香 不會太黏笠亦很好吸收 我認為可以購買一瓶使用，如感覺有變白再繼續購買 #身體保養
<看全文>
timetohaveacupoftea好用推薦：使用3盒後感受-結論：神品！ 個人感受： 比Cerave更好用 🚿沖涼後，塗抹精華，立即把Nivea Cream放左手心打圈，再塗抹在面上 👆🏻打圈直至感覺到面霜「爆水」（你試過就明） 👋直至手感由「霜狀」變「水感gel」 💪🏼直至由「深奶白色」變「半透明」 ❤️ 我認為其實面霜保濕足夠最重要，抗老/美白工作就交給精華及防曬吧。精華反而值得投資貴一點，而面霜最重要是保濕，建立保護層，將精華鎖死在皮膚內，否則精華都被乾燥天氣慢慢蒸發掉。 😂如果頭髮邊有殘留Nivea，會很容易出粉刺，最後發現用乾淨的手在頭髮邊掃平均就好了 🤪我的面頰完全不出油： 塗大量；有時塗抹超厚（面膜） 🤌我只有T字部份及下巴出大量面油： 塗小量，而且按摩確定完全吸引，否則有可能出青春痘啊 🖤包裝：回購時永遠見到同一包裝，感覺很悶；希望有更多不同包裝，否則感到有點膩（最後我在某小店及日本時找到特別包裝） 🖤希望有「枝裝」「筒裝」，發現用在指界邊緣一流
<看全文>莓莓好用推薦： NIVEA小藍罐修護乳霜係唔少人心中嘅經典護膚品，以佢濃厚嘅乳霜質地同強勁滋潤效果出名。以下係用後嘅一啲心得分享： 深層滋潤：質地好濃厚，適合乾性肌膚，尤其係冬天或者乾燥環境下用，可以有效鎖住水分，令皮膚保持柔軟潤澤。 多用途：可以用喺塊面、身體、手或者腳，甚至可以用作潤唇膏或者急救保濕霜，性價比好高。 敏感肌啱用：成分相對溫和，適合乾性或者敏感性肌膚，好少會引起敏感。 價錢親民：以佢嘅容量同效果嚟講，價格好實惠，性價比高。 總結： Nivea小藍罐係一款經典又實用嘅修護乳霜，特別適合乾性肌膚或者需要深層滋潤嘅人。如果你嘅皮膚容易覺得乾燥、繃緊，呢個係一件值得入手嘅護膚品，但油性肌膚就可能要小心揀返啱部位同使用頻率
<看全文>
Fng好用推薦：NIVEA 柔美潤膚霜｜混合偏乾肌嘅「平價萬用藍罐」用後感 💙 ✨質地與突破性用法 經典厚實霜狀質地，掌心乳化後瞬間化油！乾燥兩頰即時獲得拯救，但T位必須避開或極薄塗，否則香港夏天易生粒粒～ ✨成分溫和度 無添加酒精香料，敏弱肌安心牌！雖然質地厚重，但透過正確乳化手法，混合肌都能駕馭到其滋潤力～ ✨混合肌分區使用術 ✅兩頰乾燥位：乳化後按壓加強 ✅手肘腳跟：厚敷過夜即時軟化 ✅妝前急救：混粉底解決爆皮危機 ✨同價位擂台 VSCetaphil潤膚霜：Cetaphil較清爽但滋潤度不及 VSAveeno潤膚霜：Aveeno吸收更快但持久度輸 ✨隱藏版神操作 ▸塗髮尾馴服毛躁開叉 ▸成為萬聖節身體彩繪卸妝膏 ✨缺點坦白區 ⚠️必須耐心乳化否則難推 ⚠️油肌夏天絕對要避開 ⚠️包設計較老派欠衛生 總結：$30嘅奶奶級智慧👵 平價大碗得嚟真心有效，只要掌握乳化技巧，混合肌秋冬季必備！回購指數★★★★☆
<看全文>Paris merci 好用推薦：Nivea柔美潤膚霜係買body Milk嘅時候送嘅，本身都係扁圓罐裝，呢支係迷你試用版。同藍色經典罐裝嘅分別係呢款係乳霜，質地更容易吸收乳化。都可以用於身體面部，推開之後感覺滋潤度足夠，而且有油感。尤其是香港冬天乾燥嘅天氣適合作手霜使用🤲🏻💕
<看全文>
Chloeincosme好用推薦：呢款係由泰國紅到台灣再黎到香港既肌亮水潤精華乳，已經連續使用咗兩個月，真係感受到佢不同凡響嘅效果。呢款身體乳液質地輕盈，容易推開，塗上去即時感覺皮膚好水潤，完全唔會有黏膩感，對於夏天使用特別合適。 使用咗大約幾個星期，我發現皮膚有明顯嘅改善，特別係肌膚嘅亮度，真係白咗一度！而且佢有滋潤效果，即使係冷氣房訓足12粒鐘，皮膚都唔再乾燥。每次洗完澡後用，皮膚感覺好似有一層保護膜包圍住，保持住濕潤狀態，但阻唔會油笠笠。 最開心嘅係，佢嘅吸收速度非常快，唔使等太耐就可以著返衫，非常方便。 總結：肌亮水潤精華乳係一款性價比高、效果明顯嘅產品，特別適合想改善肌膚狀態嘅你地☺️ 如果你都想要一個水潤亮白嘅肌膚，呢款乳液絕對值得一試！
<看全文>Jeniel好用推薦：Vaseline呢支肌亮水潤身體乳液，真係平靚正之選！ 質地水潤輕薄，推開好似化水咁，吸收得超快，用完即刻著衫都唔會黏笠笠。保濕度幾好，秋冬季節用都夠力，皮膚有即時飲飽水嘅感覺。 最驚喜係佢真係有少少提亮效果，用咗兩三星期，手腳皮膚睇落均勻咗同有光澤感，唔會好似以前咁灰灰沉沉。不過唔好期望會好明顯美白，主要都係改善暗啞同保濕。 以開價產品來講性價比超高，已經成為我每日沖涼後必用步驟！
<看全文>
莓莓好用推薦：💮 Curel浸透保濕身體乳液 💮溫和抗敏・極潤修護 睇到成班敏感肌姊妹狂推呢支 #平價保濕神器 Curel浸透保濕身體乳液，話連BB同濕疹皮膚都用得，忍唔住買支返屋企試真啲！同大家分享吓用後感～ 💥 質地： 同一般濃厚嘅身體乳唔同，佢係奶白色嘅輕盈乳液，一推開就化水，好似同皮膚撳咗個快速補水掣咁！吸收速度超快，搽完那刻已經覺得乾燥手臂有層保濕膜，但係完全唔黏立立，即刻著衫都冇問題！ 🌟 真實用後感： • #甩皮救星 ：試過小腿乾到有白色紋，搽完第二日已經即刻平滑返，冇再「飛雪花」 • #敏感肌恩物 ：皮膚痕癢或者紅咗嘅位置，搽完即刻有陣涼浸浸嘅鎮靜感覺，冇再愈抓愈癢 • #冷氣房必備 ：每晚開冷氣瞓，朝早起身皮膚都依然保持水潤，冇乾燥緊繃感覺 💡 進階用法： ▸ 沖涼後趁皮膚仲有微濕，厚敷一層喺手肘、腳踭，5分鐘後輕輕按摩，粗糙位置會變柔軟 ▸ 如果化妝發現粉底唔貼服，可以混少少乳液入粉底，即刻提升貼服度，打造自然水光肌 ▸ 每晚用兩泵分量由下至上按摩雙腿，連續一星期，皮膚摸落去會明顯滑溜咗 真心推介俾成日覺得身體乳「又黏又立」、「唔吸收」同埋「皮膚敏感唔知用咩好」嘅朋友
<看全文>Kathy Wai好用推薦：前排天氣開始乾，對手腳好似有啲「蛇皮」咁，睇見都嚇親人。本身我皮膚幾敏感，唔敢亂用嘢，見好多人都讚Cruel隻保濕身體乳液，就走咗去買支試下。 一用真係好似搵到寶！首先，佢完全冇香味呢點已經大加分，唔會好似其他嘢咁，一陣化學味焗住好難頂。其次，佢個質地真係好得意，睇落好似係好「水」嘅乳液，一推開就變到好輕薄，好似瞬間俾皮膚吸咗入去咁，完全冇平時用身體乳嗰種黐立立、唔舒服嘅感覺。估唔到咁輕盈嘅質地，保濕力可以咁持久，第二朝起身摸落對腳都仲係滑捋捋，冇再因為乾而痕。 最緊要係，用咗佢之後，我手臂因為敏感而泛紅同痕嘅情況真係少咗。果然係專為敏感肌而設，溫和得嚟又真正做到保濕，以後轉季都唔使驚啦！一定會再回購！ #身體保養
<看全文>
Jeniel好用推薦： Vaseline呢支淡斑精華凝乳，質地係清爽嘅凝乳狀，推開好水潤，吸收得快，唔會黐立立，油肌同混合肌用都零負擔。保濕力唔錯，用完皮膚有種即刻飲飽水嘅感覺。 以咁親民嘅價錢來講，性價比真係高，作為一支日常溫和美白同保濕嘅身體lotion, ok!
<看全文>Julianna好用推薦：我最近試咗Vaseline嘅這款淡斑精華乳，整體感覺都幾好。質地夠水潤，上落去皮膚唔會覺得油膩，吸收得好快。而且香味都幾清新，唔會令人覺得刺鼻。 不過，講到效果，我覺得只係有輕微改善，對於淡斑方面未見到明顯嘅效果。用咗一段時間後，皮膚感覺有少少滋潤，但對於我嘅色斑問題，可能仲要再用其他產品輔助一下。總體來講，性價比唔算高，但偶爾用來保濕都可以。
<看全文>