抗痘 推薦好用產品

Kura好用推薦：值得無限回購嘅一款面膜，袪痘效果真係一流，特別針對初生痘痘，但係價錢偏貴

Jarjar好用推薦：買咗支暗瘡精華送盒cream。幾好用，夠，潤快吸收又唔笠。

Tobimak好用推薦：呢隻Snow Fox出既mask我已回購了最少十次❤️ 我平時習慣將d mask放在雪櫃，敷上面時能做到收毛孔效果。呢隻mask敷上面會feel到有微微薄荷感，但並不會刺激到皮膚，而係有一種清涼既感覺。我有時皮膚會泛紅及過敏，甚至係打完laser，一有呢啲情況出現時我就會敷呢個mask，能即時feel到有舒敏、急救皮膚的效果。

lingbb好用推薦：- 專係修護曬後肌膚，亦適合急救疲倦、泛紅、痘痘、曬後及激光療程後嘅肌膚。 - 網上話佢仲有「Hangover Mask」之稱， - 我自己就會係皮膚敏感太乾燥或者有痘痘時急救敷一敷，使用後肌膚因薄荷成份天然降溫、抗菌及預防痘痘和粉刺；皮膚都變得亮白，白咗一度，好精神嘅感覺

Hannah好用推薦：呢款保濕面膜係我不斷回購啲其中一樣product，溫和保濕，而且pump裝設計既方便又衞生 只需要使用5分鐘就可以做到保濕修護，好啱朝早趕時間用。如果時間稍充足，我會敷耐少少，效果更好 有時做完醫美皮膚痕癢敏感更可以敷佢嚟做舒緩 唯一考慮係價格稍高

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕

SKY好用推薦：因為有段時間用膩了維他命c，想說換一下維他命B好了，畢竟我也挺需要縮毛孔的，所以入了Paula’s Choice 10%和20%的Niacinamide試試。 10% Niacinamide這罐精華質地很水，很好吸收，有淡淡的膠水味？因為它的成分裏面也含有維他命c，也是會氧化變黃的，所以開封後就盡快用完。我一樣用了大概一個半月就用完一罐。 可能是用過Ordinary那罐印象太差，又黏又不好吸收，讓我對這罐一用傾心！說不出來究竟愛它什麼，可能是輕薄好吸收的質地吧，可能是這一個半月以來皮膚的穩定吧，而且膚感是真的好！就一試成主顧了⋯⋯又回購了兩罐！ 不過它對改善毛孔功效不大，20%的會比較明顯，10%比較像是維持住晚上20%的作用的存在。我現在早上的保養是空瓶完維他命B就換維他命c，這樣交替使用。然後晚上用20% B。幾個月下來皮膚都很穩定，會持續回購。

KDing好用推薦：Foreo 呢款面膜機我覺得有提升到平時就咁敷面膜既效果，佢有8款LED光既功效，我最常用都係紅色，可以激活膠原蛋白，配合佢同牌子既面膜用，皮膚係明顯feel到更加水潤！ 其實用其他牌子既面膜都可以，不過會易少少kick住面膜紙，不過問題不大。 整體黎講，用面膜機會令皮膚更易吸收面膜精華，令底層肌膚吸收更多水份，更水潤透亮。有同機同無用機既分別就係80分同100分既分別😹

bearbear246好用推薦：呢部美容儀主打用好短時間敷mask  都可以達到平時敷15分鐘既效果 而且配合唔同既面膜可以有唔同功效 覺得護膚效果唔錯 值得推薦

Nora好用推薦：其實我係禮盒set 一次過買， 係連埋snow fox 小魔球一齊買。 自己本身敏感，好易發紅， 咁我有試過淨係單用依支精華。 單用佢塊臉狀態都好左好多， 起碼係水油平衡左，冇咁易出油， 同埋白左冇咁易紅。

Jarjar好用推薦：爆瘡爆咗幾個月，用好多牌子都唔係好得。買咗個set，一日用3次，依家係好咗啲。

momojessica好用推薦：面部容易出粒粒，用了這支精華後，已經解決到這個問題，用完清爽，不黏面，係夏天救星

Kmggigi好用推薦：皮膚狀況: 冬天乾敏肌，夏天混合偏乾+少敏感 炎炎夏日，混合偏乾肌嘅我有時都會感到T字位有少少出油 同時太過熾熱嘅陽光都會令到兩頰有泛紅嘅情況 呢個時候我就會使用 SkinCeutical 色修精華穩定我夏日肌膚😆 色修精華質地清爽不含油份，流動性十分強 成份蘊含消炎嘅青瓜同埋抗菌嘅百里香， 具有消炎抗菌嘅效果，所以特別適合夏天暴曬之後引起嘅泛紅及出油嘅肌膚 另外佢有提亮膚色，減淡痘印嘅效果 我通常夏天出酒米或者有敏感就會使用佢舒緩面部敏感嘅情況， 持續搽兩至三日就更加會見到酒米消退嘅神奇效果！ 產品效果: 使用前見到膚況不太穩定，面頰有泛紅，出酒米嘅情況 持續早晚使用兩日後，面頰膚色明顯均勻翻，減少泛紅問題，同時酒米亦消退了七成！

Kitty 好用推薦：我本身皮膚偏乾又易敏感，一到轉季兩頰就會泛紅、發癢，真係好崩潰😭。直至試咗SkinCeuticals呢支舒緩修護精華，先發現原來揀啱精華咁重要！ 佢係綠色嘅精華💧，有流動性，推開快速吸收，滲透力強，但我覺得佢其實有少少黏笠。最令我驚喜嘅係鎮靜效果，本來谷住嘅紅同熱好快就退落嚟，成塊面即刻舒服晒。 皮膚敏感時連續早晚用，會明顯見到泛紅範圍縮細咗，膚色均勻返，就連啲手痕擠暗粒嘅位置都好快癒合，冇留低印🤯。皮膚摸落仲軟滑咗，穩定返之後，唔會再無端端起粒粒。 成分安全，冇酒精，敏感肌用得好安心。呢支精華已經成為我梳妝枱必備嘅急救法寶，堅持用落去真係感受到皮膚屏障慢慢變強壯💪🏼。誠心推介俾同樣受敏感困擾嘅sis，絕對值得一試！😍✨🙌🏼

GinGin好用推薦：面膜好貼面，而且用完會降紅，感覺清爽涼浸浸，仲有保濕效果，而且勁多精華素，市面上已經好少面膜係針對暗瘡而設

綺羅香好用推薦：已經用咗兩盒，雖然一早對茶樹無感，不過我仍然好鍾意買嚟用，皆因退紅效果非常好，有次係屋企用完機吸黑頭，全面紅當當，即刻攞一塊嚟敷，唔駛放雪櫃，一敷上面非常冰涼，面膜紙好厚實，好貼面，涼浸浸好舒服，敷完連人中位置都有明顯退紅，日後會長備一盒係屋企

Miranda好用推薦：【質感】 講到質感，呢支爽膚水真係好清爽！佢嘅質地係透明水狀，流動性極高，倒出嚟嘅時候感覺好似純水咁輕盈。上面之後好快就被皮膚吸收，完全唔會有任何黏笠或者悶焗嘅感覺。最加分嘅係佢無香料、無酒精、無Paraben類防腐劑，聞落只有好淡好淡嘅原料味，幾乎察覺唔到，對敏感肌嚟講真係好友好。我呢啲混合偏油肌用起上嚟覺得清爽得嚟又有基本嘅保濕度，唔會好似有層嘢焗住皮膚。呢支 #火熱新品 嘅質感絕對係油痘肌同混合肌喺夏天嘅恩物！ 【使用感】 使用感方面，呢支爽膚水真係好適合我呢啲怕麻煩又怕刺激嘅人。我早晚洗完面之後，就咁倒大約一個五蚊銀嘅份量喺手心，然後輕輕拍上面同頸部。佢嘅滲透力好強，拍多兩下已經吸收晒，唔使等好耐就可以繼續下一步護膚。用嘅時候感覺好舒服，完全唔會有刺痛、發熱或者「那」嘅感覺，就算皮膚敏感泛紅時期用都冇問題。佢嘅設計係專為油性至混合性敏感肌而設，針對油脂分泌旺盛同容易生暗瘡嘅皮膚。用咗大約兩星期，最明顯嘅改善係朝早起身塊面唔會再油光滿面，T字位出油量明顯減少，但兩頰又唔會覺得乾或者繃緊。而且佢仲有預防粉刺同改善粗糙嘅功能，用落覺得皮膚狀態穩定咗好多，冇咁易突然爆瘡或者起粒粒。

Nicole 好用推薦：作為混合油痘肌用了快兩星期，真的很驚喜！質地是清爽水狀，流動性高，輕拍幾下就吸收，完全不黏膩，夏天用超舒服。最滿意的是控油能力，T區出油減少很多，而且持續用能明顯感覺粉刺變少，毛孔也比較乾淨。重點是這款有出補充包，價格更實惠又環保，對每天都要用化妝水的人來說，長期省蠻多的👍🏻 #火熱新品

莓莓好用推薦：【YSL夜皇后精華｜混合肌真實測評】唔靠濾鏡，同你講真話。 我唔係天生好皮膚嗰種人。尤其係長期熬夜——工作、追劇、碌電話，總之唔到2點唔肯瞓。 結果就係： 🔻 T字位狂出油，但兩頰乾到緊繃 🔻 面色灰黃暗沉，化妝都遮唔住嗰種 🔻 下巴粒粒、鼻翼毛孔粗到可以插秧 🔻 摸落粗糙，唔似「皮膚」，似「砂紙」 試過好多號稱「熬夜救星」嘅精華，好多都係得個講字。今次試YSL夜皇后精華，用足一個月，同你講真話。 🥼 質地分析 水油雙層，含夜皇后仙人掌萃取 + 3.4%甘醇酸 + 水楊酸。 搖勻後變成微乳狀液體，流動性高，唔黏稠。 比一般煥膚精華更輕盈，油肌會鍾意。 👃 氣味 清新花果調，帶極微弱酸味（嚟自甘醇酸），但整體高級、唔刺鼻，用完心情好。 ✋ 上臉感覺 推開即吸收，零殘留感。 乾區：無刺痛、無繃緊 油區：無油膩、無焗促 用後有輕微溫熱感（正常，酸類起效），敏感肌請先局部試。 📊 用後皮膚狀況（逐周記錄） 時間 變化 第3日 觸感變滑，化妝更貼服 第1周 鼻翼毛孔縮小，下巴粒粒平復 第2周 暗沉明顯退去，膚色均勻 第4周 熬夜後不再灰面，皮膚透光感提升 保濕力：中等

Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕

Kmggigi好用推薦：Lululun 抗痘淨肌水潤面膜 — 高性價比的日常急救面膜✨ 份量: 呢款面膜性價比相當高，一包有 7 塊， 適合每日使用。 不過因為屬於連袋式設計，開封之後最好盡快用晒， 確保精華保持新鮮同衛生。 質地 & 效果: 面膜入面嘅精華係輕薄水狀， 敷上面之後感覺清爽唔黏笠，吸收得幾快。 需要注意係，如果皮膚上有傷口或者爆痘未癒合， 敷上去會有少少刺激感。 敷完面膜後，痘痘嘅泛紅同腫脹會減輕， 膚況睇落穩定啲，痘印亦會有輕微淡化。 但以保濕力嚟講就比較一般， 偏向功能性而唔係深層補水類型。 總結：清爽不黏笠，適合日常穩痘急救 Lululun 抗痘淨肌水潤面膜以輕盈質地、 穩定痘痘嘅效果同高性價比見稱， 特別啱用嚟做日常急救或者想舒緩紅腫痘痘嘅時候。 保濕度唔算突出，但係想平衡膚況、減輕泛紅， 佢都算係一個方便又抵用嘅選擇。✨

Chloeincosme好用推薦：又回購了呢款面膜！ 🤍 淡印舒緩：4.5/5！最近爆咗幾粒壓力痘，連續敷咗幾晚呢隻Lululun抗痘面膜，真心覺得暗瘡印有淡到～而且冇再紅腫發炎，皮膚穩定返好多，唔會愈生愈多！ 🤍 保濕力：4/5！雖然係抗痘面膜，但保濕度一點都唔弱～精華液量剛好，敷完皮膚水潤飽滿，第二日上妝明顯貼服好多，唔會因為乾而浮粉！ 🤍 溫和度：4.5/5！成分溫和，冇酒精或刺激性香料，就算暗瘡位置有少少損咗，敷上去都唔會刺痛，敏感肌都可以安心用～ 🤍 貼合度同精華吸收：4/5！面膜紙厚度適中，貼面度不錯（當然唔夠一片裝面膜好），精華亦都容易吸收，敷完唔會黐立立，後續護膚都唔會搓泥！ 總結： 如果你又想要抗痘淡印，又驚面膜太乾或刺激，Lululun呢隻Hydra AZ Mask絕對係平衡之選！佢溫和得嚟有效舒緩痘痘同淡化痘印，保濕力亦足夠應付日常需要，價錢親民，絕對係爆痘期間嘅急救好幫手～特別推薦比痘肌、容易泛紅同需要穩定肌膚嘅你！

SUM好用推薦：細細枝10ml，倒出黎係啡啡地，好似用上面嘅涼茶咁，對於面上泛紅幾有幫助，有抒緩嘅效果。另外，面上反覆的痘痘都有少左，不過每次都要倒出黎，分量冇咁易控制，如果包裝本身連埋dropper會更好。

sound好用推薦：好厲害嘅甘草原液！ 十分適合痘痘肌或者敏感肌 ⭐️高度嘅舒緩肌膚功能 額頭泛紅，好似想生痘痘咁，夜晚搽佢，第朝即刻冇咁紅～連續搽幾日，啲痘痘就冇生出黎啦 ⭐️用耐左皮膚穩定好多～ 而家用左三四個月左右， 早晚各一滴溝無印爽膚水用，冇點生痘痘啦 只係，得10ml 黎講，價格唔算好平啊

Cosmeemee好用推薦：#火熱新品 🗓️使用時間：持續使用一個月 💆🏻‍♀️個人皮膚狀況： 混合乾性肌膚，全面易乾而出油 膚色有點不均勻，有少許雀斑及暗瘡印 皮膚有時洗澡後有敏感及易紅約情況 使用產品後沒有任何過敏反應 🔽全面使用心得如下🔽 1️⃣產品質地: 這款精華液的質地非常輕盈,無油光感。滑順易推開,即使在潮濕天氣下也不會有任何黏膩感，並能夠快速滲透進肌膚,基本上1分鐘內已完全吸收。 2️⃣淡/防印效果: 在持續使用一個月後,我發現暗瘡印和色斑確實變淡了不少，使肌膚看起來更加平滑。🔼剛使用🔼一個月後 3️⃣保濕效能: 精華液含有多種保濕成分,能給肌膚長效補水保濕。每日早晚都有用，雖然冇純B5gel咁保濕，但以美白精華來說，保濕效果非常不錯，即使在炎熱天氣下也沒有任何乾燥或緊繃感。 4️⃣低敏配方: 這款精華液非常溫和,不含酒精、香料和防腐劑，是敏感肌也能用的美白產品～ （使用方法:早晚洗臉後，上爽膚水，取適量精華液塗抹於全臉，再上面霜。） 🙌總結評分🙌 低敏程度：♥️♥️♥️♥️♥️ 美白效果：♥️♥️♥️🤍🤍 防班效果：♥️♥️♥️♥️🤍 淡印效果：♥️♥️♥️🤍🤍 推薦程度：♥️♥️♥️♥️

Kelvin好用推薦：Olay PROX皙顏袪斑精華液 從根源防班淡印，具備有「NIA + SDL」專利淡斑配方，穩定黑色素母體，減少黑色素擴散和沈積，有助從肌底淡斑🤗 質地透明珍珠白色，我塊面需要一次用3泵，搽上面大概30秒已經吸收晒，清爽唔黏笠，朝早用都唔會黐立立，仲有啲保濕效果，大部份用都鍾意嘅質地👍🏻 大概用咗1/3，暗瘡印位退得快，用完會塊面白淨咗。但我多年嘅色斑就感覺退嘅效果就唔太見到，但係我覺得可以keep住用，開架牌子又有專利效果針對淡斑嘅精華唔多，希望用落夏天keep住唔好再出咁多斑。 但會提返美白精華，一定要用足夠份量，如果唔係用咗等於冇用

Emily Leung好用推薦：Innisfree 維他命C綠茶酵素透亮精華用後感 我係混合性肌膚，T字位偏油，兩邊面頰有時會乾，尤其係轉天氣嗰陣。面頰有少少早年手痕擠暗瘡留下嘅淡淡啡色印，同埋成日對住電腦，面色有啲暗啞唔夠光，想搵支精華提亮同均勻返膚色。 ⭐️質地 呢支精華嘅質地係 半透明嘅啫喱狀，一推開就化水，好清爽！完全唔會「立痴痴」。吸收得好快，捽兩嘢就已經入咗皮膚，好似無搽過嘢咁，但摸落去會感覺到皮膚有層好薄嘅保濕感。油性皮膚嘅朋友應該會好鍾意，因為真係零負擔。 🍊味道 一打開就聞到好清新、好舒服嘅 綠茶味，唔係好人工嗰種香精味，似係沖緊杯新鮮綠茶咁，帶少少柑橘類嘅清新感（可能係維他命C成份？）。呢個味道好療癒，搽上塊面嗰陣好放鬆，唔會燻鼻。 💧使用感 · 清爽度： ★★★★★ 真心清爽，夏天用或者油肌用都無問題，完全唔會黏膩。 · 保濕度： ★★★☆☆ 對我嚟講，如果秋冬單用佢，兩頰可能唔太夠潤，要再加保濕乳液。但佢主打係透亮，保濕算合格，唔會令皮膚乾。 · 溫和度： ★★★★☆ 我皮膚有少少敏感，但用呢支完全無刺痛或泛紅。不過如果係極敏感肌，最好都係耳背試咗先。 · 後續上妝： 唔會擦膠碎，同防

JZ好用推薦：夏日炎熱潮濕、紫外線強烈，容易誘發皮膚泛紅、敏感、受損，我選用INNISFREE維他命C綠茶酵素透亮精華來穩定肌膚。 這款精華含有高濃度的維他命C衍生物3-O Ethyl Ascorbic Acid（成分表第5位），它有強大的抗氧化功能，可以幫助皮膚抵禦自由基的傷害，維持肌膚穩定性。參考下附圖中成分表，可以見到配方使用了1,2-Hexanediol搭配Pentylene Glycol及Glycerin的促滲體系，幫助提升3-O Ethyl Ascorbic Acid應用於皮膚的透皮率。此外，這款精華含有泛醇、肌肽、煙酰胺、尿囊素、透明質酸、積雪草等修復舒緩成分，幫助維護皮膚屏障，降低氧化糖化等損傷。 INNISFREE維他命C綠茶酵素透亮精華是流動性很高的透明無色液體，質地輕盈水潤，膚感透薄舒適，夏季使用也不會感到厚重油膩或堵塞毛孔，連續使用一段時間後可以看到皮膚白淨、狀態穩定、泛紅過敏問題減少。我本人有多年使用各類維C精華的豐富經驗，相較於我之前使用過的一些原型維C精華，我很喜歡這款精華的原因是在使用它效果不錯的同時，還不必擔心它會像原型維C精華那樣染黃手部、面部皮膚及衣領，也不必

Angie好用推薦：平時用美白產品好容易敏感或者起粒粒，呢款用完皮膚都好穩定，美白同時做到保濕效果

Yanice好用推薦：乳液質地，好保濕，用左一樽真係有白到，而且價錢唔係貴，會回購

ying好用推薦：✨ PAULA'S CHOICE SKIN PERFECTING 2% BHA LIQUID EXFOLIANT 毛孔通暢・皮膚平滑 黑頭粉刺剋星 All Skin Types ✅ 暢通毛孔，黑頭粉刺消失 呢個係2% BHA嘅最大賣點！ 水楊酸係脂溶性， 可以滲入毛孔深處溶解油脂同老廢角質。 用完一段時間， 黑頭、白頭、粉刺明顯減少， 毛孔望落乾淨清爽。 ✅ 平滑膚色，皮膚變細緻 唔止清毛孔， 皮膚整體質素都會提升。 表面粗糙嘅感覺消失， 摸落去滑溜咗， 望落有光澤。 ✅ 質地清爽 水狀質地， 好輕盈，好快吸收。 唔笠、唔黐， 夏天用都舒服。 ✅ 用法簡單 洗完面，拍上臉， 等吸收就可以後續護膚。 唔需要洗走， 好方便。 ✅ 對抗暗粒／閉口好有效 好多用家分享， 下巴、額頭嘅暗粒（封閉性粉刺）， 用完之後慢慢平咗、消失咗。 #PAULASCHOICE #2BHA #SKINPERFECTING #寶拉珍選 #水楊酸 #黑頭粉刺剋星 #暢通毛孔 #平滑膚質 #化學去角質 #skincare #hkbeauty #會回購

Lydia好用推薦：Product: Paula's Choice 2%水楊酸精華液 呢支精華液係我專門買嚟對付暗瘡同粉刺問題嘅(一直都受嚴重暗瘡問題困擾)，用咗大概兩三個月左右。 質地同使用感：佢係流質嘅精華液質地，有少少似爽膚水，拍上臉之後吸收得幾快，唔會笠痴痴。因為我一向都有用開酸類產品，所以直接用呢支都冇出現敏感或者刺激嘅情況，但有時天氣好乾燥嘅話上面嗰下會有少少揦。 抗痘效果：用落最明顯嘅感覺 係塊面真係平滑咗同緊緻咗。尤其係第二日起身摸塊面，會覺得皮膚冇咁粗糙，毛孔睇落好似冇咁明顯。暗瘡同粉刺嘅生長速度感覺上慢咗，就算生都冇之前咁嚴重，復原得比較快。暫時用過咁多抗痘類產品呢支係令我最有感嘅。 不過我都聽過朋友講，話呢類產品用用下效果會冇一開始咁明顯，或者係用得太密可能會令皮膚屏障受損。暫時用咗兩三個月嚟講效果都仲keep到，但都會繼續觀察皮膚狀態，睇下有冇需要調整用法。 總結：整體嚟講，我覺得呢支精華液對改善暗瘡肌膚同粉刺問題係有幫助嘅，特別係用咗之後皮膚變得平滑同緊緻呢點幾明顯。但係用嘅時候真係要注意頻率同皮膚反應，可能唔好一開始就用得太密，等皮膚適應咗先慢慢調整。